" A sih ding a pelh thei, a sih ding hun a phiat thei kuamah omlo hi. Gal a om ciangin Gal launa a pelht thei, siatna sungah a lut ciangin a peng thei kua mah om lo hi".
A thahat mah mah Greek kumpi khat ahi, Alexander, gam tampi a lak khit teh a inn ah hong ciah kik hi. Lampi ah aci hong na in, lup munngak in khatampi hong om hi. A sih ding hong nai ta aa, agualzawhna, agalkap thahatna, a hiam mahmah anam sau leh ahauhna khempeuh aki zang thei nawn lo ding ahih lam hong phawk kik hi.
A galkap mangpa khat hong sam aa, “ Asawt loin hih leitung a nusia ding ka hi ta hi. Bang hang ahizong deihsakna thu thum ka nei hi. Hehpih na tawh lawh sam loin hong tangtung sak in” cin ngen hi. “Ka lunggulh masak pen in”, “ka sia vuante tek tek in ka hankuang pua ham tang ding hi”.cin Alexander in gen hi.
“A nihna ah,ka hankuang hanmual ah a ki puak ciangin, hanmual lamah, na manpha ki koihna sung aa, ka neihsa kham, sumngo leh suang manpha hih teng ki gawm in hong bawlsak un” cin ngen hi.
“ Athumna leh a tawpna a ka deih in ka khut te nih ka hankuang pua lamah kaikhia sak un”ci hi. Tua lai aa mi honpite’m kumpi pa na deih pen lamdang sa mahmah uh hi. Ahizong a deihna bang hi ding hiam cih kua man dong ngam lo uh hi. Alexander’ deihna pen Galkap mang pan a khut tawh lawng in a lungtang ah nensuk hi. “ Oh kumpipa, na deihna tangtungsak dingin na tungah hong kiciam ung ci hi.
Ahizong, bang hangin hih bang alamdang deihna nei na hi hiam? Alexander in a husang sang in, a deihna hong gen a, “Leitung mite ka sinna pan etteh ding hih thu thum ka thei sak nuam hi.
Ka siavaun ten ka hankuang hong puak sak ding cih ka deihna in, Doctor khempeuh in midam kim sak zo lo cih mite ka theih sak nopna ahi hi.” Amau damsak theihna vang nei lo uh a, Sihna letcipna pan zong honkhia zo lo uh hi”. Tua ahihmanin, mite in nuntakna met zonna in nei kei ta hen. Anihna deihna in a kigawm khawm kham, sumngo leh hanmual lamah haunate’n kei hong hon zo tuan lo cih mite tung gen na hi.
Mite’n hun mawk zatna tawh hauh sawm kei ta hen cih deihna hi. A thumna ka deihna in, hankuang pua lamah ka khut nih dawk sak pen , mite ka theihsak nopnna in bang mah lo khutguak in ka piang aa,bang mah lo khutguak mah tawh leitung ah ka ciah kik hi.
Alexander Kammal tawpna:
“ Ka luang hong vui un, phawkna mualsuang phut kei un, Ka khutte a pua lamah koih un la, tua hileh mite’n leitung a zo mipa in asih in a khutah bang mah keng lo hi cih thei ding uh hi.”
Isaiah 25:8
" Amah in sihna beimang sak dinga, maitang khempeuh pan in khitui nul ding hi"
Mang21:4
"Amaute' mit pan in khi tui khempeuh nulsak ding hi. Thu luisate maimang khinta ahihmanin sihna,dahna, leh nasa -a- kahna cihte om nawnlo ding hi"
Hih pen Mang lai pan ei lai aa kong letkhiat hi aa, a thei khin ka zong om dingin honglam en ing. A letkhiatna pan khialna a om leh hong maisak un. ZO lai zong siamlo ka hih man in laiat ki sinna kawm tawh kong letkhiat hi
ITNA BUL PHUH:
Dothang
Spicer Memorial College
Pune- INDIA
Ph: +919762354452
No comments:
Post a Comment