Amin ka theihnop Nupi Khat - Nangkhine

Tulsa Zomi SDA khawmpi vasiimpheizo takeileng IT (Insein Thunginn) khanna tawh kizui-in, melmuh tongsan naubang ih sang thei hi. Hunzeekte, lasate, thugente zong thangahthei mahmah uh ka sa hi. Hun zeekpa khat in a mah leh amah ki meihsetna bang tha ka ngah phadiak hi. Bangci hiam cihleh, keipen kuaman zong ong theilua kholkei nu cin, pa Thang' nau hing, pa Thang pen ka u hi, cimawk hi. Amin a puam lah genlo, agen lam theikha paklo ka hiam? ka nung ngaihsut kikkikleh, Malaysia aa Sabbath Sun hunpi zangngeipa, Singunau sangpan BA, MA buaih ngahpa ana hihlam ka theikik hi. A 'khua' zong Pr Dalpu' taten ka khua uh a cihphial 'khua' hi. Ka mang in zong ka matngei khua khat ahi hi. Gen laileng gualli gualnga bang phasuksuk laikha ding ahih manin ong ban gen nawndah ning. Mangte pau leh that's my 'topic'.

Hih Sabbath ni keekkeeekin pasal khat leh nupi khat a cinatlam uh ong kilang sese hi. Sabbath ni khat Zeisu leh a nungzuiten (corn field) ah vaimimgau kekin sialnek uh hi. Tua khit kikhopna innah Zeisu pai-in thu a hilh hi. A khut langkhat a zaw mikhat tua lai ah na om hi. Thukham hilh siate leh Pharisee mite pawlkhat in Zeisu a mawhsak theihna ding uh thu zong nuam uh ahih manin, Sabbath ni-in hih mipa a damsak hiam, ci-in na encik gige uh hi. (hih mipa).....KJV...

      

Zeisu in hih khutzaw mipa damsak ding hi cih hih mipoimawhte in thei uh hi. Zeisu in damsak takpi hi. Zeisu in Sabbath ni-in hih khutzawpa a damdak manin Sabbath palsat a kici diam? Adamsak PA in cilo ahih teh Sabbath palsat kici theilo hi. Zeisu palsat Pharisees te' thukhun bawl 'Sabbath ni-in dam saklo ding' cih palsat hibek hi. Tua nangawn palsat tatak kicitheilo lai hi. Banghang? Zeisu in a cillum tawh leivui hualin tua mipa khut zutsak lo hi. Zong lawngkha beeklo hi. Zeisu in ong damsak ning, zong, cibeeklo hi. Tua mipa kiangah 'na khut zan in,' ci bek hi. A khut a zan leh a dam hi bek hi.

Sabbath thukham a sukkhakna leh a palsatna cincia zong omlo hi. Luke 6:10

 

Pharisees ten zong mawhmat zolo napi'n tu hun-a christian kici khempeuhte'n Zeisu in singlamteh tungah thukham kilhcip khin hi, Zeisu in Sabbath palsat hi, ci-in Zeisu mawhsak ding bebek zongzong lailai uh hi. Topa Zeisu in lah Ka Sabbath palsat keiveng aw, John 15;10 Ka Pa' hong thupiakte zui-in Ama itna sungah ka om hi....citaleh, na nungzuite tawh vaimimgau kekin sialnek mah uh teh, Sabbath ni-in cina damsak mah teh ci-in zungkawkkawk..kawkkawk..lailai..teitei..zen..veve.. uh hi..Singlamteh phung pana zahko cilphihte tawh kilamdanna khat zong nei lo uh hi. Zeisu tawh kam kiselselte ahi hi.

   

Ahi zongin Zeisu in amau' ngaihsutna thei ahih manin a khutzaw mipa kiangah 'tho in la mihonte mai ah hong ding in' a ci hi. Dingto ding bekin sawl hi. Get up and stand in front of everyone.  Biakinn pua ah paikhia dingin sawllo hi. Tua ciangin Zeisu in amaute kiangah note tungah thu khat kong dong nuam hi aci hi. Sabbath ni -in a pha bawlding leh a sia bawlding koi kilawmzaw a, mi khat' nuntakna suahtaksak ding leh siatsak ding koi hoihzaw ahi hiam? ci-in a dong hi. Mipite' lungsim sungah nuntakna a pia Pa siatsak ding hoihsazaw ciat uh hi. Teel neilo, anih aa teel uh hinong uh hi. Kuamah apau aham ong omlohtak ciangin Topa Zeisu in tua khutzawpa kiangah ' Na khut zan in,' a ci leh, aman zong a khut zan a, a ngeina bangin a khut hong damkik hi. Pharisees te zong heh mahmah uh a, a mit uh ong gau gega geuh uh hi.

Zeisu in thukham 10 sunga thupiakte a palsat malkhat zong om lo hi. Sabbath ni-in biak inn ah a ngeina bangin kikhawm in thu hilh hi. Tanglai Pharisee te in zong a mawhmat zawhloh, tulai christian te'n bangdia mawhmatsawm lailai zen uh hiding hiam? Lawmte khat in bang ong cihiam cihleh, lawm aw, ei' pawl bel pawldangte sangin thupha a ngahzawte hive hang aw. Bang hangin maw? En! mungei selo, lah, bawl ngeise lo napi hang! in, up cihtakin, um ngeungau zen hi ve hang......mu lah mukha lo, lawnglah lawng khalo a, a um miten thupha tampi ngahzawkan ding hi.....

 

Hiah! a tunga khutzawpa thu zomkik pak dih ni. Matthew leh Mark in khutzawpa ciziau mawk uh in. Siavuanpa Luke in a khut amawk zawt hikei. A taklam khut hi cisese hi. A veilam khut hileh pha mawh sakeileh kilawm hi. Tanglai-a kipan tuni ciangdong taklam khutmah kithupisak zaw cih i thei hi. Vote piakding khat omleh, a thukimteng na taklam khut uh ong laam kici sese mah hi. Zawhngeu leh Aisa simloh mihing a tamzaw takkhoipian vive hise semah hi. Ken bel a nihin zangthei lel ingh. Hehmm..hehmm.. Taklam khut tawh kisai gending hileng a mongsau mahmah in teh. Na taklam khut uh accident hekkha, atkha ding ...cipak ni...na veilam khut tawh zawllai at inla, khak lecin, a simnu in ong koici ngaihsut ding hiam? Na veilam khut tawh chopstick tawi-in Sen ann neksawm, cih bang khat.....Japan galkapten Mangkang galkapte boot suahsaka kheguak tawh lam a paisak loklok dan uh tawh ong kibang lwai-lwai ding hi. Taklam khut pen thupha ngakna dana kituat hi. Tua hi in hih taklam khutzaw, cikmah a taklamkhut ii manphatna a ciamkha ngeilo pa hih kikhopna biakinn ah paulap dingin ong kihel zenzen hi. Topa Zeisu in ngasa anntah ahih lam theipah lek lel hi. Pharisee te' thukham palsatna dingin 'bang ut nahi hiam? Kong damsak ding hiam? kamkhat zong dong lo hi. Ong damsak in, damna ngahnuam ingh cih kamkhat zong thuumna omtuanlo hi. Thang kisiah- So kidawh  nahi hi. Tuciangdong mah hih thu paulapin kizangzanglai hi. Zeisu' thugente ngaih ding sangin nial ding vive Pharisee mite tawh kopin ki awngnawng lai hi.

 

Zeisu in hih Jews pharisee mite leh christian pharisee mite' mawhsakna bangci dawnkik hiam? Matt 12:11,12 'note khempeuh in tuu khat nei unla, Sabbath ni-in dum sungah tua tuu kia leh, tua tuu kai khialo ding nahi uh hiam? Mi pen tuu sangin nakpi takin manphazaw ahih manin Sabbath ni-in a hoih sep ngiatding ahi hi, a ci hi. Topa Zeisu in Sabbath palsat mah cinuam puutsaat teitei uh hi. Judah mi ten bel mihing sangin ganhing itzaw uh hi. A sumzian uh hiven, a zian piuh ding hiven, cilo maw. Pasian' liim le mel sun a kibawl mihing sangin sum ngah theihna ganhing peuh pammaih sazaw pawl pimi om mah hi. Khalam taklam khutlangzaw tampi ki om hi. Damna a ngah hangin a taklam khut tawh pawlpi domtoh ding sawmlo hi. Himahlo ahia? mate. Hih khutzawpa zong damna a ngahkhit teh  a thu a la ki thei nawnlo hi. Zeisu kiangah 'nong damsak, nuam mahmah ingh, cih lah ki za lo hi. A nuamna thu midangte kiangah pulaak cih lah kizabeh lo hi. Daiicip. Beimang tangial hi.

 

A beimanglo damna ngah Numei nu' thu:

Topa Zeisu thuhilh dingin Capernaum khua ong tung hi. A tuntunna khua ah Sabbath ni-in kikhopna inn ah pai-in, thu hilh den hi. Zeisu nungzuinuam taktak, Zeisu khekhap zuinuam taktak ih hih leh, Sabbath ni mahin biakinn ah kikhop tangtang ding ahi hi. Zeisu nung na zuihnop kei-a, Zeisu lo a dang nung na zuihnop leh, na ut nini na utnana ah kikhop ding aanaa tawh bantang kaihlo hi. Itna tawh Sabbath ni-a biakpiak kikhop ding ki hanthawn hibek hi. Zeisu tat banga gamtat ding kihilh ihi hi.

Topa Zeisu te zong kikhop mankhit phetin Peter' inn ah sun annne dingin ong pai uh hi. Mark 1:29      

Kikhop a mankhit uh ciangin kikhopna inn pan amaute paikhia uh a, James leh John tawh Simon leh a nau Andrew inn ah paisuakpah uh hi.    

 

Shwebo khua gei kawl khuaneu khat ah laibu zuak dingin ka tung uh hi. Zeisu Khazih hehpihna hang in lokho ngabeng inn khat ah zin ka tungkha uh hi. Khuapi sunga innte a batloh hangin ki niamkhiat taka kilam inn khiukheu sunga annnek tuidawn ahihleh Pasian' thupha ih cihcih zong 'hih' kan hiken teh ka kici uh hi. Ngameh aa theihsa ka lawhtheih ngahmeh namnga banah ei' pau a ka lawhtheihloh ngasa mehtui namkhat ombehlai zenveh aw! zawzen. Vuumkhawl ding innpua lamah meiawi kawm ngasano mohphengkan gilkahmadeuh ong bakbaklai mawkzen uh. Mitkha ah bang ong musak hiam cihleh, Topa Zeisu te zong ngabeng Peter' inn ah hih bangin ne zending uh a, Peter' zi kitaklah zensi inteh ka cikha hi. Martha kitaklah bang ong phawksak zawzen hi. Eilah laibuzuak bek ki hileltak. 

 

Peter' zi kitaklah danding tawmkhat ensukpak ni. Pope masa Peter hi' a citen limtak laisiangtho simle uh hoihsa ingh. 1 Corinthians 9:5 Peter mah bangin Sawltak dangten zi nei uh hi. Pope masa Zeisu' nungzui Peter hilo hi. Zeisu nungzuilo Peter dang hiding hi. Tua Sabbath ni-in leitunga lengla thupi pen a lenglado ni dingin Peter' zi kinak taklah mahmah ding hi. Amah ahuh ding Mary eh! hilo, anu lah aci nasawnsawn. Anu a khoinopna tawh lenglado nopna tawh lengla mawkmawk hilolai tawh hm hm.......pope masapa' zi..Ong huhnuam zen siiingg... Ei' lamah ihzanglua kholkei-a hiven, gam khang tote kiangah Sabbath hunpi mankhit teh potluck neih kikkek pen zuih dinga hoih, Judahte' ngeina hoih khat nahi gige hi. Peter te unau bel Pharisee mi hilo aih teh a zi' nasep huh samin um ingh.

 

Peter' sungnu cisanat nattun citciat hi. Peter lah nungzuite lakpan a lawp penpen, a kipiakhia penpen hinapi, bangdia ama inn sungah hih bangin lungkhamna natna tung sese hiam cihnop tha suak hi. Ahi zongin Hebrews 2:10 Zeisu Khazih mahmah zong hih bangin thuakna tawh hotkhiatna thu ah makai minthanna piangsak hi. Thu um mite' tungah tunglo ding cihna omlo hi.

Mark 1:30 Peter' sungnu nattun in lupna ngak a, Zeisu a tunphetin tuanu' natna thu ama kiangah kigen hi. Siavuanpa Luke in a cisa a tehleh 149 F nattun bek hikei, nak gim mahmah cih beh hi, Luke 4:38.   

Tua Sabbath ni-in Zeisu vahawhkha zenzen keileh, Peter' sungnu ngapithau tawh damkik hetlo dinghi.

Peter' sungnu cihteh teekta ding hi. Nak hehpihhuai hiven, lawmlawm. I pi te cinatlai bang ong phawk sak ee....Luke 18:1 Topa in thu nget tawntung ding ong hilh hi. Ih haksatna ih thuaklahna khempeuh Zeisu kiang ko tawntung leng, Aman ih gitnatlohnate ong hehpih hi Hebrews 4:15. Amah zekai lo hi.

Mark 1:31 Zeisu zong tuanu kiangah paipah a, a khutin lenin phongto hi. A natna dam a, a zinte zong a dozo pah hi.

Aa! zawzen, Siavuan hoih taktak hi maw. Dr Luke in tua bangin mi a damsak ngeitam? Zin dozo pah dingin a natna dampah hizen hi. A tanu tawh Mary leh Martha banglo uh hipah hi. Atung a khutzawpa tawh kibang ngiatlo hi. Peter' sungnu in a damkhit phetin Zeisu' nekding ann huanpah hi. Khutzawpa a khut a khauhkik khitteh koi ah mangthang hiam kitheilo hi.

 

Hih piteknu damlam a khuapihte kiangah kua vatangko hiding hiam? A piteknu mahmah a kongsak kongkhang inntung phaitamte kiangah hawh a vagen hiding hiam? kuan gen hiding hiam? kitheilo hi

Mark 1:32- Nitak nitum khit ciangin a khuazangbup un Peter' inntualah hong kikhawm ngeingai-in, Zeisu kiangah cina khempeuh leh dawivei khempeuh ong ki paipih henhan hi. Zeisu in natna namkim a vei khempeuh damsak a, dawivei khempeuh zong a hawlkhiat sak hi. Dawi in Zeisu thei ahih manin Zeisu in dawite thu gensaklo hi.

 

Peter' sungnu' damna hangin eite in hih pitek tungpanin bang liimciin ding ih ngah hiam? Peter' sungnu' min theinuam siing, bang aizen tam?