Wednesday, October 14, 2009, ni aa Sia Khen in Kale Court Update cih thulu tawh hong gelh khiat lai sung ah Conference te in General Conference of Seventh-day Adventist in leitung bup SDA pawlpi leh GC khut nuai aa kipawlna tuamtuam
aa zat ding aa a bawl uh Logo a zat man un kumpi sung ah kitutna thu hong gen khiatna ah "Pr. Ngo Khaw Nang in Kai Za Dal le Kham Khen Paute LOGO zangin mikhem nadingin zang cih akhiatna CASE FILE REG. NO 926/2007 TAWH KISAI: Kai Za Dalte in LOGO pen Upna tawh kisai hia, leitungbupah Conference le Mission in akibanga azat hi acih uh hangin, Amau phuatkhiat Conference pen Recognization omnailo hi. Kawlkumpi in 1988 Nah Wah Tah Upadi Amat 6/88 ah biakna bek semte registration kullo ci ahih manin Conferencete pen biakna bek sem in 2004 in kikhen khia uh REGISTRATION KULLO cih kidawk hi. Myanmar Union Mission pen 1948 pan Stock Exchange Company ah Register bawl hi. Tua hun akipan LOGO azat uh cih kidawk hi. Working Policy ah "Current Yearbook" a omteng in zang thei ci ahihmanin, Conferencete Current Yearbook-ah list om nailo hi. TUA AHIHMANIN HIBANGA AZAT UH PEN MIKHEM NOPNA LE TELKHIALH SAK NADINGIN ZANGUH CIH KIDAWK HI. TUA AHIH MANIN KAI ZA DAL LE KHAM KHEN PAU TE IN PITMUH SAIZA POHMAH 469 PEN 463 LE 465 ZUIIN PALSAT AHIH MANIN, THONG NIKHAT LE SUM TEIN KHAT TUAK LIAU DING HI ci in thukhen hi." ci in ZomiSDA@yahoogroups.com sung ah a hong suak sak khit ciang in thu te a siiangto hanhan dingin kalametna Sia Khen kiang ah October 25, 2009 ni aa ka lai khak a nuai aa peen a sim khin ding iin hong lamen ingh.
[Cidam iin Kale Court Update a khatna (October 12, 2009) leh a nihna (October 14, 2009) thu khensatna thu te a kicing thei peen leh a tom thei peen in nong khah khiat te tu ni iin na sim man pan ingh. Na gen zum thu teng a veng petpet ding hong suak sam ahihmanin lungdam mahmah hangh. Topa' gam ading aa zat dingin Topa a it a muang te in a ngah sunsun uh sum leh paai tawmno te lak pan sawm aa khat leh sum pi a piak te uh kumpi ulian te, thukhente, leh lawyer te vaakna iin a ki nei den keei te a hong kiam tuam ding ahihmanin Mission te sung hita leh Conference te sung hi ta leh mai lam ah Pasian deihna tawh kituak zaw mun te ah sumpi te a kizang zaw ta ding iin na lamen ingh.
A thu tuamtuamte lak ah thukhenmaang te ii hong khensatna ah a lang leh a lang ah zawh sak lelh sak nei tuak ahihmanin a zo zawzaw in a zawh nana ah lungdam ding cih bel theihsa hi. A kua kua na zawhna lam ciat uh ah hong lungdampih ingh. Ahizongh'n hih leitung aa gualzawhna peen a lungdam huai ahih tei hang iin lungsim tawng dong aa a mu sinsen Topa Pasian thukhenna ading a kua a kua in thuk ngaihsut leh deih huai sa mahmah ingh. Ni tawpni ciang lungsim tawh ngaihsutna khempeuh a mu a thei Topa Pasian in koi thu ah kua zo sak ding or a kua zaw a vekpi aa zo sak ding or a kua zaw a vekpi aa lel sak ding, a nih vua lel sak tuak ding maw cih bel thei khang. Pasian thukhenni ciang in Topa'n a koi ci khen tam zaknop huai iin ngaklah huai peuhmah sa ingh.
A dangdang te bel kei kihel kha lo kahihmanin gen vet iin hong nei kei ning. March 13, 2006 ni, nitak nai 4:00 pawl aa Sia Kai Dal te inn aa Conference makai pi teng leh Pu Sangchia, nang leh kei tawh ih kimuh khawm tungtang aa logo vai meeting a kah khempeuh te mai aa ka genkhiat, Sia Khen aw a phawk laai ding in hong lamen ingh. "Hih logo peen tua bang aa ei zat mawk theih ding hi kei, zat sak kei lengg hoih zaw ding hi" ci aa kong gen khiat ciang in a nuai aa #2 na sung aa na kigelh bang tekk iin Sia Dal in hong gen keei ciang in Logo, trade mark, intellectual property, cih te tawh kisai a luan zia a tel lo ih hiam or a langpang nuam ngiat ih hiam ci aa lamdang ka sak giugiau den mah hi. Tua bang pian vive mah iin ZomiSDA Group mail sung ah zongh a gelh zeuhzeuh mu zel ingh. Hih peen mercantile law, business law, commercial law, etc. te a om zia a thei te a ding aa kitel selsal keei na pi'n Conference makai mipil mi tei tampi te sung ah a bang in or a kua in hih te ciangciang hong tellah sak hiam cih lamdangsa ingh.]
January 12, 2010, ni iin Khai Mok in ama zak bang iin SDAgroups mail sung ah [“Hih Logo vai zong Kawlpi District Court thu khen pa in "Zan khat thong kiat leh Sum Ks tul 100" Degree a khiat sa hi napi, Tayalu (mission) te' lampan lungkim nai lo, Division Court ah kah to in Mong Yua Division Court thukhen zum thu khenna tawh "Thong (Jail) kha 3" kiat ding thupia hi. Tua tawh ki zui in Taya khan Siapi Kai Za Dal leh Kham Khen Pau te pen tu laitak Kawlpi "A kyin thaung" Ein Daing Lay ah om uh hi. Ta Ya Lu ahi Mission te' lampan in hih kha thum degree tawm sa lua in "a tawm pen kum 1½ pan kum 3 bang hi theilo ding hiam?" ci-in a complain uh ciang in, Division thukhen mangpa' kiang a gen uh ciang in, thukhen pa'n hih thu pen tua zah ta lian lo hi na ci ahih man in Ta Ya Lu te lungkim lo in Central (Baho Yangon) thukhen zum ah kah lai ding geelna leh hanciamna nei uh. genkhialh, zak khialh a om leh ki zasak tek ni.”] cih ama zak bang dan iin sincere tak iin hong gelh khiat ciang iin Mission te zongh khawl lel lo aa, sawnsawn aw, ka cih kawmkaal pawl khat te in a lungkim lo aa a kahto masa Conference te hi zaw cih khawng hong gelh a om zel ciang iin khangluui tangthu suut lah hi buang lo aa Zomi te a koi ci bialbual ihia, tel mun meel om kei si ee, tu mah aa thupiiang nangawn ei deih dan tek aa kai aa mi a khemkhem te tawh kibang siang ee ci in ka nadah mahmah hi.
Tua kawmkaal ah Sia Lam Cin in January 2, 2010 ni aa Sia Dalpu a lai khak: [“Kham Khen leh Kai Dal thong kiatna tawh kisai Mission te mi gito pi ong suah zel uh. Myone pan Sum. ks. 100,000 tuak leh thong ni 1 pen a mau lungkim lo aa, Khazaii (District) a kah masa zaw uh hi. Tua pen ei zong Division(Monywa) ah kah to vet hi hang. Tua ciang in Monywa pan kha 3 thong khiat ding ong khensat leuleu uh hi. Tun zong Mandalay Court ah kah to leuleu uh hi. Bang ong cici tam bel gen thei nai khang. Ka cihnop na ah ei ni khat thong khiat lung kim lo aa, kah to dan in ong gen zeluh. Thong kha 3 lung kim lo in Mandalay Supreme court ah kahto cih dan in ong gen zel uh hi. A mau kah toto in a mau nung a kizui to to hi zaw cih ong dong a om leh gen ni.
I gen siam kei leh a mau lai at dan zong a hi ding ong bat dektak na khat om hi.
Thongkiat hawm thawh aa, ki khia toto hi het lo a hih na a gen nuam hing.”] lai ka muh ciang leh Sia Dong Bawi in “Sia Lamcin leh Sia Khual phone tawh ka hopih a Sia Lam Cin at ahih lam hong gen uh hi. Sia Lam Cin a dong nuam te in a phone number +95-85-29779 hi.” ci in January 9, 2010 ni iin hong gen sinsen ciang iin hih Sia Dal leh Sia Khen te thong kiat vai aa zum kitut behbeh zia peen thumaan a mu tel zo ta kahihmanin ka lungdam mahmah hi. Thumaan a deih takpi net member te in zongh tel sinsen ta ding cih ka muh teh hoih tak aa confirmation a hong bawl Sia Dongbawi tung ah zongh lungdam ko ingh.
Thu dang khat ah ka ngaihsut kik ciang iin Pasian pawlpi Mission a ding or Conference a ding deihsak luat na tawh Pasian min bang zangh kankan iin ih ZomiSDA@yahoogroups.com sung leh Zomi-Adventist-Communication@yahoogroups.com sung aa Zomi SDA pawlpi mi bup mai ah zuau thu a gen ziahziah ngam khawng a om ka muh ciang iin dah huai ka sa mahmah hi.
Itna leh deihsakna takpi tawh March 13, 2006 ni, nitak nai 4:00 pawl aa Sia Kai Dal te inn aa Conference makai pi teng leh Pu Sangchia leh Sia Kham Khen te tawh ka kimuh khawm tungtang vua SDA logo vai meeting a kah khempeuh te mai aa ka genkhiat hun iin itna leh deihsakna tawh Conference makai pi teng kiang aa thumaan ka gen te hong saangsiam uh hi leh Sia Dal leh Sia Khen tu ni iin thong kia lo ding aa $100 ciat zongh kidon ngei ngai kul lo mah ding hi ven. Thumaan a gen aa ei deih bang lian a gen lo mi khat peuh hong langpan dan aa ih tuat ih seh den peen a hoih het lo ahihmanin a tel thei tek ta ding iin hong lamen ingh. Kawlpi aa March 13, 2006 aa ka maan lak thum te hong belh ingh. Na et sak un.
Zomi SDA pawlpi mi a kici ei tawmno khat teng in ei deih lam peuh ih huut nop man lel leh ih gualzawh nop man peuh iin khemna leh zuauphuahna ih zat ekek peen Pasian Khasiangtho makaihna hi lo ding ahihmanin thumaan thutang a lunggulh takpi te in khuadak hun mahmah ta hi. Thumaan gen iin Topa’ kiang zuat ciat ni. Thumaan leh zuau a khentel thei ciat ding iin Topa’n a kua maciat ciimna hong guan ciat hen.
Itna leh deihsakna takpi tawh,
Mungno Gualnam
Riverside, California
No comments:
Post a Comment