PAULAMDANG (OR) KAMTUAM PAU

                                                         PAU LAMDANG (OR) KAMTUAMPAU

 

                                                                        PAU THAK

 

       Marka 16:17 ah pen ,"A um mite tung ah hih  vangliatna limte  ka pia dinghi:keima hang in dawi hawl khia theiding uha,pau dangte pau thei ding uhhi," ci in Zeisu in na gen hi.Hih thu pen tulai a Penticostal pawlpi te in suanglam in,tu lai a apawlpi pau lamdang "seidei na" mumal neilo, agen te in zong atheih loh, khuang neu te tawh alam pih te tawh lampih vak ci te pawl in na nei uha , ahih hang in na hih mel khawllo hi.Hih lai a "pau thak"acih te banghiam cih a omzia ih theih cian phot kul ding hi.Greek pau in "thak" cih pen nih om hi.Khat pen "KAINAIS" ahihi.Hih pen Quality (hoihna) lam genna ahihi.Gentehna in second hand puante lei inah, ei aa ding in ih neih thak ahih man in,"Puan thak nei ing" kici hi hang.Na a om khin diimdiam sa ih neih thak pen ahihi.Tua pen "KAINAIS"   omzia ahihi.Tua ban ah Greek pau ah "THAK" cihna adang khat peh "NEOS" ahihi.Mangpau inah NEWS na cihi.Hun tawh kisai a genna in kizang hi.Gentehna in:Ni sim a thuthang hong om thak,a om ngeilo, ahong om thak te genna ahihi.Tua pen "NEOS" omzia ahihi.

 

     Tua hi in Mark 16:17 (NKJV) a pau thak  gena pen "NEOS" pen nazang lo in "KANAIS" na zang hi.Tua adeihna pen, minam pau aom khinsa, ahih hang in a siam ngeiloh uh leh azat ngeiloh uh theih zong atheih nailoh uh hihi.Khasiangtho hang a pau theihna pau lam silpiak angah na hang in, mi nam dang pau pen na pau uhhi.Tua pen  "pau thak" "KAINAIS "ahihi.Hih pen bel kamsang Isaiah kiang ah "A mantakin,note in ka thugen na ngaih kei uhleh Topa in apau na theih loh uh gamdang mite, note tung ah thu  hong hilhsak ding hi" ci in Topa in na gen hi..Isaiah 28:11 "Alamdang kampau na tawh amau te hopih in, minamdang te pautawh thu ka gen ding a" 1Kor 14:28 a cih nopna zong  hih mah ahihi.Namdang te pau nam tuam te zangin khasiangtho in hong pau sak ding a, tua pen thu umlo mite aa ding Pasian nasepna hi cih ciamtehna  hi dinghi.1Kor 14:22(NKJV).Tua ahih man inMark 16:17 a Zeisu in pau thak acih pen , minam te pau genna na hi a, tua lai a mi alawp mahmah akici mi pawlkhat te omzia leh mumal omlo a,seidei a lam nate tawh na kibang  mel hetlo mai hi. ..zop lai ding ..thulu….PENTICOSTAL NI A PAU LAM SILPIAK….

Pastor. P.L Biakchhawna