ZOMI ADVENTISTS: RAYO pan RB (Written by Daltawng)

THU MA KAI

I. Khamtung gamah S.D.A. Thumaan taangkona a hong tun zawh a sawt lo in, gah masa a ki ci dingte leh amaute sung pan in, mailam Pasian nasepna a taang! zaisak semsem thei dinga, a ki piazo, a hanciamzo sangnaupang tam simsim ong om theih hun ciangin, tua te lak panin, a sangkah laitak mah un Pasian

na sepna bangci leh mavang taang! zai thei pen ding hiam cih ki kupna te a hunhun in ong nei thei liailiai zel uh hi.

II. Khamtung mite S.D.A. biakna sangkah theih na pen, Kawlgam sungah Myaungmya khawng, Taungoo khawngah om a, gam pua ah Poona khawng Manila khawng ah om hi.

III. Hun masa lam gamsat cilna lam khempeuh bat zawh bangbang a nawkdingin Myaungmya, Taungoo sang tuakte zat tang! zang! in ki nei a, nasep nate a tang! zai! zaw leh a pi!cing sak zaw dingin, Poona Spicer Memorial College khawng Manila College khawng pan a ong tuak khangno thahat mipil laisiam te ki lung-gulh in ki thamuan ciat hi.

IV. A pawlpi uh leh vai phu masa te in tua bang a muan tek uh ahih ban ah, a mau zong lungtu-uh a, Pasian in hong tawsawn sak lai ahih man in kum 1979 kum pan in Spicer Memorial College a kah, Tidim mi S.D.A. sangnaupang te lak ah pawlkhat in kamdanga ki gelh lahoih no no te Tidim kam tawh sak khiat theih dingin a tup tup uh ong ki pan khia thei ta uh hi.

V. Sangnaupang lah ki behlap semsem, a lungtu leh a kiva lah hong tam semsem ciangin a deihna te uh ong thusuak semsem a, kum 1979 kum ciang in amau tupna banga, pel-lo-a, a mai nawt na ding un THE REMNANT ADVENTIST YOUTH ORGANIZATION (R.A.Y.O) ong phuan khia uh hi. ( A mau teng sungah, a nuai a bangin pan mun kiseh in nasep kipat hong sawm uh hi.

v President Mr. Thang Khan Dal

v V. President Mr. Thang Lam Tung Pau

v Secretary Mr. Kham Khan Lian

v Ass. Sect. Mr. Gin Dal Lian

v Treasurer Mr. Dal Khan Mang

v Advisor Mr. Kai Za Dal

Mr. Pau Za Khan

v Music & song leader

Mr. Gin Lian Pau

Mr. Gin Sian Mung hi a, a dang sang naupang teng member hi pah uh hi.)

** Hih a tunga bold aki at (R.A.Y.O) panmun lenteng pen, hihthu ki at dingin information piate in hihlai hongbawl khia, Pa Mang Za Lian kiangah na pia kha lo uh ahih manin, hong guang thei lo a, tun hong ki guang thuah hi.**

VI. Hih R.A.Y.O. in a nuai a teng sep khiat dingin ong seh khia pah uh hi.

(i) Thuhoih thugun kigelh na laibu hoih no no te ei kam tawh sim theih dingin tei ding hawm khe ding.

(ii) Kam dang a kisa la ngaih no no te leh la tom no no te ei kam tawh sak theih dingin, tei ding hawm khe ding.

(iii) Mi nam vai te-ah ki sam lo pi-a thuak siat na pan kihut na ding.

(iv) Cina luna cimawh zawngkhal kua mah peuh ki huh diam diam na ding.

(v) Sang kah na, ki kholhna, vakna, ciahna, heksuk hektoh na te ah pumpi kep siam na, minam ki-it na, Pasian min zahtak nate khempeuh lungtup na tawh kal suan ding.

(vi) A kisam bang a zat theih dingin sum zong kidong ding, kem ding, zang ding.

VII. Hih R.A.Y.O. in a ngaihsut sa mah bangin la hoih no no dawng (50) khawng kai khawm a a nei zo pah dingin a nuai a min a om teng ong diang khe pah uh hi.

1. Mr. Kham Khan Lian M.Com. (Tedim)

2. Mr. Gin Lian Pau B.L.A. (Khampat)

3. Mr. Gin Dal Lian Ph.D. (Tonzang)

4. Mr. Gin Sian Mung M.Com. (Tedim)

5. Mr. Kai Za Dal M.Ed. (Tonzang)

6. Mr. Thang Lam Tung Pau.B.L.A.(Tedim)

7. Mr. Thang Khan Dal B.L.A. (Tedim)

8. Mr. Dal Khan Mang B.L.A. (Thangzang)

VIII. Hih tengin hih kipawlna ong neih khiat khit ua kipanin, kipawlna R.A. Y. O min tawh ahi zongin, amau ciat ai tuam vai mah mah in ahi zongin, hong hanciam to to uh a, sang kahna pan ong tuah khiat ciangun zong, a tup cil teng mah uh, koi mun koi mun cilo a, a sep nadinguh, ahun azia leh, amun leh mimalte pai dan te ong en gige uh hi.

IX. Kum 1976 pawl mahin Tiddim gamah zong a min kiphuak tak tak khol lo, kipawlna khat kiphuan khia a, S.D. A. pawlpi kiphuhna mun tuam tuam pan a makai zaw deuh teng kikaih tuahna khat hi-a, a nuai a teng kihel uh hi.

1. Saya U Phung Kai. Tiddim SDA Pawlpi.

2. U Sian Cin Zam. …….do………

3. U Khual Za Nang. Ngente Pawlpi.

4. U Hau Do Lian. Mualkawi.

5. U Tuah Za Lian. Kawlpi.

6. Saya U Mang Za Lian. Tonzang.

X. Hih tengin a nuai a ngimna teng tawh pawlpi mibup leh nasep masuante panpih zawh nading nakpi-in hanciam nuam uh-a, tua han ciamna te tampi tak mah thusuak sak zo gawp uh hi.

1. Siate pan mun kipiak ciangin, a mun leh a mi a kituak thei bel bel in ngaihsut na ding . (Gam thak nawk ding a hoih, a puksa mi te phong kik ding a hoih, pawlpi kip khat a kem ding a hoih cih bangin ki-en cian leh deihna hi.)

2. Pawlpi leh Siate kimatna, kizopna-ah a dal tan thei khempeuh pel ding.

3. Ki makaihna, ki-ukna a dawl dawl te-ah ei ong tel theih zawdeuh te leh, kizopna a nok-khak om lo sak zaw deuh te en telin koih ding.

4. A hoih nasepna khempeuh-ah, bang hun bang hun ci lo, koi mun koi mun ci lo. kua tawh kua tawh ci lo, haksa hi baih hi ci lo-in pawlpi mi khempeuh leh Pasian’ nasem sia te khempeuh, khut khat khe khat kisuah in sem ding.

XI. THE REMNANT BAND. (R.B.)

1. Kum 1983-1984 kum huam February kha ciangin Tonzang gam Zampi khua-ah Tiddim, Tonzang gambup S.D. A. kikhoppi ong tung hi.

2. Tua kikhop-phual a pai pawlpi mimal bup mahin, Pasian nasepna kilawp tek law mah mah ahih manin Sabbath ni-in an tan thunget a nei nuam teng ciah khe nawn lo in, thungetna kinei hi.

3. Pasian tungah mawhna pulakna, lungdam kohna te nei-in thungen khempeuh khutui naptui luangin Topa kiangah ki-apna kinei hi.

4. Pasian nasepna ah ong gawm tuah thei ding kipawlna khat neih ding a lunggulh upa thu ngaihsun thei zaw deuh pawl khat kiteel khia-in, Zampi khua pawlpi mi inn khat ah kikhupna ki nei hi.

5. Tua kipawlna min dingin: (i) Pawl’s Band; (ii) Michael’s band; (iii) Daniel’s Band;

(iv) The Remnant Band; hih teng a thu kicingin Sia Gin Lian Pau te Sia Thang Lam Tung Pau te-in mipi te tung ah tel lah uh hi.

6. Ih Pawlpi mah mah pen The Remnant Church a kici sa-ahih mah zui-in tu a ih Pawl min ding zong THE REMNANT BAND mah ci leng ci-in a tamzaw in na kipsak hi.

7. Hih vaihawmna khempeuh ah ong theih pih, ong deih pih, ong kup-pih, ong hilh tel ban-uah ong thukimpih Sia te a nuai a bang teng a hi-uh hi.

(a) Upper Burma Section panin Pastor Zen Do Lian.

(b) Tiddim Gambup Circle Leader Pastor Lang Sawm Mang.

( c) Tiddim Gambup Sia teng khempeih.

8. Hih kipawlna min nuai-ah Pasian’ na sepna te a manlang thei thei leh a tang’ zai thei thei in kinei pah nuam ahih man in a makaipi ding te zong kiteel pah a, a nuai a bangin panmun te kinei hi.

(a) President: Sia Gin Lian Pau. B.L.A. Khampat Pawlpi.

(b) Vice President: Sia Neng Do Lian. Ngente Pawlpi.

(c ) Secretary: Sia Thang Lam Tung Pau. B.L.A. Tiddim (Sakollam) Pawlpi.

(d) Treasurer: Sia Sian Cin Zam. Tiddim (Sakollam) Pawlpi.

(e) Auditors: (i) Pa Vungh Do Thang leh (ii) Pa Vungh Za Do. Zampi Pawlpi.

9. Hih teng mah makai pah in, gospel pai kawm , nasep nading sum zong kawm ding in a kipia zo zo, a pawl zo zo teng tawh kuan khia uh a, Pasian thu genna khempeuh ah Sia Gin Lian Pau in gen a, sum vai khempeih ah Sia Thang Lam Tung Pau in han thawn in, sang in, zang in, a kem uh hi.

10. Kum 1983-1984 kum a ding in R/B tangthu sung ah a masa pen GOSPEL a kici dingin hih a nuai a min om teng ong diang khia ta-uh hi.

(1) Sia Gin Lian Pau Khampat

(2) Sia Thang Lam Tung Pau Sakollam

(3) Pa Sian Cin Zam Sakollam

(4) Pa Neng Do Liam Ngente

(5) Pa Vungh Do Thang Ngente

(6) Dong Cin Mang Lezang

(7) Thawng Khaw Kam Mualkawi

(8) Pau Za Khan Sakollam

(9) Tuan Lian Mung Anlang

(10) Thang Go Khai Thalmual

(11) Pau Suan Thang Lezang

(12) Luan Ngaih Vung Anlang

(13) Cing Khan Nuam Sakollam

(14) Zo Sain Man Thalmual

(15) Dim Khawm Thalmual

(16) Kham Mun Sawm Cing Lezang

(17) Niang Sawm Cing Sakollam

(18) Ciin Lam Dim Anlang

(19) Niang Lian Cing Sakollam

(20) Suan Ngaih Lian Thalmual

(21) Thang Za Suan Zampi

(22) Tun Go Cin Thalmual

(23) Thang Za Mung Thalmual

(24) Luan Khat Man Anlang

(25) Niang Lun Vung Sakollam

11. Hih a tung a Gospel pai tengin a nuai a khua teng va ban kim uh hi. (1) Tiddim (2) Lezang (3) Anlang (4) Gamlai (5) Tonzang (6) Mulpi (7) Mualkawi (8) Phaitu (9) Cikha (10) Zampi (11) Talek (12) Tuitang (13) Ngente (14) Thalmual (15) Laitui (16) Kaptel (17) Lunmual (18) Lawibual.

12. Masuan Khempeuh ah Topa Pasian Pan pihna kingah ahih manin a kingah Kha (70) te, hih gospel te nung deuh mah a, a zui pah Pastor Zen Do Lian leh Pastor Lang Sawm Mang te in tuiphum pah ziah ziah uh hi.

13. Kum 1983-1984 Gosgel a nih vei na zong kipai leu leu a, Kawl zang lam leh Gospel masa lai a phak zawh nai loh teng va ban kim leu leu uh hi. Hih Gospel paina ah Sia Gin Lian Pau, Pa Sian Cin Zam leh Pa Neng Do Lian te makai-in a nuai a khuate va pha kim uh hi.

(1) Tiddim (2) Lunmual (3) Kaptel (4) Suangzang (5) Heilei (6) Laangzaang (7) Saimun

(8) Buan (9) Thuklai (10) Buanman (11) Laibung (12) Sing-unau (13) Tahan (14) Kalemyo (15) Vutbuak (16) Pyidawtha (17) Chanthagyi (18) Letpanchaung (19) Tuingo (20) Dimzang (21) Sial thawzang (22) Phulmawi (23) Sing-gialzang (24 Sawbwa (25) Tuikhal (26) Nankate (27) Khampat (28) Tengkaza (29) Bohkan (30) Tamu (31) Sakhangyi (32) Kyikone

(33) Saihkhin.

14. Kum 1983-1984 kum Gospel pai masak hun in zat tawm ding sum kinei lo ahih manin Pa Sian Cin Zam in a kisam bangin na pan pih aa, zasagih val na bei hi, ci-in kiciam teh hi. (TOPA in na dip kik sak nanteh cih lametna kinei hi)

XII. MABAN ZOP NA VAI TE

1. Kum 1984-1985 kum ciangin nasepsa maban ki tatsat lo-a, azom suak dingin a nuai a makai teng ki tel hi.

(1) President: Pa Pum Za Lian Kalemyo

(2) Vice President: Pa Sian Cin Zam Tiddim

(3) Vice President: Sia Gin Lian Pau Khampat

(4) Secretary: Sia Pau Za Khan Tiddim

(5) Assistant Secy.: Pa Khual Za Nang Kalemyo

(6) Treasurer: Pa Vum Za Dal Sing-unau

(7) Asst. Treasurer: Sia Thang Lam Tung Pau Tiddim

2. R/D nasepna khempeuh hun bit a zat theih dingin- (i) Sia Gin Lian Pau (khasum K500/-); (ii) Sia Neng Do Lian (khasum K400/-) tawh kicial a, kizang hi.

3. Hun bit R/B Sia te nesepna a nuai a bangin ki cimteh hi.

(i) Sia Gin Lian Pau in Mualkawi khua-ah ni (18) sung a va sep ciangin mi (32) ki tui phumsak hi.

(ii) Sia Neng Do Lian in Tuitang khua-ah a va sep leh mi (17) ki tui phum sak hi.

(iii) Hih Sia te gel kigawm in Anlang khua-ah ni (14) sung a va sep na-uah mi (17) ki tui phum sak uh hi.

XIII. Kum 1985-1986 nasepna.

1. Kum 1985-86 kum a R/B nasep mabante a zom to thei dingin a nuai a bangin pan mun seh na kinei hi.

(1) President: Pa Sian Cin Zam Sakollam

(2) Vice President: Pa Dam Khan Pau Lawibual

(3) Secretary: Pa Vum Za Dal Sing-unau

(4) Assistant Secretary: Pa Gin Khaw Thang Tonzang

(5) Treasurer: Pa No Bawi Lawibual

(6) Member: Sia Gin Lian Pau Khampat

(7) ..do..: Sia Neng Do Lian Ngente

(8) ..do..: Pa Suan Khan Kam Kaptel

(9) ..do..: Sia Thawng Khaw Kam Mualkawi

(10)..do..: Pastor Tel Khan Thang Maymyo

2. Pasian thu tang kona -(i) Teklui khu (ii) Lailui khua (iii) Saipimual khua te-ah kinei hi.

3. Saipimual khua ah SDA pawlpi mi hon khat kingah te kem dingin Sia Tuan Za Kham kha 4½ sung kikoih hi.

4. Zanggam Gospel a nih veina kipai leuleu a, a mai a painasa teng mah tuan kikin Pa Dam Khan Pau leh Pa Sian Cin Zam makai-in Sia Gin Lian Pau leh Pawlpi mi lung lawp zawdeuh pawl khat tawh kikhawl uh hi. Sepna zawhna khempeuh Thalmual khua a kibawl kum sial kikhoppi a tut dingin, kuan khia in, tung kim cat uh hi.

5. Hih R/B nasep kum sungin R/B nasep na a panpih ding a kingaihsun van pawl khat kilei a, a nuai a bang teng ahi hi.

(i). R/B puan 25

(ii) R/B lukhu 25

(iii) Bizu 1

(iv) Tutphah (Chair) 4

(v) Sabuai (Table) 1

(vi) Laikhetna (Tyep-writer) 1

(vii) Tuipuan silh 8

(viii) Guitar 1

6. Hih R/B kum 1985-86 sung teng hun bit nasem Sia dingin kua mah kila lo hi.

XIV. Kum 1986-87 kum a ding maban zopna

1. R/B kum 1986-87 kum a ding nasep pan mun sehna te Thalmual khua Pa Pum Za Lian te inn ah 1986, April kha ni (11) ni in ki nei a, a nuai a bangin ki seh hi.

(1) President. Pa Sian Cin Zam. Tiddim.

(2) V. President. Sia Gin Lian Pau. Khampat.

(3) Secretary. Pa Dam Khan Pau. Tiddim.

(4) Treasurer. Pa Phung Kai. Tiddim.

(5) Member. Pa Nang Za Tuang. Lezang.

(6) ..do… Pa No Bawi. Tiddim.

(7) ..do… Sia Do Za Thang.

(8) ..do… Tiddim Circle Leader.

(9) Auditor. Pastor Lang Sawm Mang. Maymyo.

(10) ...do… Pa Suan Za Kam. Kaptel.

(11) .. do.. Pa Nang Suan Gin. Sakollam.

2. Hih R/B kum sung hun bit nasem dingin a nuai a teng kiseh hi.

(i) Dr. Gin Dal Lian. Ph.D. Tonzang.

(ii) Sia Kham Khan Lian. M.Com. Tiddim.

(iii) Sia Thawng Khaw Kam. Mual kawi.

(iv) Pa Hmun Hling. Kawlpi

3. Pa Dam Khan Pau pen, R/B zum ngak dingin kiseh hi.

(Hih a tung a kiseh teng lak ah Sia Thawng Khaw Kam in sehna bangin sem hi kici hi.)

XV. Kum 1987-88 kum a ding nasepnate.

1. Kum 1987-88 kum ai dingin April kha ciangin Tonzang khua ah R/B kikhoppi a nga veina kinei a, a nuai a teng Upa makai dingin kiseh hi.

(1) President. Pa Sian Cin Zam. Tiddim.

(2) V.President. Pa Phung Kai. Kawlpi.

(3) Secretary. Pa Nang Za Tuang. Lezang.

(4) Treasurer. Pa No Bawi. ` Tiddim.

(5) Member. Pastor Cin Za Kham. Tiddim.

(6) …do… Pa Zun Cung Nung. Saimun.

(7) …do… Pa Vungh Za Do. Zampi.

(8) …do… Pa Vum Za Dal. Singunau.

(9) …do… Pa Kham Khan Thang.Tonzang.

2. 1987-88 R/B kum hun bit nasem dingin a nuai a teng kiseh hi.

(i) Sia Neng Do Lian (ii) Sia Thawng Khaw Kam. (iii) Sia Thang Khan Pau.

XVI. Kum 1988-89 kum pan mun sehna.

1. 1988-89 kum nasep maban te a zom suak dingin a nuai a teng kiseh hi.

(1) President. Pa Khan Khan Thang. Tiddim.

(2) V.President Pa Khual Za Nang. Kawlpi.

(3) Secretary. Pa Sian Cin Zam. Tiddim.

(4) Asst. Sect. Sia ThangLam TungPau. Tiddim.

(5) Treasurer. Pa No Bawi. Tiddim.

(6) Member. Sia Kai Za Dal. Tonzang.

(7) Member. Sia Gin Sian Mung. Kawlpi.

(8) Adviser. Sia Pau Za Khan. Kawlpi.

(9) …do… Sia Gin Lian Pau. Khampat.

(10) …do… Pa Lang Khan Suan. Kawlpi.

(11) …do… Upper Burma Section Siateng.

2. Hih kum sung R/B hun bit nasem dingin a nuai a teng kiseh hi.

(i) Sia Neng Do Lian (ii) Sia Thawng Khaw Kam. (iii) Sia Thang Khan Pau.

3. Hun khen nasem dingin a nuai a teng kiseh hi.

(i) Nang Za Kam (ii) Vung Cin Mang (iii) Khen Cing (iv) Ciin Lam Vung (v) Niang Sawm Cing.

4. Hih mi giat tengin kikhawl in ahi zongin, tang sep na tawh in ahi zongin zin kawi kawi in, efforts te bawl in nakpi in na ong sem uh hi.

XVII. R/B Pa Muan Pi teng leh amau ciat ai-tuam-han-ciamnate (atom a lahna)

1. Pa Pum Za Lian: Biak inn te lam, biak inn sung van te pia, Pawlpi kem ding Sia te cial tawm, Pasian thu tangkona te-ah thagui thatang sum leh nate tawh panpih, Laibu laibu thupi te a tei ding mi guai, labu hoih te bawlna ding panpih, Pawlpi mi cimawh te lampi tuam tuam tawh panpih, Pasian nasem siate leh mimal te mah mah zon panpih.

2. Pa Khual Za Nang: Pasian’ thu tangkona te-ah thagui thatang, sum leh van te tawh panpih, Pawlpi kem ding sia te guai, vak-kawn sia ding vai hawm, R/B kamciamte tampi pia, amah mah in makaih, Pawlpi khan toh na ding Pawlpi mipi te leh tung siah ulian te kikal ah pali-in om.

3. Sia Pau Za Khan: Pasian thu tangkona te a huh hun in a kisapna mun peuhpeuh ah tangko na ding din pih; Biakinn lam zolo te panpih hi; sanginn nei zolo te panpih hi; biakinn sung tutphah sabuaite pawlpi th hat lo te a dingin leisak hi; sang inn lamna-ah lettama te guaih sak hi; R/B nasepna-ah sum tang mah mah in dinpih hi; mi gilkial te an lei sak hi; mi puan nei lo te puan guan hi; cina lungkham te kua kua ci lo-in panpih hi; sang siate leh Pasian thu hilh sia te panpih hi; ama pumpi mahmah a kihel na peuhpeuh-ah Pasian neihsa in kithei-a, Pasian neih sa kep siamna te tawh mite mai ah et-teh tham cing dingin om hi; Pasian min tawh kipawlna mun khempeuh in ama om pih ding lung-gulh kawi kawi hi. Pasian’ minthan na ding leh A gam zai na ding mun khempeuh ah pan mun len zo hi.

4. Sia Kai Za Dal: Pasian nasep na kipawlna a tuamtuam te a na kan msa pawl lakah na kihel a, Pilna sin-na leh nasep na-ah milak a gam la bat pen khat ahih mah bangin, SDA pawlpi thahat-lo te sum tha leh thu hoih tawh panpih hi. Khangno te pilna ding sang lam ah zong pilna sin na ding makaihna a tuamtuam nei hi. Ci mawh zawngkhal te huh hi. R/B nasep na ding sum thagui tampi guan hi. Nasepna te a mavan nading ngaih sutna hoih te kup-pih hi. R/B kipatsatna RAYO a na phuan masa pawl ahi hi.

5. Sia Gin Sian Mung: Pasian’ nasep na vai tuamtuam te-ah ngaihsutpihna hoihte pia-in, pumpi thatang zong kihel zel hi. R/B nasepna a mai nawt zawh na ding sum tha mahmah tawh zong panpih hi. Mailam gam-lapi ngim kholhna tawh Pasian nasp na phualpi a neih theih ding mun leh gam te guan khuakna-ah kihel hi. RAYO phuan masa pawl in kihel hi.

6. Sia Thang Khan Dal (Tiddim): R/B nasepna a tangzai sak ding, sum tha leh thu hoih pattah na te pia hi. RAYO phuan masa te lakah kihel hi.

7. Sia Phung Kai: SDA upna a len masa pen te lakah na kihel hi. Thuhilh sia masa te zong na na hi a, Pawlpi tha hatna ding lung-gulh na tawh na sem tawntung ahih man-in asuan akhak te in am-maban zopna tawh a thupi kaankaan, a zaizaw kaankaan in ong sem to uh hi. Kum 1976 kum pawl a, SDA mainawt na ding thu hoih vaihawm makai te lak ah, a pi ding (phun) in kihel hi. R/B nasep na te ah ama pumpi mahmah a kihel ban-ah, sum tha gui mah mah zong ama-ai tuan in pahpih lai hi.

8. Mr. Pa Te: Tiddim Lawibual Pawlpi pan-in SDA pawlpi mainawt na ding a deihsak mah mah te lak-ah khat in ong kihel hi. R/B nasepna te a mainawt na ding deihna tawh sum thagui guan hi.

9. Sia Thang Lam Tung Pau: RAYO kipawlna a phuan khia pawl ah kihel hi. R/B kiphuat khiat na Zampi khua ah zong kihel hi. kipawlna a tuamtuam te paidan te a thei masa pawl ahih mah bangin, R/B kipawlna pian khiat na ah ngaihsut na hoih tampi pia hi. Ama pumpi mahmah makai in Pasian thu tangko na aneih ban-ah nasep na ding a kisam sum thagui zong din pih hi.

10.Gin Lian Pau: RAYO phuan khecil pawl ah ki hel hi; R/B kipawlna kiphuatna ah makaih in Zampi khua SDA kikhoppi-ah ong thu suak sak uh hi; Amah mah makai in Pasian thu tangko na te ong neih uh ciangin KHA tampi kituiphum sak uh hi. Khangno la leh pat-tah na te tampi ong bawl khia hi. Thatang bek hi-lo in a neihsa sum thagui mah mah tawh zong R/B nasepna panpih hi.

11. U Thuam Suan Mang: Kum 1987 kum pan 1989 dong Lunmual Pawlpi keem hi. Ama pumpi makaih theih na khempeuh ah makai a, ahih theih loh na ah sum tha tawh makeih hi. SDA Pawlpi khan toh na lam khempeuh ah tha lawp in, tang zaang’ in diang kawi kawi zo den hi.

12. Sia Khan Cin Zam Vung: Tiddim khua, Heilei khua, Saipimual khua, Pakzang khua, Lezang khua, leh Suangzaang khua te-ah a hunhun in Pasian thu tangko na nei hi. Beina supna khempeuh amah bek in si hi. SDA Pawlpi sung ah mithak 144 lutsak zo hi. Pasian in amah a piak thupha te mawk koih lo-a, amet apung tawh a thuak kik zo, Pawlpi mi citak khat in kiciam teh hi. R/B laibu sung ah ama min kiciaptehna a tuam in a om loh hangin, KHA ngah khiatna mahial na ah, R/B thahatna lang mah sat phial hi ci kimu khia ahih manin hih R/B nasepna zawhna laibu sung ah a kilutsak ahi hi.

13. Sia Kap Pau in deihsak na tawh sum thagui thahat na beh lap sak hi.

XVIII. KAL THAK SUAN-NA.

1. R/B kum cin kikhoppi a sagih(7) veina kum 1989 kum March kha in Anlang khua ah kinei a, upa makai dingin a nuai a teng kiseh hi. (16.3.1989).

(1) President. Pa Khual Za Nang. Kalemyo.

(2) V.President. Pr. Cin Za Kham. Tiddim.

(3) Secretary. Pa Mang Za Lian. Kalemyo.

(4) Asst. Sect. Pa Dam Khan Pau. Tiddim.

(5) Treasurer. Pa Phung Kai. Kalemyo.

(6) Asst. Treas. Pa Thuam suan Mang. Tiddim.

(7) Member. Pa Nang Sian Pau. Sing-unau.

(8) Member. Sia Kai Za Dal. Tonzang.

(9) …do.. Sia Pau Za Khan. Kalemyo.

(10) ..do.. Sia Kai Khan Khual. Tonzang.

(11) ..do.. Pastor Thang Pu. Maymyo.

(12) Auditor. Sia Kham Khan Lian. Maymyo.

(13) ..do.. Pa Khup Za Lian. Sing-unau.

(14) ..do.. Sia Thang Lian Khai. Tiddim.

2. R/B makai a tung a tengin amau tawh nasem khawm dingin a nuai a teng teel in, Pasian thu tangko na leh manawt-na a tuamtuam te sep pih uh hi.

(i) Sia Thawng Khaw Kam. Mualkawi (ii) Sia Dam Khan Pau. Lawibual.

(iii) Sia Nang Za Tuang. Lezang.

3. Hih R/B makai teng leh hun bit nasem sia teng Pasian nasepna khempeuh ah khut-khat khe-khat kisuah a ong din uh ciangin nasep na te mavang mahmah a, Pasian ong panpih na thu kiphawk in Pasian min kiphat hi.

4. Pasian ong makaihna te a nuai a bangin kiciam teh thei hi.

(1) Sehna a ngah makai thak teng in, President pa sawlna tawh kikaih khopna te a hunlap takin nei zo a, makai sem-lui te khut panin nasepte ngah khia thei masa uh hi.

(2) A beisa hun a zawhna te leh lelh na te sai kaak-kaak uh a, lelhna a piang sak thute leh sep dan bawl dan khempeuh nusia a, zawhna lampi hoih a om khempeuh tot zawhna ding vai masa in nei uh hi.

(3) Hun bit nasem Sia te nasep na ding te lamlahna kinei a, tua dung zui in na kisem sak hi.

(4) R/B zum ah a kisam bang a na sem ding sehna leh sep-dan bawl-dan ding lamlah na kinei hi.

(5) Pasian thu tangko na ah nasep na a taang zai sak thei ding in,

a. Awt-liat na bukim kilei hi. (Union U Lian te ong piak sum tawh kilei hi.)

b. Lasak pih ding Guitar, neihsa khat banah nih kilei beh sak hi.

c. Maymyo Section ulian te in Accordion khat ong lei sak hi. (Tuni-in R/B khut sung ong tung nai lo hi; a zon

siam

leh a thu thei te ki-ap hi).

d. A kisam bang aa zat theih ding in datmeipi(meiso) thum(3) peuhmah Section ulian te ong vanpih-na tawh lei theih na ding kisiau hi.

(6) R/B phualpi dingin Tiddim Mission huang-sung deihna mun mun a neih theih na ding Section ulian te thu kimpih-na ki-ngah khia hi.

(7) A beisa R/B nasepna pan a, a siangtho man nai lo maban khempeuh masuan in kinei a, R/B leiba, R/B kamciam lui te leh TU LAI THU MAN laibu bawl ding te, ki kalsuan pih hi.

(8) Gospel Team nih leh thum in kikhen in kikuan khia a, Pawlpi omsa mun te ah khanlawh na te pia in, a tuuksa te phongkik-in, kha mangthang-te Pasian’ tuu-huang sung ah kilut pih hi. Cina te vehin, adah akap te hehnem-in, lungzuang khawngai te kikhawlup hi. Thagui thatang kisam te tha guk’ kipia hi. Mission sia te tawh ki khawl-in ahi zongin, amau ong sawl bangin ahi zongin na kisem hi.

(9) Paina khempeuh ah, R/B kamciam lui te kaikhawm in, kamciam thak te ki dongh hi.

(10) Sepna te khempeuh Mission pongsan ki dim a, a hun hun in kiphuak den hi.

(11) R/B makai committee leh R/B hun-bit nasem te a hun hun in ki suk tuah nanei in nasep pai-zia khempeuh a nung a mai en kak-in kikum tawntunguh hi. Up lohpi, theih kholh loh pi-a thu piang a om leh, thu phamawh kikhop zong kinei zel hi.

(12) A khengsa hun a tuah khak thu piang te pan a phawkna leh, mailam nasepna te-ah a hoih zaw leh a kician zaw a kalsuan theih nading ngim-na tawh in, R/B THUGUI-LET (Upadi) kigel aa, Section ulian te thukim-pih na kingah khin ahih man-in laibu-in kibawl pah hi.

5. R/B LETSAN THUGUI-PI .

1) Ih gam-ah thuman tangkona a nei SDA pawlpi ong tun a kipan kum sawm-nih val sung teng tungsiah lam makai ulian te leh thuhilh sia te khut sung pan bek a, thu ki gen, vai kikhawm a, kha mangthang-te a ki zong a ki zawn bang khat in mi khempeuh in kingaih sun in, pawlpi mimal peuhmah in Pasian nasem dingin a kidiang khe phangphang thei ding in seh na kinei ngei-lo hi.

2) Kum 1976 kum pan a kipanin khaw-muh-na ong tangzai zaw a, sep-khawm bawl-khawm diamdiam na tawh ih pawlpi kal suan toh na ding lung-gulh-na zui-in INN leh GAM ah kipawlna kiphuan a, tua kipawl na sung ah a tam simsim kikal suan thei hi.

3) Tua bang pai dan tawh kum sagih (7) a cin kum 1983 ciangin, INN leh GAM a ki lung-gulh kipawlnate pumkhat a suah theih na dingin Zampi khua SDA Pawlpi kikhopna phual ah R/B (Remnant Band) ong kiphuan khia hi.

4) Kum sial a kiseh to to makaipi te, bulpi lampan a siapite leh ei phual a ih siate lungsim kituak, ngimna tupna kikhat a na ong sep uh ciangin, hih R/B nasep ong hing toto in, tu kum 1990 kum ciang kum sagih ong hing to thei lai hi.

5) Ahun, thatang, sum leh pai leh amun amual tawh kalsuan na ong tam semsem tawh kizui-in, sepdan bawldan, zatna depna, ngahna paihna a kipan kibusakna te, hoih tak a ong makaih thei ding, kua kua in, bang hun bang hun in, koimun koimun ah sem taleh letsan ding THUGULLET, kisam hi cih R/B upa madai te in mu-uh ahih manin a geel ding aphuak ding kiseh uh a, gel-in, gelh-in amau sung ah a kithubup khit uh ciangin Section ulian te thukimpihna deihna in puak uh hi.

6) Section ulian te in R/B THUGUILET dingin hoih sa uh ahih manin, kikhelna khat peuh, kul kisa-a, aom mateng in zat ding letsan dingin R/B THUGUILET ci-a lai bu a bawl dingin thukim in ong kibawl khia ahi hi.

7) Ahun leh sepna te ahi zongin, mailam sep lai na ding a hi zongin, asem ding kua te cih na ahi zongin, ih telsiam na ding a, R/B la thak khat ong phuah sak Sia U Tuan Sian Pau (Headmaster, SPS, Khawmun) Tongzang pawlpi tung ah lungdam-na te ki pu lak den ding hi.

XIX. ACIL PAN-A TAWNTUNG DONG.

1. INN ih cih kam-mal sung ah, mai-nawt na ahoih zawzaw deihna tawh Pasian nasep na te-ah masuan maban anei uh bulpi te, ih sia te leh pawlpi mimal kigawm hi a, tua te khempeuh tung ah cil pan leh a tawntung-in lungdam na thu kimang ngilh lo ding hi.

2. GAM ih cih ciangin ei phual a hi lo, sangkah-na, zin-na vak-na, om-na phual tuam dang te pan a ih pawlpi mainawt-na ding a, deih na sepna leh supna baina ong neih pih te hi a, tua te khempeuh tung ah lungdam na om tawntung ding hi.

3. Hih THUGUILET (upadi) ong piankhiat na ding, ahawm agen ageel a gelh R/B makai te ong zat sak ih Topa Pasian tung ah lungdam na bei thei lo ding hi.

R.B committee.

REMNANT BAND KIPAWLNA THUGUILET BULPI TE

KHEN KHATNA: 1) Hih kipawl-na min Remnant Band kici ding hi. Atom in R.B. kici ding hi.

2) Aom na phual ding pen, kikhelna aom mateng Tiddim SDA Mission phualpi hi ding hi.

3) Hih R.B nasepna in gam, minam leh hun te ciangtan nei lo ding hi.

KHEN NIHNA: Hih R.B. kipawlna in anuai a ngimna teng bulphuh in kalsuan ding hi.

1) Lungdamna thu tangko na ah thu hilh siate leh Pasian nasem te nasepna a tang’zai sak thagui thatang khat in pang ding hi.

2) Thuman tangko na a sang khin sa mite in a upna uah tha nemna aom leh thakhauh na ding thagui khat in kimang ding hi.

3) SDA thuman upna, san-na, zuihna leh piicin nading a, akai-awk sak thute, nate leh zia leh vaite khempeuh ah, banghun banghun cilo, koimun koimun cilo, mihon mimal, numei naupang akua mah peuh huh ding in a kigingsa aom kipawlna hi ding hi.

4) Kha nuntaak-na gupkhiat na ding a, akisam bulpi ahi pumpi satak mah mah gupkhiatna thu bulphuh cidam nading thu khunte mi khempeuh te tungah theisak in a zuih na ding tha pia ding hi.

5) Khang dawng ahi zongin, khanghaam ahi zongin, ahun zui-in theihsak zaksak sinsak huai te-ah pan tah ding hi.

6) Cimawh zawngkhal, meigong tagah a don ding akem ding omlo tak tak te huh theih , papih theih na ding lampi zong ding hi.

7) Pawlpi sung nuntak nading, ki-uk, kikep nading a, kinei Church Manual sung thubulpi te a kisaina bangin kip let ding hi.

8) Pawl sung pawl pua ki-it na a khan semsem na dingin atawntung in tha pia ding hi.

9) Mipi cidam nading kidonna kikepna zato leh khang moi naupangte pattahna phual dingin laisin na sang te tha pia ding hi.

10) Bul-lam te ong makaihna te, mipi te a ding a, ahoih zaw muhna theihna a kineih leh, ngetsak ding, thumsak ding.

KHEN THUMNA: Pawl mi suahna.

1) R.B ngimna leh sep khiatna te hoih sakpih, lawppih a, thagui thatang, sum leh na te, pilna siamna leh jun te tawh a koppih nuam khempeuh pawlmi in kisang ding hi.

2) “Remnant” cih ciangin abei bang’(aom lai) cih na hi-a, “Band” cih ciangin pawl cih na ahih mah bangin SDA Pawlpi sung a dinmun nei khempeuh huam khin pat hi. (hih R.B. pen SDA te zat tang’ zang’ pawlpi cih lel ding hi)

KHEN LINA: Hih R.B. tawh kizopna.

1) SDA sungah Pasian nasepna akhan theih semsem nading in midang te sang a, kipiak zawkna anei te hi ding hi. R.B. tawh kizopna ah THATANG, NEIHSA, LUNGSIM NGAIH SUTNA, SIAMNA TE mah hi pah hi.

2) Upna kam ciam kaih khopna, kamcim dawpna, ngetna te ah khawk siapa leh church elder te in panpih ding uh hi.

KHEN NGANA: Kipawlna neih ding thu tang kai.

1) Midangte sangin Sabbath tan te biak-kikhopte ah kin zaw ding hi.

2) Zeisu Khazih hang a pian thakna te a nuntakna ah lak den ding hi.

3) Pasian nasep na a kici thei mun khempeuh ah, ki-em, zah kai’ uai uai cih te omlo in thu mang ding, sem ding hi.

4) Mihonpi te nung ah om zaw lo in, mihonpi te makaih zaw ding hi.

5) Sep ding bawl ding te ah siapite siate leh upa te dong ding hi.

6) Top neihsa ahi, ih pumpi mahmah leh Topa neih sa ahi nate khempeuh Ama ong deihsak nading in kep

siam

ding. Tua bang kep siamna te tawh mipite makaih zo ding.

7) SDA upna paipi lam puk loh nading in R.B. ngimna te ah taktai ding hi.

KHENGUKNA: SDA upna bulpi nam SAWMNIH LEH SAGIH te (27 ) a len kip kipawlna ahi hi.

KHEN SAGIHNA: R.B. panmun len te pawlpi mi leh R.B. kikal ah a kisam bang thuvan ding, siapite siate tungah a ko ding, angen dingin panmun len ding a nuai a bangin kiguang ding hi.

1. President…………….

2. Vice President ………

3. Secretary ……………

4. Asst. Secretary………

5. Treasurer ……………

6. Asst. Tresurer……….

7. Accountant………….

8. Members: (i) Auditor….Section man 1

(ii) …do…….Evangelist 1

(iii)…do…….Layman 1

(iv) Mission Worker 1

(v) Layman 1

KHEN GIATNA: R.B panmun len makai upa kitelna.

1) Kiteel hun: Kum nih simin R.B. kikhoppi kineih na mun leh hun in kitelna kibawl ding hi.

2) Kiteelna vaihawm te (R.B. upa teng) in mipi deihna dong ding a, hoih a sak kim penpen uh tawh ki tuak in seh ding uh hi.

3) Kiteel dan pen R.B. upa ding a kisam zahnih mi kaikhawm masa ding a, tua mite lak pan a kisam zah delegate thei in amau aituam lungsim ciat leh kua ma theihpih loh in teel ding uh hi. Hih kiteelna ding vai te khempeuh, a kizang tawntung kitelna bang hi ding hi.

Delegate ih cih in:

- Church ahih leh elder pa leh lay activity makai pa hi ding hi.

- Company ahih leh Church leader khat hiding hi.

- R.B. Committee teng hiding hi.

- Missionworker teng hi ding hi.

- R.B. worker teng hi ding hi.

- Special invitees te hi ding hi.

4) Teelna angah mite pen, meetang atam pen pan a sim suk sawm leh nih dong hi ding hi. Atam pan a sim sawm leh nih dong sim suk na-ah meetang kikim nih ahi zongin atam zaw a ahi zongin ong om leh, kiteel vaihawm te in kisam asak bang un teel khe ding uh hi. Section man ding pen section ulian te seh khat hiding a, Circle leaderpen aom peuhpeuh pa hi in, mission sia sung pan ateel ding pen, a kiteel khin upa teng leh circle leader pa’ deih pen pen hi sak ding uh hi.

5) Upa ding ateel theih dingte hih anuai a bang teng hi ding uh hi.

a) SDA upna sungah tuiphumsa mi, RB member khat hi ding hi.

b) SDA sung ah aki tuiphum zawh atawm pen in kumkhat phasa mi hi ding hi.

c) RB adding in ahun, a neihsa, a thatang leh deihsak na lungsim a pia te hi ding hi.

d) Sum vai te ah gen ban na anei lo te hiding hi.

e) Numei leh pasal vai te ah gen ban na a nei lo te hi ding hi.

f) Pasian na sepna ah deih bang a, a sep zawh na dingin, pumpi/lungsim ci dam ding hi.

g) Mipi makaihna leh mi te lak a om dan, bawl dan, mithek kampau te ah a hoih hi ding, et teh tham cing hi ding uh hi.

6) Pan mun sehna ah, mihonpi te piaksa tawh kiteel na leh, a kiteel mi te seh sawn na tawh angah khia mi sawm leh nih (12) te kikum a seh na tawh ahí zongin, mee mah khia-a kiteelna tawh ahi zongin hoih a sak penpen uh sep dan khat tawh KHENGUKNA a kilak panmun teng dim ding uh hi.

7) Ama panmun/ nasepna (Ex-officio) tawh kizui a seh khiat te cihloh buang, kiteelna phual leh hun a omlo te ki ngaihsun lo ding hi.

KHEN KUA NA: Panmun awng ong om leh:

1) A kiteel lai-ua, upa ding a kiseh, alut zo nai lo te lakpan in mee atam ngah penpen pa kiseh ding hi.

2) tua bang a seh nate a om ciangin, President mun kisam bang ahih leh Vice President kah sak ding.

3) Vice President mun awng ahih leh tua mun pen Ex-officio ahih manin a mi om mateng tua ci koih phot ding.

4) Committee lut thak pa pen, ami aom thei liai liai ahih nak leh mun lian kipia masa lo ding a, a kiteel masa tem ah ki masak zaw ding hi.

KHEN SAWMNA: Panmun len upate nasep leh thuneih na te.

1) President:

(a) Nasep khempeuh ah vaihawm in makai ding, sai ding,

ding, puah ding.

(b) Meeting khempeuh ah Chairman sem ding hi. Tua meeting te khempeuh ama om loh kal a, thukin kikhop pak ahih kei buang leh, ama sap sa hi ding hi.

(d) Apna a neih ciangin, meeting laibu sung a ciap teh na tawh ahi zongin lai tuam tawh ahi zongin, kam guak mahmah tawh ahi zong in aki cian thei thei in ap na nei ding hi.

2) Vice President: Mun khempauh leh sepna peuhpeuh ah

(a) Mun khempeuh leh sepna peuh peuh ah President pa huh ding hi.

(b) President pa om loh na, hihmawh na khempeuh ah President pa mun luah in a tung a President pa sep ding teng sem tawntung ding hi.

3) Secretary:

(a) thu kikupna meeting te ah hunzeek (Master of Ceremony) sem ding hi.

(b) Thu kikupna tuam tuam te lai-in ciamteh ding, zeek ding, keem ding hi.

(d) Sepsa bawlsa thu om sa te a kul sial sial in President pa leh upa dang te tung ah lak zeel, phawk sak zeel ding.

(e) R.B. Pawl lut mi te hoihtak in ciam teh ding.

(f) R.B. vak kawn sia te nasep ding khempeuh gelpih ding kaihkhop pih ding, tungsiah leh kiim leh paam ah puak tuak te puak ding.

(g) R.B. neih sa sum leh nate ngah-na zat-na, a bei mang thei, abei thei lo, hoih tak in nam khen in koih ding.

(h) Zum sung nasep khempeuh a kul bangin sem ding hi.

(i) Secretary pa pumpi mahmah hih theih loh na mun khempeuh ah Asst. Secretary pa in a huhna ding in ap ding hi.

4). Assistant Secretary:

(a) Secretary a om loh ciangin sep ding a kilawm khempeuh sem ding hi.

(b) Secretary pa nasep na khempeuh ah huh ding hi.

5) Treasurer:

(a) R.B. sum khempeuh kem ding hi.

(b) R.B. Accountant laibu leh ama sazian tawh en kak tawntung ding hi.

(d) Ama pumpi hihmawh na khempeuh ah Asst. Treasurer pa ap thei hi.

6) Assistant Treasurer:

(a) Treasurer pa in nasep a sawlna mun khempeuh ah vai ding ding’ hi.

(b) Nasep na peuhpeuh ah sum kempipa nasep te huh ding hi.

7) Accountant:

(a) R.B. neihsa sum sazian khempeuh leh van sazian khempeuh te siangtho tak in kem ding hi.

(b) Sumkem te leh sazian sit te nasep na khempeuh ah huh ding hi.

8) Auditors:

(a) Mission nasem sia te Mid-term report hun sial sial in akisam bang alah tel theih sensen dingin sit ding uh hi.

(b) Year-end kikhop pi te ah Mid-year sazian om dan leh Year-End sazian om dan te hoihtak a muh kak theih ding leh kum khat bit sazian om zia te tel muh theih ding in sit siangtho ding uh hi.

9) R.B. Committee:

(a) R.B. vai hawm, nasepna khempauh te THUGUILET ahi-a,THUMEILET leh a hunhun a, a kisam bang a kikhung tawm thu te khempeuh tawh kizui in seh thak in sem ding uh hi.

(b) Hih Committee in bangbang asem zongin tupna ngim-na pen hih THUGUILET KHEN NIHNA No.1 pan No.10 sung teng tawh ki-eel puak in sem ngeilo ding hi.

(c) R.B. sum ngah na ding leh zatna ding gel nate khempeuh ah, thukhual tak leh ngentel tak in vaihawm in sem ding uh hi.

(d) R.B. hun bit nasem ding ahi a, hunkhen nasem ding ahi zongin, a sem ding a kilawm taktak mite muh siam in seh

siam

ding uh hi.

(e) Pasian nasep na ah maitang zahtak, mi deidan, mi deihsak tuam, mimal hua cih te om sak lo ding uh hi.

(f) SDA Pawlpi bup khantoh na ding a kigel, R.B. thuguilet pi te tawh kituak lo, ki-eel puak a sepna leh bawlna akineih leh, thuguilet peksat-in kiseh ding a, a kisai mipa/mite R.B. Committee pan ahí zongin, R.B. hun bit nasem te lak pan ahí zongin, R.B. hun khen nasem te lak pan ahí zongin kihem khia ding hi.

(g) A tung a (f) na sung thu tawh kisai in, R.B. Committee khat a kitawp sak leh, thu-kin kikhop bawl ding a, THUGUILET-KHEN KUA NA No.1 pan No.4 sung a kigen bangin seh na nei ding a, hunbit nasem khat peuh ahih leh Committee te hoih sak khat peuh in laih lel ding hi.

KHEN SAWM LEH KHAT NA: Ki kaihtuah nate (Meetings).

1) Upa makai te kikhop:

(a) Thu phamawh a om leh banghun banghun cilo-in a kisap na bang in nei thei ding hi.

(b) Kum lang in pel-lo in khat vei nei ding hi.

(d) Committee mi a lang sang a tawm zaw kah a, kikupna lah khen sat loh a phamawh thu ahih leh, a om zahzah in khen sat ding uh a, amai a meeting pen ah thukim na leh kipsak na la ding uh hi.

2) Kikhopna luhin dan: (a) Hun ukpi (Chairman) ding pen R.B. panmun tawh kizui in President ahih kei leh Vice President hi ding hi.

(b) Thuzekpi (Master of ceremony) ding pen, R.B. committee pan mun tawh kisai-in, Secretary ahih kei leh Asst. Secretary hi ding hi.

(d) Meeting khat peuhpeuh a kisap ciangin kikup ding thulu te gel kholh sa hi den ding hi.

(e)Ki-ap na, thunget na, lasak nate a kilawm bangin nei ding hi.

3) Thu khensat te: (a) A beisa hunlai a thu khensat te lak ah akisem khia leh a kisem khia-lo bang ci om cih theih theih nading a, vai masa a kisim khia kikupna ciaptehna thu te hoihtak in sit tel dinga, ahun sawt dan leh tua nasep haksat dan leh a baih lam dan ding tawh et-tel na pan in bang cih ding cih vatsatna bawl ding hi.

(b) Sep ding aseh sa nasep khat peuhpeuh, asep leh asep loh phawksakna te pumpi kimu-a, va van-na tawh ahi zongin, lai tawh ahi zongin kawk zel ding hi.

(c) R.B. nasepna ama van theih nading a kiseh sa nasep-na khatpeuh akipelh a, amanawt zawh kei leh, bang hang hiam cih azung abul in kan ding a, muh khiat na tawh kizui-in kivai hawm ding hi.

(d) Pasian gam zai na dinga nasepna-ah ih masuat a thupipen ki pumpiak na ahih lam mang-ngilh loh ban-ah, ih pinal, ih siamna, ih hatna, ih hauhna, ih hoihna leh ih tamna te masuan hi lo a, Ama Khasiangtho ompih na bangbang a, kalsuan ding ih hih lam mang-ngilh ngei lo ding hi.

(e) R.B. kalsuan na a nawngkai sak kiim leh paam huzap te peuhmah awlmawh mitsuan in neilo-in tupna leh ngimna om sa bang a kalsuan teitei na ding in ki-ap na tawh hanciam ding hi.

(f) Hih R.B. kipawl na sung ah ngaihsut gilo leh langpan-na gamtat tawh nasep nate a tuantual sak ding mimal a kihel loh nading in, pilvang takin khawdak a, kalsuan ding kul hi.

4) R.B. Mihonpi kikhop na:

Mihonpi kikhopna pen, kum khat in atawm pen in khat vei peuhmah neih theih nading gel-na leh sehkholh nate ah:

(a) Ahun (b) Amun (c) Azia a kipan a kisam te kikhoppi nunung penpen pan in khensat sa-in nei pah ding hi.

KHEN SAWM LEH NIH NA:

1) R.B. upa panmun pan a tawpna vai:

(a) A kidal thei-lo damloh na aneih leh atawp hiding hi.

(b) Pumpi leh innkuan kivakna, kipuahna tawh kisai a, sepna bawlna te huhau a, R.B. huam khak ahi lo, gamdang leidang te ah alal ahi zongin a piaung ahi zongin ahih leh atawp hiding hi.

(d) R.B. thuguilet pi te leh ahuh hun a, kilen to to SDA letsan thuguipi te mang lo hita leh, langpan hi taleh, thapia lo, pahtawi lo a, mithek kampau a kipan tatna hekna te tawh a sia sak te ki tawpsak ding hi.

(e) R.B. thuguilet KHEN GIATNA No.5(a,b,c,d,e,f,g) tawh ki lehbulh te kitawp sak ding hi.

(f) Upa kiteel thakna-ah angah nawn lo te, atawp hiding uh hi.

2) R.B. hunbit leh hunkhen nasem te tawpna vai:

(a) Ama kipiak zawhna, apilna, asiamna, ahatna te tungtawn a Pasian khasiangtho ompih a ngah na hang a R.B. upate in muang a, diksa, pakta-a, a koih uh mipa/minu pen, a koih upa tem ah in R.B. thuguilet te tawh kituak salo a, adeih kei uh leh, committee kikhop na ah mi atam zaw thukim na la in tawpsak ding uh hi.

3) R.B. hunbit/hunkhen nasem te kikholhpih te vai:

(a) A kipia zo mi peuhpeuh hunbit/hunkhen sia te tawh kikhawl in a pai uh ciang in R.B. committee in hunbit/hunkhen sia te bangin vasai va-uk, vatai thei lo ding uh hi. Ahoih na uh leh a siatna te uh a ki kholhpih sia te tung ah ki-nga hi.

(b) Tua bang a kipia sawm mi te huhau in, R.B. in beina zatna ah bangmah theihpih lo ding hi.

KHEN SAWM LEH THUM NA:

1) R.B. hunbit (khasum piak) nasem te vai.

(a) Nasem ding a kitel na/kiseh na- R.B. upate in thuguilet KHEN NIHNA No.1-10 ciang ahi zongin KHEN THUMNA, KHEN LINA LEH KHEN NGANA te tawh kituak hi ci a, amuan uh mi te, numei ahi a, pasal ahi zongin, la thei, sawl thei, seh thei ding uh hi.

(b) Khaw hun ahi zongin, sepdan bawldan pan ahi zongin, sum leh pai haksat na hang ahi zongin, nasem te lunglut na hang ahi zongin, nasep manawt na ding-ah hih-mawh na a neih leh R.B. thuguilet KHEN SAWM LEH NIH NA sung a kigen bangin tawp thei uh hi.

(c) Tang’ mi guan-na (Cial sawn-na): R.B. hun bit nasem pa –in a ama pumpi hih mawhna khat peuh huhau in ama nasep nading mun ah kisam kha ding cih a lung hihmawh na tawh in kuamah cial tawm thei lo ding hi. Ahih mawhna bang in R.B. upate tung ah thu zasak ding a, amau midang amuan uh aom leh, seh thei, cial thei, sawl thei ding uh hi.

(d) Hih-mawhna bangzah ciang kimaap thei: Paulap kicing tawh a himawh R.B. nasem te upate in vak-kawn khat tang ahi zongin, effort bawl khat tang ahi zongin map thei ding uh hi.

(e) Hih atung a Thuguilet (b) na tawh kisai-in R.B. nasem khatpeuh in vaai ong neih leh, hoihtak in kikan tel ding a, atawp khiat ma, R.B hun bit nasem khat ahih sung, asawt sim lai a thu-piang khat huhau ahih leh, a khasum vai ah R.B. upate uai*kohkang thei uh hi.

(f) Tawpna vai dang khat: R.B. upa te tawh Pasian nasep nading ngim-na akikum sa uh ahih mah bangin R.B. hun-bit nasem khat tua nasep na leh upate tawh aki zop loh nini in atawp hi ding hi. R.B. upate in hih vai-ah ngaihsut sak huai asak hamtang uh leh, atung a (d) na tawh enkak in ngaihsut sak thei hi.

(g) Hih R.B. hunbit/hunkhen nasem te kithuah nang ziate: R.B. hunbit/ hunkhen nasem te kicial na (appointment) pen R.B. Committee hun tawh kizui in ki thaksuak sak ding hi.

(h) R.B. hunbit/ hunkhen nasem te khasum ding: Sepna atoi, azai, innkuan sung omzia, pilna, siamna, cidam na, teina, lolna, leh mi tawh kizop zia te ban ah R.B. sum om zia te zui in kipia ding hi.

(i) T.A, D.A. leh zatna dangdang te: Amau pumpi mahmah vanzat hi a, a kipiak zawh na te uh a thakhauh tuamna ding cihna tawh in sum tawh ki panpih a, khasum kicih sak hi. Zat loh aphamawh taktak munte bek ah, azat siamsiam ki lunggulh hi. Sum a kicin hun ong om ciangin ngaihsut tohtoh ding ahi hi.

2) Hunkhen nasem te: A iplah huai mi aom ciangin sum om zia tawh kisai in kila ding hi. R.B. hunbit nasem, vak-kawn sia te in a vakna peuh uah tuabang mite min ciamteh in upate kiangah puak ding hi.

KHEN SAWM LAH LI NA: R.B. sum ngahna leh zatna te:

1) Sum ngah theih na lampi te anuai a bangin ki guikhun thei hi.

(a) SDA Pawlpi mimal pan upna leh deihsakna, kipiak zawhna tawh kizui a, upna kamciam a kici mimal citna pan a kingah te.

(b) R.B. vak-kawn sia te leh a pawlte tung a, lungdam kohna, deihsak na leh hehpihna tawh a kipia ngahna te.

(c) Pawlpi sung pan ahi zongin, Pawlpi pua pan ahi zongin, Pasian’ nasep nate a tangzai thei na ding leh a mainawt na ding deihsak na tawh apia te tung pan a kingah sum te.

(d) R.B. min mahmah tawh nasep sakna pan ahi zongin, pawi lah na khatpeuh pan ahi zongin, sumzon na hilhial a gamtat-na tawh ngahna te.

(e) R.B. neihsa van te khatpeuh zuak khiat na pan a kingah sum te.

(f) Laibu ahi zongin, thu kizak na ahi zongin lai hawmkhiat tuamtuam ahí zongin te pan angah sum te.

(g) Ki tangsap luat na khatpeuh hang ahi zongin, nasep masuan maban khatpeuh ahi zongin, omzia pianzia khatpeuh ahi zongin, paulam a, pawlpi mihon te in amau phual ciat pan ua, R.B. huhna ding ci a, akhiat tuam uh sum te.

(h) Tungsiah siate, siapi te, pastor te Section ulian te, Union ulian te, Division ulian te, leh G.C. ulian te in amau aituam lung hihmawhna tungtawn a panmun zui in ahi zongin, kipawlna min in ahi zongin, ciangtan na tawh ahi a, thu tuamtek vai in ahi zongin, huh zawh na ong neih na pan ua sum te.

(i) Gamdang ahí –a, gamsung ahí zongin, kipawlna tuamtuam pan a ong kihuh na te.

(j) R.B. upa te leh R.B. nasem te in a mimal in ahí zongin, kipawl in ahí zongin huhna ngen a, avak kawikawi na pan na kingah sum te.

(k) R.B. inn ahí zongin, R.b. mun ahí zongin, neih leh lam van te ahí zongin kikawm leh asap na sum te.

(l) Thu zaksak na lai sung ah, thansak ding a, deih mite tungpan a guaihna kila sum te.

2) R.B. sumzat na ding mun te:

(1) R.B. upa kikhop sumbei na te: (a) TA,DA (b) Zindo na (c) Laidal laitui (d) Cial pakpak piak thaman € A tuamtuam.

(2) R.B. hunbit nasem te khasum.

(3) R.B. vak-kawn siate TA, DA, leh thu phamawh zatna te.

(4) R.B. Gospel te vanzat (lasak van, awliat na van, uniform, tuipuan, badge)

(5) R.B. Gospel te vanzat te kepna leh puahkik na.

(6) Gospel te hawmkhiat ding laibu leh laihawm te.

(7) R.B. Gospel phualpi ding mun leh inn adding sumbei na.

(8) R.B. zumsung sumbei na: (a) Laidal laitui laikung.

(b) Laibu zat ding a tuamtuam.

(d) Inn sapna.

(e) Vanzat te sap na.

(f) Innkhan zumkhan te puahna.

(9) Thugen na huhthei van te (Picture rolls, projector, cassette recorders)

(10) Dong hu sumzat na: (a) Mimal tung a zatna.

(b) Innkuan khat tung a zatna.

(d)Khawk pawlpi tung ah zatna.

(e) Gambup tung ah zatna.

(11) A tuamtuam.

Ciapteh ding: Sum zatna khempeuh voucher tawh lak ding.

3) Sumzat na ding thuguilet:

(1) A kiteel thak R.B. upate in amau nasep a san khit phet un mailam kha guk sung sum zat nading kikum khol pah ding uh hi. Sum zatna khempeuh tua kikup kholh na bangin zang ding uh hi.

(2) Kikup kholh na sung a kihel kha lo, zat loh aa lah a phamawh, sum zatna ding aom leh, president, secretary, treasurer te lak ah a pia ahi-a, ahuh ahi zongin khat ciat leh R.B. upa dang thum (3) peuhmah tawh kikupna nei ding uh a, tualai ah thukimna la ding uh hi.

(3) Thuphamawh taktak aom a, ki kaihkhop pak na ding a haksat leh, hunlap pak dingin President pa in Ks.300/-(Kyat zathum lian), Secretary pa in Ks.250/-(Kyat zanih leh sawmnga lian) zat theih nading thu nei hi.

(4) Sum paikhiat na van nuai ah tua sum paikhiat theihna a thulu(Authority) lak-khial ngeilo ding hi. (Thuguilet khen tuazah na No. tuazah na cih bang in tel tak in lak ding hi.)

(5) Sum zatna ding khat peuhpeuh No.2. (1) pan (10) sungteng tawh kihuam khalo thulu ong om leh (11) atuamtuam thulu tawh, upate thukimna la masa in zang thei ding hi.

(6) Kumlang masa sung sum zatna leh sum om dan te zui in aom lai kumlang sung a sum zatna ding te etkholh na nei in gelkhol ding uh hi.

KHEN SAWM LEH NGA NA: Nasepna ah kizop pih:

1) (1) R.B. vak-kawn sia te in akiseh sak nasep paidan khempeuh akim takin agelh khit uh ciangin, R.B. upate kiangah puak ding uh hi. Pawlkhat akisuah hun un, thupuak na khat hi ding a, pawl nih pawl thum a kisuah hun uh, thupuak na zong apawl phazah mah hi ding hi.

(2) R.B. upate in R.B. nasep na khempeuh acing takin kaikhawm in khawk siapipa leh khawk sung sia teng kikupna ah pulak in kikup pih ding uh hi.

(3) Khawk siapipa kihelna hih R.B. upate in avai te khempeuh uh khensat ding ahi a, theihpih ding leh tungsiah nuaisiah ah a kisam bang a zeksawn ding ahi zongin, Section ulian te kiangah puakden ding uh hi. Union ahi zongin, Division ahi zongin, General Conference ahi zongin te kiangah theihsakna in ahi zongin, atuam vivel a vaihawm sak ding deihna tawh ahi zongin, puak thei, zasak thei uh hi.

(4) Tungsiah pan a thukimpih ding ngetna te vai-ah thukimpih na lai letsan ding aom mateng in bangmah thukip hithei lo ding hi.

(5) Sep ding bawl ding gelna sehna leh sepsa bawlsa lahna te ah zong tungsiah ulian lam pan in awi lohna, diksak lohna tawh thu khat peuhpeuh ong zaksak leh, tua thuzakna tungtawn in gamta zaw ding hi.

(6) SDA Pawlpi bup leh pawlpi mimal te vai khempeuh theihpih, seppih leh sepsak na phualpi ahih mah bangin, pawlpi mi tampi tak te deihna lunggulh nate zong R.B. thuguilet sung a thubulphuh letsan thute tawh ki eelngat ahih keinaak leh naakpi takin ki ngaihsut pih ding a, sepsa ahih leh a, tua sepsa leh lunggulh na kituak lo ahih leh zong tua sepsa te, tungsiah pan a thukimna mah ngen in kidok kik thei hi. Sep ding ahih mah leh zong kiim leh paam leh tungsiah te thukimpihna kinget sak ding hi.

(7) Tungsiah thu omsa ahi zongin, ngimna sawmna khatpeuhpeuh ahi zongin, pawlpi mimal leh pawlpi bup in a teltheihna dingin zeeksawn hawmsawn ding uh hi.

(8) SDA Pawlpi kalsuan na a dongkholh sakthei, pawlpi vang akiamsak thei, Pasian thuman tangko na a sumang thei sepna bawlna leh mithek kampau te a kipan, a mimal mahmah aom leh tuate ah zong lung hihmawhpih nate, kiim leh pam leh tungsiah a dawl dawl te tawh kop in vai hawm ding hanciam ding uh hi.

(9) Kiim leh pam leh tungsiah Pasian nasep pih te tawh kalsuan na khempeuh ah, diamdiam liailiai paidan te ahih theih na mun khempeuh ah kizang ding hi.

(10) Mimal khat, pawlphual khatpeuh te ngaihsutna leh mithek kampau te huhau a, SDA Pawlpi bup lam a kaih khial thei ding thu te leh mite vai ngaihsut na, gelna leh hawmkhiatna te ah, kuamah maitang zahtak tuam neilo ding uh hi.

2) Pawlpi pualam mi leh kipawl na tawh kizopna. (1) Midang te tawh kizopna ah lungdam na thu tangko na vai hi ding hi.

(2) Pawlpi leh R.B. Pawlpi puahna tawh kisai vaihawm na tuamtuam te hiding hi.

(3) SDA Pawlpi leh mimal te minsiat theih na ding, Pasian minthan na a sia sak ding vai te ah kihel lo ding hi.

(4) Mi leh mi ki-it na leh ngeina te huhau a, kikup nate ah zong Pasian leh pawlpi min sukha ding thu aom leh kizom lo ding hi.

(5) Pawlpi min tawh kizopna khempeuh R.B. upate min tawh kizom ding hi.

(6) Hihbang vai te khempeuh ah, mimal vai, (aituam vaite) thu tuam ahi hi.

KHEN SAWM LEH GUK NA: Hih R.B. gamh kua a’ ding!

(1) Hih R.B. min tawh nasep na in Mission a ding a sepna leh bawlna vive ahih mah bangin, hih R.B. tungtawn a hamphatna te khempeuh zong Mission a’ hi pah ding hi.

(2) Tua ahih manin hih R.B. nasepna leh kipawlna a din nawn loh hun aom leh hih kipawlna R.B. neihsa aom khempeuh, sumtang ahi zongin, vante, munte gamte innte a kipan leiba thangba dong takin Mission in luah ding hi.

KHEN SAWM LEH SAGIH NA: Paihkhiatna leh behlapna:

(1) Hih R.B. nasep na ding a, THUGUILET kibawl te sung ah, mailam-vai van zawk na ding leh Topa ong paikik na ding lamsialna ah zawh baihna apian zawh khak leh cihna tawh kigel, kigelh a, a dawldawl a kikip sak thu ahi hi.

(2) Ahi zongin hih THUGUILET tawh kipawl, ahun, sepdan bawldan, sum leh paai, mimal leh pawlpi pianzia tawh etden na in paihkhiat nop na hi zongin, behlap nopna ahi zongin aom leh, thu kikum thei ding a kiseh mimal zah sehli suah sehthum a thukim nak leh kipuah thei ding hi.

KHEN SAWM LEH GIAT NA: A hunhun a khantohna te.

(1) Thumakai a kigensa mah bangin kum 1976 kum pan in Innphual leh Gamphual a om mite in Pasian nasepna te a tangzai na ding lunggulh pi in kinei hi.

(2) Aki lunggulh thuphapi lungsim sung ah, gai in aom laitak in 1983 kum in Zampi khua a kinei kikhoppi ah ong suak khia hi.

(3) A piankhiat ni pan a kipan, kum sialsial in upa makai te kitel, kiseh den a, tua makai te siamna tawh asem toto kipawlna in, Topa panpih na ngah ahih man in, puk lo hoi lo in 1989 kum Anlang kikhoppi dong ong sem hi.

(4) Hih bang a mimal tampi ki pawlkhopna R.B. nasepna a’ ding in sepdan bawldan lamlak ding Thuguilet(upadi) neih ding akul lam kiphawk hinapi in ki omnelh toto a, 1989-1990 kum ciangin Topa ong panpih na tawh tua bang Thuguilet te adeih zo ding R.B. makai kinei kha a, tua te in ong geel, ong gelh in, tungsiah pan in kipsak na ong ngah khia uh hi.

(5) HihThuguilet a neih zawh a kipan nasep nate a ziazia leh a lam tawn in kisem thei a, mai lam R.B. manawtna apiang sak zo takpi lamlak khat ahih na ding in hih Thuguilet a ngah kha a sim kha leh azui mite tung ah noptuam na om dingin abawl khia makai upate in upna leh lamet na nei uh hi.

(6) Hih bang khantoh na a om na dingin, anuai a teng tung ah lungdam na ih gengen ding hi.

a. S.D.A. Myanmar Union Committee in sum tampi leh ngaihsut hoih, deihsakna hoih tampi tawh ong panpih hi.

b. S.D.A. Upper Myanmar Section Committee in thu hoih tampi ong theihpih na in hih Thuguilet ong thukimpih na, sum thagui tampi ong dinpih na hawmna gen na sepna khempeuh ah alam pial loh na dingin ong vil den na.

c. Tiddim Circle Leader leh Circle sung a om sia teng khempeuh in lungsim thatang sit lo a ong dianpih den na.

d. Hih laibuno a pian theih na ding a, laikhetna ong zang sak DamNo leh a innkuan pih te ong panpih na.

THU TUAMTUAM: 1. R.B. Pawlpi ki phuatkhiat cil a kipan kum 1990 kum ciang dong panmun len upa makai te min leh a nasepna mun te uh lahna:

	1983-1984	1984-1985	1985-1986	1986-1987	1987-1988	1988-1989	1989-1990
President	Sia Gin Lian Pau, BLA, Khampat.	Pa Pum Za Lian, Kalemyo.	Pa Sian Cin Zam, Sakollam.	Pa Sian Cin Zam, Sakollam.	Pa Sian Cin Zam, Sakollam.	Pa Kham Khan Thang, Tiddim.	Pa Khual Za Nang, Kalemyo.
Vice President	Sia Neng Do Lian, Ngente.	Pa Sian Cin Zam, Sakollam.	Pa Dam KhanPau, Tiddim.	Sia Gin Lian Pau, Khampat	Pa Phung Kai, Kalemyo.	Pa Khual Za Nang, Kalemyo.	Sia cin Za Kham, Tiddim.
Secretary	Sia ThangLam Tung Pau, Tiddim.	Sia Pau Za Khan, Tiddim.	Pa Vum Za Dal, Sing-unau.	Pa Dam Khan Pau, Tiddim.	Pa Nang Za Tuang, Lezang.	Pa Sian Cin Zam, Sakollam.	Sia Mang Za Lian, Kalemyo.
Asst. Secretary	-	Pa Khual Za Nang, Kalemyo.	Pa Gin Khaw Thang, Tonzang.	-	-	Sia ThangLam Tung Pau, Sakollam.	Pa Dam Khan Pau, Tiddim.
Treasurer	Pa Sian Cin Zam, Sakollam.	Pa Vum Za Dal, Sing-unau.q	Pa No Bawi, Tiddim.	Pa Phung Kai , Tiddim.	Pa No Bawi, Tiddim.	Pa No Bawi, Tiddim.	Pa Phung Kai, Kalemyo.
Asst. Treasurer	-	Sia ThangLam Tung Pau, Tiddim.	-	-	-	-	Pa Thuam Suan Mang, Tiddim.
Accountant	-	-	-	-	-	-	Pa Dam Khan Pau, Tiddim.
Auditors	Pa Vung Do Thang, Pa Vung Za Do Zampi.	-	Pa Suan Khan Kam-Kaptel, Sia Kam Pu- Mualkawi, Sia ThangPu-Sakollam.	Sia Lang Sawm Mang-Maymyo, Pa Suan Za Kam- Kaptel, Pa Nang Suan Gin- Sakollam.	-	-	Sia LianPu-Maymyo, Pa Khuppi- Sing-unau, Sia KhaiPu-Tiddim.
Members	-	-	Sia Lian Pau- Khampat, Sia Do Lian- Ngente.	Sia Do Za Thang, Tiddim circle leader.	Pa Zun Cung Nung- Saimun, Pa Vung Za Do- Zampi, Pa Vum Za Dal- Singunau, Pa Kham Khan Thang-Tonzang.	Sia Kai Za Dal- Tonzang, Sia Gin Sian Mung-Kalemyo.	Pa Nang Sian Pau- Singunau, Sia Kai Za Dal- Tonzang, Sia Pau Za Khan- Kalemyo, Sia Kai Khan Khual-Tonzang Sia Thang Pu-Maymyo
Advisors	-	-	-	-	-	Sia Pau Za Khan-Kalemyo, Sia Gin Lian Pau- Khampat, Pa Lang Suan, Section Sia teng.	-

R.B. Late No. 1

1) Khazih ading a kipia khangno te

Pianna gamlei pakbang tawi ve ni

Gam vangla ih ciin leh tuai teng tawh

Mimbang pianna Siansinthu tongkum veni

Cho: Remnant Band R.B. remnant Band R.B.

Tulai khangdawng tuailai te umbang

Kholhna, Remnant Band R.B. min-ngaih

Pen R.B. tun leh zua tongdot ten

Nibang awi hen aw.

2) Vangkhua khatlo Sianmang vontawi lia leh tang,

Mel muhloh lailung hong zuan lawngee,

Sianmang huai tangbang nadam uh hiam?

Phatna late sa in lungdam kipak ni.

3) Hongpai ve un Topa’ gam zai na ding

Neihsa lungsim thatang siit lo in

Tua hi leh Topa hongpai baih ding

Haleluijah Topa’ min thang tawntung hen.

R.B. Late No.2

1) Tung Siangmang hong makaih na khempueh te lungdam ko ni minthang hen

Hong makaih in a minthan na tangzai semsem hen

Tuulkhat zakua sawm sagih leh guk pan hong lam pi den atawntung

Sawm giat leh thum kum ciang in ong tang tung

Cho: Ateek akhang ih vekpi in a si a nen in

R.B. te (R.B. te) hi tek hang ih innphual ah sep ding

Tampi tak om zen hi ih theih loh hang tui hai khat bek suah le cin

Thunget na tawh panpih in mainawt ni.

2) Sia te atuam hi kei, hi peuhmah kei ih vekpi in thu um te

Khut kilen in semkhawm leng ong picing zaw lai ding

Ih pilna leh ih siamna khempeuh te Topa ading zang siam ni

3) Lungkia kei ni lungkia hetkei ni maw ih sepna te Topan thei

Topa ading ih piak-khiat ih um ih pai khempeuh

Ih thatang leh ih hun ih siamna te guak suak lo ding lungdam ni.

TOPA’ ADING LAMPI SIALNA TANGZAI SEMSEM R.B. MASUAN AMEN!

Pages

Labels

Sunday, September 12, 2010

RAYO pan RB (Written by Daltawng)

No comments: