AY te' Kilawmtatna TUKPENG Kimawlna !!!

Malaysia aa om Adventist Youth (AY) te' ki lawmtatna, mi tawh kipawlkhopna & pumpi cidamna ding bulphuh in pandan jaya ZCA khangnote tawh tukpeng kimawlna August 5th, 2012 (Sunday) zingsang 8am - 10am sung, Pandan Jaya KL ah kinei hi. Hih pen amasa pen ahih mah bangin hong kihel nuam napi alem lo zong pawlkhat ki om hi. Tutung hong kihel thei khangno te in anuai aa bang ahi hi:

1. Tuangpu, 2. Lianneu, 3. Cii Cinh, 4. Cinta, 5. Haupi, 6. Sumno, 7. Mungneu, 8. Paupi, 9. NaaKhai, 10. Mung Kap, 11. Sawm Tuang, 12. Thangpi, 13. Khaipi, 14. Siingpi, 15. Kimneu, 16. Tuangneu, 17. Biak Thang, 18. Thangkhek, 19. Aye Mung, 20. PaaKhai, 21. Sia Langh, 22. Mungtong.

PyinoolwinChurch aa Sabbath School Class te

July 21, 2012
Khazih sungah kong it Zomi Adventist khmpeuh aw, Pynioolwin Church ah smakk group khen thum kisuah ung. Tua khen thum Sabbath School class hi sak pah ung. Sia te leh upa leh sia nu te in lesson a hilh theih na ding in ki kheel diamdiam ung. Nung Sabbath aa lesson hilh thak maan aa ki hel nai lo teng hong khak kik ing. Hehpihna tawh na en leuleu vo leh. Lungdam ei.

Naupang Laisiangtho Tangthu

Naupang Laisiangtho Tangthu

SDA khawm Pi Dr.Dal Mang

13th Sabbath Pynioolwin ah ka zat na uh photo te

Kong it ka Zomi Adventist sanggam te aw,

Ih zumpi aa om Pyinoolwin pawlpi ah 13th Sabbath ka zat na uh maan pawl khat hong khak ing. No na neih uh leh zong no aa zong hong khak un.

Thu a za sak 
Pr. Khaipu
Pyinoolwin

Youth Alive Camp, at NUBE Pork Dickson, Kuala Lumpur

Peninsular Malaysia Mission (PEM) makaihna tawh Klang Valley Youth Alive Camp pen June 29 - July 1, 2012 sung Kuala Lumpur khuapi panin nai2 bang a kipaina NUBE, Port Dickson Beach ah nopcitak in kibawl hi. Theme: I AM YOURS cih hi aa Joshua 24:15 "Kei leh ka innkuanpih te'n Topa' na kasem ding hi" cih ahi hi. Sente, Kalate, Indonesia, Phillippine, Arap, Myanmar ... minam tuamtuam kihel mimal 80 bang kipha aa Zomi SDA KL panin khangno 8 va kihel thei uh hi. Khangno te ading kha-an vakna hong nei Siate: Pr. Tan Botabara, (Ministry Director, California USA), Pr. Terrance Sim (Executive Secretary PEM), Aunty Jane Yap, (Health Ministry Director, PEM), Mr James Edward (Youth Director, PEM), Mr. Yew Lip Sin (Education Director, PEM), Rose Solano (Missionary from USA) hi uh aa, kha thu bek hilo, leitung thu tuamtuam ban-ah pumpi taksa cidamna ding, mitawh kipawl khop kilawmtat dan ding khantohna tampi kingah hi. Hih camp hangin khangno tampi te zongsatna hoihlo tuamtuam pan kikhel in Topa ading kipumpiak a kuan khiat ding cih ki-apna leh khensatna nei uh hi.

Kong kawcik a lut ding kuate hiam? - Nangkhine

Ciimphawng TV en-en leng Sea World khawng, Disney Land khawng, a nopcit dan ong kilak lakin naupangte genloh ei ulian khangtak khinsate nangawn ih painoptha ongsuak hi. Topa Zeisu ong lamsak Kham Khuapi tawh teh mawkmawk ding hikeisam naven tomno khat lungnop suutpakna dingin et cim lo ze-etna zangkuammun ahi hi. A ut khempeuh kikhaamlo a paitheihna mun zong ahi hi. Ticket neih nakleh.

Ticket neih hang zong ut bangin nuamtakin kilut theilo lai hi ei! Lutna ding gate kawcik lua kisa, tong tantan sikzawl kipei bualbual in ong control lai, gate cingten i ticket ong sittelna mah, i pumpi ah deih loh bang puakha hiam tit..tit..tit..signal eng suak leh phadawm, san kha henla palik te' matin omkha vanglak leng,,,,,, kawlgam palikte thunuam zawlai kha ding uh hi. Hmm...hm....Kong kawcik thu hizen ei', ki honlut theilo, kuaciik lua a cinuam, lutkhin leng lah tuisung sumkuang khah bang.

 

Vantung mikhat in tui loklok - Nang Khine

Jerusalem khuasung Tuu zuakna (sheep market) gei ah Bethesda a kici bual khat a om a, tua bual kim kot ah inntual kongbuuk nga (five) kilam litlet hi. Tua buuk te sungah mittaw, khelbai, khutzaw-khezaw a kipan natna nei tampi bualtui kilawh ding ngakin a omkhawm phengphang uh hi. Banghanghiam cih leh vantung mi khat in tua bualtui lok theizel a, tui kilawhkhit ciangin a tuakkha masa penpen in ama natna panin a dam hi. John 5:2-4 KJV.

Special SABBATH Worship Service of Zomi SDA Malaysia Church

SABBATH SCHOOL

Song Leader: Upa Vungh Khan Dal, Pa Thangpi, Sia Pau Lam Thang,
Music: MangpiB (Acoustic Guitar), Mangpu (Lead), MangpiA(Bass) Mungtong (KB)
Chair-person: Sia PaaKhai
LST simna: Mark 6:30
Khukdin thungen: Sia Pau Lam Thang
Lapawl: Papiteng
Gamdang Tangthu: Pa Thangpi
LST thusinna: Dr. Cin Sian Pau
Thu Zaksakna: Sm Sannu

DIVINE SERVICE:

Song Leader: Sia Mungtong

Pianist: Sm Nuamsan

Pastoral Prayer: Elder Mungno

Sumpi donna: Pa Langh Khan Dal & Pa Vung Sian Pau

Sumpi apna: Sia Lianpi

Choir: Youth

Sermon: Sia Nang Suan Khup

Thu Zaksakna: Sia Mungtong

Dorcas Thu Zaksakna: Nu Ning Ngaih Zen

Special FATHER'S DAY Hunbawlna (June 16, 2012)

Zomi Adventist Church Malaysia

Amin ka theihnop Nupi Khat - Nangkhine

Tulsa Zomi SDA khawmpi vasiimpheizo takeileng IT (Insein Thunginn) khanna tawh kizui-in, melmuh tongsan naubang ih sang thei hi. Hunzeekte, lasate, thugente zong thangahthei mahmah uh ka sa hi. Hun zeekpa khat in a mah leh amah ki meihsetna bang tha ka ngah phadiak hi. Bangci hiam cihleh, keipen kuaman zong ong theilua kholkei nu cin, pa Thang' nau hing, pa Thang pen ka u hi, cimawk hi. Amin a puam lah genlo, agen lam theikha paklo ka hiam? ka nung ngaihsut kikkikleh, Malaysia aa Sabbath Sun hunpi zangngeipa, Singunau sangpan BA, MA buaih ngahpa ana hihlam ka theikik hi. A 'khua' zong Pr Dalpu' taten ka khua uh a cihphial 'khua' hi. Ka mang in zong ka matngei khua khat ahi hi. Gen laileng gualli gualnga bang phasuksuk laikha ding ahih manin ong ban gen nawndah ning. Mangte pau leh that's my 'topic'.

Hih Sabbath ni keekkeeekin pasal khat leh nupi khat a cinatlam uh ong kilang sese hi. Sabbath ni khat Zeisu leh a nungzuiten (corn field) ah vaimimgau kekin sialnek uh hi. Tua khit kikhopna innah Zeisu pai-in thu a hilh hi. A khut l

MUAS Academic Execellent a ngah te

Dear , All the Zomi SDA,

Hih a tung a thu lu tawh ki sai in 2011-12 sang kum second semester
lai vuan na ah Academic Execellent Award  Zomi Tangval nih in GPA hoih
pen pen 4.00 ngah uh a hih  man in lungdam na kong pu lak hi.

1. Tg. Zo Za Sang - A Pa Pum  Suan Kam + Nu Dim Lamh Kim te tapa u pen hi in
a khua lui uh Thal Mual  hi in tu laitak pen Pyidawtha a teng uh hi.

2. Tg Thang Khan Suan - A Pa Nang Khaw Thawng + Mang Kham Huai) te
tapa hi in a khua lui uh pen Muan Man hi. a mah pen BA Ed third year
hi. Hih bang aa minam dang te lak ah Academic Execellent Award ong
ngah na uh hang in MUAS Zomi Seminar in ka lungdam na uh kong pu lak
uh hi.  thupuak:thangneu (ZAC)

Ka muhnop Numei dang khat - Nang Khine

Nungkal Sawltak 16 sung kong at bangloteng tawh ong khum ingh.  A thulu leh a thukhupna kituak kei a ci zong tam mahmah ding, himahleh sermon gelh ka hikei a, ka ut bangbang gelh ka hi hi. Khuapih papite' pau leh, tua a Sabbath mahmah ka pahtawi nopman hi, cih dan hi. Lawmte' cih bangin Zeisu sihna pan a thawhkikni sunday ni, Sabbath tanga tanding sianthosak ding, nipini a zatding hileh, Topa Zeisu in a sihma in a tawmpen Anu leh Mary Magdalene te kiangah genkhol buangsamlo ding aimaw cisimsim ingh. Paul mah mah in zong Sawltak 17:2 Sabbath ni ngeina bangin Biakinn sungah Laisiangtho siksanin....Paul Christian suakkhin hiven, bangdia Sabbath ni ngeina bangin zangzang lailai zenzen aiding????????

Yatana Theingi Mine members - Sia Lamcin

A mun:  Yatana Theingi Mine
           Naungcho Township
           Northern Shan State

May 26, 2012 Sabbath hun zatna hi.
Pr. Sawm Sang makai in nekkhawm piakna, tuiphumna leh nu pa thak thungetsak na ki nei hi. Pyin Oo Lwin pawlpi pan in Sia. Khen Go, Sia. Lam Cin, Sm. Nuam leh Pr. Sawm Sang te in Mine a om pawlpi mi te tawh biakpiakna va nei khawm hi.

Yatana Theingi mine pawlpi kem pen Sia. Khup Lian Mang hi-in Mine a tun zawh kha nih pha pan hi.  A mah pen Nyaungthonpin pawlpi pan in ong kikhin hi. Yatana Theingi Mine a om thu um mi te a ding in thungetna ah phawk ciat ni. Kikhopna mann te na et sak un.

Thupuak > Sia. Lam Cin

Europe gamah Christian suak masa pen - Nangkhine

Biakna thak, pawlpi thak ahi, "Christian" ong piankhitzawh tua pawlpi in missionaries 4 bekbek ong nei uh hi. Tua 4 nangawn kithutuah lohna tawh 2 tuakin ong kikhen sawnsawnin 2 hialam apai leh a 2 ahialam masuanin ong pai uh hi. Paul leh Silas in Timothy ong zawnin ong kisatsuah zawdeuh uh hi. A headquarter bulpi omna Jerusalem in zong Timothy a zotlam theihpih uh hi.  

 

Timothy in paubanna khat ong nei linglengse citciat hi. Khazih upna zuihna ah paubanna hilo hi. Judah mite' ngeina tawh kisai-in Timothy pen Anlangh mi hilo hi, he....he...he.....

Judah te' adingin Timothy pen mimawkmawk hi. Vun atloh mi hi. A vun a atlohman bekin dongkholhsa mah mah sese citciat uh hi. Kamtamsak ci-in a tawpna ah Paul mahmah in Timothy vun at sak hi. Dr Luke koi ah om aitam? Paul in Siavuan ong semsai hi. Septheih sepmawh ka sem hi, cisam hi. A tuaci pipimah aa pai hiam a damkhit cianga paiuh hiam theikhang, a thum un thuhilh dingin ong kuankhia uh hi.

 

Birthday Nam4 Abawl Masa Penpa - Nang Khine

Ka theihkhialh ahih keileh, amah pen mitom penpen hiding hi ci-in ka tuat hi. Zacchaeus sang tomtuak zawlai hi. Banghanghiam cihleh Laisiangtho in he was a 'ruler' cimawk hiven. A Ruler cih pen letmat 12 kan phalo/sanglo hi. Na upkei uh leh na manglai siamah te leh na math siate na dong mah un. Pii khat teh letmah bangzah hiam?  Kei theih na zong ka manglai siamah te leh ka ganan siate tungpan mah hi. hmm...

 

Hih mitompa kua hi-a, bangci bangin birthday nam 4 abawl masa penpa ong suak zenzen hiam.  Lungdamna thu gospel lai at Zeisu' it phatdiak nungzui Zawhang lai-atna sung sim suksuk dih ni.

 

Pyin Oo Lwin Church Picnic

Adventist Church
Pyin Oo Lwin
Church Picnic
May 20, 2012 (Sunday)
Pawlpi mimal 70 val kihel thei hi.
Church Pastor Pr. Muna Paul leh Assistant Church Pastor Sia. Kangno te
makaihna tawh pawlpi mi ten nuam sa mahmah uh hi. Biakpiakna zong nuam
tak in ki nei thei hi. Topa in minthanna ngah tawntung ta hen.

Training in Pyin Oo Lwin - Sia Lamcin

English Teachers Training
Pyin Oo Lwin

AAS- Khamtung i Sang pi a ding JEEP

Dear All Members,
I Division te i deihsak na leh Sia Kanglo vaihawm khiat na, I Biak
Pasian thukim pih suangin Sangpi in, a kisap na bangbang a zat
tangzang ding cih ngimna tawh JEEP khat ka na lei uh hi. Hih Motor pen
(Thein sawmgiat) man hi. A set te hoih mahmah lai in, Khamtung a koi
mapeuh a pai zo ding ci uh hi. A mukha khempeuh in kiman lua hi hong
ci uh hi. Tu hun a dingin tua zah tawh hi bang leizo ci in hong
lungdam pih tek uh hi. A kua mapeuh in zong hong lungdam pih nu teh
ci-in hong pulaak khia ka hi hi.
   Hi Mawtaw tawh Sang Gospel paina, Sangnaupang te inn vaakna, I
tungsiah Siapi te hong pai ciangin Midang Mawtawh kawm nawn lo in ki
zin kawikawi thei ta ding hi..

Christ sunga na sanggam uh,
Sia Tuan Khan Nang
Principal of AAS

Sermon lam paithei tangthu - Nangkhine

Sermon Lam Paithei' min thum nei mi' min tawh kibang zawzen maw!

Sermon lampai cih na zangei uh hiam? AY hun khawngah tangthu ong kigen na zakngei uh leh phawksak kikkikna ci ni. Kei bangbel sermon lampai theingei nailo, mungei nailo hing. Pulpit tungpan a kigen zakzak bekmah a theingei hing. 1953 kumin Chicago khuapi ah sermon lampai omngei cimawk aive. Sermon lampai..ngeingaikeei..a koici pai zentam?...

 

Nidang lai-in Germany gamah mipil mahmah philosopher, music siam mahmah musician, Pasian' thu um mahmah theologian khat om hi ci. Amah pen 1875 kumin suak a 1965 kumin si hi ci hi. Biakna Sia ahih manin biakinn sungah thuhilh leh thugen bekbek mah a nasep ahi hi. Tua leh khat vei a omkhonglai takin a lungsim banghiam khat in ong phawngvat khat om tawh kibang ong sa hi.

Mothers Day Pyin Oo Lwin SDA Church - Reported by Sia Lamcin

NUTE NI 2012 - ZOMI ADVENTIST Malaysia - Reported by Mungtong

Engineering degree tawh gualzawhna ngah

Tg. Thawngpu (Tg. Kai Za Thawng Tawmbing) in Engineering degree tawh gualzawhna a ngahman iin lungdampihna Kong it Zomi a kua maciat: University of Florida, College of Engineering pan nung aa Sunday, April 6, 2012 ni iin Tg. Thawngpu (Tg. Kai Za Thawng Tawmbing)in a deih huai leh a angtan huai mahmah Electrical and Computer Engineering major leh Business Administration and Sales Engineering minor tawh Bachelor of Science degree gualzawhna manpha hong ngah khia zo ahihmanin Tg. Thawngpu, a nu leh a pa, leh a u leh a naau te tawh a kibang iin ka lungdampihna thu hong pulaak ingh. Thawngpu akipan a nu leh a pa leh amau unaau teng a thei kha aa a lungdampih nuam te ading iin zongh a hong pulaak khia ka hi hi. Thawngpu peen Lei Lum veeng, Tedim khuapi, Zogam mi, Pa Daltawng (Pa Thang Khan Dal Tawmbing) leh Nu Niiang (Nu Zam Don Niiang Gualnam) te ii tapa nihna hi aa ama' laizom thum teng peen: a upa Tg. Cin Sian Khai (Khaipi), a naau Lia Niiang San Cing (Sannu) leh Lia Niiang Khaw Hau (Haulek) ahi uh hi. Tu laai tak iin amau innkuan peen Florida gam sung aa Gainesville khuapi leh Talahassee khuapi mun nih ah teng uh hi. Tg. Thawngpu in hi bang aa gualzawhna lianpi a hong ngah ciang iin a tuam vilvel iin a nuai aa thu teng hang iin ka lungdam pih pha diak hi:

Pyin Oo Lwin khangno te - Sia Lamcin

Pyin Oo Lwin khangno te mann ong khah khia ingh.

Sang khak sung bel pawlcing gawp ungh.
Sang ki hong kik leh pilna sin ding in sangpi ong zuat san ding uh hi.
Biakpiakna te ah khangnote ong kihel ciang in et lawm mahmah hi.
You have been sent 6 pictures.

Teachers in Pyin Oo Lwin - Sia Lamcin

May 5, 2012 Sabbath ni, nitak lam khangno hun in mun tuamtuam pan

thusinna nei ding aa hong pai sia/siama te in hun ong lai uh hi.
Lasakna, thugenna leh khangno te a ding thuhoih tampi ong gen uh hi.

Topa in ih sang sia te training thupha ong piak sa ta hen.
You have been sent 9 pictures.

Sumzeek siamna leh Neihsa Kepsiamna - Siantuang

Khasim paihkhiatloh phamawh Innman,innsungna ahi tuiman, meiman,
phoneman, cableman, motorman sehsa-in koihkhia in.  Tua khempeuh
piakloh phamawh hi. Sangnaupang naneihleh sangsap aakipan a phamawh
khempeuh phawk masa in.  Tua teng khakhat sumtum lakpan dok lecin, a
omlaiteng nang khensatna zuiaa zattheih nasum ahi hi.

John Tangthu - Nangkhine

Ih Topa Zeisu in Anungzui ding mi ateel ciangin lamdangsa a ka phawkgaih thu ahi hi. Paul leh Barnabas tawh missionary paikhawm, Jonah banga a lehtai ngei, Mark Gospel Laisiangtho sung ka sim leh John tangthu gelh vencin, 'hi salua' thauhkhaan lua kahih manin kician takei leh Pr Cin Lian Hau annhuan bangin kong huansuk gawp hi. Bang dingin Paul missionary pai masaklai a na taisan vai zong nengcik khat gelh vetlo nahiam ka cikha phial hi. Mark gospel laigelh dan bel tom letlet, siang gen setset, a deihna kicing mahmah, guptuam paihtuam neise lo, muh bangbang-tuahkhak bangbang a, gelh henhan himai ci-in ka sang hi. Ka lungkim mahmah pawl hi citciat hi. Mark tangthu bel damdam in ee...

 

http://dl.dropbox.com/u/77650258/How%20to%20use%20the%20Public%20folder.txt

BEKAN KHUA Effort Limte

Effort bawl teng

 I. Pr. Thawng Sian Mung.  

2. sia Vungh Khan Gin 

3. Sia Nang Gin Lian
 4. Sia Hau Muan Thang 

5. Sia Nang Sut Mang 

6. Siamah Thang Cingh Huai
7. TG, Mung boih.
8. TG.Nang Tawng 

9. Pa Pum LIan Mung 

10. Tg. Thang Za Muan  te ka hi uh hi.

Tu ki phum teng pen man aa hong tuang aki gual teng hi.


Topa'n hong thu kim pih leh May 11 ni pan lawi bual biakinn ah May 20
ni tak dong thu man tang ko na om ding hi.

!.Speaker Pr. Suan SAWm SAng

Lasa     V.C. Mang leh MUanpi

ahuh ding  Lawibual pawlpi leh  AAS sang te hi ding hi.


 Pr. Thawng mung

NUTE PAHTAWINA

 “Nupi khat in ama nawi a teep naungek mangngilh thei ding ahi hiam? Isaiah 49:15

                     Nu tampi lak ah nu hoih ka neih khak  pen ka lungdam mahmah hi. Citak, thu khual, thuman, itna tawh hong pantah toto in hong khang cingsak hi. Nungak paktat pawl khatte gamtat siat dan in ka nu na om kha  hi zen leh mihing in piang kha lo ding’ cih khawng ka ngaihsun kha zel hi. Nu hoih ka neih khak pen ka lungdam mahmah aa, ka nu ka itna hong khang sak hi. Nu aw na thu khualna hangin a nung ta ka hih lam ka theih ciangin zekai lua ta ing. Ka khan sung lungdam hong thuk zo kei mah leng,ka lungdamna hong theihsak in Nu Nu aw.

DHSC Exam 2012

Pastor Suan Sawm Sang leh Nu Cingneu te ta nu Lian Sian Huai (Huaipi) in 2012 DHSC laivuanna ah Distinction tawh gual zawhna ong la a hih man in Adventist Zomi te ading in thupha kong zasak hi.

Distinction ngah teng: 1)Lalramparmawi 2)Nang Rai 3)Lian Sian Huai 4)Aye Sandar Moe 5)Christine Ying Myaw 6)Naw Bless 
Kawlgambup laivuanna ah mi 6 in distinction ngah uh hi. Pasian in Huaipi thupha ong piak sak ta hen.

Myanmar Wide Convention 2012 Photos

Sabbath School Lesson 2 na

CIDAMNA:: 8 DOCTORS (Full Version) By CHERRY LAMNO

Myanmar Adventist 7th Union Wide Convention

A (7)veina Myanmar Adventist Union Wide Convention pawipi Singunau, Kalaymyo, Sagaing Division ah March 28-31, 2012 sung nuamtak leh thupi takin kibawl hi.  Mun tuamtuam pan in pawisim mi 2800 bang kihel hi.  Tua te lak ah president of theAdventistChurchin Southern Asia Pacific Region Pr. Alberto C Gulfan Jr., Pr. Saw Samuel, the Executive Secretary, and Associate Treasurer te zong hong ki hel thei uh hi.

Pr Paulek in Cikha Effort aa Khathak angahte Photos

LAISIANG THO HILH HAUHNA LEH NOPSAK NA LAMPI

A hau khempeuh minuamsa hilo a, a nuamsa khempeuh zong a hau te hi kim lo in,  nopsakna khempeuh zong,hauhna hang hikim lo hi. Na asem leh a semlo, azong leh azong lo, a citak leh acitak lo te a kilam dan hang in, nasepna bang in kingah kim lo thei hi. Ih Kawl gam om zia pen Hagai in Isreal te tung ah a gen tawh kibang ka sa hi. “Tu laitak na om zia uh limtak in ngaihsun un. Khaici tampi natuh uh hang in, an tawmbek na la uh a, annek ding na ngah teei uh hang in, na kham kei uh hi. Puansilh ding na neih tei uh hang in, a lum khop ding na nei kei uh hi. Sum na thalawh uh hang in, ip vangsunga a-khol tawh na ki bang uh hi” (Haggai 1:6). Bang hang a hi tam? Pasian in, a zawng ding, nuam a sa lo dinga hong teel maw?  

NOPSAK DING PEN PASIAN’ DEIH NA HI

Eden huansung ah, Adam a ding in, Pasian in, a kisam omlo in nakhempeuh bawlsak in, koihsak hi (Pian.,1:19). Topa Zeisu, mihing hongpian ma in, nopsakna leh hauhna tawh ki dim in om hi. Mi hing hong suah in, bawngkuangsung ah hong suah hang in,mipil ten, kham, paknamtui leh, a manpha na te tawh va bia uh hi (Mate 2:11). Ama na sepna ah nupi hau pawl khat inzong na pan pih hi (Luke 8:1-3). Topa Zeisu van zat te pen gunkuang, inn, zinbuk, laa cih te hi a, a sih ciang zong mi hau te han ah kivui hi (Maku 15:42-46). Topa Zeisu hauna pi-in zawnna hong thuak na pen, eite hauhna ding a hi hi (2Cor. 8:9).

MUAS class of 2012

Hawai'i gam ah hun awng zatna

Kong it uh Zomi U leh Naau a kua maciat:

"Hun awng (vacation) koi ah na zangh nuam peen aa?" ci in hong kidongh hi leh Israel gam leh Hawai’i gam ka ut peen nih te sung pan Hawai’i gam ah January 12-19, 2012, va zin thei kahihmanun a pai ngei nai lo te ading iin deihsakna tawh a nop cit zia tawm khat hong hawm sawn ingh.  Hawai’i gam sung, ka hawh ka ciahna uh aa ka lak uh video a en nuam te ading iin http://vimeo.com/38372723 ah hong khah khia ingh.

Hawai’i Gam Thu Tomno: Hawai’i ah zinh takpi ka sawm masiah Hawai’i, Honolulu leh Pearl Harbor cih ciang lo buang Hawai'i gam thu bang mah a thei lo ka hi hi.  Kei mah a bang Zomi tampi om ding ihihmanin Hawai’i gam ih cih sung ah tuikulh a lian deuh 8 om aa Hawai'i (aka: Big Island), Maui, Lana'i, Moloka'i, O'ahu, Kaua'i, Ni’ihau leh Kaho’olawe tuikulh te om hi.  Mi kim in ih theih khak Hawai'i te' khuapi Honolulu peen O'ahu tuikulh tung ah om aa Honolulu khua sung ah a minthang mahmah Waikiki beach leh Pearl Harbor te om hi. 

Jesu pen kua ahi hiam? - Muanpi

Dawnna: Jesu pen kua ahi hiam? “Pasian om a hi hiam?” cih dotna tawh a ki bang kei hi. Jesu Khazih pen om ahih na a dong pen mi ki tawn pha mahmah hi. Jesu pen mihing khat hi in abei sa hunkum 2000 lai in hih leitung ah a nungta hi ci in ki um ciat hi. Jesu pen Pasian maw? ahih kei leh Mihing maw? cih bang in kinial thei uh hi. Biakna makai te in Jesu pen kamsang khat, sia hoih khat leh mihoih khat in gen uh hi. Ahi zongin Laisiangtho sungah Jesu pen kamsangkhat, sia hoih khat, mihoih khat sangin aliat zawk lam hong gen hi. C.S Lewis in alai bu gelh Mere Christianity sungah hih bangin a gelh hi; “Mihai te thu genna ahi Jesu pen Pasian hi lo hi ci a, a umte kong gen nuam hi: ‘Keimah in Pasian pen lian penpen sia in ka sang dek tak hi. Ahi zongin ka um ki kei hi’. Keimah in hih danin ka gen ding aki lawm het kei hi. Mihing khat ih hih nak leh Jesu pen mihoih sia khat bang bek in ih um kei ding hi. Tua bang in ih up leh eite pen mihai te ih hihi. Ngaih sutna aman lo te ih hi hi… ahih kei leh amaute pen dawite a hi uh hi. Nangin nang a dingin na tel ding a hihi. Jesu pen Pasian tapa maw, mi mawkmawk maw, mawhnei pamaw cih bangin na ut bangin na um thei hi. Amah pen mihai khat bangin zong na um thei hi.

Tuiphumna Hong Nei Kha Manpha Nihte

Dear Akua Mapeuh,

Ahun hun in Topa'n a tuu huang sungah kha manpha te hong tun zel a, tu in ahih leh i sanggam nihte in Jesu a mau mimal gumpa honpa in hong saangiin pawlpi sung lut ding khensatna tawh kizui in tuiphumna hong nei uh ahih manin hih lungdamna thu kong pulak nuam hi. Amin te in: Win Zaw (Piang Muan Sang) leh Langh Gel Cing  te ahi uh hi. 

Pune ah Zominamni Nopcitak kibawl

Dear Laisim te,

A (64) veina ih Zominamni pen Pune khua sung aa Zomi a pai thei teng kikaikhawm in Marathi Hall ah nopci takin kibawl hi. Spicer Zomite ading Transportation tawh kisai a bei khempeuh pen Pa Muangmuang leh a nau Piangpi in ong siksak uh aa mi 60 kiim bangin Zo ngeina laamna leh Concert te va mu/zangh thei ka hih manun kilungdam mahmah hi. Topa'n thupha a tamzaw na piak sak ta hen.

Thupuak,

ZamKhenPau

Nautum Ektum Pualah - Naukhual

Khatveilai tuma kumzalomlai pawlin khua khatah a ki-it mahmah nupa kopkhat na omhi. A pasal in lokho, singphuk nasem in a zi-in innkhatkhit innkhat paikawikawi in mi puansawpnasep  semhi.Tuabangin tawlkhatsung a nuntakna dinguh ong zongtuak uhhi.Tua leh nikhat nitak ciangin a zi lungvai in a kongkhak gei uhah ong tukhi.Tualeh khuasunga siavuanpa kiangah paipih hi.Siavuanpa in lawm aw hampha mahmah teh na zi-in naupaai hi ci’n onggen hi.