Tulai tak a, ei Zomi SDA Sanggam U leh Nau / Lawm leh Gual khempeuh sungah, khat leh khat, ki it khial gawpmang lua tek ta hi hang... Ih ki it luat ciat mahmah hang in, ih ki-it-na / ih-ki-deih-sak-na te, ih ki-lah-khiat na dan te, ong ki bat nawn loh teh, khat leh khat, ki mu khial thei zel ih hih man in, a tawpna ah, ki gen sia sia, ki ko ko, ki zuak zuak ta hi hang...Tua pen, kua mah khial lo hi hang...Tua bang a, kua-mah-khial-lo...na cih leh...banghang...tuni ciang dong, ki tawngtawn thei zel ih hiam? cih dot na ong om to pah ding hi...a REASON Thu leh La tampi tak om kha ding hi....Tua te sung pan...
Hih "C" leh "M" vai tawh ki sai, thu tuam tuam te a hi, "Logo" vai hi ta Leh "Pawlpi Neih leh Lamh (Property Asset) vai te, hi ta Leh vai buai na neng neng teng khempeuh, ong pian khiat na...tuni ciang dong, a bei theih zawh nai Loh na ... a haang pen: tel zawh ding ham sa mahmah ka sa hi...A hih hang...kei muh na dan thu pawl khat hehpih na tawh nong na ngaih sut sak pih ciat le uh cin, ut mahmah ing. Ka hai pau pau a hi phial zong in e.....
(1) Ih vek in, ih Pawlpi it mahmah tek ih hih Lam...ki Langh ka sa mahmah hi. ( Both "C" members leh "M" members khempeuh phial 99%)
(2)Ih vek in, ih minampih ( Zomi ) khan toh na ding, mi nuai ah om nawn Lo a, mi Lutang / mi suan leh Muan, mi te thu dot ih suah theih meng meng na ding a, a Lunggulh vi ve hi in, mu ing.
(3 ) Ahih hang..tuni ciang dong, hi bang ciang din-mun tawh, a ei Zomi SDA sung mahmah pan, ki tel khial / ki mu khial den a, ih om toh toh lai na a haang pen: Thu-maan leh Maan-Lo, ih Kan-teL-siang-gaih zawh Loh det Na ( Wrong Information ) hang lian bek mah hi ci in...mu ing. Ih biak Pasian leh Vantung mi te ngiat in, ih bil ah ong gen ngiat....a hih Liang kei a leh...kua ma ih thu gen te 100% up sak ngei kei ni..."C" president pa thu gen hi ta leh "M" president pa thu gen hi ta leh..a langlaam nih tuak in, up sak gaih sawm pah pah kei ni.. Banghang hiam cih leh..ei Zomi SDA te pen, a kei a ki pan....mi khat peuhpeuh, ih zah-taak ngiat khit sa...ih Pi muh mahmah khit sa, Pil ih sak mahmah khit sa leh SUM leh Paai lam ah, "Hau" ih sak mahmah mi khat in, thu khat peuhpeuh ong gen khiat ciang in, 100% up sak suk pah giap giap hi hang..Tua pen, lau huai ka sa mahmah hi..
(4) Tua a hih man in, thu khat peuhpeuh ih zak na, ih sim khaak na, thu khat peuhpeuh ong om hun teh...100% up suk pah pah nawn kei ni....( a "C" lam a pang te thu gen hi ta Leh "M" Lam te thu gen hi ta Leh, ih theih na dan, ih zaak na dan te, up gaih pah pah ding hi ngiat Lo a, ei mah teek teek in, kan ciat ciat thei Leng....ZomiSDA te, Conference ngah pah ve ve ni bel ci ngam keng ..a hih hang...hi bang dan din-mun in, ki mu khial / ki tel khiaL kha Liang het Lo ding in, ka mu hi....
(5) Mihing pen, ki lam dang mahmah hi hangh. Ei bek hi tuan kei. Nuntak na nei, Mi hing khat ih hih nak leh ...ih khialh theih det, ih saa'n khialh theih det thu tampi om hi..Tua tampi te sung lak pan.. thu pi pen ka sak khat pen.."thu-maan kan-tel-na"..hi...Gen teh na khat ong gen kik kik leng.....
Khat vei, lawm te khat a hi, (example: Mr. Smith ) in, a bei sa hun in, "Kei" thu tawh ki sai in, midang te kiangah, a hi Lothu, kei gam tat khaak ngiat het Loh thu te, ong phuah tawm sak in, ong zuak kawi kawi ngei a, tua hun lai in zong, na ka sa mahmah ngei hi. Tua hang mah in zong, Mr. Smith tungah zong, heh mahmah ing....."Liang lawm lawm..kei gam tat khaak het Loh thu ..ka kam-vang pan, ka pau khiat khaak het Lo thu mah hi ven".....ci ngeu ngau ta mai ing........
Ahi hang...lam et loh pi lai tak in, Mr. Smith, kei kiang ah ong hawh ci pak ni..Tua hun teh...kei tungah tua, kei thu a hi Lo pi pi a, ong gen sia kawi kawi ngei a hi... " Mr. Smith " in kei tungah,..."lawm...tua na lawm pa...tua-nu tua-pa in....nang thu ong hi ci gen hi ven...example: nang Pawlpi sum pawl khat eu-sim...budget sung lak pan, na expenditure na report na ah, a Sa-zian hei in, nuam sa mahmah ...sum leh paai a sen pyay mahmah hi ...ci in, ong gen hi ven..."......ong ci vat in...tua ka zaak phet in..."tua ong gen pa tungah heh suk pah phuat phuat mawk hing...tua thu ka zaak phet in, kei zong om zo nawn ngait Lo pah in, ka om na pan, ka heh suak lua in, tua Mr. Smith i ong gen pa tungah..ek-kha-nam liang in..ko suk pah...Lai khaak suk pah..Phone set suk pah...thuuk kik sawm pah ing..
Tua mun sanhtak ah...ih ngaih sut khaak phot ngei het Loh thupi mahmah "thu" khat om hi...Bang hiam cih leh.."aw....zan-lam in zong...hih Mr. Smith in, kei thu tawh ki sai in, mi te kiangah ong gen sia kawi kawi ngei khat ai hi sii...tua ong gen siat na te zong, kei gamtat khaak ngiat Loh, ka pau khaak ngiat Loh thu vi ve ci leng.....tuu a, kei tungah Mr. Smith ong gen te zong, tua bang dan mah, a na hi kha tam?......tua pa tawh, ka ki tot theih na ding, ka ki tel khialh theih na ding a, ong pei-pei nuam zaw khawng a hi tam? "..................cih second thought...ki nei ngiat Lo hi....Hi thu pen, ka gen theih zel thu hi..Tua dan neng neng...
Khat ong genzual pak leng..."UMAS ah, sangsia ka sep lai, sangnaupang numei no khat i, gam tat sim dan thu khat ka phawk hi. Khat vei, tua sangnaupangnu i, a Nu tawh, ka vak na, lampi dung khat ah, ki tuak kha ing...Ka ki tuah-phet in, ong saam va va in bang ong gen hiam cih leh.." No UMAS siate, a bangci liang lawm lawm, Laisiangthosang hi lo maw..? Sangnaupang te kiangah, na pei zawh zah zah un, pei pei zaw zeen...Sangnaupang te i, Nu leh Pa te'n bangzah tak a, ham sa tak a, SUM ka zon lam uh, ong hehpih lo...Sangnaupang te kiangah bang hang in, SUM ngen ngen nai vuam? A saangsap ciang lo buang, a dang thu te, nong nget toh toh zaw zeen uh teh...kumpi sang tawh ki bang uh teh, Christian mi kei uh teh.."...ong ci dik dek lai zang hi....Ken zong, lamdang sa in, tua Nupi kiangah ka dot pah buat buat leh...a thu piang dan teng, mu kha pan hi ing...tua pen.."a tanu gamtat hoih loh na hang, na hi lel tek hi..A hih hang, a tanu in, a Nu leh Pa kiang pan, a ma deih zah, lungkim zah ding, SUM (moh-phoo) ngah ngei mel lo in, thu dang khat tawh pau-lap a zon kei leh, a Moh-Phoo ding, ngah kha ngei lo ding cih thei a hih man in, a Nu lehPa kiangah..khat vei leh.." Nu! ka sia te'n, Picnic bawl ding ong ci uh in, mi khat teh Ks.500/- taa ong dongh uh.......khat vei leh..Nu aw, ka Sia te'n lai-huan na man ding in mi khat teh, Ks.300/- ta piak kul ding, ih piak zawh kei leh...Lai ong huan sak lo ding.........khat vei leh.. Nu aw Pa aw..ka class mate pih te khat...dam lo vat in, a mau zawng mahmah uh in, ka sia te'n...ko a ma class pih khempeuh in, mi khat teh, Ks.200/- ciat ta, ong khia un...thupha saa'n na ding hi...ken zong hehpih huai sa peuhmah hi veng.."....etc..tua bang dan thu leh la teng tawh, a Nu leh Pa pum pei-pei hi...A hih hang, tua sangnaupang Nu leh Pa te'n, a tanu gamtat zia te tel lo in, UMAS sia te teng, sum duh hawp, sum ngah na ding ngian kawi zong zong den..." ong sa lua ki sa in, a veng / a paam te kiangah, ei SDA School hoih loh na thu te, na gen kawi kawi ta sawn sawn lai hi...A tak tak ah, UMAS sia te'n, tua a tanu gen dan, pau-lap bang dan in, cik mah hun in, SUM na pheng nget ngei ngiat het lo saam hi...A hih hang...UMAS sia te tungah, tua sangnaupang Nu leh Pa te'n, ong neu et in, ong gen sia ziah ziah pah hi.....
Hi thu tawh ki sai in, ka lunggulh mahmah thu khat ah...a Nu leh Pa te'n...a tanu gen khempeuh, na um gai pah pah kei hen la...a tanu i, sang kah khoppih, a class mate te kiang khawng ah, thu leh la...na kan kawi kawi phot buang leh...a hih kei a leh zong, tua a Nu leh Pa in, hih vai tawh ki sai in, lungkim lo lua ta....ta-yiaa sa nawn ngiat lo, a hih leh...tua ci om hi thiat kei hen la... UMAS sia te kiangah ong pai to hen la..ong dongh to ziau leh...ong kan tel ziau leh..hi bang dan thu leh laa ong om het Lo ding ..na hi gi ge hi...UMAS sia te, ong muh dah, ong neu et na ding thu ong om het lo ding hi...
Tua lo thu piang ngei tampi a om lak pan, khat kong gelh suk beh nuam lai hi...A sim-man-lo / a sim nuam ngiat lo" te'n, na sim nawn dah mai un la, na delete sak ziau mai un ...Gen suk pah leng........Pawl khat Pasal / Paapi te leu leu in, a ma'n lah, SUM zong nuam lo, SUM ngah na mel lah nei lo...a Zi neu-et ding lah ut tuan saam lo.....tua kawm kal in, a Zi te taai ding lauh man in, a SUM zat sazian te, a lah ding teh...a ma pawlh-tat-na / zulh-tat-na hi ci a, a Zi in, a muh ding a ut loh man in....thu tuam tuam tawh pau lap ta leu leu hi ....a pau lap nop ding a leh zong, mi khat peuh peuh i, "vaang" dignity a suk khak sak Lo khawng hi ziau lel leh zong, a mau Nupa kawm kal thu te khawng bel, ei Sai-Naa pih / Lunghihmawh pih na ding, om saam kei mah hi ven....a hih hang...a ma'n..bang ci pau lap thei hiam cih leh.." example: khat vei, tua Pa in, a zi tungah a SUM zat na sazian a lak hun teh, a zaak nop ding, a ma zat SUM cian phan sim lam, a dawk loh na ding in, ongkhem ta hi...A zi kiangah, " tua ih vai...khua sung ah pai na ding a, Petrol Rs.100/- man, nong thun sak pen...ken zong, ka thun sawm luat mah hi ven...lam-et loh pi, tua ka lawm pa Mr. ? tawh lampi ah, ki tuak kha dih dih ing a, a mah zong, vai thupi khat nei in, a ta uh dam lo, Clinic pai pih nuam, a SUM zat ding uh ki cing zo nawn Lo in, a Clinic pai na ding Taxi / Auto Rackshaw saap man ding na leeng, nei lo in, ken zong hehpih huai sa kaih cianga...ka Petrol thun ai taang Rs.100/- thun nawn lo a, tua ka lawm pa Taxi saaap na ding Rs.50/- ka piak hi ven..tua hang hi...tun ih motor cycle sungah, Petrol Rs.50 man bek om hi...Zing teh, ih vai pai nop na ah, ih pai ding a leh bel, a tawm pen Rs.50/- mah ih thun kik kei leh..ki cing lo ding ai..." ci phau pian hi...
A Zi in, um mahmah ta sawn sawn.."Huhhhh...lawm lawm geuh...tua petrol man ding nei lo ci in, zan mahmah in zong, Beer khawng a dawn sit set ka muh..."....tua bang mi te, mu-dah huai tak tak..ka mit tawh ki tuak ngiat kei...nang pen, na lawm te'n, ong ngian vaat vaat den, nang lah mi-ngian kawi thei thei ngiat lo...nidang teh, tua bang te khawng hehpih nawn kei o.."...bang ci suk giap pah hi...A tak tak ah, a ma Pasal ngian kawi muh sak Lo..." thu kan-tel phot lo a...mi gen sia suk pah...ko suk pah bek tham loh, a veng /a paam te kiang khawng ah...gen kawi kawi nuam pian lai zen hi.." Ei Zomi SDA sungah, tua bang dan mi, hon pih khat om hi hangh..
Kongit, Zomi SDA te aw, tuu lai tak a, ih buai na thu te zong, 100% bel ci ngam keng...A hih hang....at least 50% bang pen, thu kan tel loh man a, ih om na mun pan, ih zaak thu te bek tawh, ki heh suah suah, ki sin-zo sak sak den hi hang...Lau huai mahmah hi....Ei tungah, thu-leh-la a tuam tuam, a sia / a pha...ong gen nuam om den hi...Ih thu-zaak zong om nia-nua den hi...Tua teng khempeuh, um suk pah kei ni...Hi pa bel, MA, Ph.D a ngah hi liang aih teh, zuau phuak saam ken cia...." cih lungsim puak te, paaih khiat zawh sawm tek ni....Hi pa Mangpau siam aih teh...ih Church Pastor pa sang in, a thu gen te, maan zaw pek in teh.."...cih lungsim puak te....Lau huai mahmah hi...
Topa'n 2011 a kipan, Zomi SDA teng khempeuh tungah..."Thu-Kanh-Tel-Phot-
It na Lianpi tawh
Ciam Tuang
Pune, India
No comments:
Post a Comment