Khatveilai tuma kumzalomlai pawlin khua khatah a ki-it mahmah nupa kopkhat na omhi. A pasal in lokho, singphuk nasem in a zi-in innkhatkhit innkhat paikawikawi in mi puansawpnasep semhi.Tuabangin tawlkhatsung a nuntakna dinguh ong zongtuak uhhi.Tua leh nikhat nitak ciangin a zi lungvai in a kongkhak gei uhah ong tukhi.Tualeh khuasunga siavuanpa kiangah paipih hi.Siavuanpa in lawm aw hampha mahmah teh na zi-in naupaai hi ci’n onggen hi.
Haksapitak aa,a’nuntakna uh a’ pasal in ong ngaihsut ciang ta a neih ding nangawn ong dah simsim hi. (Banghanghiam cihleh a tate midangte bang aa sangkah aa kipan a tuamtuam a sik zawh lohding a dahman hi). Nikhat a nasepna ah vankhat ongmu hi, tua van pen a et phatphat leh suaikhi aa kipan vanmanpha honpi khat nahimawk hi. Amah zong nuamluain tua avan manpha muh te khempeuh tawh ong ciah pheelpheel hi. Tua a van muh te ongzuak in a upmawh lohpi’n ong hau ta uhhi. Tuabangin ong omom un kum15 bang asawt khitciangin, ta nihlehthum ongneita uhhi. A tate uhzong ong golsemsem ta in pilna tuamtuamzong agel masak lai tawh kilehbulhin ong sinsak zo mahmah mawk uhhi. A ta agoltenih pen pasal hi’n aneu pen numei hi.
A tapa agol tenih in zi neihhun ong tungta hi. A mautenih in zi ong nei uhaa azi tuakuh pen agilo mahmah na hikhamawk hi. Tualeh aNu leh Pa uh zong ongtekta ahihmanin amote un nawngkai ong sapian ta hi. Anau nu lah pasal nei nailo ahihman in ateeknu ateekpa uh bangmah ongcih ngam nailo uh hi. Anau nu uh zong pasal ong neih hunta in pasal ong neita aa aNu leh Pa tawh ong kikhen ta hi. Tuaciangin amo tegel in ateek te aPasalte theihloh kal in inn pan na hawlkhia uh hi. Tua thu a nau nu in theinailo hi. Apasal te un atheih uh ciangin bangmahgen ngamlo tuakin ong pau ngamlo tuak uh hi. Tuabangtawh ong omom un kum nihleh alang bang ong hi ta in innpan aa ki hawlkhia ahi piteek leh puteek the nih zong ong khasia lua mahmah un nidang akitentunglai aa, aom na uh khua ah khe tawhongciah kikun a innlui munvuah buukneukhat ong lamkik in ong omkik uh hi. Tualaitak in a tanu uh apasal pen mihau khat a hih man in kupai zato khat ong hong in a honpawi ah anulehpa samding in a hong paileh ,apate na omlo hi.
Apate amoten ahawlkhiat lam anau nu in a hong theihciang in ong kan in, aneulai vua a nu in agen ngei na munkhat a man ong thei kik hi. Tualaimun ah omdingin ong um mawh intualai ah hong pai hi. Akhuadak kawi kawi leh puan sia nipnep silh puteek khat hong mu hi. Tuapakiang ah adong ding in ong pai leh a gei atun ciang apa ahih lam ongthei hi. Agei uh aa puanbuuk neu sung pan aw khat ongging in puteekpa kiang ah ihtaten tulaitak bangkhawng ahih uh tam? Ihtanu asenpyi tam? Theinuam si-ing cih aw ongging hi. Atanu in tuapuanbuuk sung ong et pheileh meigei taptung ah alum pi teekkhat ongmu hi. A etphatphat leh anu na hihi. Anu in khuazongmu nawnloin a tanu agei aa om lam zong thei lo hi. Atanu in tua teng pan paina thu te gen in anulehpa tawh ainn uh ah ong ciahkhawm uh hi a zato hon pawi ah a uu te inn kuan tek zong sam in aa uu te zong ong pai tak pi uh hi.
Tuaciang in a hong ding in anu leh a pa a sawp ciang in auu te in lam dang sa in ong ki sik mah mahuh hi. Tuani aa ki pan a inn kuan in ong ki thu tuak mah mah in innkuan nuam innkuanhoih khat ong suak kik uh hi. Hih taangthu ka deih na pen uu nau sungah a neu pen ii hih hang tang thu sung aa nautum nu bang aa ii ki zat theih na mun ong om ding hi. Nautum ek tum pua lah a ki ci pen hang in lung kia kei un ci-aa, kong tha piak nop na leh,ih nu leh pa ih zahtak siam nang bulphuh aa kong at hi. Topa’n ahoih lam-in ih san theih ciat nading in thupha ong buak suk ciat ta hen. A sim mimal kiim tungah Nu leh Pa’ thupha leh, Vantung thupha tampi tak ong tung kiim ciatta hen. Amen! Deihsak na tawh…
Laigelh Tg. Naukhual (MUAS, MyaungMya, Myanmar).
A hawmKhia, Saya Singpu(Spicer Higher Secondary School, Pune,India).
Contact: 0091 976 23 56 45 7, E-mail: serioussing@gmail.com
No comments:
Post a Comment