Ka khan hong cing pianpian a hih lam kei le kei ka ki phawksan laitak-in, I nuntakna ah zuihding kilawm mahmah napin zuih hak I sak mahmah leh, I zuih loh theih pahpahthu khat ka lungsung ah hong ki phawng vat hi. Ka tuah khak thukhat tawm hong hawmsawn ning.
Ka high school kah hun,khan kum 17 ka phak laitak-in, ka sanginnpi mai-ah, nai hoih mah mah, gun le kham tawh a kibawl khat ka mu hi. Hoih lua mahmah in tam man mahmah kha ding in ka um hi. Ka lungsim ah, huaihamna, ang sung theihna lungsim hong lut pah in, kua manlah hong mu lo aih teh, ka sel vingveng aa, inn ah ka ciah pih hi. Inn ka tunteh ka nu zong a kipak mahmah ding in um kawm in, ka nai muh ka lak leh, “Manlang in nasiate ap kik inla, a neite kansak in ”ci-in hong tawng dikdek hi. Kei zong, “ Kua man lah hong mu lah hilo aa, kei muh hi ven, ka guk lah hi lo a” ci-in tawl khat sung ka kinial uh hi. Ka nu in khauhtak-in, hong ap sak kik aih man-in, kei zong lungkim hetlo sa-in, sang paikik ving veng in, ka siate ka ap kik hi.
Tua hun laitak-in, ka nu tung ah ka khasiat tha hong suak mahmah hi. “ Kei ii muh hi aa,ka guk lah hilo. Kei aa hilo ding maw” ci-in ka ngaihsun hi. Bangbang aih zong in, duhhopna,huaihamna in, ka lungsim hong zo gawp hi aa, ka nu cih mah, thuman thutak a hih lam bel, ka thei veve sam hi. Aihzong in, ka kiphatsak-na, ka tungtuan nopna lungsim in hongzo aih man-in, tua hun laitak in “ khial mahmah ing Nu aw..” bel, ka ci nuam het kei hi. Tuateng tawh, hun te hong bei toto in, kum 4 bang hong hih khitteh, hi thute ka mangngilh ta hi.
College kah ka kipat kum in, vanzuakna sai khat ah, lengsawn nasep ka sem kawm hi. Zingsang khat, lengsawn te ka sensen laitak-in, lengsawn tung khat ah, sumthohna laibu(checkbook) khat, ka mukha aa, kei zong ka muhphet in, customer service centre ah paipah vingveng in, hih summthohna laibu pen, I vanlei(customer) te mansuah hikha ding aih man-in, hongkan a om leh na pia un ci-in, ka ap hi.
A sawtlo in, lengsawn te ka sensen laitak-in, mi khat hong pai in, “ lawm aw, zanitak in, ka zi-in, hi kiim teng ah a sumthohna laibu(checkbook) mansuah in,na mukha hiam?”ci-in hong dong hi. A min hong gen teh, zanitak aa ka muh pen hilian a, kei zong, “ Mu mah ing. Sai sung ah lut inla, sai ngakte kiang ah dong in. A mau ap khin ing” ci-in ka gen hi.
Tuakhit leh, mipa maitang hong ki khel vat in, nuam lua kisa in, khitui luangliang dektak in, hong nui in, a sum bawm pan sum pawlkhat hong la khia a, a lungdamna lah na in, kei hong pia hi. Aih zong in ka sa’ng kei hi. Hi bang in ka gamtatna ha’ng in, kei le kei ka lungsim ngaihsutna hong khang hi. Kuakua in hong theikei ta leh,simtat se lo-in, thu man thutak tawh I gamtat ciang, I lungnuamin, I lungsim suakta in, ei le ei I manneih lam zong ka phawk thakthak aa, hi bang aa, a manpha thuman thutak tawh gamtat-na pen leitungna te tawh khek ngam ding in ka ngaihsun zo nawn vet kei hi. Tuu-ma kum 4 lai aa, ka Nu hong thuhilhna te, ka nai muh vaitawh kisai ka kikam tam nate ka bilkha ah hongging ciaiciai hi. Ka nu in nah, “ Ka ta aw, thuman thu tak-in gamta in. Nang van nang neihsa a hih kei nak leh, nang tawh a kisai lo nate, deih in nei kei in.” ci-in hong thuhilhna te ka lungngai kawm aa, “ Nu aw, nong thu hilhte manpha lua si ee. Lampi man-ah nong tonpih nong makaihna te ha’ng, tuu in kei le kei ka manneih na ki thei tektek ing. Lam man-ah nong tonpih nong pantahna ha’ng in, sumlaibu(checkbook) ka muhciang zong, thuman tak tawh ka gamta aa, tua ka gamtatna in, ka lungsimte hong picing sak semem in, pahtawina zong hong ka ngah beh lai hi. Lungdam lua ing ei ka Nu” ci kawm sa-in, nuihiu hiua in ka nasep maban ka zom hi.
Tate pen, gamuk,gammangpi,galkapbu,
Source: Doing the Right Thing
From Chicken Soup for the Soul: Thanks Mom
By Steve Chapman
Translated by Tualliantuang
No comments:
Post a Comment