Spicer Thuthang taktak

Zomi Spicer College graduate thak te:
 
Sanggam, meel theih, tanutapa te in hih bang iin pilna saangpi pi Spicer Memorial College pan nong ngah nong zo thei uh aa 4.00 GPA khawng tawh minphatna a ngah zo lia leh taang nih om laai laai nahihmanun gualzawhna a ngah mimal ciat leh na nu na pa te uh tawh a kibang iin hong lungdam pih mahmah ingh. 
 
Spicer College aa na graduation hun sung teng uh lah Indiana state, Washington DC, Maryland, Florida cih teng ah ka zin kawikawi sawng teng hi aa email zong check man lo ban ah inn ka tun kik ciang iin na sep masuan tuamtuam ah manlahna leh emergency a tuamtuam te in hong thuap to den keei ahihmanin tu ni iin lungdampihna email hong gelh khia thei pan ingh. 
Kong it, naaute: 
1. Lia Ciin Lam Lun (D/o Hau Khaw Lian, Tedim)                   - M.B.A
2. Lia Vung Theih Niang (D/o Nang Sian Pau, Kalay)            - M.Ed.
3. Lia Ning Ngaih Hau (D/o Gin Sian Pau, Chanthagyi)          - B.E.Ed.
4. Tg. En Lian Sang (S/o Gin Za Mung-Tonzang)                  - B.Th.
5. Tg. Pum Khan Suan (S/o Sia Gin Do Pau, Kalay)              - B.Th.
6. Tg. Zam Suan Mang (S/o Lian Khan Pau, Bapi)                - B.Th.
7. Tg. Tual Khan Mang (S/o Khup Ngaih Thang, Kalay)        - B.Com.
8. Tg. Pau Lam Thang (S/o Thang Za Suan, Kalay)              - B. Com.
9. Pa Mung Kim Sing (S/o Dongh Khai, Kalay)                       - B.E.Ed.

Doctoral level dong tupna a nei te in hong hanciam beh un. Nasep masuan neih a sawm te in Topa' thupha hang iin masuan hoih te hong ngah unla SDA pawlpi leh Zomi te a lamto zo khangno te hong suak un. Pilna nei Zomi leh SDA pawlpi mi tampia ih kisap mahmah laai tak ahi hi. Ih kisap thupi peen peen ah zuauthu tawh a kidiah lo, thumaan thutak a lenkip, Zomi SDA khangno mah kisamh peen ihihmanin thumaan thutang tawh a dingkip Zomi SDA graduate thak te nong hih ding uh ka thungetna bulpi hi. 
 
No tawh a lungdam khawm,
 
Sia Mungno Gualnam
Riverside, California