Dr. Kai Sian Khai MBBS new graduate from China Medical School

Kong it Zomi a kua maciat

Simveeng, Lamka khuapi, Manipur State, India, aa Blue Star Academy a nei ahi Dr. Dallian leh Nu Niangno, MA, te ii tapa nih te sung pan a nau zaw, Sia Phung Kai' tupa Tg. Kai Sian Khai Haokip in July 12, 2011, zingsang 9:00-12:00, Chinese local standard time iin, China gam, Sichuan University khut nuai aa West China University of Medical Sciences, Chengdu, pan MBBS (Bachelor of Medicine and Bachelor of Science) pilna tawh gualzawhna ngah ta hi.

  Dr. Kai Sian Khai  a sang kahna ah practical a lutna zato pi peen Asia gam sung khempeuh aa zato khat bek (single hospital) lak ah a lian peen hi aa tua zato ah lupna 5,000 om hi.  Zato lian pha mahmah khat ahi hi.

Dr. Kai Sian Khai peen January 7, 1989 ni aa Lamka hospital ah a suak hi aa nausuah vai aa a nu zato a lup sung iin ken zongh va don kha kahihmanin ka it tuam pha diak ka tupa khat ahi hi. 

1. Dr. Kai Sian Khai peen ka sanggam nai huai, ka ta, ka tu te sung aa zatui lam pilna anei MBBS/physician masa peen ahihmanin ka lungdam pih pha diak hi.

2. Zomi SDA sung ah tu ni ciang dong MBBS or MD or physician khat zongh om nai lo aa Dr. Kai Sian Khai peen Zomi SDA sung pan medical doctor masa peen ahihmanin ama hang iin kipakk iin ka angtang mahmah hi.

A mun a mual leh hamsatna  tuamtuam te hang aa kei a pu Mungno Gualnam (Gin Sian Mung) in ka lunggulh den ahihhang ka ngah zawh loh MBBS pilna peen ka tupa Dr. Kai Sian Khai in hong ngah thei takpi ta ahihmanin a nu leh a pa ahi Dr. Dallian leh Nu Niangno te tawh a kibang iin ka lungdam khawmna thu ka pulaak hi.  Tua ban ah Lamka aa Blue Star Academy, Dr. Kai Sian Khai, Tg. Do Sian Mang, Dr. Dallian leh Nu Niangno te a thei khempeuh in zongh lungdam pih ding iin hong lamen kahihmanin ih zonet tuamtuam te sung ah hong khah khia ingh.

Ei Zomi leh ih gam a tawi saang ding iin Zomi khangno te in pilna siamna atuamtuam te sin iin hong hanciam ciat unla, nu leh pa te in zongh ih tate in pilna siamna a ngah theih nading un pantah ciat ni.  Topa'n thupha hong pia ciat ta hen.

Lungdamna thupuak,

Mungno Gualnam

Riverside, California