WEEKEND MESSAGE

Kawlgam sungah SDA te nam thum om hi cih gen khin hang. M a ci teltal, C a ci teltal leh a kaingawi pawl hiphot hi.A kaingawi pawl in bel kilem kik thei in kigawmkik thei leh deih uh hi. M leh C te zong ut uh hi. Ahizongin hih buaina in, Background History lian leh kip na nei khin ahihmanin haksa sa uh hi. Ui lah hisam lo, bang hang hiam cih leh ui bek in a luaksa ne kik kici.
Ngal hapaksa tum kik ngeilo kici, tua mah bangin C te lah khawl sawm lo, M te in lah a muh dan uh kibang den lai ahihmanin

kipasal sak tuakna tawh amasuan tek uh zomzom tek lai uh hiphot.

Akaingawi taktak pawl in bel C lah hilo M lah hilo SDA  khat kiphuan henla a langnih tuak hong kigawm le uh lunggulh napi alangnihtuaka te' muan ngam ding pawlcing zo lo zel cihdan hi toto kipan ngam lo. C leh M in lah  amau side tek pan base lasa vive a thu  hoih gen kidemdem pong ahihhangin theihsa vive asiasa vive phawkkik kikna ding suak toto.

Thu khat hong gingkhia, tua pen Spicer sangnaupangte in maa laak hong kipan ding ci, lungdam mahmah hang. I gensa bangin pawlsung buaina pen a background history na kip lua khin, na lian lua khin ahihmanin hun sawtpi la-a lungduai taktak leh side la sa lo palai kisam mahmah dingin  um ing.

Spicer Zomi Sangnaupangte zong khangno lai vive ahih uh hangin side la lo-a tua bang palai hong hih theih dinguh lamen hang.

A thubulpi penah kipumkhat ding i lunggulh tek hi. Tua ahihmanin kigawmkik zawhna ding lampi anuai-a bangin a om thei diam? 

1. Tu-a C te SDA Official Conference  in sanna ding lampi a om hiam? Tua hileh UMM in Conference ngah takpi leh kigawm thei ding hi.  

    A tua lah lampi om lo hi cih tawh dawn ding hiphot ahih manin...

2. C te khempeuh M ah sumpi gawmkik phot in M te tawh C ngenkhawm ding hi leh e?

   Tua zong C lamte in muang ngam tatak lo uh. Bang hangin maw?

3. 2002 a kipan tu a C te hong buai pha toto in hun hong paipai in M lamte in tu a C te pen a tuh( phuahtawm) hi.

    C pen deih leng deih kei leng 2005 teh hong kipia ding hi. Hoihtaka ngak ding hi, cinapi tu dong M te in zong Conference ngah tuan nailo mawk!

4. Tua hi leh bangci bangin hih unau belkang kituhteng kipumkhat kik thei ding hiam. Tu a C te zolzol kul nawn hiam? Iluaksa duh kik ding maw cih hong hita!!!

    Hi gamhgamh sam lo e. Lungduaitaka hun sawtpi mah la-a lampi zon kul hi.

5. Tua ahihmanin lampi manlo tawh hiciang tung cih cih te sutsut nawnlo in, kikoko nawn lo in, tulaitaka Adventist World Church tawh a kizom M te in C ngah peuh leh a gina akician, Conference lunggulh taktakteng tua akingah Legal Conference of Upper Myanmar ah zolzol kullo in hong kigawm ding uha tawldamna leh lungnopna, Khantohna leh picinna a banban in kingah to ding hi. Tua taka hong kigawm nuamloteng pen pamaih sak taak ding hi nawnlo ding hi.

6. Tua hi leh M te in zong aman lo Conference a deihlo hibeka a dik aman Conference pen a deih taktak ahihlam uh hong kilangta ding. C lamte in Conference langpang acihcih uh hong maizum huaita ding hi. Tu a Conference te zong atuama ding nuam ahih leh hih loh hong kitelsiang ta ding. Genciancian, genteltel, kimawhsaksak cihte kisam nawnlo ding hi.

7. Tu- a akihawlkhiate zong deihlo a kihawlkhiasa ahihteh ( ahihkeileh) Adventist World Church ah thu nei nawnlote hita uh a hihteh Conference man leh dik ngahna dingin kisam lua tuan khol ilo ding hi. Amimal ( kha vei taktak) i hih leh hih a tunga lampi tawh kigawmkikna piang thei dingin ka um hi.

Kawlgam sung Pasian nasep ding pen 1988 hun leh 2004 lai hun khawng hinawnlo a i gam zong Democracy hong hita sam ding ahihmanin C mantak i ngah theihna ding UMM SDA mimal khattek ii masuan ah kikoih thei ta ding hi. Tua in akitamsa pawlpi hong gawmta hong kipumkhat sakkik ta hen.  Veina bekmah tawh hi e.

Written by Cinpu Will Sol