Pu Zokhai hilhciana guicing mahmah in, siang mahmah hi. Mi pawlkhat te un, Zeisu ii dikna/hehpihna pen, guptuamna bang in gen uh hi, gawlguuk nesim te ki guptuam ban suaksak uh hi.
Gentehna-
1. Numei khat Driver's Licence phii in, mun 3 khawng ah, a kia pipi a sit pa in ong sak-
2. Hong hehpihna tawh hong ong sak hi ci hi. (zuau thu tawh pum gup aa a ong sak hi)
Zeisu hong hehpihna zong tua bang hi na ci sawnsawn lai hi. Zeisu hong hehpihna/dikna pen tua bang gawlguuk tawh pum gupna kipia aa, ki on sak te hi lo hi. Tawntung nuntakna zong, Pu Zokhai gen mah bang in, a mawh geeguu ki pum gupna tawh Zeisu in a ong sak ziau hi lo hi. Mawhna ki siik aa, lungsim kitamzaan liang aa, i thuum leh mawhmaisakna a ngah ding i hi pan hi. Mawhna nusiat phot kul. Mawhna nusia icih teh bang. Thukham palsatna nusia phot phot ding. 1 John 3:4 Tua na awlmawh kei leh lucifer dan in cihmah hun in, ki siik ngei nawnlo ding. Mawh Maaisakna sang ngei nawnlo ding.
1. Licence : phii ding khat, Zeisu in cidamsak ding aa, Lai en zo sak ding, ciamteh zo sak ding.
2. A hawl zong, theory a sinsa bang in, ciamteh zo sak ding, a hawl khialh lo nang Khasiangtho in panpih ding. Tua teng sung ah Zeisu hehpihna/dikna a om khinsa hi.
Upna maan
§ Ki siikna om lo in, mawh maisak na om thei lo.
§ Mawh maisakna omlo in, siansuahna om thei lo.
§ Siansuahna om lo in, hot khiatna om thei lo.
§ Pianthakna icih pen lungsim kikhelna, ki siik kik na pan hog pai.
§ Ps 51:10 ih lungsim Topa siansuah sak kul.
§ Thusia la sia teng tawh niin sak zel lo ding.
Born again: Pianthakna
Pianthakna taktak pen, i lungsim, i lungtang, i ngaihsutna khempeuh a siangtho lam in, kikhelna ahi hi. Siatna nengcik a baan lai leh a piangthak nailo hi zaw hi. Piangthak ing, a kici khat in na lungsim sungah mite siatna ding na geelgeel lai hiam? Thu hoih thupha bekbek na lungsung na keem hiam? Pianthakna icih pen siatna a kici himhim i lungsim sung na ngawn pan paih khiatna ahi hi. Ih lungtang siansuah ding a kisam masa pen a hi hi. Mi gensiatna tawh na an kam a lim mahmah laiteng a piangthak nailo hi teh.
Na inn, na koi ci zat hiam?
i) Na inn pen, mi gensiatna phualpi in na zangh hiam?
ii) Na lengla te tawh mi gensia in na zui lualua den hiam?
iii) A tung aa te gel amaan leh na inn pen Dawi Mangpa niin bung suakta hi.
a) Eklom pen a naak hoih lua in gamla pi aa eek om anam zapah, themvei sung agei tung pah hi.
b) Eklom dan mah in, thusia lasia huai phadeuh mi om hi, thusia la sia in zuan pha deuh pah hi.
c) Eklom dan in, gamla pi pan hong leng teutau in na inn ah hong tung pahpah a om hiam?
i) Thusia lasia teng, namtui isak laiteng, Khasiangtho ei tawh teeng theilo hi.
ii) Pumpi leh lungsim a sianthona munte bek ah Khasiangtho teng thei hi.
Thusia lasia in, i huai sak den leh pen Khasiangtho leh Zeisu tawh kipawl thei nailo cihna hi hi.
Na innkuan sung ah, thuhoih gen tamzaw maw, thusia la sia na gen uh tam zaw?
Lengla na neih sial in, na lengla te tawh thusia bekbek na kikum kha uh hia?
Na tua cih leh a piangthak nai ngiatlo na hi gige hi.
Tua kum, tua kum in a piangthak hi ing, na cih lanlan te paai khia ta in.
Pianthakna icih pen, nidang lai pek aa, khatvei Zeisu lam ki hei ziauna te hi lo hi.
Pianthakna icih pen, ni sim i nuntaakna hi zaw hi. Nang, nisim bangci nuntaak cih hi zaw hi.
Pu Tong Seal
__._,_.___
No comments:
Post a Comment