23rd June 2007 ni a , Sia Pau Za Khan ( Paupu ) leh Pa Zamno ( Sian Cin Zam)
Paupu: Zamno i pawlpi kikhiat vai bangciang tungta a hia leh ?
PaZam: Leilum a na inn pan un Conference kipan khia a hih teh na nungtolh zongin no unau teng in langpan buang kei le uh cin hoih ding hi.
Paupu : I Step manlo a hih man a ki nungtolh suak hi.
PaZam : Step bang manloh na peuhmah ding hiam? Pune sangkah teng leh sumbawl teng in Conference la leng ki khangto mahmah ding hi nong cih uh ciangin kongman uh hi ven, mi’ helhhawt sa tawh nong nungtolh uh pen a zumhuai mahmah khat hong hi hi. Na pa in kha leh mui nei leh zong hong awi lo ding hi.
Paupu : I Pai zia man in kalsuan le hang Conference pen a hoih mahmah hi zaw hi. PaZam: Manlua kisa a 1987 kum in na mawtaw pi uh tawh sia teng leh Upa teng Mandalay ah Division pakiang ah Conference ngen ding a pai hi lo i hi hiam? Siakip bang lawp lua kisa in a mang bang hong gengen hilo a hi hiam? Ulian pa in Ngetna lai hong gelh un ci in hong vaikhak a a zan ciang in , Sia, keneth te pawl in Siakip na khemgawp uh a hih manin a zing ciang in Siakip in letmat hong thuh nuam nawn lo hi ta hi. Division pa in ngetna lai hong gelh un la na ki sinsin un ci- in hong vai khak hi. Tua ahih manin 1987 pan 2000 ciang ciang bul lam pan a i sumngah te zong hong khiamkhiam ta uh hi, Ahihhang in Section President Sia Kip Za Nang leh Union makai te in a pian loh theihtheih na dingin na leh gengen uh a hih manin tu ciang a i din mun hong suak to hi ci – in
Sia Mungno in lai hawm ngei hi.
Paupu : I sumpi te a tuam a, zeek i hih man in paizia man ki ci theilo hi.
PaZam : SDA pawlpi sungah Conference leh Mission in sumpi zangkhawm ngeilo in a percent tawh
40 % or 20 % ( tithe of tithe ) cih daan a a kizom bek te i hihi.
Paupu : Kha lam pi cin na leh sumpi te a kipan Church leh member cih te, degree nei cih te
Conference dinmun a ding in picing nailo hi hang.
PaZam : 1987 kum lai a i lungsim puakdan te nei tek in hi le hang tu ciang in sumpi bang pen cing lua mahmah ta hi. Gamdang ah mitampi tak paita hang a, degree nei zong tampi phata in, pawlpi mi zong khangto mahmah hi hang. Thamlo in tu mahmah in Gamdang a omteng in ki thutuak in sehsawmsuah sehkhat ( tithe ) mantakin Tedim miteng beek in, pia tek le hang Conference dinmun ki ding zo mahmah ta hi. Ei sang a gamneu zaw, a zawng zaw , mi tawmzaw te in Conference ngah khin ta uhhi. A hang pen eite bang a kilangpan lo in, a pastor te uh, leh Section President te un hanciam mahmah uh a hih man in Conference a ngahuh hi zaw hi. Sihzang , teizang, saizang , zote in ei Tedim mi hi hang cih lungsim neitek le hang ki pumkhat na piang pan ding hi.
Paupu : Mission ah kigawm kik in Panmun hoih i ngah tak ciang, i deihbang in zeek le hang
conference ki ngah zaw ding hi.
PaZam : Karen te dem sawm kei un zo ngeilo ding hi hang. Khanglui ten mual khawl masa, tui naak ngak masa ki zahtak hi na ci uh hi. Karen te pen eisang pil masa zaw, eisang hau masa zaw, eisang mitam masa zaw, eisang in kum 50 in SDA suak masa zaw te a hi uhi. Tua ahih manin a panmun uh cikmah teh suankhia zokei nuteh. Tua sang in a mau sukha selo in Conference ah ki pumkhat le hang a mau cia ki pha thei zaw ding a hih lam thei le uh cin hong deihsak mahmah ing.
Paupu : Tu a dan tawh bel Conference cikmah ciang in kingah ngeilo ding hi. PaZam : Ulian ten ballpen muk tawh hong pass ciang bek in Pasian in i nasep na hongsang pan ding hiam? Paul leh Barnabas te bang in a mau Mission tawh Pasian na sem uh hen la, ei te in conference tawh Pasian na sem ding hi lel lo hiam?Hong piaksawm ngiat lo uh a hihman un, ei leh ei a kiding hita hi. A tom in i mit keuh ta cihding himai..mit keuh nailo pawlkhat i omlai sam hang in..
Thamlo in Conference ngahtheih na namkhat bek om lo in, nam thumbang a om hi.
1. Nang cih bang a siausiau ding in ngengen ding.
2. Kikawmna haksat luat man in zong conference kingah thei hi.
3. Kangei na, ka kampau uh kibang vetlo a hih man in na kisem khawm thei lo hi, cih na tawh
zong ki ngah thei hi.
Paupu : Ken tua bang thei ngei keng.
PaZam: Sia Kaidal te Sia Lianpu te na dong le cin tampi hong hilh thei lai un teh. Paupu aw Conference a deihtaktak na hih leh Mission sung ah pilna nei pawlkhat leh sumnei pawlkhat om lai na hih manun Conferece step mantak in hong ngen un la , nong ngah ni ni un ko a ding sa te tawh ki gawmziau ni.
Paupu : I Kigawm kei leh bel tua bang piang thei sam ding a hia?
PaZam : Paupu aw Mission ut mahmah na hih leh step man tak in sanginn te , sia inn te, biakinn te a kipan, sangsia cialna sia khasum khempeuh leh sum bei khempeuh Mission sum hong kizang leh tu mahmah in Mission kisuak kik thei hi. Karen gam a om sang te leh pawlpi te ah Mission sum nang cih bang in mantak in kizang lai hi. zomi te sung ah pen sangsia sawm i cialna lak ah, Mission in khat bek hong cialsak in tua lo a cianlai 9 te pen Pawlpi mite in cial uhi. Karen gam Tabi sang te ah sangnaupang 400, 500 bang a free in sang kahsak uhi. Ei Section ah zong tua te hong hawm le uh hi thei lel lo diam? Nasep na lam ah conference tawh hong ding sak uh a , ki uk na lam ah i zaang huum siip ah hong man in hong pei velvel uh a hih lam thei thei le uh cin , ka ut mahmah hi. Paupu : Tua bang liang a hong bawl uh leh Pasian in thei na lo dia?
PaZam : Ei zong thei hi ve hang , Pasian in thei mah sam lo dia. Thamlo in ei neulai te in na Pa leh Pr, Ngul khaw Pau in na thuak lua mahmah khin uhi. Bullam te hong bawl dan pen laidal tung ah a lim in ki suai a , bawnglengkai khat suai in a tung ah mikhat in ciangkang tawh a bawng a sat sak uhhi. A bawng pen zomi te hi a, a sat pen karen te ci uhi. Pr. Ngul khaw Pau in a genna ah, Section 5 lak ah gamlangkhat pen Upper Myanmar section khat hi in, a dang gamlangkhat pen section 4 pha uhi. Singluang a zawngkhawm hi le hang, a lang khat ah mihing li pang in, a danglangkhat ah zomi te khat a pang tawh kibang hi, na ci uhi. Hamphat na a omciang in seh li suah sehkhat zomi ten tang in a mau seh 4 tang uhi. na ci hi.A hizong in tu hun ciang in Sia Ngul Khaw Pau in Karen te taw liak ding hi hang ci kik ta hi. Tua bel i liah nop leh ei ma thu hi lel hi, ki kham theih omlo hi.Paupu: Leitung bup sumpi kizop na pen , A thupi mahmah hi, Myanmar Adventist Conference te leitungbup tawh kizom lo hi.
PaZam : Leitung buptawh kizop na pen,,hoih napi hih kawlgam ah tua tawh kisai a nasem te hoihlo aihman in, ei a kizom theilo i hihi. A kizom nuamlo i hi kei hi. Tu in leitung ah SDA pawlpi tampi takleitung buptawh kizom lo tam mahmah ta hi ci uh hi. Tham lo in, ei kizop pih ding te pen midang hilo in,,ei ZOMI te Conference hongpia nuamlo te a hihman in, kizom cih gen thadah , zumh kong maang kong ah hong khiakhia te hi zaw lai uhi. India tawh kizomding ci – in sumpi ki puak a , Mission te in Chantayee Thang Lian Nang sawl in, Conference te’ sum hongpuak te na sang kei un cisak lai uhi. Hi pen kha lungsim hilo in Satan
lungsim hi. Paupu aw Conference te’ paizia step maan hi na pi no Mission te khasiangtho tawh kop lo in, Politic uuk lua in minam vai paksak lua na hihman un, i gam ah na kisemkhawm theilo hizaw hi. Minam
deidan nopna lungsim hong beisak un. leitung kizopna tawh kisai in GC te zong hong maan kei a leh Pasian tawh direct in kizom in, Church Conference, innkuan Conference cih te zong ei minam it zomi mitkeuh pawlkhat a ding in hithei lua lel hi. GC te hong saang ding saang loh ding zong a kipatau masa pipen hi sam kei. Abraham te innkuan, Noah te innkuan cih te zong pen leitungbup kizopna GC or Mission tawh na kizom lo uh in, kha thu ah Pasian in sang veve hi.Hih leitung ah kizopna pen leitung a zat ding a kibawl hibek a ,
Zeisu hong paibaih ta ding aihman in sauvei zongh kizangh nawn lo ding hi.
Paupau : Mission sung ah thuk lut phot le hang, panmun lian ngah phot le hang i deih bang in ki heek thei ding hi veh aw.
Pazam: Paupu aw Karen te in Zomi te pen Chocolate tang khat tawh a lungkim thei te hi lai uhi, ci uhi. Gamdang pan in nong ciah ciang in mawtaw tawh hong dawn in mawtaw tawh hong khak kik ciang, video khawng hong zaih ciang in no lungkim in na mipih te uh langpan in zumkong mangkong ah hong khiakhia na hi ta zen uhhi. Karen ten pen Chin cih ciang in mihing hiam , ganhing hiam? cih te leh Chin te pen Uite , ganhing te aw hong cihna te uh Myongmya sangah zandiak in kizang lai hi.
Paupu : Mission te in sum hau mahmah lai uh in , Conference ten sum nei nailo a hih man in piang
nailo ding hi.
PaZam : Conference sung ah sum tawmpeuhmah ding hiam? Na nau Mungno khasum pen conference te piak hi in , USA ah zomi om lak ah a khasum tampen ding hi, ki ci hi. Conference te hau kasa mahmah hi. A mah bel gamdang ah a omciang in Conference hi – in kawlgam hongciah ciang in Mission hi ziauziau pian nong hi.
Paupu : Bangbang a hizong in Mission ah lut kik aa, Conference siau leng Conference kingah thei
bek ding hi veh aw ..
PaZam : Lut kik ding bel gen nawn ken la, a ki ding khin sa hi. I lut kik nuam zong in Tuiphum kik loh in hong sang nuamlo nong zen ding uhi. Laisiangtho sung ah Zeisu gumpa leh Topa a na sang man in , tui kongphum hi ki ci ven, a mau Conference pan in, Mission nong suah kik man un tui kongphum hi, ci uh a hi tam,,tuiphumna zangkhai ngaihsut mahamh uh aihman in , naupang vai sa mahmah ing. (A hi zong in tua ka genkhit ciang in Paupu Tedim ah ciahto in Tualzaang khua a Palal pen Conference lua kisa a, Sakollam ah a ki khawm khawm pen Mission ah zawhthawh thu tawh na tuiphum kik veve hi. Paupu zong upmawh sang in kha lam ah thuk lut lua khol lo a hi mai tam?
Paupu : Mission sung ah sum tam mahmah lai hi, Tu a na thu uh zong no ngeikei nuteh.
PaZam: Hih leitung zum ah ka lel phial uh zong in vantung zum om lai hi. A mau pen sumthalawh na in na sumpi piak te uh tawh zumkong mangkong ah a thuapthuap in hong khia khia uhi. Mission sung ah lutkik ding nong gengen sang in hih zumkong mangkong a mikhiakhia te kho le cin Pasian in hong awi zaw in teh. Pauluh in thu umlo te mai ah ki khia kei un ci – in, kamsangnu in SDA te peuhmah ( tazalu ) in ding loding hi. ci hi. Hih bang dan pen step man hi thei ding hiam? ( Ka tut pih te kiang ah guai te aw Paupu kiang ah i lungkham na i gengen hang in amah zong a cimawh sem hi ve aw….Myongmya ah a nau Lianpu , mi – in ui te aw ci – in hawl khia in a manzong honkhia zo tuanlo hi. Tua na ngawn zomi sangnaupang te in sia aw ciah to in Conference ah sem ni a cih uh leh Conference ah ka sep sang in Piada ( Warden ) beek in hong koih le uh Mission ah sem nuam zaw ing ci sawnsawn hi. A ma ut mahbang in Maymyo khuanawl ah khuapi sung a piiadaa te sang in a neu zaw in koih to pah lian uhi. Myongmya a zomi te ki thah sawm bang pen zomi te i heh
mahmah hangin Paupu te heh nai lo lai mawk uh hi veh aw lawm te…ka cih leh..Paupu hong nui
buahbuah lel mawk hi.
Paupu : Zum thu pen sum tha tawh ki tang ding a hih man in zawh hak mahmah venteh aw Zamno.
PaZam: Goliath migol thahat pa pen lum leh tei tawh kuankhia in , David in buangnai saili khat tawh na vatlum ziau lel hi. Balak kumpipa in, Balam kiang ah Isreal te hong samsiat sak in ci – in gulhguk sumtampi a piakhang in , Balam in a paukhait ciang in thupha piakna vive in na na gingzaw hi Paupu aw… Hih kawlgam zumhsangpen ah ka lelh uh leh Pasian in sanghoih mahmah, college hoih mahmah, biak inn hoih mahmah te hong pia veve lua mahmah ding hi cih pen Conference te lamet na hi. Paupu aw Sia Suan Za Nang , Sia Cin Sian Pau tawh, Sia NangDoDal zumh ah thutampi ka gen khit uh ciang in Sia Suan Za Nang in Conference pen Sia Nang Do Dal a ding in hoih bek ding hi hong ci hi. Banghang in maw Sia ka cih ciang in , ko Sihzang mite citawm ka hih man un Conference ngah le ung panmun hong ki pia ken teh hong ci mawk hi. Sia aw SDA sung ah mitam mitawm tawh thu kivaihawm hi leh ko Anlangh te mitam hi nong cihcih uh hang in Section President ding in khat beek nong pia nai kei uhi. Sia KhamkhenPau makai a i neih det pen Mee ( Vote ) a pia ding Zo kampau mibang zah pha i hi hiam? Mi tam mi tawm tawh ki sai lo in , a mimal a , i muante a kiseh hi zaw hi. Thamlo in Paupu aw Sia Nang Do Dal Union sum keem ding in ki koih hi. Gamdang pan a hong lut sum te zong keem hiam? Kawlgam sungpan a sum te bek ki keem sak hiam? Na dong dih ve….. Bangbang a hi zong in Paupu aw minam dang te zong ci kei hangin ei Tedim mi teng in hanciam in , Gamdang a omteng in tithe manman in hong pia le uh cin, Conference kiding zo mahmah ding hi. Tham lo in ki pumkhat in siau leng hong pia ding uh hi..A thupi penpen ah na ut keei kei uh leh zong no Mission tawh Pasian na sem un la, ko Conference tawh Pasian na hong sem nung in ki nawng kai sak sak sese kei ni…zumkong mangkong ah ki khiakhia se kei ni…..Mission te in nong khiat khiat uh ciang in mite lak ah i pawlpi min leh i Pasian min dai mahmah hi. Hih a tung a teng tawh PaZam leh Paupu ki ho lim in ki khen ta uhi.
Laiat ..PaZam..Myothit SDA Conference , Kalay Myo.
Pa Zamno leh Sia Pau Khan holimna tawh ki sai Ciam Tuang Muh Dan Mawk Mawk Thu Pawl Khat
Dear All Zomi SDA
(1) Samm Kang khempeuh, Na Ciim khin tuan het Lo hi..
(2) "Neih-Loh-Na" saang in, "Theih Loh Na" in...thu buai sak zaw...nawng kai sak zaw...hamsa sak zaw.....etc.
( Ma-Shih-Dar-Thet....Ma-Tih-Dar Poe-Khett" )........
Ih zaak det, ciam-nuih, a ki gen thei zel khat......
..mi khat...Ann-Sai ah Lut in, " Ngaan-Pia-Yay" ta-pa-liin...ci a, a pau phau /..a vaai-khaak-phau....dan ong phawk sak..
A sai nasem te'n...."Ngaan-Pia-Yaay" khawng, bang ci nek ta dih dih mawk ding....Ann huan ding lah hi Lo...A ne ding a ong pai...a pau khial hi kha in teh....cih ngaih sut na tawh, hoih tak in, a dot kik kik ciang....................."
Tua, Ngan-Piar-Yay a vaai khaak pa Lungsim sungah....
(1) vial mahmah...kei ong neu-et nuam pian zaw laai...a Boss pa kiangah, gen suk ziau Leng...a na sep tawp khaa lai in teh....ki dawm hen la..hoih tak in, ong ho LeL Leh..a mai Lam thu ding...te...
(2) ka sum neih lam khawng ong theih loh man hi in teh...ong thei khawng bang hi peuhmah Leh..ong tua ci ho ngam kei lua in teh.....ka Sum-Bawm a ki dawk pian zek na ding in, phawlh khia pian ning.....
(3) ei khamtung gam pan ong pai suk tah ci a...ong neu et nuam vial...
Ih biakTopa Pasian in, ei Zomi SDA te...2011 ngaw ngaw ah...mi-khem-zawh-sa peuh khawng a, om om nawn buang Lo in, midang/namdang te, pil-zia/khanh-toh dan zia tawh ki zui in, thu-maan kan tel nopna Lungsim nei zaw ta a, kua ma thu gen khempeuh, hai-up suk pah Lo in, ei ngiat mah in, kanh tel a, khensat na, a nei nuam...Zomi SDA te ong suak sak ta hen....
Zomi SDA te, sum leh paai, neih leh lamh..pil na siam na te ah, a hoih khop khat ciang din-mun ah tung zo ta....a hih hang....hih a tunga, ka gelh thu te tawh ki sai in, 0% ciang ah, khawl khawl lai hi hang...Kei a kipan, ki puah pha ciat ni..Kei zong, tua ci ve ve thei zeL mawk ing...
Happy Sabbath...
It Na Tawh..
Ciam Tuang
Pune, India
No comments:
Post a Comment