Tu hun aa, piangthak ing a kici te pen, 99,99 percent bang un pianthakna pen bang tatak hiam cih tel ngiatlo, thei ngiatlo uh hi. A sya te un hilhcian ngeilo uh hi. Born again kici lanlan aa, a taktak in lips service bek tawh piangthak ing aci ahi hi.
A nuntakna taktak ah, bangmah kikhelna neilo uh hi. Kampau lui, luheek gamtat lui, lungsim hoih het lo teng kikhelna khat zong neilo uh hi. Khuaziing sung ah nungta lai lua cih pen ki thei lua hi. Khuavak tate hi cih theihna ding mal khat zong kimu lo hi.
Lungsim ngaihsutna muatsa vive nei uh ahihman un, a kamsung uh pan a pusuak khia kamal te pen thuhoih thupha kiza ngei ngiat lo hi.
1. Born again cih pen, one time happening hi lo hi. Tua ni, tua kha tua hun in, ka piangthak cih te pawl pen a maanlo lam pang hi pah hi.
2. Born again taktak pen, life time process hi. Ni sim in Pasian tawh ki naizawk semsem na hi. Zeisu leh khasiangtho ineih man in, ih nuntakna siangtho semsem ding cihna ahi hi.
-- Tu hun, gupna ngah khinzo ing, piangthak zo ing aci te pen, THUKHAM 10 tawh ki sitel lai ta hen. Tua hi leh piangthak taktak maw... lips service bek tawh apiangthak maw cih kitel siang pah ding hi. Thukham 10 pen in, ih siantho lohna hong lak thei bek aa, i ki siik kik aa, deihtak in mawh maisakna ding inget i thuum leh Zeisu in mawh maisakna hong pia ding hi bek hi.
3. Born again icih ciang in, i mawhna i muh maaksak kul. Thukham limlang tawh ki sitel. Mawhna nusia. Mawh maisakna ngen. 1 John 1:9 Topa in mawhmai hong pia ding. Ki siikna a om kei leh mawhmai na ki ngah thei tuanlo hi. Gupkhiatna zong ki ngah thei tuanlo.
4. Zeisu upna in, ih nuntakna sung ah transformation hong pia ba le a piangthak nailo ki hi zaw.
Pu Tong Seal
No comments:
Post a Comment