huanna singkuang bawl dan hilh in hong pai lai,(kei tumtaka veipong ee), huih tha zangin
pangkaa tawh mei lak theihna a om di’am, ci in Tedim kiim nai-ah ka vak pih kawikawi ngei
a, mei tha tampi ngah zawhna ding mun hi nai ah mu ke’ng hong ci a, thugen kizom lo in
Albert in,”No bel awlmawh kei nu ci’n, na gam uh dah huai sa ing, sing kung it un, tua hi kei
leh guahtui zong hong tawm semsem dinga, a sawt lo in keugaw gam suak ding hi”, hong ci
ngei hi.
I gam ah, ansing, innsing leh hol dingin singkungte kiphuk khin phial takpi mahin keugaw
gam a suaksuak hi ta hi.
A HANGIN, sing a hi lo,a dang ectrict a kipan an huanna ding, awi ding leh vaak dingin i
neih zawh om lo a, an huana ding lah sing mah, mei awi ding lah sing mah, leh khuano
pawlkhatte ah tu dong mah mei vak dingin singmah cih in meilahvaakin ki-om lai a hih man
hi kha ding hi.
A taktakin ci leeng, i gamah sing kung phuk lo in, i koih zongin leitung bup khuahun maan
nawn lo ahih manin guahtui,huih, nisa a kipan a man nawn lo bel a hi hi, hi ta leh i kiim i
paam pen ei mah ‘ hang a kikhel, a kisia tampi om hi. Mihing in susia a, mihing mahin a
puahkik kul ding hi.
Ei’ hang hi ta leh, mi’ hang hi ta leh,thu dangdang’ hang hi ta leh, i gam ah guahtui tawm
semsem hi. Tui dawn ding takpi a kikham zo nawn lo hi. An khat vei huana dingin zingsang
phaalvak tuungin i tho a, tuikhuk ah tui bel i va gual hi.
Khatvei vei,vai kuan man nawn lo zahin sawt veipi tui pai ngak kul thei hi. Tui hanga nupi
papi to, kitawng, kibuan zong om ngei tham hi. Tui khuk pan tui ngah zo lo pawl khatte
khua taw lam lui kawm, ciklak ah tui tawi dingin khuazing tung, lau kawmpipi in mi tawi ma-
ci-in, ngap kei ta leng, i kuan khia hi.
A dah huai pen ah tu leh ta nei lo, pu teek pi teekte a ngaapngaap un tui a va tawi kul uha
khat veivei gimpi tawlpi in va pai uha, tui na kang ta, na nin ta a hih manin, bel hawm tawh
hong ciah kik hun uh zong om thei sawnsawn hi.
Tui zat kicing loh manin innkuan tampite ah puan zong a nitphetin sawp ngam lo in, a kang
sitset pen a meikhu mel peuh a vompeuh hong suak thei hi. Naupang, naungeek ngo lihleh
khawng, tui om loh manin, a niin(hangh) liikliak in a om tampi i om hi.
Tui neilo i hih manin i um i belte, a siang zah dingin i sawp ngam kei a, siangtho lohna pan
sungtholh, gilsan, zavat leh gilnatna tuamtuam ivei a, tangeek lai sih san, khan sih, leh
innkuan khat ah mi 2 leh 3 a si zong i om ngei hi.
Khamtung khuate a vekphial in mualtung ah kisat a, khuadam si leh tui kicin lohna hang
mahin i siantho zah ding in i siangtho keia, milak i pai khiatteh, mite in Zo uih (chinpoh) ci in
hong ko uh ki-ci zen hi. Angtan huai het hi.
Hih te pen
Khamtung leitang pen puah zo tui buak zo leng, i ciin bangbang hoih mah mah hi. Tui om hi
leh lei tang awng khempeuh kho in khai leh meh teh meh gah kicing zihziah in i neek i meh
valte zuakin hauhna kingah thei ding hi napi, i huan ah anteh kung khat bek po lo in keucip
hi.
Tedim bang diakdiak tui kicing om leh paak cing leng khua hun tawh kituakin hoih thei
mahmah a, paak khuapi suak zen ding, ka cih teh, TUI ka lunggulh mahmah hi.
“TUI HONG PIA IN”, ci a kikona, ki-pawlna tawh a hi-a, nang mahmah in na hi zongin
na dawng thei hi. Kei zong 2009 kumin Pasian’ thupha tawh Tedim khua, Lawibual veng
(Anderson Seminary huang ) ah Tube Well (Tuikhuk) khat a kitawhna ah ma ka pang thei hi.
Tua pen Khamtung ah Tube well a kito masa pen hi kha ding hi. Mi tampi in tui dawn,
anhuanna leh puan sawp kisilna dingin nop tuam pih khin ta uh hi. Kum tampi noptuam pih
lai ding hi. Tedim khua muntampi leh khua kim tampite ah tua bang tube well tampi kisam
lai hi.
Tube well pen pipe zangin a gamlapi pan tui i lak sangin sum bei tampi pha tuam zaw a, a
kisapna mun lian or a hi zo kei zongin a kinai napen mun ah tui kito thei hi.
Tui na piak leh sianthona, cidamna, leh ankhamna, hauna thupha a pia na hihi.
P.S. Ka tha ngah mahmahna thu hong gen nuam ing. “Myanmar Alin” Newspaper Dec.23,
2011 ka sim leh Tedim zato a ding vanzat, Pa Vungh Za Go, Pa Alex Mung leh Dr. Cing
Hau Ciinte’n a piakna ka mu kha a, ka angtang mahmah hi.
TUI kicinlohna hang a hi hi.
Itna tawh,
Zam Lian Mung
Myitkyina( temporary)
No comments:
Post a Comment