Dear Akua Mapeuh,
Malaysia gam mun leh mual kigam latna hang leh aituam nasep tuamtuamte hangin kawlgam pan ih sap ih siate innkuan tawh kimuh theih nading hun a ngah lo pawlkhat ki om hi. Tua ahih manin ahun leh amun tawh kizui in homecell-te siate'n hong paipih kawikawi ding hi.
Hong tung ding Kiginni (May 22, 2015) nitak Dorcas kikhop ah Sianu (Mrs. Khaipu) in kha-an vakna hong nei ding ahih manin ahi thei zahzah kikhop theih sawm tek ni.
Hong tung ding Sabbath (May 23, 2015) ni-in biakinn ah Pr. Khaipu' makaihna tawh khe kisilsakna leh nekkhawm kinei ding ahih manin akua mapeuh nekkhawm sung alut thei dingin kiging khol, kisiansuah khol ciat ni. Ih lawmte zong gensawn ciat ni. (Antang aa thunget lunggulhte'n hong zasak un, Dorcas thungen group tawh hun la khawm ni).
Tua ban-ah tua nitak AY hun ah VOP Lesson Graduation kibawl ding ahih manin, hih laihuanna azo khinsate pelh lo aa nong kihel hamtang nangun itna tawh kong zasak phapha hi. Letmat piakna Pr. Khaipu in hong neihsak ding hi.
Pr. Khaipu a hopih nuam tading in, ph: 011-1178 2799 (Umobile). A zawdeuh in nitak 7pm-11pm leh Sabbath ni cihte pen biakpiak hun ahih teh, hundangte ah hopihna lem zaw ding hi.
Geelnate Topa'n hong gualzawhpih leh May 27, 2015 ni in ih siate innkuan in kawlgam hong ciahsan kik ding uh hi. Vai khempeuh Topa'n Ama' deihna bangin hong gualzawh pih nang, thungetna tawh pang khawm ciat ni.
Sia Mungtong,
church pastor
KL pawlpi
No comments:
Post a Comment