General Conference in Church Logo guk zat ding phal lo

      Dear Sia Dongbawi leh Zomi SDA lai sim a kua maciat:


Ka lai gelhna ah a kim iin gelh kha lo kahihmanin nong dot kik pah lungdam ingh.  Nong dot thu te kong dawnna te leh tu aa ka gelh beh teng laitui san tawh hong gelh pah ingh.


Sia Dongbawi' dotna te: Conference ngetna lai, Pr. Kip Za Nang in Union pan  sign thuh lo cih kammal ken zong ka za mun peuh mah a, tu'n thumaan thei ka hih man in ka lung dam mahmah hi.  A kitel zaw ding iin tawm hong gen beh nuam ingh. Hih thu peen U Paupu (Sia Pau Za Khan) leh U Zamno (Pa Sian Cin Zam) te ki hona hi aa Pa Zamno in hong gelh khiat Boihlekpa or Khenno in a bul mat den mun khat ahi hi. 
PaZam:  Manlua kisa a 1987 kum in na mawtaw pi uh tawh sia teng leh Upa teng Mandalay ah Division pakiang ah Conference ngen ding a pai hi lo i hi hiam? Siakip bang lawp lua kisa in a mang bang hong gengen hilo a hi hiam? Ulian pa in Ngetna lai hong gelh un ci in hong vaikhak a a zan ciang in , Sia, keneth te pawl in Siakip na khemgawp uh a hih manin a zing ciang in Siakip in letmat hong thuh nuam nawn lo hi ta hi."   Hih peen buaina bulpi (main issue) hi lo ahihmanin a kidawng ngei lo, Pa Zamno gen bang bang hi aa a maan cihna hi lo hi.  Thu nih om hi: (1) Pa Zamno in a gen khialh hi kha ding hi. (2) A gelh khiat laai tak iin ama deihna a emphasis nop man aa a beh lap mawkmawk hi kha ding hi.   Hih thu peen Khenno in hong pho laak zelzel mah ahihmanin tua sung ah Ulian pa in Ngetna lai hong gelh un ci in hong vaikhak a a zan ciang in , Sia, keneth te pawl in Siakip na khemgawp uh a hih manin a zing ciang in Siakip in letmat hong thuh nuam nawn lo hi ta hi."  cih zongh om ahihmanin tu ni ciang dong a ci dam laai Sia Kenneth kiang ah November 30, 2010 ni iin ka doth pah leh "Pastor Kip pen ka u hi a, position in lah, president hi ih ven, bang hang in kei thu ong mang ding ahiam? SCZ (*minpi ka gelh beh, Sian Cin Zam) in Kenneth in thuh lo ci ahiam?  Kenneth in minthuh ahih leh KZN (*minpi ka gelh beh, Kip Za Nang) thuloh ding in hanthawn ding ahiam?"  ci in tua ni mah iin hong dawng kik hi.  Zaan aa ka gelhna ah "Tua Conference nget laai iin Section officer te in sign thuh lo om lo hi.  1987 aa ngetna ah Sia Kip Za Nang in sign thuh lo a ci a om leh thei khial, a gen khial hi ding hi.  Section officer te tawh mapang khawm aa a kingen hi." ci in hong gen khin zo ingh.  Tua hun laai aa Upper Myanmar Secretary a sem Pr. Thang Khuma zongh nungta laai ahihmanin Sia Kip Za Nang in sign a thuh leh thuh loh Sia Thang Khuma in tel mahmah ding hi.  A dong nuam te'n doth theih hi. A tom iin Sia Kip Za Nang in sign thuh lo hi cih peen maan lo (khial) hi.  

 Sia Dongbawi' dotna: Tua leh kong dot nop khat ah;

1987 Conference nget lai a UMM President sem pen Pr. Kip  ahih lam na lai at na tung tawn in ka thei hi.  

1992 Conference nget lai a UMM President asem leh 

2002 Conference nget a UMM President a sem kua te hiam cih nong gen thei diam?

1992 kum aa UMM President peen Zomi hi lo hi.  Karen te hi aa Pr. Sandy Dee hi.  Upper Myanmar Mission Executive Committee makaihna tawh a kisem a hi hi.  2002 kum aa Conference a kinget kik laai tak iin UMM President peen Pr. Kenneth Thang a hi hi.  Hih Conference ngetna ah pawlpi mi hon khat in lung kim lohna a tuamtuam hang iin Conference Planning Committee a phuat khiat uh hi aa UMM pawlpi mi te, UMM makaite, pawlpi sia te leh Division makai te tawh kipum khat kithu huaal aa a kigeel hi lo hi.  

Deihsakna tawh,

Mungno Gualnam