1. Mi te mawhna a kawkding leh thukhen ding pen kei hi keng ee
2. Nang ma khalam kiukna lobuang buaipih lua se dah in
3. Christian lo te tawh kam kisel se ken
Paul
in 1Corinthian ah “ei leh ih pumpi ih sittel (teldot) leh thukhen na ih
thuak kei ding hi” Tua ahihman in mawhna leh siatna bawl te lak ah ih
om ciang in mawhna ih bawloh lam amau ten hong theih ding thupi hi.
Midang te tungah na hehpihna te lakzaw in la amau te nawnkhin tuan se
ken. Mi te in na upna thu hong dong aa gentheihna ding hunhoihna ngah
leh nang hoihna gen ken la Topa Zeisu bangzah hoihaa aman na nuntakna
bangci in hong khelhoihsak hiam cih gen zaw in. Topa Zeisu ading aa
nunta nahihna lak in. Misiangtho bangkek khat in kineih se ken.Mi hong
telmahmah lel ding uh hi.Na thanem na,na khaluana, mimuan zawhlohna,na
lunggimna te selsel se ken la lakkhia zaw in tua hi leh mi te in na
thumaan na mu ding uh hi. Tua te in midang te huzap zaw aa midang te
tung khuavak lak thei zaw hi.
Midang
te tungah huzapna neih theihna ding in pawi uk te sang in pawilakna
sungah ki hel zaw in. Midang te deihsakna lungsim tawh hopih in.Midang
te thugen ngaisiam sawm tawntung in la huhna ki sam te tugnah na
khutzeplo in zankhia in. Nisim na nuntakna ah nang sang in Zeisu midang ten amuh theihna ding in nisim thungen den in.
Matt
7: 1-5 “Thukhenna tawh na ki peelh theih na ding un mi dangte thu na
khen kei un. Bang hang hiam na cih uh leh, midang te tungah na khen uh
bang in note in theukhenna na thuak ding uhi hi. Midang te napiak na uh
seeng bang in no zong hong kipia kik ding hi. Na mit sung aa singluang
lungngai lo in na u na nau mit sungaa ninneng tang bang hangin na en
hiam? Na mit sungah singluangomnapi in na u na nau kiangah “ Na
mitsungah aom ninneng tang hong paaikhiasak ning” banghang ci na hi
hiam?Nang misimtat pa aw na mit suangah a om singluang paaikhia masa in.
Tua khit ciang in na u na nau mitsuangaa om ninneng tang paihkhiat ding
na tel muh thei ding hi.
Hih
mun ah singluang leh nenno khat te in mihing mawhna leh thanem nate gen
hi. Hih munah Topa Zeisu in mdang te ginatlohna te ah thukhen lo ding
cia hong hilh ahi hi. Mite puatham en aa tuatawh thukhen na pen ki khial
hamtang zaw hi. Hih mun ah mite damsak na ding aa huhna leh mawhsakna
tawh thukhenna namnih Topa in gen hi.Damsakna ah mitang sungaa om
ninthem no lakkhiatna in kicing taka muhtheihna ding hi. Thukhenpa hih
leh mawhsakna leh mawhna thaman piakna ding loh buang damsakna om lo hi.
Ei mitsung aa nin hong kheisak ding mit tang spcialist Doctor Zeisu ih
kheisak kul hi. Ei mit a dam khit ciang in teltak khua ki mu theipan
ding hi.
David
in Uriah zi, Bethsheba tawh mawhna vai ah Kamsang Nathan hong pai in
mihau pa leh mizawng te tangthu tawh David mawhna hong pulak hi.Hih mun
ah David in ama mitang sungah siluang phawklo in mihau pa mitang sungah
ninthemno khat mu hi. Tua mun ah thukhen ding in hong ding hi. 2 Samuel
12: 1-7. Mitampi te pen David bang in mawhna, zongsat hoihlo tawh kidim
na pi hang in mite mawhna neuno khat tungah themzong khiamnuam vetlo
vive ki hihi. Topa Zeisu in tua dinmun pan ki hemkhia mengmeng in hong
ci a hi hi. Kamsang Nathan in David kiang ah “tua mi hau pa pen nang an
hi hi “acih ciang in David in “ Topa tung ka mawh hi” ci in thuumpah aa
ki sikkikna tak tawh Topa zuan kik hi.
Abeisa,
ka khangno lai in, kum 35 kaphat masiah kei leh kei pil kisa hi.Pawlpi
zong ka it mahmah hi.Kipawlna khat peuhpeuh ah ka kihel ciangin zong
kalungsim takpi mah tawh tua kipawlna khantohna ding na kasem hi.
Deihsakna lungsim ii phutna hang in zong a thanem khat peuh ahizong,
keimuhna ah thadah ka sak khat peuh ahi zong, makai khat peuh ii
khialhna leh thanemna te ka thuakzo kei thei hi. Pawlpi itna tawh hi
peuhleh makai siapi kuakua ahi zong mawhna pulak mang ding, kheltheih
leh kikhel sak ding cih lungsim kapaai ngei hi. Tu takciang in thukhen
dinmun tawh kuamah kikhelsak zolo ding cih ka mu hi. Topa tung ka
lungdam hi.Thukhen munah mun ih lak ciang in mi mawhna bek ki mu in ei
mawhna ki mu lo hi. Mite tawh kilem ding sang in kisiatna ding vive tawh
hun bei hi.Na mawkkawk mi pa zong ki khel ding cithadah heh semsem in
suksemsem zaw thei hi. Mihing lungsim pen tungnung
kituk nuam mahmah te hi hang. Siatna guamsung ah khat leh khat “
ngapmaw” cih ding longal thudang hong lut thei nawnlo hi.
Hia
hun lai aa kakampau khialhna leh gamtatkhialna te Topa tung leh mite
tungah ka thuum nuam hi. Reformation, kiphuahphatkikna pen thupi mahmah
hi. Khialna te puahpha lo in koih ding a ci ka hi kei.
Bangci puahding cih Topa hong hilhna hih bang hi a ci hi zaw ingh. Kawl
puanak ah ( piat asen pyin khanah) ci hi. Ahi zong damsakna ahi ei
mittang sungaa singluang kheikhia lopi in mi te mitang sung aa niinthem
ki lakhia thei lo ding hi. Nang mahmah thu kikhen ma sa in.
Pawlpi cidam hen oo,
Mangpi
Miami
No comments:
Post a Comment