Ih biak Pasian thupha tawh adam tek dingin hong lam-en ing. Ko Zomi SDA Malaysia pawlpi pan lungdamna thu khat kong pulak nuam hi.
Tedim khuapi huam Lamzaang khua mi Pa Sian Khai & Nu Ning Khawm Lun' tapa Tg. Khual Tung Tuang in Jesu Christ gumpa le honpa in hong saangna tawh kizui in November 22, 2011 nitak 3pm (Malaysia Time) in Pr. Leong Fai, President of Peninsular Malaysia Mission, in Miharja SDA English Biakinn sungh pawlpi mi 12 mai ah tuiphum tintan piakna le tuiphumna hong nei hi. Tuiphumna aman khit ciangin Pr Wung Wei Kung, Church Pastor of Miharja SDA English Church, in thungetna leh thapiakna hong nei hi.
Sanggampa Tg. Tung Tuang pen sanggam AG pawlpi pan in SDA thuman hong muh ciang ama khensatna tawh kizui in tui aki phum ahih mah bangin Zomi SDA Malaysia pawlpi mite'n zong lungdam tak in na kisaang pah hi. Amah pen Topa thupha saangin tui akiphum zawh asawt lo November 28, 2011 ni'n gam thumna USA (Orlando State) lam zuan thei hi. Sia Ngaih Cin, Sia Mungtong te in aleen ni dong mah Laisiangtho hilhcianna (Bible Study) pia in thumaan na muam uh hi.
Tua hi'n pawlpi mi akua mapeuh in hih ih sanggampa Tg. Tung Tuang ii masuan ah Topa ompih nang leh amuh sa thumaan (upna) khahsuah het lo in Topa lam a pom det zawh nang thungetna tawh panpih tek ni. Topa'n mimal kim thupha ong pia ciat ta hen.
Lungdam,
Zomi SDA Malaysia Pawlpi
No comments:
Post a Comment