Ni dang lai-in khuata khat ah unau 2 om hi. A nu in sihsan baih ahih manin tagah baih mahmah uh hi. A pa in zi kik nei nuam ahih man-in leilu, leitaw hong ngaih sunta hi. A tate 2 om kei leh zi kik neih na lem ding cih lampi hong mu khia ta hi. Papi meigongh pa in zong tua ni aa ki pan bawm pham hong ki pan ta hi. A tate in pa... na bawm pham bang ding? ci in a dot leh a pa-in gun aa no ciacia sungtum 2 ka puak na ding hi ci in adawng hi.
A man tak ciangin apa in, tate hong kisin dih vua ahoih nai tam ci in, atate abawm pham sung ah guang hi. A pusuah kik theih loh na dingin abawm gawng khak cip in a pa in apua hi. A gamla sim khat atun ciangin naute hi tak na thei uh hiam? ci in a dot ciangin thei mah ung, kapu te sial ka cin na mun hi... a ci hi. A pa in zong pai pih leuleu in gamsung agamla sim mun khat atun ciangin, naute hih tak na thei uh hiam? ci in dong leuleu aa thei mah ung...ka pute lokhawh ngeina mun hi aci hi. A pa in pai pih leu leu hi.
A man tak ciangin apa in, tate hong kisin dih vua ahoih nai tam ci in, atate abawm pham sung ah guang hi. A pusuah kik theih loh na dingin abawm gawng khak cip in a pa in apua hi. A gamla sim khat atun ciangin naute hi tak na thei uh hiam? ci in a dot ciangin thei mah ung, kapu te sial ka cin na mun hi... a ci hi. A pa in zong pai pih leuleu in gamsung agamla sim mun khat atun ciangin, naute hih tak na thei uh hiam? ci in dong leuleu aa thei mah ung...ka pute lokhawh ngeina mun hi aci hi. A pa in pai pih leu leu hi.
Gampi, taam lak a tung ciangin apa in khat vei dong kik in, nau te hih tak na thei uh hiam? acih leh thei kei ung pa aw ci hi. A bawmpi sung pan atate suah khia in, nau te hih tak ah na om un, pam sawl bawk kawm ah ek va tha ning, ci in atate ngak sak hi. Zi kik deih lua mahmah ahih man in atate khem-in inn ciah san hi. Sawt khom khat khit ciangin a unau un, ih pa hong zekai na e...sam dih ni, pa aw...pa aw...ci in sam-sam uh hi. A pa in dawng tuanlo ahih man in, a upmawhna sawl kawm peuh a zom uh hangin apa uh amu tuan kei uh hi.
Pa aw...pa aw...ci in sam kawmkawm-in zongin apaipai uh leh singkung sang mahmah khat kiang tung uh hi. Hih singsang dawn pan khua dak in sam le hang, ih aw za in ih pa mu ding hang, ci in a u nau un ki kum uh hi. A u pa in nau aw nang kah zo kei ni teh, kei va kah ning, anuai ah na ngak in ci in a u singkung sang dawn ah kah to hi. A dawn atun ciang in apa a gal-et uh hang, mu tuanlo, asap uh hangin apa in zalo hi. A tung lam a et toh leh vaphual bu mu in, a et leh atui na om hi. A u zong nuam lua mahmah in, nau aw...ken hiah, vasa tui mu ing a cih leh anau in u aw hong puak in ci hi.
Hong bang ci puak ding ka hiam? acih leh na ip ah, a u in ki tam in teh, hong tawi in...ki tam in teh, atawpna ah u aw, na kam sung ah muam in hong puak in ci in a nau in a vai khak hi. A u in zong akam tawh muam in sing tung pan hong kumsuk leh tua vasatui hong valh kha hi. Tua vaphualtui avalk khak tak ciangin vaphual in hong piang pah hi. A nau zong dah lua mahmah in akap kap hi. A u vaphual zong hong pau in, nau aw, kap kei inla ka liim hong zui in ci in,a u zong lengin apa a zong uh hi. Mun khat atun ciang in meivom lompi khat hong kai aa, a u liim anau in amu nawn kei aa aki mansuah ta uh hi. A nau zong a cih na ding theilo in a paipai leh khuata khat tuak aa tua khua ah ateeng pah hi.
A sep abawlna masuan khempeuh ah Pasian in thupha pia in hong hau mahmah in hong khangto mahmah hi. Hausa sem in nuam hong sa mahmah tak ciangin ni 7 sung Tong in Zu-nun ding hong kipan hi. A mansuah a u vaphual phawk lua mahmah ahih manin tua Ton-na leh Zu-nun na ah asim dingin a u vaphual hong sap sawm ta hi. Ganhing, vasa khempeuh hong kai khawm in a u sam ding hong teng ta hi.
Ka u kua in sam thei ding a cih leh ganhingkhempeuh in ken, ken, ken sam thei ning aci ciatuh hi. Hausa pa'n zong bawng nang hong pai....acih leh bawng zong hong pai in, nang ka u sam le teh bang ci sap ding ci in a dot leh bawng in zong, baw...baw...baw. ci in sam ning a ci hi. Eh! tua bang tawh ka u hong sapsak thei kei ni teh, Va-ak nang e leh bang ci sap ding? aak...aak...aak...eh! piang nai tak kei ei, baibek nang e leh, bai-be-lek...bai-be-lek, eh! hi zo kei ni ciau, ki nang e leh ki...ki...ki, kigamla tektek veh e, vakhu nang e leh, tuk-tu-kul-lkul...tuk-tu-kul-kul...piang sa thei peuh mah lo, ganhing vasa khempeuh abanban in hong kisin uh aa atawpna ah vahui nang e leh,
Vahui zong hong kipan pah aa, ko-ko-ik-kiik-ka-ta-u-e,nau in tonkhuang kai ee hong zo in...ci ning acih leh hih hi ei...nang vasap sakpah oh! leh ci in vahui zong vaphual sam ding leng pah vingveng hi. Tua tonna pen thupi mahmah leh nop ci mahmah in ganhing khempeuh leh vasa khempeuh zong ki hel kim uh hi. Sialkop go ahih man-in muh nop mahmah hi. Baibek zong sing dawn ah tuang leklaak in sialkop gawh aet leh kia kha aa gawlzum ah ataw tatin siluangin sanpekpaak hi. Tudong mah baibek taw asan lai hi. Baibek tawsan buipi in amuh ciangin anuih za lua kisa anuih2 leh ami abing liang hi. Tu dong mah buipi mit aneu hi.
Tua tonna pawi ah;
Tonna pawi ading zu asa(bawl)=Zusa
Tonna pawi sung aa zu lei aa asawl uh = Zulei
Tonsa azawn sak uh =Zawng
Ni 7 sung Tonna pawi ah ih mut ciimlo aa ngaungau pen = Ngau ect., cih bangin gamsate leh vasate min aphuak uh hi.
A kisam te kibehlap sakin, avalte kipaihsak ni,
Thangta
No comments:
Post a Comment