1996 pan 2009 Tithe Report Na

Hih September 30, 2010 Quarter Report nong hawm khiat uh thupi sa ingh.  Tithe tein Ks. 1,451 (Ks. 145,100,000 or million 145.1) leh offerings tein Ks. 109 cih mawk peen tawm het lo hi.  Topa’ thupha lian lua mahmah ahih lam hong phawk pha sak hi.

Maymyo ah ka sep laai 1992-1995 sung iin ih Upper Myanmar ah ih tithe te a hong khan kipat tung lam hi aa a hi zah lian ka tel nawn loh hang iin tein 25, 30, 50, cih pawl leh 1995 ciang iin tein 70 vaal (Ks. 7,008,844 or million 7) vaal a kingah ciang iin a kilung dam mahmah ahi hi.  Tua nung akipan ih sawm aa khat (tithe) sum luut peen a nuai aa bang hi.

1996 kum iin tein Ks. 68.86 (Ks. 6,886,247) kingah hi.

1997 pan tein 111.93 vaal ngah kipan,

1999 kum pan tein 207.37 vaal ngah kipan,

2001 kum iin tein 301.80 vaal ngah kipan,

2002 kum pan tein 403.76 vaal ngah kipan,

2005 kum iin tein 641.79 vaal ngah kipan,

2006 kum iin tein 847.45 vaal ngah kipan,

2007 kum iin tein 1,265.80 vaal ngah kipan,

2008 kum iin tein 1,487.36 vaal ngah kipan,

2009 kum iin tein 1810.92 vaal ngah kipan hi.

As of September 30, 2010 iin tein Ks. 1,451 or 145 million vaal ngah khin ihih leh tu kum iin tein Ks. 2,000 (Ks.200 million) vaal kingah thei ding lamet huai hi.  Dawimangpa in a ki it mahmah Upper Myanmar Mission aa ih SDA pawlpi hong khen kham hi kei zen leh Upper Myanmar Mission bang zah ta aa khangto ding cih ka ngaihsut ciang iin ka lungtang hong su kha mahmah hi.  Pawl sung buai nenuk hi kei zen lengg ih deih ih nget Conference status maan tatak kingah lua thei ding ka cih ciang iin ka lungtang hong na sak mahmah hi.  “Aakta duh gawl lawh in khup” a cih dan iin pawlpi ngeina palsat aa lammaan lo tawh thahat thuciam aa a kisem te hang iin ih masuan bing khin ta.  Satan in tua teng mah thei aa ih pawlpi hong toknawi hi zen hi ven maw.   Ei khan sung iin ih biak Topa Pasian’ Khasiangtho’ hehpihna tawh SDA pawlpi a it takpi te in ih pawlpi langdo nawn lo iin GC leh Division makai te hong lamlah bang iin Leitung bup SDA pawlpi maan sung ah ih kipum khat kik ding mah lamen den laai tentan ingh. 

Hih sum leh paai te Topa’ minthanna ding iin kizangh ta hen.

SDA Pawlpi a it,

Mungno Gualnam

Riverside, California