Europe gamah Christian suak masa pen - Nangkhine

Biakna thak, pawlpi thak ahi, "Christian" ong piankhitzawh tua pawlpi in missionaries 4 bekbek ong nei uh hi. Tua 4 nangawn kithutuah lohna tawh 2 tuakin ong kikhen sawnsawnin 2 hialam apai leh a 2 ahialam masuanin ong pai uh hi. Paul leh Silas in Timothy ong zawnin ong kisatsuah zawdeuh uh hi. A headquarter bulpi omna Jerusalem in zong Timothy a zotlam theihpih uh hi.  

 

Timothy in paubanna khat ong nei linglengse citciat hi. Khazih upna zuihna ah paubanna hilo hi. Judah mite' ngeina tawh kisai-in Timothy pen Anlangh mi hilo hi, he....he...he.....

Judah te' adingin Timothy pen mimawkmawk hi. Vun atloh mi hi. A vun a atlohman bekin dongkholhsa mah mah sese citciat uh hi. Kamtamsak ci-in a tawpna ah Paul mahmah in Timothy vun at sak hi. Dr Luke koi ah om aitam? Paul in Siavuan ong semsai hi. Septheih sepmawh ka sem hi, cisam hi. A tuaci pipimah aa pai hiam a damkhit cianga paiuh hiam theikhang, a thum un thuhilh dingin ong kuankhia uh hi.

 

Zulei lamkan tuakuh hiding hiam? or Balaam' Sakol tuangkha uh hiam? apainopna mun uh paithei mahmahlo uh hi. Sawltak 16:6 Asia gam sungah thu a hilhding uh Khasiangtho in phallo ahih manin Phrygia leh Galatia gamsung tengah a zin uh hi. 

 

Hih munsantak enpakleng hih lawmta thumteng in leilu lam ahi Asia gamah thu hihnuam uh hi. Khasiangtho in hilhkei un ci-in khaammawk hi. Khua khatkhit khuakhat nawknawk keei. Hih khua khawng pammaih mahmah hiveh aw, ci-in khuasung lutding kithawi uh hi. Zeisu' Khasiangtho in khuasung paiding nangawn phallo lai hi. Tua ciangin amau zong a khepimuk uh zui-in nitumna lam ong manawh nawh uh hi. GPS zangngeiten theiding hihang. Ih lamtawp destination ding GPS lah bangin pai kei-in a lehlam paileng a GPS set in scanning ong bawlphapha ong kipeipeikeei, ong buaimahmah hi. Paul, Silas leh Timothy lungsim sungah bang aom tam? Note pai unla, midang khempeuh keima nungzui mi suaksak un, ci hilo aimaw! cikha pelmawh ding uh hi. Ahi zongin Pasian' nasepna ah ong daldal, ong buaisak khat a omleh zong Pasian' deih na khat om hizawding hi cih, lungngaihhuai kasa hi. Pasian' GPS or compass in koilam kawk hiam? Pasian' lamkhak leh Gilopa' lamkhak kilamdanna a telkheh dingin Pasian in pilna ong piakim ciat hen.

 

Tualeh hih missionaries pai mi 3 te bang ong ci uh. Pasian' gam leh lei tangzaina ding kipiakhia, lungdamna thu puak ding kigingkholsa linlian, gimnabawlsiatna, thongkhiatnate thuak dinga kigingkholsa kingkeng, Khasiangtho in a mau painopna lampi khaktan, paisaklo, tua Asia gamah thu gen kei un, ci ngiau hi. Amau zong khuasung a lutnop uh hangin lutthei vetlo uh ahih manin gamgi zui-in lampi kihong bangbang tawh Pupi Abraham bangin paina dingmun theituanlo ong paipai, ong paipai pongmawk uh hi. Late 37:23 Topa in midikte lam paina ding lak hi, acihmah bangin ong paipai uh hi.

 

Atawpkhakna ah Pasian tawh kizopna ong ngah uh hi. Sawltak 16:9 Zanin Paul in vision maang ong mu hi.

 

A maangmuhna sungah Macedonia mi,  a man of Macedonia, pasal khat in Macedonia gamah hong pai inla, kote hong huh in, ci-in a thuum hi. 

 

Paul in zong hih pen Pasian' hong sapna hiding hi ci ahih manin ong lawplua mahmahin ong kithawipah ting teng hi. Zeisu Khazih lungdamna thu Macedonia gam zuanding ong hita hi. Macedonia ih cih koilai mun hiam? Europe gam hi. Palistine gam hilo hi. Christianity pen Europe gam ong tung ding hingawngaw ta hi. 

 

Atawpkhakna ah Christianity ii headquarter zong Europe mah ong suak hi. Azen zenin Khasiangtho in phal henla leilulam paito suak uh hileh, Christianity ii headquarter Russia ahihloh phamawh hi. Nisuahna lam phalna ngaha pai hile uh e le! India or Sengam khawng Christian headquarter ahih pelmawh ong kul hi. A hizong in amauten nitumna lam GPS lahna ong pai uh hi. Pasian in nitumna Europe  lam na manawhsak hi. 

 

Tuhun ciang leitungbup Christianity ong kizelsak Europe khawng America khawngte ong hih hang, Paul hunlai-in Europe gam Macedonia khawng mission field kipatna nahi gihgiah pan hi. Pasian' ngimna lam dang cihding simloh gendan ding khuak in ban kei...

 

Sawltak 16:10 Paul in vision maang a muhkhit phetin tua lai-a om mite kiangah Lungdamna Thu a hilh ding in Pasian in eite hong sam hi, ci-in ngaihsun ka hih manun Macedonia gamah a pai dingin ka kithawi pah uh hi. 

 

Hih aneu :10 na ah laigelhdan kilamdang ahi bualbual ahi kiau khat phawkin na neivat uh hiam? Aneu 9 ciangciang hangsan taka missionary pai mi 3 te tangthu a atat pa, aneu 10 na ah amah  mah hong kihelta hi. 

 

Asia gam a paisawm uh leh, Khasiangtho in phallo. Tun Europe gam paiding kahih manun. A leh Ka hi mate aki lamdanna. Sawltak kua at ale! Dr Luke. Luke tawh kigawm Mi 4 ong phata uh hi. Khe tawh lampai ngiat ngiat ding hinawnlo uh a, tembaw tawh khualzin ding hita uh ahih manun sponsor ding Dr Luke kisam uh zong hikhamai thei. Paul in hia savun puankhui tawh tembaw sapna ding neizopal ding hikei ven, he..he..he

Luke leuleu Topa Zeisu a kipan nungzuiteng sawltakteng in mi cina khawng a mawkna-in damsaksak hikei henla amahmah in a clinic ah bawl ngiatngiat hileh sum dawmhauh ding hikei ven. Missionary paina tem baw sapna ciangciangding bel cihtham a sanailo hi. Topa Zeisu in Peter te Zawhang te kiangah na ngaben ben uh leh na tembaw na gunkuangteng uh nusia unla, ka tuute na cingzaw un ci hikeileh, Luke in Missionary paina ding tembaw bang sap sangin lei zawleng aci hilai hiven. (Kei' laisiangtho mun hi ei!) 

 

Ih Siapiteng ii missionaries journey a gamlim map tawh en leng i mitkha ah kigeel thei hi.

 

Puankhai tembaw tawh khualzin ding hong kithawi tingteng pah uh hi. Aneu 11. Troas khua panin tembaw tawh straight course tangtakin ka tuang uh a, a zingciangin Neapolis khua ka tung uh hi.

 

Pasian' deihna om hikeileh Troas khua pan Neapolis khua puankhai tembaw tawh nikhat suahna ding thu om lo hi. Huih in sukmut tomut laiding cileng straight course tangtaka paithei cihpen a lamdangpi khat hi. A tawmpen ni 5 akisuah hamtang hizaw dan hi. Alian 20 sung khawng tawh saikak leng kithei hi. Ni khat suah mawk uh hi. Banghang ni khat suahmawk uh aitam?

 

Pasian in hih 4 missionaries teng leh Lydia leitung nate ahilo, vantung nate kikum ding appointment hun lap lian dinga a tunsak hi cih kithei hi. A hun laplian ding cih teh bang hun aitam? Sabbath hun hipah hi. Paul leh a lawmteng Philippi khua ong tung uh hi. Paul in Philippi khua a et ciangin Asia gam sangin haksattuak zawtham dingin mu hi. Lungdamna Thu tangkona ding baihtuak hetlo hi. Tulai Iran gam abang hihtuak hi.

Archaeologist Dr Dallian dotding hi. Philippi khua lutna Signboard tungah "Welcome" a kigelh hiam?

 

Ahi zongin Paul maangmuhna sungah Macedonia mipa khat in ong pai inla, ong huh in cihmawk ahih teh tua mipa tawh kimuh ding hong sawmphotphot uh hi. Ong zongzong uh hi. Ong dawntuah mi khatbeek ong kidawklo hi. Thu ummi gen thadah kikhopna ding mun khat zong mulo uh hi. Ka vision a bangci aitam?

 

Muh khat ong nei uh hi. Sawltak 16:13 Sabbath ni ciangin thungetna mun omding hi ci-in ka upna uh khua pualama gun gei ah ka pai uh a, full stop pak dih ni. Bang mu uh a le! Numei honkhat thungen a kikhawm ong mu uh hi. Hih numeite' thunget Paul in maang in ong mu hi. Numeite zong needaa hetlo uh hi. Paul, Pharisees ahihlai hileh hih numei thungente a bangci muhzen tam? Christian pawlpi phuankhiapa ahih mah bangin tua numeite tungah thu ong hilh pah hi. Paul' thugente sangthei in amah leh a innsunga om mikhem peuh tui ong kiphumpah uh hi. Europe gama Christian suak masa penpen kua ahia le! Lydia hi. Numei hi. Pasian bia napi Honpa Zeisu thu a zangei nailo khat ahi hi. Nicodemus mah tawh kibang kha ding hi.

 

Lydia puansan zuak mihau mahmah business woman khat ahi hi. Roman Emperor khempeuh in puansan silh uh hi. Judah ten silhnuamkei bek ve uh. Hih banga hau mahmah nuamsa mahmah business neinu in a man lah kawmkalah kalkhat sungah a ni sagihni, Pasian' Sabbath Ni in offday la-in luigei ah pai-in thu um mite bangin a lawmteng tawh thungen den uh hi. 

 

Azen zenin hih mihau nu in tua Sabbath ni in luigei ah vapai in thu ava ngenlo hi citciat zenzen leh, repeat kik dihni..Azen zenin tua numeinu in kalkhat nikhat offday lalo hileh, adiak diakin tua Sabbath ni in offday lalo in luigei ah thungen in apai ngeilo hileh, hih Lungdamna Thugen mi 4 te tawh kimu khalo ding uh hi. Tua bek hilo Europe gamsungah Christianity a suak masapen hilo ding hi.

 

Pasian in Paul leh Lydia tua Sabbath ni tektek, tua luigei mun tektek ah na gawmtuah hi. Paul in Sabbath a tanna thu Dr Luke in 8 vei zong hilo, 4 vei zong hilo, 8+4=12 vei zong hilo, 84 vei na ciamteh hi.

 

Christian phuankhiapa Sawltak Paul hi, i cih leh Paul in Sabbath na tang pha mahmah hi. Lydia tawh Sabbath ni a akimuh dinguh a hunlian a tungdingin Pasian in a khualzinna lampi nazangsak mahmah lai hi.

 

Christian, Christian paulamin thawhkikni, pentecost ni khawng tandinga i gengen laiteng Christian pianma a tangthu suutsuutte i hi hi.