2004 kum in Union pan Ks. 10,000,000.00 Chapel hall lamna ding ki ngah hi. Topa deihna leh gelna mah hi in um ing. Tua sum Ks. 10,000,000.00 tawh a kilam zo Hall khat lam un aki ci kawmkal pan avang pi 50 leh adung pi 140, a vekpi in Ks 50,000,000.00 tawh a kizo ding Hall-pi lam kipan in Foundation tawh Union pan a kingah sum teng kibei hi.
Sangsit (Evaluation team) ten chapel hall lam na zom un hong ci den uh hi. I hanciam hang lampi mahmah kihong thei lo hi. Hun hong bei toto in, Division sum kempa tawh kiho kha in, Division lai-at pipa, education director pa leh budget controller nu ten a mit uh tawh Foundation hong muh pih in, Division in bel hong huh hangin
$20,000.00 val hong huh ngeilo ding ci uh hi.
Upmawhloh pi in Union Committee in Singunau sangah Convention kikhop pi bawl ding cih thu hong zasak uh hi. A kipat in Mandat lam dingin ki vaihawm hi. Tua kawmkal in UMAS chapel hall lamna ding ci’n Division pan US $ 20,000.00 hong kipia in, tuaciang Mandat lam nawnlo zaw in, Mandat lah a hi Chapel hall lam kizom hi. Division pan a kingah sum tawh a khuam, inn-sun leh siikkang zawl ciang bek kitun zo hi. February 20, 2012 ni in tuateng zawh siang dingin Pa Kam Khan Hau tawh contract kibawl hi. Tu’n a siikkang ding kisam in, Siikkang abei
zah ding a kituat tak ciang kyat Tein 50 kisam hi.
2004 kum in Ks 10,000,000.00 tawh a kilam zo ding inn khat lam ziauh loh pen Topa thupha hizaw dingin ngaihsun ing. Hi bang Convention Hall pi a nei thei dingin Topa vaihawmna hi cih Topa’n hong musak in
lungdam lua ing. Topa’n ei Zomite hong hamphat na hi gige hi. A zawdiak in UMAS sang naupang lui te hamphatna in ngaihsun ing. Siikang ngahna ding i thunget pih theih pen i hamphatna hi pah hi. Na phalzah
sumtang tawh na piakkhiatna pen na hamphatna hi pah hi. Thungetna leh piakkhiatna tawh siikkang leina dingin hong kiheltek ta un.
Attachment file ah a lim zong na etsak un.
Kap Lian Thang
No comments:
Post a Comment