I kha koi-ah ciah ding?

LST sungah Misiangtho vankah te khempeuh, a nungta in vankah a hi hi. Moses siphot ahihang, Zeisu in phongkik phot aa, thosak kik phot in, a pumpi nungta in a hingtang in vankah ahi hi. Enoch bel Pasian tawh kum 300 sung kalsuan khawm, (mawhna bawlo thukham palsat lo ahihman in), Topa in migilo te omna ah a nuntaak suak lai ding paamaih sa in a lato ahi hi. Elijah zong a hingtang in Topa in vankah sak hi. 

Hi teng i etakciang in- 

1. Zeisu nihveina hong kumciang (at the second coming) Misiangtho a nungta lai te, a hingtang in vantung ah kilato ding cihna ahi hi. -- Enoch leh Elijah dan in Sihna ciamkha lo ding uh hi. (Anpal dan in a kila to masa ahi hi)

2. Misiangtho asisa tampi te, Zeisu hong kumciang in, pengkul aw gingtawh, Moses asisa a thawhkik bangin, hong thoto kik ding aa, Zeisu in vantung ah lato ding uh hi. Zeisu thawh kik hun in, misiangtho tampi zong thokik un, khuapi sung ah ameltheih te kiang kilak uh hi. Zeisu vankah ciang zuito uh hi. (Moses leh tua misiangtho asisa thokik te Anpal dan in, Pasian in alaak hi aa, misiangtho in ih sih leh Zeisu sung aa a site, misiangtho te, mawhna bawlo, thukham palsatlo te, Zeisu sisan ii sawpsiang khitsa, mawhna bawl kikkik lo te, Zeisu nihvei hong pai na ciang kitho kik gai ding hi. ) 

3. LST sung i etciang, a sihciang a kha Vankah pah, Hell paipah cih kigen het lo hi. Mihau pe leh Lazarus tangthu Zeisu in parable gentehna agen pen, christian honpi khat te'n apiang taktak sakha uh aa, tua bulhphuh in sihciang kha vankah pah cih false doctrine and belief hong nei uh hi. (Hih parable sung a kigen Lazarus pen Topa Zeisu lawmpa hilo hi.)

4. Lazarus Topa Zeisu lawmpa a sihlai in, a kha apai na, LST in genkha peuhmah lo hi. 

5. Piancil sung, Pasian in mihing abawl lai tak in, Tungman pumpi bawl aa + hu (kha) mop hi.  Pumpi + hu a kigawm ciangin, a nungta kha, Living being hong suak pan hi. Tua hu/the breath of God, Pasian ii hu ih pumpi sungpan a pai khiat takciang, a nungta nawnlo, a si ih hi hi. A nungta kha dang om tuan nawnlo hi.

6. LST sungah, pumpi bek athat thei, Kha akhat theilo acih pen, nuntak tawntungna ingah nang hong khaktan theilo cih agena hi bek hi. (kha atuam aa nungta cih agen hilo hi)    

7. 1 Thess 4:16-17 asi sa misiangtho te, Zeisu nihveina hong pai ciang, thokik aa, a nungta lai misiangtho te tawh vankah khawm pan uh hi. Ih sih ciang in, vantung ma pai kholh cih om lo, Hell sung ma pai kholh cih om lo. Vantung kum 1000 maan sung aa- migilo te leh dawite tung aa thukhena om pan ding hi. Daan bang tansau thuak ding cih kiciangtan pan ding. Tua masiah Hell sung a kihaal kuamah om nailo. Hell icih zong, tu laitak a om hi lo. Mangmuhna sung sim leng Rev 20 -22 sung siangtak in gen hi. Hell meikuang pen Vanpan hong kia suk ding hi pan hi. 

 

Pu Tong Seal

__,_._,___