Aman Biakpiakna

                                                            Piangsakpa Pasian Biakna

Matthew 22;37-40  "Jesuh in, na Topa Pasian na lungsim khempeuh, na nuntakna khempeuh leh na pilna khempeuh tawh na it ding hi.Hihpen a masapen a lianpen thukham ahi hi.A nihna pen a masa mahtawh kibang a, nangma pumpi na it bangin na vengte na it in cihna ahi hi Hih thukham nihte tungpanin thukham dang khempeuh leh kamsangte' thuhilhna khempeuh a hong mengkhia ahi hi," ci-in a dawng hi.

John 8:31,32      "Jesuh in ka thuhilhnate na  zuih paisuak nak uh leh ka nungzui taktakte na hiding uh hi.Tua ciangin thuman na thei ding uh a, tua thuman in note hong suaktasak ding hi" ci hi.

                             

Calvary mual-ah sihna tawh hongtan Jesuh nungzui kineihkhemte bangin hilo in, nuntak tawntungna na ngahna dingin a thuhilhnate na zuih kul a, na suahtakna dingin thuman na theih kul hi. in Ka min hong lo in, Kei nongtheih nak uh leh na suakta ding uh hi na cilo hi.Amah na up leh ama thuhilhnate na nisim nuntakna ah na zuih paisuak kul hi.

Tua leh suahtakna leh nuntak tawntungna i ngahna ding thu in bang hi-a, thuman in bangthu ahi hiam?

 

John 14:15 ah Jesuh in, "Kei na hong it uh leh Ka thupiakte na zui ding uh hi" ci hi.

                         Ahi zongin Leitung mi khempeuh a khempa dawi mangpa Satan in leitung mihingte in hong tankhia ih Topa Jesuh' hong hotkhiatna i ngahkhak ding, gupna i ngah ding deihlo ahihman in , piangsak Pa biakna pan-in piansak nate biakna lamah hong tunpih in Pasian thuman zuauthu tawh khek hi ci hi. Mangmuhna 12:9,Rom 1:25.Tua nuntak tawmtungna na ngahtheihna ding leh gupna na ngahtheihna dingin, piangsak Pa bia kahi hiam? ahihkei leh kei hongkhempa Satan bia kahi hiam cih Pasian kammal Laisiangtho tawh limtakin ki sittel ni.Suahtakna leh nuntak tawntungna na ngahna dingin ih Topa thuhilhnate ih nisim nuntakna ah zuihkul hi cih Laisiangtho in hong hilhkhin zo hi.

Paikhiatna 20:1-17 Pasian in hihthu khempeuh gen a,"Kei pen sal suahna Egypt gam panin note a hong paikhiatpih Topa na Pasian uh ka hi hi.

1. Keimah longal Pasian dang neikei in.

2. Milim bawl in bia kei in.

3.Topa na Pasian min a zangkhai in zang kei in.

4.Sabbath ni a siangtho a zat ding phawk in.    

Hih Sabbath ni tawh kisai in Piancil 2:2,3 a' Pasian in tawlnga,thupha pia-in a siangthosak ni pen a ni sagihni hi a, Sabbath ni hilo hi a ci pawl khat om hi.Paik.20 :10 ah Ahi zongin a ni sagin ni pen Topa note Pasian Sabbath ni ahi hi.The seventh day is the Sabbath of the Lord thy God.Mark 2:27  the Sabbath was made for men.Sabbath ni mihingte a ding a ki bawl hi ci hi.Israel / Jews te a ding a ki bawl hi cilo hi.Cartoon khawng,ganhing khawng i hihkei  a, mihing i hih leh ei-a dinga kibawl ahi hi.Ih tankei leh Mang 12:9 a lei tungmi khempeuh a khempa dawimangpa Satan a bia hipah hi.Kei longal Pasian dang nei ken.???

5. Na nu na pa zahtak in.

6. That kei in.

7. Nulepa mawhna bawl kei in.

8. Gu kei in.

9. A manlo teci pang kei in.

10. Haza kei in.

Paikhiatna31:18,32:16 Suangpeek tunga kigelh thute Pasian khutme tawh kigelh hi ci hi.

Matthew 22:40Hih thukham nihte tungpanin thukham dang khempeuh leh kamsangte' thuhilhna khempeuh a hong mengkhia hi ci hi. 

Dotna: Hih Thukhamte calvary mual ah  bei khin hilo hiam?

Dawnna: 

1.Malachi 3:6,7 Kei Topa kahi a, lungsim a kheello mi kahi hi.Napu na pate uh mah bangin ka thukhamte panin note na pialkhia uh a, ka thukhamte na zui kei uh hi.Ahi zongin kei lamah hong ki hei kik un.

     Hebrew 13:8   Jesuh Khrih pen zani,tunni a tawntungin kikhel ngeilo hi ci hi.

     Late    89:34    Ka thuciamna siasak loin, ka kam pana paikhia thute ka khel kei ding hi.Topa in ci hi.

    

     Matthew 5:18  Van leh lei a beima teng hih thukhamte a neupen khat nangawn a deihna tangtunglo pi-in maimang lo ding hi ci hi.Tuni in van leh lei a omlai hiam? Pasian thukhamte a om lai diam?

    Mangmuhna 11:18,19 Na hehna a hong kilat hun hong tungta a, misite thukhenna ding hun hong tungta ahihman in minamte heh mahmah uh hi.Nangma nasem kamsangte a lian a neu,nang hong zahtak mi khempeuhte thaman na piak ding hun hita a, leitung a susia mite na suksiat ding hun hita hi.Tua ciangin vantung ah a om Pasian biakna innpi kihong a,a Thucianmna singkuang zong biakinn sungah a om kimu hi ci hi Pasian thukhamte in a tawpna thukhenna ah kizang hi-a, a deihna tangtung nailo hi. 

 2.Luke 18:19      Pasian simloh a hoih kuamah omlo hi.                

   Rom 7:12        Thukham mahmah hita leh thupiaknate hita leh hoihin  mana siangtho hi.

3.Isaiah 5:16  Ahih hangin thutang sepna tawh vanglian Topa in a liatna hong kilangsak a, a Siangtho Pasian in, mite a thukhenna tawh ama Siangthona hong kilang sak hi.

   Rom 7:12   Thukham mahmah hita leh thupiaknate hita leh hoihin  mana siangtho hi.

4.Thuhilhkikna 32:4 Eite belh Topa a nasepna kicing a,ama nasepna khempeuh Thumaan ahi hi.Thumanna nei-in mawhna a neilo Pasian hi-a,amah thutang in thuman hi.

    Rom 7:12             Thukham mahmah hita leh thupiaknate hita leh hoihin  mana siangtho hi.

5.Matthew 5:48 Vantung ah a om na Pa uh a cingtaak mahbangin note zong lungsim citak in na cingtaak na ding uh na hanciam un.

   Late 19:7-10         Topa thukham kicing a nuntakna thaksuaksak hi.Topa' teci panna hitakpi a, mi pillote pilsak hi.Topa thuhilhnate mana lungsim nuamsak hi.Topa thupiakna siang a, mitte vaksak hi.Topa a kizahtakna sianga kip tawntung hi.Topa ngeina kipte thumanna a vekin kituak in mankim hi.Kham sangin ahi zongin kham hoihpen sangin ahi zongin tuate deihhuai zaw a, khuailuzu sangin khum zaw hi.

6. 1John 4:8     Pasian pen ki-itna ahihman in itna a neilo mite in Pasian theilo uh hi.

     Rom 13:10 Itna a nei mi in midangte tungah siatna bawllo ahihman in, itna ihneig ciangin Thukham azui ihi hi.

7.1 John 3:3 Khrih a siangtho mah bangin, amah tawh kibat ding a lamen mi khempeuh in zong a nuntakna uh siangthosak ding hi.

    Late 19:8 Topa thuhilhnate mana lungsim nuamsak hi.Topa thupiakna siang a, mitte vaksak hi.Topa a kizahtakna sianga kip tawntung hi.

8. John 4:24 Pasian pen Kha ( Nuntakna ) hi.Amah a bia mite in Kha ( nuntakna ) leh thuman tawh bia ding hi.Piancil 2:7 Pasian in leivui panin mihing bawl a,a naksung ah nuntakna hu sang suk hi.tua ciangin mi pen nuntakna anei mihing hongsuak hi ci hi.Tua hi-a Kha tawh Pasian bia ding acih ciangin nuntakna tawh bia ding a ci ahi hi. Gentehna; Pasian a upna hanga thahna thuakte.

Rom 7:14   Thukham pen Kha thu tawh kisai hi ci-in i thei hi.

9. Piancil 21:33 Abraaham in Beersheba ah makeng kungkhat suan a, tulai munah amah in Tawntung Pasian Topa a bia hi ci hi.

   Late 111:7-10 Ama nasepna khempeuhah amah thuman in citak a, a thupiaknate muantak mahmah hi. A Tawntung in tuate kip ngitnget a, thuman leh thutang tawh zuih ding ahi hi.Amah in ama mite honkhia a, a Tawntung kimang dingin thupiakna a bawlkhin hi ci hi.Calvary ciang kimang dingin cilo hi.

10.John 14:6 Jesuh in,"Kei mah in Lampi kahi a, Thuman leh Nuntakna kahi hi."

John 17:17 Nangma thuman hilhna tawh a maute Siangthosak in.Na Thu in Thuman ahi hi.

Late 119:142 Nangma thumanna kip tawntung a, na thukham zong man tawntung hi.

        151,152 Na thupiaknate khempeuh a hitakpi vive ahi hi.tuate a tawntung in a kip dingin na bawl ahihna thu, nangma thuhilhnate  panin sawtpi in ka thei hi.

     Thukham zuite thukham khutnuai a omte in samsiatna thuak uh hi ci-in mi tampite  in thuhilh uh hi.Ahi zongin James 1:25 Mite a suaktasak thei thukham cingtaak a hoihtak in tawntung in a zuite a sepna peuhah Pasian in thupha pia ding hi ci hi.Paunak 29:18 Pasian lamlahna a ki zuihlohna gamah mite phengtat gawp uh-a, Pasian thukham a zui mite a hihleh a lungdam uh hi ci hi.Late 19:9Topa thuhilhnate mana lungsim nuamsak hi.

Tua ahihman in Piangsak Pa,thukham a piapa a siangtho mah bangin thukham zong siangtho in kip tawntung hi.Ahi zongin thukham anial mite in ahih leh thukham a piapa Jesuh zong a nial ahi uh hi.Tapa Jesuh a nialte in Pa Pasian zong a nial uh hi.Banghang hiam cih leh John 10:30 Jesuh in,"Kei leh Ka Pa pumkhat kahi uh hi ci hi.Matthew 24:24 Luke 13:6,22 Keima in tawh Khrih kineih khem leh kamsang kineih khem mi tampi piang ding a, lim leh na lamdang lianpipi bawl in a teelsa mite nangawn a khemna ding uh hi ci in i Topa in hong genkhol khinzo hi.

Tuni in, na theih Jesuh ,na neih Jesuh in a kineih pa nang hongkhempa Jesuh ahi hiam? A kikhel ngeilo a sisan tawh hong tan Jesuh ahi hiam? Ki sitpha in.

      Pau Khaw Lian
     NewAge Ministry