Ih Gel na sa om mahbang in Topa' hongpan pih natawh Sia Sawm Sang pen April 22, 2011 ni Thailand pan Kuala Lumpur International Airport (KLIA) ah nai 7:15pm in ong tung aa, 9:30pm pawl in a zin tun na Pudu ah tung in, Pawlpi mi pawl khat tawh biak piakna ong neih pih thei hi. Sabbath ni Sun thapai ZAC Chowkit biak inn pi ah hun te ong makaih thei hi. April 24,2011 ni ( sunday) in Canaan ZCF ah hunpi khat ngah leu leu aa, tu ni tak nai 7:30 pm - 9:00 pm Setapak Anlangh innpi ah hun khat ong neih pih thei leu leu hi.
April 24, 2011 ni in Sia Muang Muang zong Yangon airport pan Kuala Lumpur (LCCT) airport ah 11:15 pm in ong tung aa, a zin tun na Merdeka view condo 8-205E, Jalan Cho Cheng Khay ah 2:20 Am tunghi.
Ih gel na sa om bang in Topa hong panpih na tawh, Sia Muang Muang leh Sia Sawm Sang te hong makaih na tawh April 25 & 26, 2011 ni te in Praise and Worship na sia tak in ki nei aa, pawipi mi te, a zaw deuh in khang no te zong lawp thei mah mah in, Topa min phat na late sa ziahziah in nuam ki sa mah mah hi. Sia Sawm Sang lah thugen siam mah mah in, zak nop kisa mahmah aa, kha tha, lung sim ngaihsutnatha tampi tak hongkhauh sak a, ki phungvuh na tam pi tak hong guan ahih man, kinuam mah mah hi. Sia MuangMuang zong music hongtum ciang lazong a zaknop deuh tawh ki bang aa, amapuah sa lathak te ongsak kawm tak ciangin ihlungsim te ong nosuah sak in, pasian tawh ong ki nai sak aa, tha ki ngah mahmah hi.
Hi bang in, lamet het loh pi in ih Sia te gel hong ki thuah thei na pen ei ZAC chowkit pawlpi te ham phat na lian pi ahihi. Hi bang aa hunlem leh vai khem peuh lemtang tak a ong vai hawm pih ih biak Topa tung ah lung dam na lianpi ih ko masa aa, ei te thu leh la tawh tha hongpia Ih sia te gel tungah zong lung dam na lianpi ihko hi.
IH biak Topa Pasian in Ih sia te gel tungah a talen te uh a taangzai zaw a, a zat theih na ding in Thupha hong piak sak tahen.
Sia Muang Muang pen April 27,2011 ni Zing sang 9:25 Am in Kuala Lumpur (LCCT) airport pan India (Mumbay airport), leh Sia Sawm Sang pen nitak 10:00pm in Kuala Lumpur (KLIA) airport pan in Thailand (Bangkok) lam ciat zuan in hong ciah san ta uhhi.
A ciah na lam pi uah Topan' makaih hen la, Innlum lolum a nusiat a zi a ta te ciat uh tawh ci dam in aki muh dong uh, Topa mah in nau bang na kepsak tahen.
ZAC Chowkit Pawlpi ai awh in
SB Ngaih Cin
Church Pastor
ZAC Chowkit
No comments:
Post a Comment