Khris leh Satan Kikala Kidona Lian a Mangmuhna
Kum 1858, March kha laizang pawl-in America ni-suahna lam khua neu
khat ah, sanginn neu khat sungah Sunday sun nung kikhawmin mihon khat
om hi. Pastor James White in misi tangvalno khat vuina dingah thu
hilhin om hi. A thugen a zawh ciangin, Ellen White in a dah a kapte'
a ding thu tawm gen nuam hi. Ding to in minit khat bang nih bang a
gen khit ciangin daai hi. Mite in hong gen lai ding thu ngakin en uh
hi. Amaute a thu za ding kipanpan phetin, "Pasian min thang hen,
Pasian minthang hen" ci-in thum vei a lawh kawmin, Mrs. White pen
mangmu hong hihi.
Pastor White in mite kiangah Mrs. White pen mang-muhna kipia hi,
ci-in gen hi. A moi lai kum 17 a phak phet panin mangmuhna nei a hih
lam mite kiangah gen hi. A mittee haka, a gamla sim khat en bang a
hih hang in, amah mah leh a kiima om nate bang mah thei het lo hi,
ci-in gen hi. Num. 24:4,16 a thu om bangin, 'Pasian' kammal za a, a
sangbel pa' thu mangmuhna tawh a za mi in a hah tei hangin bangmah
khua phawk lo hi" ci in lak hi.
Amah in, Dan. 10:17 a thu om bangin Daniel in mangmuhna a ngah cianga
a om zia mite lakin, a mangmuh lai takin huih dik lo hi, ci-in hilh
hi. 'Ka tha teng bei-a, ka husanna in hong nusia hi' a cihna lak hi.
Pastor White in, Mrs. White a mangmuh laitakin a khanglo sak thei, a
sittel nuam a om leh, ci-in mite sam hi. Tua a mangmuh laitakin
siavuan khatpeuh a sittel nuam a om leh, akhuan piapia hi.
Mite hong kinehin en uha, Mrs. White pen naak het lo hi napi, a
lungtang kisai pen man takin pai-a, a mai puak meel pen kikhel het lo
hi. Limlang hong la uha, a naak mai ah a koih uh hangin a hu-nel om
lo hi. Khuai meivak hong la-in, a naak leh a kam mai ah hong koih uh
hangin, a kuang pen neu kha zong kimuut kha lo hi. Mipi in huih diik
lo, ci-in tel takin mu uh hi. Inn dei sung tengah vak kawikawi-in, a
muhte tom nono tawh lak kawmin, a khut viik zel hi. Daniel mah bangin
a pumpi thahatna teng bei napi, mihing hatna a hi lo, hatna namkhat
nei hi (Dan 10:7,8,18,19).
Mrs. White in nai nih sung a sawt mangmuhna ngah hi. Tua nai nih
sungin khat vei beek hu diik lo hi. A mangmuhna a bei ciangin,
nakpi-in hu diika, minitkhat bang dai cip photin, tua khit teh mihing
nak ngei in naak kik hi. Tua khit ciangin a kiima om te thu hong thei
kik pan hi.
Mrs. White mangmuhna tam veipi a mu ngei Mrs. Martha Amadon in, hi
bangin na gen hi "A mangmuh ciangin a mit hak hi. Naak lo hi. A hih
hangin a muh nate tawh kizui-in, a khut, a liang a baante viik hi.
Tua a taang khutte kuamah in len cip zo lo hi. Kammal khat peuh, gual
khatkhat peuh, a muhnate tawh kizom in, leitung thu a hi-a, vantung
thu a hi zongin gen kek kek hi.
"A mangmuh kipatna ah, 'minthang' cih kammal ging sakin, tua pen
gamla ciaiciai-in daai hi. Tua bang ngen hi thei bul hi. A mangmuhna
a mu mite bang mah buaina om lo hi. Zong lau lo uh hi. Ciliapin, dai
khikhe lel uh hi...A mangmuhna a bei ciangin, vantung khuavak mu nawn
lo-in, leitungah hong ciah kika, hong khuisa-in, 'MIAL SI' a cih zawh
teh, a ngei bang in naak kik phing hi. Tua khit ciangin a tha teng
bei dingdiang hi" ci hi.
Tu-in ih gen baan, sanginn neu khat sunga nai nih sung sawt mangmuhna
gen ni. Tua a mangmuhna Mrs. White in a genna ah:
"A thupi penin tu ma kum sawm lai-a, a khang-khanga Khris leh Satan
kidona lian ka muh tawh kisai thu hong kilak kika, lai sungah gelh
dingin hong sawl hi," ci ho. A mangmuhna ah, ama mai-a midangte tui
khu lengmang hithit tawh kibang hi. Tua khit teh, amah vantunga oma,
mawhnate leh Lucifer puuknate mu bang hi leuleu hi. Tua khit ciangin
leitung kibawl lai mu-a, Eden huana Nu leh Pa masate mu hi. Amau in
gul' zolnate manga Eden huan pan kinawh khia mu hi. Lai Siangtho sung
tangthute mu suk zenzen hi. Israelte upapite leh kamsangte om ziate
mu hi. Tua khit ciang-in eite Gumpa Khris nuntakna leh sihnate gen to
ho. A vankahnate leh eite siampi lian a sepnate gen hi. Nung zuite
kuankhia-a, lei mong donga thupha a tangkonate mu hi. Tua zawh a
sawtlo-in, loam kipial kha-a, (Dark Ages) khuamial hun hong tung te mu
hi. Tua panin mi thupi pawlkhat in amau' nuntaknate khama,
puah-phatna hong bawlnate uh mu hi. Tua baan ah, 1844 kum panin eite
thu hong kikhen ta, cih thu leh mai lama Khris in meii lom tawh hong
pai kikna ding te kilak hi. Kum tul hun sung ding leh lei kithak bawl
kikna ding te zong mu to hi.
Tua teng a kilah khit ciangin, Mrs. White inn ah ciahin a zak thu leh
a muh thute gelh dingin kisawl hi. Tua zawh kha guk ciangin, laimai
219 a pha laibu no khat press panin hong pu suaka, a laibu min 'Khris
leh a pawite, Satan leh a pawlte tawh a kidona lian' kici hi.
Hih laibu neu lawp takin na kisang hi. Bang hang hiam cih leh,
pawlpite mai ah Satan' ngimna, leitung bei kuana pawlpite khema lam a
pial pih nopna teng pho lakin gen khia hi. Pasian in hong khap sa mah
bangin leitung bei kuanin, Kha Siangtho tawh hilhkholh na hong piak
pen Adventist-te adingin bangzah takin lungdam huai hiam?
Hih kidona lian thu, 'Spiritual Gits' bu sungah a tom theithei-in
kigelha, tu in 'Early Writings' bu a tawpna lam teng ah kikhen pha kik
leuleu hi.
A hih hangin pawlpi hong pungpunga, hun hong paipai lai ahih manin,
Topa in tua kidona lian mang-muhna pen a kim zaw leh a tel zawin hong
pia lai-a, Mrs. White in 1870 kum leh 1884 kum kikal tengin gelh pha
leuleu-a, bu li suahin, 'Spirit of Prophecy' ci-in min guan hi.
"Gupkhiatna Tangthu" a kici bu sungah hih kidona lian tangthu a thupi
pha diak teng kihel hi. Hih bu pen pau nam tampi-in kihawm khiaa, mi
tampi te kiangah tua kidona lian thu va mu sak hi. Mrs. White in a
kim zawin bu 5 suahin gelh leuleu-a, 'Conflicts of the Ages Series'
Khang tawntunga kidona ci-in min guana, Patriarchs and Prophets,
Prophets and Kings, The Desire of Ages, The Acts of the Apostles, leh
The Great Controvercy- hih teng sungah hih kidona lian tangthu
kimtakin om hi.
Hih laibute in Lai Siangtho dung zui-in, pian cil pan Khristian hun
leh hun bei dong a kim takin gen suka, kitel thei mahmah hi. Hih
laibute in 'Khuavak tate' a kici pawl a hi Seventh-day Adventist-te
huh mah mah hi. Tua thu hang mahin ciam pel lo thu kip hong mu sak
hi. 'Topa in a nasem kamsangte tungah a thusimte lakkhia phot lo
pi-in, bang mah mot bawl lo ding hi.' Amos 3:7.
Mrs. White in tua kidona lian thu tawh a kidim hih laibute a gelhna
khuavak bang ci ngah ci-a, a genna ah: Kha Siangtho khuavak tang tawh
sia le pha kidona saupi pen hih lai gelh mi mai hong kilak hi. Hun
khat pan hun khat, a khang tuamtuam te a hih kidona lian, nuntak na
Kumpi ahi Khris, eite gupkhiatna nei Topa leh, thusia kumpi a hi
Satan, Topa Pasian thup iak siangtho palsat masa mawhneipa kikal-a,
thu piang bang bang hong kilak suksuk hi.... Pasian' Kha in thumaan
kip ka lungsim sungah hong guana, a beisa-a thute leh hong piang lai
ding thute, kong lah bangin mi dangte tungah gen sawn in, hong ci hi.
A beisa huna kidona tangthute kal khia kika, tua te mah tawh a hong
pai lai ding hun a kido lai na dingte om zia lahkhiatna khuavak suak
sak hi.
ZOP LAI DING ---
source: Pawlpi Thu Lamlak
Kum 1858, March kha laizang pawl-in America ni-suahna lam khua neu
khat ah, sanginn neu khat sungah Sunday sun nung kikhawmin mihon khat
om hi. Pastor James White in misi tangvalno khat vuina dingah thu
hilhin om hi. A thugen a zawh ciangin, Ellen White in a dah a kapte'
a ding thu tawm gen nuam hi. Ding to in minit khat bang nih bang a
gen khit ciangin daai hi. Mite in hong gen lai ding thu ngakin en uh
hi. Amaute a thu za ding kipanpan phetin, "Pasian min thang hen,
Pasian minthang hen" ci-in thum vei a lawh kawmin, Mrs. White pen
mangmu hong hihi.
Pastor White in mite kiangah Mrs. White pen mang-muhna kipia hi,
ci-in gen hi. A moi lai kum 17 a phak phet panin mangmuhna nei a hih
lam mite kiangah gen hi. A mittee haka, a gamla sim khat en bang a
hih hang in, amah mah leh a kiima om nate bang mah thei het lo hi,
ci-in gen hi. Num. 24:4,16 a thu om bangin, 'Pasian' kammal za a, a
sangbel pa' thu mangmuhna tawh a za mi in a hah tei hangin bangmah
khua phawk lo hi" ci in lak hi.
Amah in, Dan. 10:17 a thu om bangin Daniel in mangmuhna a ngah cianga
a om zia mite lakin, a mangmuh lai takin huih dik lo hi, ci-in hilh
hi. 'Ka tha teng bei-a, ka husanna in hong nusia hi' a cihna lak hi.
Pastor White in, Mrs. White a mangmuh laitakin a khanglo sak thei, a
sittel nuam a om leh, ci-in mite sam hi. Tua a mangmuh laitakin
siavuan khatpeuh a sittel nuam a om leh, akhuan piapia hi.
Mite hong kinehin en uha, Mrs. White pen naak het lo hi napi, a
lungtang kisai pen man takin pai-a, a mai puak meel pen kikhel het lo
hi. Limlang hong la uha, a naak mai ah a koih uh hangin a hu-nel om
lo hi. Khuai meivak hong la-in, a naak leh a kam mai ah hong koih uh
hangin, a kuang pen neu kha zong kimuut kha lo hi. Mipi in huih diik
lo, ci-in tel takin mu uh hi. Inn dei sung tengah vak kawikawi-in, a
muhte tom nono tawh lak kawmin, a khut viik zel hi. Daniel mah bangin
a pumpi thahatna teng bei napi, mihing hatna a hi lo, hatna namkhat
nei hi (Dan 10:7,8,18,19).
Mrs. White in nai nih sung a sawt mangmuhna ngah hi. Tua nai nih
sungin khat vei beek hu diik lo hi. A mangmuhna a bei ciangin,
nakpi-in hu diika, minitkhat bang dai cip photin, tua khit teh mihing
nak ngei in naak kik hi. Tua khit ciangin a kiima om te thu hong thei
kik pan hi.
Mrs. White mangmuhna tam veipi a mu ngei Mrs. Martha Amadon in, hi
bangin na gen hi "A mangmuh ciangin a mit hak hi. Naak lo hi. A hih
hangin a muh nate tawh kizui-in, a khut, a liang a baante viik hi.
Tua a taang khutte kuamah in len cip zo lo hi. Kammal khat peuh, gual
khatkhat peuh, a muhnate tawh kizom in, leitung thu a hi-a, vantung
thu a hi zongin gen kek kek hi.
"A mangmuh kipatna ah, 'minthang' cih kammal ging sakin, tua pen
gamla ciaiciai-in daai hi. Tua bang ngen hi thei bul hi. A mangmuhna
a mu mite bang mah buaina om lo hi. Zong lau lo uh hi. Ciliapin, dai
khikhe lel uh hi...A mangmuhna a bei ciangin, vantung khuavak mu nawn
lo-in, leitungah hong ciah kika, hong khuisa-in, 'MIAL SI' a cih zawh
teh, a ngei bang in naak kik phing hi. Tua khit ciangin a tha teng
bei dingdiang hi" ci hi.
Tu-in ih gen baan, sanginn neu khat sunga nai nih sung sawt mangmuhna
gen ni. Tua a mangmuhna Mrs. White in a genna ah:
"A thupi penin tu ma kum sawm lai-a, a khang-khanga Khris leh Satan
kidona lian ka muh tawh kisai thu hong kilak kika, lai sungah gelh
dingin hong sawl hi," ci ho. A mangmuhna ah, ama mai-a midangte tui
khu lengmang hithit tawh kibang hi. Tua khit teh, amah vantunga oma,
mawhnate leh Lucifer puuknate mu bang hi leuleu hi. Tua khit ciangin
leitung kibawl lai mu-a, Eden huana Nu leh Pa masate mu hi. Amau in
gul' zolnate manga Eden huan pan kinawh khia mu hi. Lai Siangtho sung
tangthute mu suk zenzen hi. Israelte upapite leh kamsangte om ziate
mu hi. Tua khit ciang-in eite Gumpa Khris nuntakna leh sihnate gen to
ho. A vankahnate leh eite siampi lian a sepnate gen hi. Nung zuite
kuankhia-a, lei mong donga thupha a tangkonate mu hi. Tua zawh a
sawtlo-in, loam kipial kha-a, (Dark Ages) khuamial hun hong tung te mu
hi. Tua panin mi thupi pawlkhat in amau' nuntaknate khama,
puah-phatna hong bawlnate uh mu hi. Tua baan ah, 1844 kum panin eite
thu hong kikhen ta, cih thu leh mai lama Khris in meii lom tawh hong
pai kikna ding te kilak hi. Kum tul hun sung ding leh lei kithak bawl
kikna ding te zong mu to hi.
Tua teng a kilah khit ciangin, Mrs. White inn ah ciahin a zak thu leh
a muh thute gelh dingin kisawl hi. Tua zawh kha guk ciangin, laimai
219 a pha laibu no khat press panin hong pu suaka, a laibu min 'Khris
leh a pawite, Satan leh a pawlte tawh a kidona lian' kici hi.
Hih laibu neu lawp takin na kisang hi. Bang hang hiam cih leh,
pawlpite mai ah Satan' ngimna, leitung bei kuana pawlpite khema lam a
pial pih nopna teng pho lakin gen khia hi. Pasian in hong khap sa mah
bangin leitung bei kuanin, Kha Siangtho tawh hilhkholh na hong piak
pen Adventist-te adingin bangzah takin lungdam huai hiam?
Hih kidona lian thu, 'Spiritual Gits' bu sungah a tom theithei-in
kigelha, tu in 'Early Writings' bu a tawpna lam teng ah kikhen pha kik
leuleu hi.
A hih hangin pawlpi hong pungpunga, hun hong paipai lai ahih manin,
Topa in tua kidona lian mang-muhna pen a kim zaw leh a tel zawin hong
pia lai-a, Mrs. White in 1870 kum leh 1884 kum kikal tengin gelh pha
leuleu-a, bu li suahin, 'Spirit of Prophecy' ci-in min guan hi.
"Gupkhiatna Tangthu" a kici bu sungah hih kidona lian tangthu a thupi
pha diak teng kihel hi. Hih bu pen pau nam tampi-in kihawm khiaa, mi
tampi te kiangah tua kidona lian thu va mu sak hi. Mrs. White in a
kim zawin bu 5 suahin gelh leuleu-a, 'Conflicts of the Ages Series'
Khang tawntunga kidona ci-in min guana, Patriarchs and Prophets,
Prophets and Kings, The Desire of Ages, The Acts of the Apostles, leh
The Great Controvercy- hih teng sungah hih kidona lian tangthu
kimtakin om hi.
Hih laibute in Lai Siangtho dung zui-in, pian cil pan Khristian hun
leh hun bei dong a kim takin gen suka, kitel thei mahmah hi. Hih
laibute in 'Khuavak tate' a kici pawl a hi Seventh-day Adventist-te
huh mah mah hi. Tua thu hang mahin ciam pel lo thu kip hong mu sak
hi. 'Topa in a nasem kamsangte tungah a thusimte lakkhia phot lo
pi-in, bang mah mot bawl lo ding hi.' Amos 3:7.
Mrs. White in tua kidona lian thu tawh a kidim hih laibute a gelhna
khuavak bang ci ngah ci-a, a genna ah: Kha Siangtho khuavak tang tawh
sia le pha kidona saupi pen hih lai gelh mi mai hong kilak hi. Hun
khat pan hun khat, a khang tuamtuam te a hih kidona lian, nuntak na
Kumpi ahi Khris, eite gupkhiatna nei Topa leh, thusia kumpi a hi
Satan, Topa Pasian thup iak siangtho palsat masa mawhneipa kikal-a,
thu piang bang bang hong kilak suksuk hi.... Pasian' Kha in thumaan
kip ka lungsim sungah hong guana, a beisa-a thute leh hong piang lai
ding thute, kong lah bangin mi dangte tungah gen sawn in, hong ci hi.
A beisa huna kidona tangthute kal khia kika, tua te mah tawh a hong
pai lai ding hun a kido lai na dingte om zia lahkhiatna khuavak suak
sak hi.
ZOP LAI DING ---
source: Pawlpi Thu Lamlak
No comments:
Post a Comment