“ And if any man will sue thee at the law, and take away thy coat, let him have cloak also.” Matt 5:40 (Authorized King James Version)
Hih muntawh kisai in laisiangtho version khat leh khat kibang lo hi. Zo laisiangtho Khat leh nih ihneih te zong kibang lo hi. Hih a tung aa AKJV leh athuluan zia kituak pen ding in lam en ingh.
Hih muntawh kisai in laisiangtho version khat leh khat kibang lo hi. Zo laisiangtho Khat leh nih ihneih te zong kibang lo hi. Hih a tung aa AKJV leh athuluan zia kituak pen ding in lam en ingh.
Coat cih pen puantugnsilh hi aa Cloak pen puanza or dialpi hi. Tanglai Arab leh Jews te zat puanza te pen pi 18 sau in pi 5-6 bang zai hi ci hi. Mizawng khat in puanza khat val nei zolo uh hi. Munkhat pan munkhat khual a zin uh ciang in tua puanza tawh avan teng uh tuun in vanpuakna in zang uh hi. Zan ciang in tua puanmah silh uh hi. Amau te a ding in puanza pen manpha mahmah abangkim khat hi. Tua a hihman in mizawng khat in mihau khat or midang khat kiang ah sum leitawi lakciang in tua puanza khaam or (pong, pawn) hi.
Paikhiatna 22: 26 “ Khapna ahi navengpa puansilh na lak ngei khak leh nitumma in ama tugn ah na pia kik ding hi.” ci hi. Mang lai siangtho sung ah “ Pawn or pledge cih kammal zang hi. Vs 27 simsuk lai leng nitum ma in piakik kei le cin bangtawh lum ding hiam?... Pasian in ama kiko na aw kaza ding hi. Ken ka hehpih hi Pasian in ci hi.
Amos 2:8 sungah “ Biakna tau gei khempeuh ah lum uh aa leitawi tang aa apuan kepsak te uh phah uh hi…” Suum meet ding in lengzahzu leh sathau te zong la uh hi. Nehemaih 5: 7-12. Pasian in tua te pai kik un ci hi.
Mihau te in mizawng te tungpan leitawina tawh puanza alak khit uh ban ah in tua mizawng pa in a meet ahi aa a leiba te a lohzawhloh ciang in a meet ding in a pumtung aa asilh tawm uh puante ngahna ding in zawhthawh thu tawh zum ah khia lailai uh hi. Mihua khat vantung atun ding sang in kalaooh pimbilvang aa tun ding biahzaw mah ding hi. Pasian sawlna ah, Thuhilhkikna 24: 10- 13 “ amua te inn ah tua khapna puanza vala lo ding ci lai hi. Pasian deih zia leh mihing te gamtat zia kikhai mahmah hi. Ei mizawng te a ding na mahmah hi. Kisimmawhna pen na mahmah hi.
Hih bang a thuak mizawng khat tung ah banghang in Topa Zeisu in napuanza zong piavek in ci hi ding hiam?
Paikhiatna 22: 27 sung ah “amau te kiko na aw ka za ding hi.” ci hi. Miten hongsimmawh ciang in Pasian ei tawh hong nai semsem hi.Tua simmawhna thuakzolo aa ei leh ei in hih thukik leh Pasian hehpihna thupha kipeng thei zaw hi. Ei leh ei thatang tawh ihngah thaman deihzaw maw Pasian thupha deihzaw?
Thukhuipna: 1 Peter 2: 18- 23 “ Mi khat in ahi lo bawlsiatna a thuak ciang in Pasian maitang ngaihsun in a thuakzawh leh phattuamna angah ding hi… Pasian mai ah phatna nangah ding uh hi. Ih tote, ih ulian te, ih makai te, ih nu ih pa te, hoih kim het lo ding hi. To gilo te zong nathuak un Peter in ci hi. Thuneihna tawh zong hong zawhthawh, hong simmawh kha mah ding uh hi. Topa maitang en ni. Thuak ni. Topan hong mugige hi. Mizawng khat khuadam sa aa zankim aa akikona aw Pasian in za hi. Banghang in thawngsung om mite kiko na aw za lo ding hiam? Tungsiah makai te thumaan lo ahih leh zong Pasian thukhenna in zekia lo hi.
Rom 12: 17_21, Siatna te thukik kei un. Topa in Keimah in kathukik ding hi ci hi.Thu hoih tawh thusia zawh sawm un. Tua in gualzawh na hi. Napuanza zong pia beh lai ni.
Pasian sungah gualzawhna deih,
Mangpi
No comments:
Post a Comment