Pasian in, Eden huan laizang aa- sia le pha theihna sing kung ii a gah neeklo ding bek gen a, adang singah khempeuh neek ding phal hi kici. Tua pen, Eden huan sung bek a kigen ahi hi. Leitung khempeuh aa singkung lopa, gah le teh te a gen na hi lo hi. Adam leh Eve a mawh khit teh. Tua Eden huan ah zong, luut khuan nei nawn lo hi. Vantungmi te nih in, nau sau tawh tua Eden huan, nacing ta uh hi.
Tua ahihman in, Adam leh Eve te zong, Eden huan pua lam- aa om, gah le teh te neek kul ta hi.
(1) Leitung aa, singah- singteh te lak ah i neek theilo ding, guu a kihel tampi om hi. Tua te Pasian in i neek ding in hong phal gai ci kei buang ni.
(2) Ganhing, lungno, insect lak ah zong, guu a nei, a cidam huai lo tampi om a, Pasian in niin hi ci in, LST sung a ciapteh om hi. Tua te siang hi ci teitei buang kei ni.
An neek ding in, hong tuam piak teng bel, siangtho mah ding hi. An neek ding in, Pasian bawlsa khempeuh siangtho ding hi. A hihang, Pasian bawlsa a taangthei, avakthei khempeuh siangtho gailo ahihlam, Pasian mah in, na siangen mahmah khinta hi.
Pasian in, deih kaih theology deilo aa, Pasian ii deih pen- thumanna hi.
(1) Adam le Eve, an neek mah tawh a kia hi.
(2) Zeisu zong, Satan in an neek mah tawh khem hi.
(3) Hun nunung Christians te zong, an neek mah tawh Satan in hong zol zol ahi hi.
Eden huan laizang aa om Singah pen in, Guu nei zenzen lo ahihang, Pasian phal lo ahihman in, Guu (poison) khauh pen te sang in, khauh zaw lai toto hi. I pumpi sihna bek hong pia lo aa, khalam sihna zongh hong pia thei lai hi.
Zusa leh Voksa a kipan, saniin khempeuh te in, a sung aa guu lian om pah kei leh zong, a tawpna ah i pumpi sihna leh i kha sihna ding hong hi toto thei veve lai ding hi.
Pasian deihna bang aa, neeklo ding te neeklo lel pen, van zaang penpen khat hi. Hakat kul ngiatlo. Bang mah hih tantan sese kul lo. Gamtatna hi lo aa, gamtatlo na hi zaw hi. Pasian deih lo na te, hih tantan na pen, hanciam na hi. Hakatna hi. Gamtatna kihel hi.
Nitawp ni ciang in, Pasian in, i gamtatna te tawh thu hong sit ding ahi hi. Mangmuhna 20:12,13 Laibu te hong kihong ding a, a mau gamtatna, sepna bang ciat in, thu a kikhen ding hi. Thukham 10 pen, Zeisu ii thupiak hi. Zeisu um veng in, a thukham/ a thupiak zuih ding in tuat keng. Zeisu aw, nang hong it mah ing, nang hong thei mah ing, nang hong ngai mah ing, ahihang na thukham/na thupiak/ na thu mahmah zui zo kei ning. Nang hong um peuh leng, gupkhiatna hong sang sak in, ci in, ngen tantan leh Zeisu in hong bang ci dawn tam?
Zeisu kamal khat en dih ni- "Topa aw, Topa aw hong ci khempeuh Vantung gam ka pa kiang tung lo ding hi, Vantung aa om ka Pa, deihna bang a zui te bek vangam tung ding hi." Mathew 7:21 (Tu lai tapidaw tampi ten bel, gamtatna om lo upna tawh vankah sawn zaw dan hi)
Deihsakna tawh
Pu Tong Seal
No comments:
Post a Comment