Mg 12:1-5. Na lamdang lian khat ka mu hi. Numei khat in ni silh in, akhe nuai ah kha sik a, alutang ah aksi 12 tawh kizem lukhu khu hi. Tua numei in Tapa gai a, asuah phet leh Tapa nawmvalh nuam in vilgige hi a cih pen, Ni bang a taangPasian Thukham te azui pawlpi, akhennuai a kha asik pen, kha in ama thu-a taan'na nei lo ahih hangin ni pana angah khuavak taang lengkik a, atang neem zaw, Pasian thukham pana lengkik pawlpi thukham tunga ding cihna, alukhu aksi 12 tawh kizem pen, tanglai Isreal mi nam 12 te pana kiteelkhia nungzuipi 12 te leh Topa Jesu in aphuatkhiat Khristian maan pawl te gulpi san in pangkhol gige hi. Tua Tapa pen minamkim te sik ciangkhut tawh a uk ding pa hi. Tua gulpi san pen vantung aksi seh 3 suah seh 1, amei tawh akaikhia pa pen ahi,ci hi.
LST ah, numei acih ciangin pawlpi agen na hi a, numei gilo acih leh pawlpi maan lo cihna hi in, numei siangtho acih leh pawlpimaan acihna hi. Hih Mg 12 sunga numei in ni silh acih pen, nibanga tang Pasian thukham te a zui pawlpi, a khe nuai a kha a sik pen,kha in ama thu-a taan' na lei lo ahih hangin ni pana angah khuavak taang lengkik a, atang neem zaw, Pasian thukham pana lengkik pawlpi thukham tunga ding cihna, alukhu aksi 12 tawh kizem pen, tanglai Isreal mi nam te pana kiteelkhia nungzuipi 12 te leh Topa Jesu in aphuatkhiat Khristian maan pawl te agen na hi.
Tua pawlsung pan hongsuak Tapa pen Topa Jesu hi. Vantung aksi seh 3 suah seh 1 akaikhia gulpi san pen Satan hi. Vantung mi 1/3 azolkhiat te agen na hi. Tapa Jesu asuahphet leh nawmvalh dinga ana kisa pen Gulpi khutzat Herod in Bethlehem khua naungek kum 2 nuaisiah athah sakna hi. Ahih hangin vantung mi in Izipt gam ah na galtai sak a, tua lai ah ni 1260 sung va om hi. That kha lo hi. Isrealte in Izipt gam hong zuat lai uh a, ni 40 apai na uh, aciah kik uh ciangin kum 40 apai mah bang un,Jesu teek mah ni 1260 ava galtai pen, anungzui te in kum 1260 sung RCM pope khut nuai ah thuaksiat na athuak na ding uh lim a hi hi.
Tua gulpisan in kua khutzat in nei hiam?. Mg 13:1-2. Tua laitakin ki 10, lutang 7, ki te tungah lukhu 10, lutang 7 te zongh Pasian demh na anei tek sapi khat tuipi sung pan hong pusuak ka mu hi. Ka muh sapi in apum kamkei tawh kibanga, akhete vom khe tawh kibanga alutang humpineelkaai tawh kibang hi. (Hih John mangmuhna pen AD 96 kum hi. Patmos tuikulh-a asi lel dinga thongkhiat na mun hi. Daniel mangmuhna pen, BC 530 kum khawng hi a, akikal kum 600 val sawl khinsa zan-a mangmuh natawh ki peh hi.) A lutang Humpineelkai pan Babylon gam ih ci zo hi. Akhe vomkhe pen Medes le Persia ih ci zo hi. Apumpi Kamkei pen, Grik gam hi a, tua Grik gam pana kingah khia Rom leh Khristian Rom (RCM) hong om hi. Tua sapi pen hi. Satan khutzat pipen.
Mg 13:3-4. Hi mun sim leng, Tua sapi pen Gulpi san in, vangliatna, a tokhom leh a Anaa teng ap hi, ci hi. Satan pen, Pasian zom ah alian hi a,vantung a om lai in zong, Pasian Tapa zom pah hi in alian penpen hi. Leitung mite lel adingin kumpite' kumpipa ahi tham mah acing hi. Ama tokham leh a Anaa teng a apna mihing pen, leitunga kumpi dangdang te khempeuh sangin alian zaw mah ding ahi hi. Aneu 5ah, tua Anaa a apna pa pen, pope ahih na ki mu hi. Tua sapi tungah, Pasian demh na thu tampipi agen theihna muk kipia hi. Kha 42 pen ni suah leng, 42x30=1260 ni (or) kum sung tawntung a liatna ding akhuan ki pia hi, ci hi. Aneu 7 ah, Misiangtho te tawh zong kido a, azawh nading akhuan kipia hi,ci hi. Minam,mipawl,kam nam khempeuh te a uk zawh nadinin akhuan kipia hi. Hi thu ah misiangtho te thuakna a om hi. Aneu 4 en kik pak leng, Leitung mi khempeuh un, amah lamdang sa in kihta in anung zui uh a, Amah Anaa apia gulpi bia suak niloh uh hi.,ci hi.
Tu ni leitung bup in,nipikaal sung ni 7 laka Holy day dingin Sunday ni mah ki koih sisek hi. Pope te in sunday aphuan ta zongin, Budha bang te ading bangin Sunday ni pen, azekh-sakna,akiman'na bang hi zenzen hiam? Ahang dang nei het lopi mah in leitung buppi kumpite in, Sunday pen Holy day in koih ciat zenzen uh hi. Sapi (pope) nung azuihna mah uh hi lo ahi hiam? Tua sunday phuanpa sapi nung azuih uh ciangin,sapi nung zui lelbek hi lo-in, tua sapi Anaa apia gulpi bia niloh asuak uh hi,ci hiau mawk hi.Tua gulpi kua hi zel hiam leh? Satan hi tanghial lawmlawm hi. Ei Khrsitian dangdang te in tua gulpi bai kha ding zaw zen in i kiseh kha ngei het kei hi. ahih hangin tua sapi (pope) nungzui a, Pasian in a mite aciamteh na Sabbath (Eze 20:20;Mg 7:3) kikhekna Sunday ih va tanh pih a, tua ni peuh a Pasian ih vabiak vialzen ciangin, gulpi pai suak niloh hi,ci hiau mawk hi.
Lai sim mimal Topa' thu pah hong buak suk ta hen.
zop tai ding,
Kimnu/nunu
No comments:
Post a Comment