omna Division aa Working Policy tawh kizui iin Conference ngah theih nading eligibility nei
takpi peuh lengg GC leh Division in Conference status a ngah kim ding iin a hong deih lua uh
ahihmanin Mission ngeina tawh ki makaihna pan Conference ngeina tawh kimakaih theihna ngah loh nading a hang om lo hi.
Mission policy tawh ki makaihna peen gam bup khat sung aa gamdei (state or division) pawl
khat a kigawm or gam bup khat or gam bup khat leh nih a kigawm khawm sung aa SDA pawlpi hon khat te’ kipawlna hi thei hi. Hih kipawlna peen leitung bup SDA pawlpi te ii kipawlna phualpi General Conference of Seventh-day Adventists pan a dawl dawl aa ki ukna ahi Division leh Union te in a phuh uh Local Mission or Local Section kici hi. Local Field or Attached Field a cih te zongh tawh kibang dek tak hi. Hih Local Mission khat a omna gam kumpi hong khangto iin pawlpi mi te zongh Topa’ thupha hang iin sum leh paai muhna ngahna ah khang to iin pawlpi bup a hong khantoh ciang iin a kipawl khawm pawlpi hon khat or local mission/conference or union or division in local mision dinmunh pan conference dinmun a ngah theih nading iin ngetna phah thei hi. “Proposals to organize groups of churches into new conferences may be initiated by the conference (or mission supplied), by a group of churches, by the union, or by the division.” (2005 SSD Working Policy, p. 66, B 55 15 Organizing New Conferences)
1987 kum aa Conference Ngetna: Conference policy tawh kizui iin 1987 kum iin Upper Burma Section in Section officers te leh pawlpi mi te kilungkim iin Conference dinmun kingen aa Far Eastern Division makai te zongh in lawp mahmah uh ahihmanin January 6, 1987 ni iin Division President Dr. Otis Edward leh Union officer teng: Pr. Kyaw Barley, Pr. Thein Shwe leh Pr. Ba Hla Thein tawh Mandalay ah kimuh khawmna a kinei ahi hi.
Tua khit ciang iin Union Conference Promotion Subcommittee (UCPS) ci iin Upper Burma
Section in Conference vai aa a mapang ding iin Pr. Thang Khuma, Pr. Thang Siangh, Pr.
Kenneth Thang, Mr. Pau Za Khan, Mr. Kai Za Dal, Dr. Gin Dal Lian leh Mr. Khual Za Nang te
teel uh hi. Ei lampan cingtaak peuh lengg Conference hong piak sawm lua uh ahihmanin Upper Burma Conference Working Policy zongh bawl ding iin hong vai khak uh ahihmanin Upper Burma Section EC khensatna tawh Working Policy draft a bawl ding iin tua hun laai aa Upper Burma Section Accountant a sem Sia Lianpu (Sia Kham Khan Lian) masuan pia uh aa 1988 kum midyear committee ah Upper Burma Section EC in tua draft Working Policy sanna nei hi. Hi bang iin Upper Burma Section in Conference dinmunh a ngetna tungtawn iin Far Eastern Division pan Adhoc Committee in tua hun laai aa Division Administrative Field Secretary a hi Elder Larry R Colburn leh a pawl te October 1998 iin final survey bawl ding iin Kawlgam ah hong zin sak khit uh ciang iin November 1988 maa aa khensatna khat a om ding iin hong za sak uh hi. Conference dinmunh ngah theih nading iin a thupi bulpi te: (1) spiritual maturity – khalam picinna (2) leadership quality – makaih theihna (3) financial ability and stability – sum leh paai ah mapan zawhna leh kipna cih te ahi hi. 1987 kum aa Conference nget na vai ah Division te in hong kalh (nget) a dang om lo iin a tung aa number thumna ahi sum leh paaiah maapan zawhna leh kipna vai ah a lung uh himawh peen uh ahihmanin Conference ih ding zo taktak diam cih a tel nop uh man un Conference dinmunh ih nget khit akipan Division pan aa Burma Union tungtawn aa kum sim aa huhna (appropriation) te hong pia nawn lo iin Conference hong kisin sak uh hi.
Division makai te in Upper Burma Section makai te kiang ah tithe base (sawm aa khat zungpi) vai dot pi peen iin na nei uh hi. Tithe base (Sawm aa khat zungpi) cih vai peen a tel lo te ading in gentehna tawh hong pulaak ingh. Tua hun laai iin Upper Burma Section ah SDA pawlpi mi 2,900 khawng a kipha lak ah: gentehna, sawm aa khat a pia mimal 1,000 bang pha iin sawm aa khat ih ngah vek pi Ks. 500,000 pha ci ni. Sawm aa khat a pia te lak ah kimhawm (average) lengg mi khat in Ks. 500 ta a pia suak hi. Ahizongh'n tua hun laai iin mi khat in Ks. 500 pia kim zo lo hi. A tampiak zo deuh 20 (20/1000 = 2%) te in a kigawm iin Ks. 300,000 pia iin a dang 980 (98%) teng in Ks. 200,000 a pia in tuat ni. Hih mun ah sawm aa khat a lim piak zo 2% bek ahihmanin hih sawm aa khat a pia pawlpi mi 1,000 lak ah a zungpi (main tithe base) mi 20 (2%) te ii business, sum muhna leh nuntakna te mahmah bang lo khat hi kha peuh mah leh mai lam kalsuan na ding zia leh tong koi ci om ding cih khawng ngaihsun uh hi. Tua ban ah hih mi 20 te ii sum zon sum bawlna (business) te peen a kip a kho, a khangkhang aa a kip thei te maw or a tuita khan aa a kiam pak thei te maw or risky maw stable maw cih bang te thei nuam uh hi. Ei deih bang dan iin a nagen kha kei zongh iin Sia Kip in ama muhna bang lian iin Division te kiang ah tithe base vai nagen ahihmanin Division te in ih tithe base peen kitha dom a sa lo uh ahi hi.
Tangdinzawhna Tan (Selfsupporting Percentage) ih cihpeen Union, Division, leh GC pan
sum leh paai huhna te kihel lo iin ei leh ei iin Pasian na sepna te sem zomzom zo ding or sem zomzom zo lo ding cih tehna (measurement) khat ahi hi. A tom iin Mission sung aa sum lut teng tawh Pasian’ nasep a khangkhang iin sem zom zo ding or sem zom zo lo ding hiam cih sittelna khat ahi hi. A hunhun iin sum lut tam semsem iin sum zeekna zongh pung semsem ahihmanin net income (zat zawh sum lut) a om ding kisamh mahmah hi. Tua thu hang iin sawm aa khat zungpi (tithe base) thupi mahmah hi. Selfsupporting percentage peen 100% sang a tam zawk ding kisam hi. 1995 masaih statistical report nei lo kahihmanin 1995-2009 kikaal sung selfsupporting percentage dinmunh a nuai aa schedule ah hong guang ingh. Hih report ih et ciang iin 1995-2009 kum 15 sung iin khat vei zongh 100% kingah zo lo hi.
Upper Myanmar Mission of Seventh-day Adventist
Date Tithe Mission Offering Self Support
1995 7,008,844 686,682 82%
1996 6,886,247 694,208 NA
1996 6,886,247 694,208 NA
1997 11,193,014 950,633 18%
1998 16,356,347 1,319,780 59%
1999 20,737,426 1,984,209 NA
2000 21,895,513 1,986,837 NA
2001 30,180,806 2,632,428 63%
2002 40,376,595 3,539,328 71%
2003 41,315,648 3,143,555 50%
2004 47,538,152 3,040,813 58%
2005 64,179,695 4,228,603 66%
2006 84,745,253 5,821,884 77%
2007 126,580,934 9,671,859 67%
2008 148,736,680 11,697,281 60%
2009 181,092,656 13,115,001 90%
1989 kum Union session ciang iin session nominating committee kiang ah nominating committee member, Upper Myanmar Mission lay delegate, te in Conference masuan a phuzom ding, Upper Myanmar Mission president ding iin Sia Thang Siangh a kingen hinapi “hi bang iin sem zom suak thei peuh lengg Conference ih cih zongh kisam tuan se ahia” ci iin President a sep sung iin phu zom lo hi. Sum leh paai a lut leh a pusuak khinkhai lo iin Global Mission project paulam iin sum zeekna lian lua ban ah Sia Siangh in "Pasian nasepna hi lel ahih teh Union ah sum puak se lo iin e'n zangzang lel ding" ci ahihmanin 1991 kum bei ciang iin Upper Myanmar Mission in Myanmar Union Mission ah leibaa Ks. 2,500,000 ($416,667) bang ki baa mawk aa ih sum vai te ah leibaa bek khang to hi. Sum leh paai leibaa (financial inability) ih neih gawp man iin 1991 kum bei aa Myanmar Union Mission session aa nominating committee in Upper Myanmar Mission administration and leadership peen muang zo lo ahihmanin UMM delegate te in UMM president ding iin Sia Thang Siangh a nget kik tentan uh hang iin ngah kik zo lo hi. President hong ngah kik loh teh Sia Siangh in Conference kisam sa kik pan ahihmanin April 4, 1992 ni mit tawh conference dinmun ah kalsuan nading Upper Myanmar Mission makai te kiang ah hanthawn iin tawsawnna lai Pr. Sandy Dee kiang ah khakpan mawk hi.
Sia Sandy Dee makaihna tawh Upper Myanmar Mission EC in June 8-9, 1992 aa midyear
committee khensatna tawh Myanmar Union Mission leh FED ah ngetna kinei kik hi. Tua ciang
iin Far Eastern Division Associate Secretary Clinton L Shankel in June 18, 1992 ni mit tawh Pr. Sandy Dee kiang ah hi bang iin lai na thuk kik hi. “Na sum vai te uh lah kiam tektek ………..Na sum vai te uh ah thahat kei le ucin conference dinmunh suahna in no tung ah sum vai hamsatna behlap iin no a ding iin maban zopna hamsa sak zaw kan ding hi. Conference status ngah man iin Kawlgam sung aa vai te ah dong tuahna ahih zawk ding ka deih kei uh hi. Tu aa kong lai gelh in Elder Bullock kiang aa na ngetna vai tawh kisai a dawng ding iin ka lamen hi.” [“Your finances are lessened …. If your finances are not strong, then becoming a conference puts an additional financial burden upon you which will make even more difficult for you to operate. We do not want the program in Myanmar to suffer because of a conference status. Hopefully this will in part answer your request to Elder Bullock”] ci hi. Tua hi aa Upper Myanmar Mission in conference dinmunh ih ngah lohna peen Myanmar Union Mission leh Far Eastern Division in conference status tawh hong kisinsak (testing period) sung, 1987-1991 sung ah leibaa ih hauh man leh sum zeek dan (budgetary control or financial management) ah leadership quality ih neih loh man aa a ngah lo ihi hi.
2003 Kum aa Conference Ngetna: Lammaan tawh Conference ih nget zawh kum 16 a cin hun, Wednesday, January 1, 2003, ni, iin Conference Planning Committee in meeting pi masa nei aa hih peen (a) ATI leh MMCC vai, (b) December 10-14, 2001 aa MYUM session leh (c) January 9-12, 2002 aa Singunaau aa UMM session pan aa lungkimlohna hang hi pi peen hi cih hih laai sim zom le cin na mu thei ding hi.
Upper Myanmar Mission voted 97-85 tawh Pyin Oo Lwin (Maymyo) ah Basic Theological
Course hon ding kigeel aa 1999 Year-end meeting ah kum 2 Tribal Training hon thak ding ban ah Kawlpi SDA Church ii hanciamna tawh khual gamla ah sang a kah zo lo te ading in MMCC ah College Course a hong kipat toh denden ciang iin Upper Myanmar Mission makai te leh Myanmar Union Mission makai te kithutuak thei lo uh hi. Tua thu hang iin December 10-14, 2001 aa MYUM session ciang iin Pr. Kham Khem in UMM President hong ngah kik lo hi. Tua khit ciang iin ATI sang peen Union leh Division ii phalna tawh a kisem zom hi lo ahihmanin February 2002 iin MYUM EC ah ATI phiat nading thu khensat uh hi. “Tua thu teng akizak ciangin kiteelna sunga MYUM uliante lehpeeinateng leh UMM session buai nateng kigawmkik- in mipipte lungsim so ding ongki pan hi.” (Sia Kham Khen to Sia Mungno, February 24, 2004).
Sia Sandy Dee makaihna tawh Upper Myanmar Mission EC in June 8-9, 1992 aa midyear
committee khensatna tawh Myanmar Union Mission leh FED ah ngetna kinei kik hi. Tua ciang
iin Far Eastern Division Associate Secretary Clinton L Shankel in June 18, 1992 ni mit tawh Pr. Sandy Dee kiang ah hi bang iin lai na thuk kik hi. “Na sum vai te uh lah kiam tektek ………..Na sum vai te uh ah thahat kei le ucin conference dinmunh suahna in no tung ah sum vai hamsatna behlap iin no a ding iin maban zopna hamsa sak zaw kan ding hi. Conference status ngah man iin Kawlgam sung aa vai te ah dong tuahna ahih zawk ding ka deih kei uh hi. Tu aa kong lai gelh in Elder Bullock kiang aa na ngetna vai tawh kisai a dawng ding iin ka lamen hi.” [“Your finances are lessened …. If your finances are not strong, then becoming a conference puts an additional financial burden upon you which will make even more difficult for you to operate. We do not want the program in Myanmar to suffer because of a conference status. Hopefully this will in part answer your request to Elder Bullock”] ci hi. Tua hi aa Upper Myanmar Mission in conference dinmunh ih ngah lohna peen Myanmar Union Mission leh Far Eastern Division in conference status tawh hong kisinsak (testing period) sung, 1987-1991 sung ah leibaa ih hauh man leh sum zeek dan (budgetary control or financial management) ah leadership quality ih neih loh man aa a ngah lo ihi hi.
2003 Kum aa Conference Ngetna: Lammaan tawh Conference ih nget zawh kum 16 a cin hun, Wednesday, January 1, 2003, ni, iin Conference Planning Committee in meeting pi masa nei aa hih peen (a) ATI leh MMCC vai, (b) December 10-14, 2001 aa MYUM session leh (c) January 9-12, 2002 aa Singunaau aa UMM session pan aa lungkimlohna hang hi pi peen hi cih hih laai sim zom le cin na mu thei ding hi.
Upper Myanmar Mission voted 97-85 tawh Pyin Oo Lwin (Maymyo) ah Basic Theological
Course hon ding kigeel aa 1999 Year-end meeting ah kum 2 Tribal Training hon thak ding ban ah Kawlpi SDA Church ii hanciamna tawh khual gamla ah sang a kah zo lo te ading in MMCC ah College Course a hong kipat toh denden ciang iin Upper Myanmar Mission makai te leh Myanmar Union Mission makai te kithutuak thei lo uh hi. Tua thu hang iin December 10-14, 2001 aa MYUM session ciang iin Pr. Kham Khem in UMM President hong ngah kik lo hi. Tua khit ciang iin ATI sang peen Union leh Division ii phalna tawh a kisem zom hi lo ahihmanin February 2002 iin MYUM EC ah ATI phiat nading thu khensat uh hi. “Tua thu teng akizak ciangin kiteelna sunga MYUM uliante lehpeeinateng leh UMM session buai nateng kigawmkik- in mipipte lungsim so ding ongki pan hi.” (Sia Kham Khen to Sia Mungno, February 24, 2004).
A tom iin Upper Myanmar Mission administration in a tung siah Union Mission ii makaihna a
zuih loh man iin buaina mei ek hong kuang khia ahi hi. Union leh Division in a phal lohna thu
peen Pr. Daniel Nangno kiang aa March 5, 2002 ni mit tawh Pr. Violeto F. Bocala, Division
President, in a gelhna sung ah telgen mahmah hi. Hih kawmkaal ah conference a deih teng leh minam it a kici te ii support ngah nading deihna tawh Conference leh minam vai hong guan beh uh ahihmanin ATI, election, conference leh minam vai thu 4 teng a kigawm ciang iin thu nawngkaai sak mahmah zo takpi hi. UMM administrator te in tungsiah thu na mang henla, lungkimlohna leh hehna te ah zongh Working Policy dung zui iin Union or Division or GC ah a thuakna uh na pulaak uh hi leh hih buaina te om het lo ding hi.
Division makai te in ih pawlpi leh pawlpi mi te hong it mahmah ahihmanin vaan theih tawp iin hong vaan iin lammaan hong lak den uh hi.
April 29, 2003 ni iin Dr. Ng, Division Executive Secretary, Pyin Oo Lwin ah hong pai iin ih vai
te a sian na ding hong hanciam hi. Tua laai ah Dr. Ng tawh a va kimu pawlpi makai teng peen: Pa Kai Za Dal, Pa Kam Khan Mung, Pa Thang Za Pau, Pa Khen Do Pau, Pa Pum Za Lian, Pa Cin Khan Thang, Pa Thang Lian Khup, Pa Nang Suan Gin, pa Zam Kho Gin, Pa Nang Cin Khen, Pa Ka Do Thang, Pa Kham Khen Pau, Pa Kham En Thang, Pa Sian Khan Mung te (min list peen August 29, 2005 ni aa Nginkok lai gelh pan hi.) Buai a hong kipat masakna peen kitelna lungkim loh man kici ahihmanin Dr. Ng zongh tua vaai vaan ding aa a hong pai hinapi kiteelna hang hi kei Conference a deih hi ungh cih tawh thu kawng a na kihei ciang iin Dr. Ng in kiteelna vai bang mah a geel nawn lo ahi hi. September 23, 2003 ni iin Division President Pr. Gulfan ngiat peen Kaleymyo ah ih pawlpi sung kimuhkhialhna leh CPC vai hang iin hong pai hi. March 13, 2004, iin Ted N C Wilson, Vice-President of General Conference nangawn Yangon dong ah hong zin hi.
Hi bang iin hong vaan khit uh ciang iin itna leh deihsakna tawh March 15, 2004 ni iin Pr. Gulfan in Conference Planning Committee kiang ah a nuai aa thu teng vai khak hi. (English aa kigelh (a) pan (f) dong August 29, 2005 ni aa Nginkok lai gelh pan hi.)
a. Remit all your tithes and offerings to the duly recognized Mission organization. Sawm aa
khat leh sum pi te hoih tak aa a kiphuth Mission kipawlna ah na puak un.
b. Do not hire workers under your Conference Planning Committee. CPC min tawh nasem cial kei un.
c.I have instructed you (Kai Za Dal) to disband this committee. Nang (Kai Za Dal) kiang ah
hih committee na bei sak ding kong sawl hi.
d. You must first fall in line with the provisions of the GC working Policy. GC ii ngeina te
tawh no kalsuan masa un.
e. ATI & MMCC "will only delay the fulfillment of your dream (to become conference). ATI
leh MMCC te in na lunggulh uh Conference suah ding hong uaikaai sak lel ding hi.
f. Our counsel from the Division has not been heeded and people insist on doing what they are bent on doing. Division pan aa kong vaanna te uh nong thudon kei uh aa no sep no teng na sem zom uh hi.
hih committee na bei sak ding kong sawl hi.
d. You must first fall in line with the provisions of the GC working Policy. GC ii ngeina te
tawh no kalsuan masa un.
e. ATI & MMCC "will only delay the fulfillment of your dream (to become conference). ATI
leh MMCC te in na lunggulh uh Conference suah ding hong uaikaai sak lel ding hi.
f. Our counsel from the Division has not been heeded and people insist on doing what they are bent on doing. Division pan aa kong vaanna te uh nong thudon kei uh aa no sep no teng na sem zom uh hi.
Union leh Division ii makaihna a kithudon loh ciang iin 2004 kum iin UMM EC in voted 2004-
040 tawh SDA pawlpi ngeina dung zui lo aa a kiphut kipawlna thak a pawm zaw pawlpi te
hepkhiatna (disbandment) bawl uh hi. Jan 18, 2006 ni iin “Upper Myanmar Mission
constituency meeting, Pyinoolwin ah kinei a, SSD panin President Alberto Gulfan hong om in,
UMC/MAC thu nakpi takin kikupna kinei a, a tawpna ah MBCF ih Registration Number 1617
tawh ding hi ung cihna lai a muh tak ciangin Disband dingin kikhensat hi.” (Nginkok, February 3, 2008) Mission leh Union ban ah Division ii lamlahna nangawn ih zuih loh man iin ih SDA pawlpi a it mahmah a ki ci te mah zum kong maang kong kitun in sum leh paai lalthang sak thapaai iin ih om hi. Hih bang aa buaina peen lammaan lo tawh Conference ih lak man aa supna lianpi khat ahi hi.
Tomkaihna leh thukhupna
1987 kum aa Conference ngetna tawh kisai iin:
(1) 1987 kum aa Conference a kinget laai iin pawlpi mi te leh Section makaite kipawl khawm iin Union leh Division ii makaihna bang iin kisem hi.
(2) "2005 SSD Working Policy, p. 66, B 55 15 Organizing New Conferences" tawh a kituak lo
aa sepna om lo hi. Conference hong pia nuam lua uh ahihmanin Conference ih ding zo takpi
diam ci iin Division pan aa hong pai huhna (appropriation) kum sim iin Ks. 150,000 pan
300,000 tang ding hong khiapna tawh hong kisin sak hi.
(3) Conference hong langpan het lo uh ahihmanin 1989 session iin Upper Myanmar Mission a
makaih ding iin Conference a deih mahmah ahi Sia Thang Siangh in Upper Myanmar
Mission president ngah lawh hi.
(4) Conference ih kisin sung teng, 1991 kum bei iin ih geel ih zek dan ah picing zo lo ihihmanin Myanmar Union Mission ah kum 2 sung khawng iin leibaa Ks. 2,500,000 ($416,667) bang pung sak ziau mawk ihihmanin leadership quality – makaih theihna leh financial ability and stability – sum leh paai ah mapan zawhna leh kipna vai te ah picing lo ihihmanin lammaan tawh Conference a na kingah lo na hihi. Conference ih ngah zawh nai lohna peen mi dang te mawh sak ding hi lo iin ei mahmah a picing zo nai lo ihih lam kiphawk masak ding kisam hi.
2003 kum aa Conference ngetna tawh kisai iin:
(1) ATI vai ah Union leh Division makaihna kizui lo hi.
(2) Union Mission makaihna zuih loh man iin Sia Khen in kiteelna ah UMM president hong
ngah kik lo hi.
(3) Tua ciang iin ATI leh kiteelna vai hang iin Union makai te tung ah lungkim lohna leh
muhdahna kipan hi.
(4) ATI leh election vai aa lungkimlohna hang iin 2003 kum pan Conference nget kipan hi.
(5) Zomi bup in panpih ding deihna tawh minam muhdahna leh minam kideina thu gen bel iin nei uh hi.
(6) Conference vai ah Division makaihna zui nuam lo iin Mission, Union, leh Division tawh khut kilen iin sem khawm lo iin amau deih bang a gen lo peuhpeuh mawhsak pahpah uh hi.
(7) Lammaan lo pi tawh kalsuan man iin SDA pawlpi’ neihsa inn leh lo, sang leh biak inn te suth uh ahihmanin thukhen zum kitun uh hi.
(8) Phalna om lo iin SDA logo a zat uh man iin a kul het lo pi iin siapi nih in thong kiat lawh iin gimpih uh hi.
040 tawh SDA pawlpi ngeina dung zui lo aa a kiphut kipawlna thak a pawm zaw pawlpi te
hepkhiatna (disbandment) bawl uh hi. Jan 18, 2006 ni iin “Upper Myanmar Mission
constituency meeting, Pyinoolwin ah kinei a, SSD panin President Alberto Gulfan hong om in,
UMC/MAC thu nakpi takin kikupna kinei a, a tawpna ah MBCF ih Registration Number 1617
tawh ding hi ung cihna lai a muh tak ciangin Disband dingin kikhensat hi.” (Nginkok, February 3, 2008) Mission leh Union ban ah Division ii lamlahna nangawn ih zuih loh man iin ih SDA pawlpi a it mahmah a ki ci te mah zum kong maang kong kitun in sum leh paai lalthang sak thapaai iin ih om hi. Hih bang aa buaina peen lammaan lo tawh Conference ih lak man aa supna lianpi khat ahi hi.
Tomkaihna leh thukhupna
1987 kum aa Conference ngetna tawh kisai iin:
(1) 1987 kum aa Conference a kinget laai iin pawlpi mi te leh Section makaite kipawl khawm iin Union leh Division ii makaihna bang iin kisem hi.
(2) "2005 SSD Working Policy, p. 66, B 55 15 Organizing New Conferences" tawh a kituak lo
aa sepna om lo hi. Conference hong pia nuam lua uh ahihmanin Conference ih ding zo takpi
diam ci iin Division pan aa hong pai huhna (appropriation) kum sim iin Ks. 150,000 pan
300,000 tang ding hong khiapna tawh hong kisin sak hi.
(3) Conference hong langpan het lo uh ahihmanin 1989 session iin Upper Myanmar Mission a
makaih ding iin Conference a deih mahmah ahi Sia Thang Siangh in Upper Myanmar
Mission president ngah lawh hi.
(4) Conference ih kisin sung teng, 1991 kum bei iin ih geel ih zek dan ah picing zo lo ihihmanin Myanmar Union Mission ah kum 2 sung khawng iin leibaa Ks. 2,500,000 ($416,667) bang pung sak ziau mawk ihihmanin leadership quality – makaih theihna leh financial ability and stability – sum leh paai ah mapan zawhna leh kipna vai te ah picing lo ihihmanin lammaan tawh Conference a na kingah lo na hihi. Conference ih ngah zawh nai lohna peen mi dang te mawh sak ding hi lo iin ei mahmah a picing zo nai lo ihih lam kiphawk masak ding kisam hi.
2003 kum aa Conference ngetna tawh kisai iin:
(1) ATI vai ah Union leh Division makaihna kizui lo hi.
(2) Union Mission makaihna zuih loh man iin Sia Khen in kiteelna ah UMM president hong
ngah kik lo hi.
(3) Tua ciang iin ATI leh kiteelna vai hang iin Union makai te tung ah lungkim lohna leh
muhdahna kipan hi.
(4) ATI leh election vai aa lungkimlohna hang iin 2003 kum pan Conference nget kipan hi.
(5) Zomi bup in panpih ding deihna tawh minam muhdahna leh minam kideina thu gen bel iin nei uh hi.
(6) Conference vai ah Division makaihna zui nuam lo iin Mission, Union, leh Division tawh khut kilen iin sem khawm lo iin amau deih bang a gen lo peuhpeuh mawhsak pahpah uh hi.
(7) Lammaan lo pi tawh kalsuan man iin SDA pawlpi’ neihsa inn leh lo, sang leh biak inn te suth uh ahihmanin thukhen zum kitun uh hi.
(8) Phalna om lo iin SDA logo a zat uh man iin a kul het lo pi iin siapi nih in thong kiat lawh iin gimpih uh hi.
(9) Hi bang a gamtat in reformation hi zawsop lo iin spiritual deformation hi aa spiritual
maturity – khalam picinna vai ah kicinlohna pho laak hi.
(10) Conference nangawn ngah nai lo pi iin Union, Division leh General Conference
makaihna te thusim lo pah malam ihihmanin leadership quality – makaih theihna vai ah
kicinlohna mah pho laak zel hi.
Tua ahihmanin u te naau te aw Mission, Union, Division leh General Conference te langdo do
nawn lo iin lungsim niam khiatna tawh ih SDA pawlpi sung ah kipum khat hi le hang ih makai te in ih kikheelna lungsim maan hong muh uh ciang iin spiritual maturity-khalam picinna leh
leadership quality-makaih theihna te ah picinna ih neihna hong mu ding uh aa ih sum ih paai te gawm khawm iin SDA pawlpi neihsa suh nading iin thukhen zum leh lawyer te cialna khawng iin zangh nawn lo iin Mission in zongh SDA pawlpi’ neihsa a kep nading un thukhen zum leh lawyer te sum piakpiak kul nawn lo ding aa ih pawlpi sung nuam iin khangto iin ih deihdeih Conference maan ngah theih nading lametna khua hong vaak thei ding hi. Tua ni masiah hi bang lungsim leh ngaihsutna tawh Conference maan ngah ding cih peen lamet om lo hi. Biak piakna sang iin thumanna kisam zaw ahih mah bang iin Mission leh Conference sang iin ki itna kisam masa zaw hi. Tua hi aa leitung bup SDA pawlpi tawh akizom kipawlna sung ah Zeisu meel suthkhop photphot khit ciang iin Topa’ thupha dung zui iin Conference ah kalsuan khawm ding mahmah ka lunggulh peen ahi hi. Topa' Khasiangtho in hih laisim mimal ciat ii lungsim hong lawng henla Christian lungtang hong guan ciat ta hen.
Itna tawh,
Mungno Gualnam
maturity – khalam picinna vai ah kicinlohna pho laak hi.
(10) Conference nangawn ngah nai lo pi iin Union, Division leh General Conference
makaihna te thusim lo pah malam ihihmanin leadership quality – makaih theihna vai ah
kicinlohna mah pho laak zel hi.
Tua ahihmanin u te naau te aw Mission, Union, Division leh General Conference te langdo do
nawn lo iin lungsim niam khiatna tawh ih SDA pawlpi sung ah kipum khat hi le hang ih makai te in ih kikheelna lungsim maan hong muh uh ciang iin spiritual maturity-khalam picinna leh
leadership quality-makaih theihna te ah picinna ih neihna hong mu ding uh aa ih sum ih paai te gawm khawm iin SDA pawlpi neihsa suh nading iin thukhen zum leh lawyer te cialna khawng iin zangh nawn lo iin Mission in zongh SDA pawlpi’ neihsa a kep nading un thukhen zum leh lawyer te sum piakpiak kul nawn lo ding aa ih pawlpi sung nuam iin khangto iin ih deihdeih Conference maan ngah theih nading lametna khua hong vaak thei ding hi. Tua ni masiah hi bang lungsim leh ngaihsutna tawh Conference maan ngah ding cih peen lamet om lo hi. Biak piakna sang iin thumanna kisam zaw ahih mah bang iin Mission leh Conference sang iin ki itna kisam masa zaw hi. Tua hi aa leitung bup SDA pawlpi tawh akizom kipawlna sung ah Zeisu meel suthkhop photphot khit ciang iin Topa’ thupha dung zui iin Conference ah kalsuan khawm ding mahmah ka lunggulh peen ahi hi. Topa' Khasiangtho in hih laisim mimal ciat ii lungsim hong lawng henla Christian lungtang hong guan ciat ta hen.
Itna tawh,
Mungno Gualnam
No comments:
Post a Comment