Topa hehpih na tawh a damkim ding in hong lamen ing. a beisa kalsung Topa hong thuphapiak te atampi lakpan pawlkhat hongpulak nuam ing. Ih gel sa ommah bang in Pr. Jeffrey Pum Pau te nupa cidam in Malay hong tung kik aa, Sabbath ni sunthapai hong makaih thei ahih manin ki lungdam mah mah hi. Sia Pa in
Sabbath S lesson hun sungin Tuikiphum ding sanggam te thum (1) Pa Thang Tung Pau 37yrs(Sia Sawm Sang maak pa) Anlang CBC pawl pi pan (2) Tg. Tuan Go Mang 23yrs(Kansau zang - Tuiphum pawlpi pan)(3) Tg. Cing Sawm Lian 14yrs ( Anlangh SDA)te tuiphum sinna hong makaih a, SSleson hun manciang Tuiphum na tawh kizomto pah hi. tuiphum na manphetin sunhunpi kipan topah in, Pr. Pum Pau in "Gupkhiat ngahna lampi namthum" tawh hanthot na hongpia in tha kingah mahmah hi.
Sunhunpi man phetin lunch kine ngeingai aa, a sawt loin AY hun kipan pah hi. Pr.Pum Pau in Samson tangthu tungtawn in khangno te thahongpia aa, zaknopki samahmah hi. tuabek hi loin khangno tein laisiangtho sung thuthuk a telzawhloh uh dotna tuamtuam dong uh aa, kician tak leh lungkim huai takin hong dawng setset ahih manin dotna a dongte khempeuh lungkim mahmah uhhi. Hih Ay hun a laisiangtho tawh kisai forum bawl na hangin pawlpi mite in theihthak na leh khantoh na tampitak ki ngah ahihman in sia Pa tung ah nakpi takin lungdam nalian pi ihko hi.
Hi bang aa ZAC Pawlpi veina leh itnatak tawh hongvan Ih siate tung ah ihbiak Topa Pasian in, a zinsuk azintoh na te uah hong kepcing sak hen la innlum lolum cidam a atun nading, leh seplehbawl na masuan ciatah gualzawh daupai na thupha hong piak sakta hen.
ZAC Pawlpi bup aiawh in
SB Ngaih Cin
Church Pastor
ZAC Chowkit KL, Malaysia
No comments:
Post a Comment