Ahun hun in Topa'n a tuu huang
sungah kha manpha te hong tun zel a, tu in ahih leh i sanggam nihte in
Jesu a mau mimal gumpa honpa in hong saangiin pawlpi sung lut ding
khensatna tawh kizui in tuiphumna hong nei uh ahih manin hih lungdamna
thu kong pulak nuam hi. Amin te in: Win Zaw (Piang Muan Sang) leh Langh Gel Cing te ahi uh hi.
Win Zaw pen Bago division huam Pyi khuapi aa om U
Soe Thein & Daw Myint Myint Htay tapa unau 5 lak pan a 2na hi aa,
Buddist (Kawl biakna) background pan ahi hi. Tu laitak azi ahi Tedim
khuapi huam, Sezang khua mi Lian Lam Niang (Niangsen) tawh Hartamas KL
ah om uh aa Assistant Pastor Dr. Cin Sian Pau in Laisiangtho hilhcianna
(Bible Study) apiakna tawh hong kikheel ahi hi.
Nu Langh Gel Cing pen Pa Khup Za Nang & Nu Sian
Nuam tanu hi'n Assembly of God (AG) pawlpi pan ahi hi. A pasal Gin Go
Mang tawh tanu khat nei in tulaitak Klang KL ah om uh hi. A pasal
Adventist ahihna tawh biakinn hong kikhop zel a thuman thutak thei nuam
ahih manin Church Pastor SB Ngaih Cin, Elder Go Lam Kim, Elder Dai Khan
Mung te in Laisiangtho hilhcianna neihpih uh a, ama khensatna tawh
tuiphumna hong nei ahi hi.
January 24, 2012 ni 10:30am in Kuala Lumpur
Seventh-day Adventist English Church biakinn ah Pr. Wung Wei Kong
(Retired) makaihna tawh tuiphumna kinei hi. Pawlpi mi, Siate leh Upa te
ahi thei tengin ki uap in tha vapia uh hi. Hih kha manpha i sanggam 2te
Topa thu sungah kip kho in, ze-etna anang zawh na'ng akua maciat in
thungetna tawh panpih tek ni. Topa'n mimal kim tungah thupha hong pia
ciat tahen! Amen.
Zomi Seventh-day Adventist Church
Kuala Lumpur, Malaysia
-- S/m Aye Cing
Malaysia Tawmvei
Ph: +6016-319 5660
No comments:
Post a Comment