Lung Deih Tui bang Gawmna ding Sanneem Aw

Lung Deih Tui bang Gawmna ding Sanneem Aw

                          Lim bang Kong belh Tung Sianmang aw, teeltuam Sian vontawite siang’ Laitual hong leng ve aw, ka it teeltuam Sian Zo vontawite tui bang hong gawm ve aw,  taang  selung ka mawl man hiam aw, taang ka lung deih tui bang tung sak zo keng ee  Sian aw tui bang hong gawm kik ve aw,  teeltuam Sian vontawite, tuun leh zua, ciin leh tuai, laizom teng itna aw neem gui khau bang ki tat ta ee, Sian aw lum bang hong sung in tui vang hong gawm kik ve aw

 Siam ka sinna sing dang gam tui zum pan in tuun leh zua, lia leh taang gual ngaih teng tui bang gawm nuam nang ee, Zin khen hi lo, Sian khen hilo taang ka mawl man'  teel tuam Sian  Zo vontawite itna gui khau bang tat hi zaw ee,  Sian aw lum bang hong sung inla, taang ka lung deih ka sanneem in kang mei bang sa Sian Zo vontawite' sinlai daitui bang vot sak ve aw, tui bang gawm ding lung ka deih man ka san neemno zai la’n khiang ing ee,

                            Zai tha pat bang neem taang ka khunlan tung pan cik ciang teeltuam Sian Zo vontawite tui bang gawmna ding, lung ka deih man lakmai luankhi in zel ee, Tung Sianmang aw itna damtui teel tuam Sian Zo vontawite tung hong luan ve aw, Seino lia gual ngaih teng aw, gam mawng gui khau kan bang in itna pai bang pom leng sing dangte tawh tan bang kim ding hi hang ee.

Tem bang ka deih thal bang ka muan teeltuam Sian Zo vontawite do gal bang thang na lawmlawm ee, Lenna thal gua bang khat lo in tung sunni tum ding taang ngalliam ka lai lungah geel mawng ee, teeltuam Sian zovontawi te’n ze dam sinthu khau bang sut leng suut thei lo lai hem teel tuam sian vontawite na mah ei lawm lawm aw, 

Gual gen zaang lawi bang thang hang,  sim leh mal ah lung tup tui bang tung lo ding lailungah geel ngam lang ee, Hem lam sinthu tong khak loin  taksinthu pai bang pom leng  zo gam kuam tung sunni bang tang ding hi ee,

 Zaang samgi bang khen kei ni ee gual ngaih teng aw, kal ah namtem ki kham in, gawl bang hong ki khak zong zing dai bang nawk khawm ni ee, Lenpih gual laiah tual ngiam ban sam hing ee’ taang ka lungtup tui bang tung sak lang ee Sian aw teeltuam Zo vontawite  thal bang mazap dingin phei phung suanna ah lum bang sung ve aw,.

 Lung kia kei aw sinlai phuh bang kho sak ni ee tong ciam pello ma bang pang leng huang suan gua bang khan kum sawt ding hi ee Gi bang khen leng zin in lui bang hong bawm ding aa, lau kha Hell gam kai ding hi ee…

"ITNA NEITE IN  KAMPAU ZIAU TAWH IT ING CILO AA,  SEPKHIATNA (ACTION)  TAWH LAK ZAW HI"

ITNA BUL PHUH:

Kap Do Thang- Taangpua

Spicer Memorial College

Pune- INDIA

Ph: +919762354452