PHOTO KEP ZIA LEH EMAIL AH UPLOAD DAN

Leitung ah athupi pen cih omlo aa, a thupilo pen/athuneu pen cih zong omtuanlo hi.  A theite ading ol mahmah aa thupi loin, atheilo te ading hamsa in thupi hi.

A thupi lo tawh aki bat hangin i buaipih theih zel ahi Email ah Photo tampi  upload theihlohna ahi hi. A hangpi pen in photo file size lian lua, gik luatna hang hi pen  hi.  I theihsa mah bangin Personal Gmail ah 10 MB sang atam zawlo, agik zaw lo, alian zawlo file te ki attach thei ding aa, Google Groupmail te ah 5 MB sang aa gik/lian,tam zawlo file te ki upload thei ding hi.  Kawlgam ah website khempeuh aki et kim, zat kim theihlohna  dingin Internet Connection Kumpi nasem te in control hi.  Tua hangin File lian,gik te loading bawlna hun tampi la in kibuai pih hi.  

Hih tawh kisai in sep leh bawl dan ding nam tuamtuam om ding aa Solfware zong nam tuamtuam om ding hi. Google Account nei khatin Picasa Web Albums: free photo sharing from Google tawh photo, video, sound ect., te hawm sawn thei ding hi.  Download theihna http://picasa.en.softonic.com Yahoo Account nei khat in, Flickr free photo sharing from yahoo zangh thei hi. Account bawl nuam te'n  http://www.flickr.com Hih web album te ah i computer sung aa om photos file te upload i bawl khit ciangin a weblink bek mail, groupmail te ah share ziau leeng  lem mahmah hi.  A zangh tam hi.

Photo size khiapna zong Digital Camera pan leh Computer sung pan in ki khiam thei ding ka um hi.  Camera pan in Option, Setting, Image Size ah 120x16 pan 1200x1600 ah deih bang in ki adjust thei kha in um ing.  Camera nam khat leh khat Function ki banglo thei hi.  Computer sung pan Photo size khiapna pen photoshop software pan ki sem thei pen ding ka um hi.  Computer, Software, Hun nei in toktok leeng ei zat khop ciangciang mi kim in kithei zo lua hi.

A zenzen in i theih loh khat pepeuh i theihnop leh a theite tung ah maizum lo takin dot masak ding kisam leh thupi kasa hi.   ZAC sung ah athei asiam mi tampi kiom ahihmanin i hamphatna zangsiam in theih lawh, siam lawh huai hi.  Ka nuntakna ah sum beiin ka sinna sangin, atheite tung dongin ka hihtheih tam zaw hi. ေမးဖန္မ်ားစကားရ na ci sam uh hi.

Photoshop lam asiamte in groupmail sung ah tawmtawm hong hawm sawn zelzel leh kei zong ka ut mahmah hi.  Pilna, Siamna, Theihna hawmkhia leeng, Pasian in hong piakbeh zaw hi.

by-Thangta
...................

Kei zong Photoshop ah File size reduce na khat hong hawm ning, a thei khin zong om ding hi. A hi hang kei bang web ah images/photos te upload ciang in ka zat dan hong gen nuam ing.

1. Photoshop ah na man koih in la, File > New pan a hi zong, a om sa Man pan Image > Image Size pan na deih zah size la in. A hoih Khat ah Image > Image Size pan hi leh Scale pen Width ah na pia den mah in Height ah Auto adjust khin hi.

2. Tua Na man ciang in, na Save tak ciang in, Save as zang lo in, File > Save for web (Alt+Shift+Ctrl+S ) ah pai in, Na deih file type Like JPEG, PNG, GIF...etc ah choice in a nuai ah High, Medium, Very high, Maximum cih na deih khat tel in, tua te pen man in Quality a hi hi.

Hih pen atam zaw in zang khawl lo hi. Hih Save for Web pen Na Camera pan na zaih man in information teng zong mang sak hi. 

Man te pen Na Camera i a nam, a zaih ni cih te pen man tung ah ki lang in tua pen software nam khat pan ki en thei hi, tua a hi man in, photoshop pan bang tua information te delete nuam leng Save for Web pen a hoih pen hi.
by-Thawn.