PASIAN MINTHANGSAK DINGIN NUNGTA - Pr. Thangsiangh

Leitungah tawpna neilo, athukna leh azaina ciangtan omlo, mipil tultul thenthen hanciamin telkhinzo ngeilo, laphuakte in ahoihna genkhin zo lo, sermon maktampi in proved khinzolo, Pasian kammal ahi, LAISIANGTHO kici laibu khatbek om hi. Langpangpa in, pilna namkim, tactic simzawhloh zangin, pasian kineih, thuhilhsia kineih, nungzui kineih napi thuman sincip zo ngeilo hi. 

Laisiangtho kiteicil Hebrews leh King James Version English, leh Greek cihte pen zahtak kai mahmah hi. Punctuation kici, coma, fullstop nokhat zong kipelhsaklo uh hi. Tuhun mikawmpam tei Laisiangthote pen Original panin nakpi takin lampial khinin dau mahmah a, Novelist fiction laibu banglel himai hi. Zolaisiangtho leh Hebews leh King James tawh saikakin ka en zelzel hi. Cope Topa teipen mah kinaipen mawk hi. Adangte pen Zolai kammal zonna ciang cihloh simthamlo dektak mawkzah ahi hi.

 

Ahih hangin Pasian deihna lunggulh pilna niampente inzong thuthuk penpen mukhia thei hi. Teltakin teti pang thei hi. Nungzuite lakah mipil tawm mahmah a, amaute thuhilhnate in leitung lumlet hi, ci-in laisiangtho in gen hi. Bang hang hiam, cihleh amaute in Pasian minthanna ding bek zong uh hi. Amaute utthu, amaute limsak, amaute nopsaknate nialin,Topa minthanna dingin kipia zaw uh hi. Pasian minthanna dingin nuntak sawm lehang  thudotna tampi satkhia ding hi.

 

Pasian in, ama tate sittel nadingin Sia-leh-pha sittelna kung huan laizangah nakoih hi. Tua singkung vantungah kilato a, tua tang dingin, Thukham-10 leh nuntakpih ding cidamna thukham leh Christian nuntak ngeina hong pia hi. Satan in, tua singgah nedingin Eve a zollaitakin, " namit kihong ding a, napil ding hi, Pasian mah tawh na kibang ding, [Gen 3:1-5]" ci hi. Voksatui nahawp a, namit hong cimleh zong, hikenteh kici theilo mah hi.

 

[ Gen 1:29-30.] sungah gah leh tang a piangsak kung khempeuh note ' An ' dingin ka hong pia hi, acihna-ah, 'Meat' cih kammal nazang hi. Meat kammal pen 'An' cihna ahi hi. Tuhun mikaangte in 'meat' pen 'sa' cihna-in zong zang uh hi. Cope topa gelh Laisiangtho thak masapen sungah zong " An " ci-in kiteilai kha ding hi. Tuhun laisiangtho teite in, a dau lamsang zang a, sa-khempeuh [Mark7:18-19] siangtho hong cih mawk ciangin, a tanzau-lamte bel nuam mahmah khong uh hi.

 

Noah hun panin sa-neekna hong kipankhia hi. Khaigah leh kung khempeuh tui-in susia ahihman ahi hi. Tua pen 'asiang leh a sianglo'-in nakhen pah hi. Sia leh pha sittelna singkung mahtawh kibang hi. Asiangte cimanglo dingin kop-sagih lutsak hi. Asianglote pen kinelo ding ahihmanin kopkhat ta bek la hi. Ne leh cimang pah ding hi. Pasian in, siang hi, ne un, acihte longal 'An' minvawh ngeilo hi. Sianglo hi, acihnak leh annam hilo pah hi. Gen 9: 3-4.

 

Nungzuite in khutsillo cih mawhsakna:

Mark7:18-19 sung a, ' Sa-khempeuh' ci-a kitei pen maanlo ci-in i kikumkhin hi. "An' khempeuh  siangtho hi, ci ahi hi. Sianglo hi acih khit nakleh 'annam' lakah kihello pah hi. Mihingte in 'Ek' pen annamah kihello hi. Mi khatpeuh in, ' an ne o,' hong cih ciangin, Ek kihelo ding theihsa hilel hi. Tua ahih ciang nungzuite an pen anluum, khuaizu, leenggahtui khawng hilel ding hi. Khut sillo a, aneek uh mawhsakna ahi hi.

 

Mark7:8-9. sim suk leng, Pharisees te in, Pasian thukham sangin, amau tradition ahi khutsillo a, anneekloh ding thu khawng, zehtan thukham tuamtuam khawng thupi sak zaw hi, ci-in nakpi-in tai ahi hi.

 

Mark7:1-7 sungah abuaina pen, a Nungzuite in khut sillo-in anne u, Pharisee ten mawhsak ahihman a, dawngkik hi.  Hihmun bek en lengzong, Pasian thukham leh Israel ngeina tuamtuamte dei linlian a, koipen singlamteh ah bei, koipen om cih zong kitelpah lel hi. Keima thukham apaih theihna dingin mihing bawltawm thukhamte nak hilh mahmah uh ci hi. 

 

Peter Mangmuhna;

[Acts 10:12-15] sungaa ganhing namkim Peter tungah 'go inla ne in' acih pen, Peter mah in, minam deilo-in lungdamnathu puakkim ding cihna hi, ci-in gen hi.

" vs28 sungah, 'Minam kidalna omnawnlo hi, ci-in Topa in hong hilh hi, ci-in gen hi."

"Acts11:17sungah,Gentile mite lak a a vapaipen Jerusalem aate phun uh hi. P'asian in namdangte zong siangsak ahih leh ama langah pang dingin keipen bang himawk kahiam,' ci-in a mangmuhna teng a khiatna tawh nahilh hi."

 

 

Upna lampialnathu:1Tim 4:1-6,16.

Hih hilhkholhna tawh kisai hanthotna pen Paul in Thessalonian mite zong nagen hi. Pasian langpanna leh upna pan lampialnathu mah ahi hi.  Topa Zeisu in misiangthote hong kaihkhopma a, thupiang ding, misiangthote puksak ding anti-christ hong painathu agengen ahi hi.Misiangthote laktoh khit ciangin anti-christ hong paipan ding hi, cih thuhilhna zong zuauthu ahihlamtak hong tellah mahmah hi. 

 

"Note, thukhat peuhpeuh hangin na kikhemsak kei un:Tua hun hong tunma-in pukna hong ommasa ding a, kisiatna tapa,mawhna mipa hong kilang masa ding hi. Tua mipa pen a kibia Pasian a kici khempeuh sangin amah kipahtawi zaw ding a, Pasian biakinnpi sungah tu-in, Pasian bangin kibawl ding a, Pasian kahi hi, ci ding hi." 2Thessalonian 2:3-4.

 

"Tu-in Khasiangtho in teltak a geninah, hunbeikuan ciangin upna pan lampialna hong piang ding a, a khemthei khate leh, dawigilote thuhilhna[doctrines] a zui ding uh hi. vs1.

"Siksa tawh ciamtehna ngah a lungsimkhauh; midik bangin kibawlin zuauthu gen ding hi; vs2.

" Tua bang mite in zi neihding pasal neihding leh an pawlkhat neek ding a kham uh hi. Ahi zongin thu umin, thuman-thutak a thei mite in,Pasian bawl nate lungdamko-in san ding ahi hi. vs3

"Pasian bawl nakhempeuh hoih a, lungdamna ko-in i san leh, nial ding bangmah omlo hi.

"Bang hang hiam cihleh, Pasian kammal or thu leh thungetna tungtawn in kisiangthosak ahi hi. vs4

"Nangmahmah pen thuhilhna [doctrines] bangin gamta inla kikem in; tua bang hih lecin, nathuhilhna azate leh nangmah in gupna nangah ding uh hi.vs16 [1Tim 4: 1-6,16]

 

Zeisu leh Nungzuipite in, bangthu hilh, bang ni tawlnga hiam?

Sunday tan banghunin hong piang hiam? AD-500 kimpawl.

Biakinn naseem siampite zi neilo dinga a kham kua pawlpi hiam?

 

Pasian thu[kammal] in neek ding leh neekloh ding siangtakin hilhnapi, tua zanglo-in, Friday ni -in sa neekhuailo ci a, thukham abawltawm kua hiam?

Pasian in siang acihte pen nisimin siang lel a, sianglo acihte pen a tawntungin sianglo hi. 

Voksa pen a sianglolamah a omleh, nisimin sianglo ding hi.

Milim biakna Pasian in adeih keileh, Peter-lim, Mary-limte zong deih tuanlo ding hi.

Piangsakpa Pasian ahihna zong phiat ngeilo ding hi.

Tua phawkna zong tawphun om theilo ding hi.

 

Topa minthanna ding zonhuai:

Kapa pen kei hangin SDA mintawh om hi. Khatvei kapute Vuandok Gin Za Cin innah voksa-hul bawlin nedingin kuangkimah tu uh hi. Ka Pu, vuandok Gin Za Cin in, 'Gang nang thu hong ngen o' ci-in sawl sese hi. Amah zong niallo-in kipan hi. " Topa Pathian aw, tu-in voksa kane di uh hi. Lim ahihmanin a ne di hi ungh. Nadeihloh takpi ahihleh cikpi hon namsak in," acih ciangin, a kim a teng ki-iip zolo-in puakziahin nuikhia uh hi. Tuhun Christian tampite zong cikpi a namdong ngak hi-in ka-um hi.

 

Neektheih nang lampi zong kei zaw-in Pasian minthanna ding lam i zong zaw ding hi.  Tua hileh ih telzawhloh thudotna khempeuh olno takin kisatmai zo ding hi.

 

Tatkhiatsa nahih phawk:

Tuhun Christian kinialnate pen, tatkhiatsa ahi Pasian ukna gamsung aa-omte nuntakzia ding tawh kisai hi. Lungsimtakpi tawh Zeisu i sankhit ciangin, tuiphumna kila a, Pasian tanu-tapa leh vantung innkuan sung a tung ihi hi. Leitung mihingte tawh kilamdang dingin Pasian ngeina sungah i lut hi.

 

" What? know ye not that your body is the temple of the Holy Ghost which is in you, which ye have of God, and ye are not your own? For ye are bought with a price: therefore glorify God in your body, and in your spirit, which are God's. 1 Cor 6: 16-20.

 

" Know ye not that ye are the temple of God, and that the Spirit of God dwelleth in you? If any man defile the temple of God, him shall God destroy; for the temple of God is holy, Which temple ye are.1Cor 3:16-17.

 

" And what agreement hath the temple of God with idols? for ye are the temple of the living God; as God had said, I will dwell in them, and walk in them; and I will be their God, and they shall be my people.  Therefore come out from among them, and be ye seperate, said the Lord, and touch not the unclean thing; and I will receive you, And I will be the Fathe unto you, and ye shall be my sons and my daughters, saith the Lord Almighty. 2Cor 6:16-18.

 

" Whether therefore ye eat, or drink, or whatsoever ye do, do all to the glory of God" 1Cor 10:31.