Sia Pau (Pr.NKP) Effort Sermon No 1. You tube ah ten hang.
A khangham simthap khit teh a khum kik hi in, a aw un pian.
Tuesday, January 27, 2015
Fwd: {Z.A.C} No1. PiangsakPa Pasian' Liatzia. (Pr.Ngul Khaw Pau)
"INTERCESSORY PRAYER CONFERENCE". THU KINGETSAK DAN THUSINA
Dear Zomi Adventist U leh Nau te,
Myanmar Union Adventist Mission ah 2015 January 22 pan 24 dong "Intercessory Prayer Conference" ki nei hi. Hi khawm Pi ah Pastor leh Zite a kigawm 200 val bang kikhop ki sim thei hi. Ki Khop na ah Topa thupha tawh General Conference pan Ministerial Secretary (Director pa) Jerry Page leh a zi Janet Page (Shepherdess International Director Nu), Southern Asia Division pan Ministerial Secretary Pa Pastor Sinaga leh Pastor Gregory Whiset (CEAR: Center of East Asia Religion) director pa, hi makai teng in ni 3 sung thu sin pih na hong nei pih in thunget na tawh ki thuah pah pah hi. Nidang ki khop te sang tha kingah zaw in, kha an kuang um na ah lim kisa thei mah mah hi. Hong pai thei lo U leh Nau te a ding in ka thu sin te uh thupi kasak pawl khat hong tang gen suk nuam hi.
Intercessory Prayer ih cih pen khat leh khat thu kinget sak na leh thunget khop na cih ding hi. Hi thu sin na tawh kisai kei thupi sak thu pawl khat hong gen nuam ma sa ing.
1. Khat bek thu ih nget sang in, 2 leh 3 lungsim ki tuak in thungen khawm leng ih thu nget na ah vang lian zaw in ki ngah zaw hi.
2. Thu ih nget ciang in, bang ci nget ding cih pen Pasian ih dot masak ding kisam hi. Pasian deih na bang thu ih nget tak ciangin ih nget na hong pia lo in om lo cih thu hi.
3. Thu ih nget ciang in: thunget na, laisiang tho sim na , lasak na, Topa aw ngaih na(Meditation) cih bang in hun la in thuah ding kisam hi.
4. Tua hi leh Topa in a deih na pen aw tawh hong za sak thei hi. Ih thunget na Topa in aw tawh a ki za in hong dawng thei cih thu hi. Kei bang tampi ka phut khak nai lo thu hi.
5. Topa in ih thunget na pen Laisiangtho kam mal tawh hong dawng thei hi. Ih Laisaingtho sim na sungah hong mu sak hi.
6. EGW quotation hoi kasak mah mah khat " Ih kiphat sak na leh ih Ang sung khual nate hem khia le hang buai na(Problems) khempeuh minute 5 sung in bei mang ding ci pen hoih sa in, hi samah mah ing. Ih Pawl Pi sung a piang buai nate khem peuh pen Kiphatsakna (Pride leh) Ang sung khual na (Selfishness vi ve pan zung kha hi ci in kitel muh thei mah mah hi).
7. Sia Pi te thugen n ate pen a mau nuntak pih tak tak leh thunget nate vi ve ahih man in tha ki ngah mah mah hi. Sia Pi te hong thugen te tawm kong hawm sawn nuam hi.
1. Pastor Jerry Page thu , a thunget na leh thunget a ngah na thu a tom.
Sia Pipa pen Pasian nasem inkuan pan hong khang khia ahih hangin, ¢ollge a tu'n ciang in zu dawn, kham thei tuam tuam te (drugs) te zang bek tham lo in zuak lai hi. Lei tung gual nop na a ki cih khempeuh zong in a om lai tak in A Pa a Nu leh Pawlpi mi te thunget khop na hang in hong ki khel aa, Pastor, Conference President leh General Conference ah Ministerial Secretary ciang in Topa in na zang hi.
Ama thugen na ah Pasian nasep na ih cih pen thunget na hi aa, kha mang thang ih mat na ding in Pasian it na lak masak ding ki sam hi ci hi. North California Conference President a sep lai in Pasian na sep nading in Pawl Pi mi te tawh thungen khawm aa, Pasian nasep na ding US $ 500,000.00 US 1,000,000.00 a ngah na thu te teti hong pang hi. A kum kik ciang in Goal $ Million 2 koih aa Pawlpi mi te tawh thungen hi. $ 500,000.00 a ngah ciang in sumpi piak hat ngei lo Pawl pi mi khat in ko u nau in $ 1,000,000.00 pia nung cih in kam ciam aa kum bei ciang in pia takpi aa, US $ Million 2 val ngah tak pi ung ci hi. Pasian na sep zawh na ding pen thunget na bek in vang liat na hong pia in hong gual zawh pih thei hi ci-in teti hong pang hi.
2. Janet Page (SI Director, GC).
Mipi mai ah ding ngam lo, thungen ngam lo, thu gen ngam lo Pastor Zi khat hi. A Pasal Conference President suak a, a hih zong in Pastor khat zi hi na tawh lung nop na, lung kim na, kha muan na bang mah ngah lo hi. Ni khat ni ciang in Conference sung Pastor Zit e Retreat om ding aa, a makai ding in Siama Janet ki seh hi. A hi thei zah in sel ahih hang in sel zo lo hi. Nu Pi khat in thu hong ngetsak ning ci aa , a mah zong um lo pi pi in thungen khawm uh hi. Pastor Zi tampi te in Women Retreat a ding thungetsak aa, a mah zong Nupi pawl khat tawh thungen khawm hi.
Women Retreat hong om tak pi aa, thunget khop na hang in, Pastor Zi te tam pi tak hong piang thak in, na lamdang (iMiracles) tampi hong piang hi. Pastor te leh Pawlpi mi te in hi Nupi te Pianthak na hong muh ciang in lamdang s amah mah uh aa, Mun khempeuh pan in Women Retreat ding hong kin gen koi koi hi. Tua hun pan in Sia Pinu Janet pen Thunget khop na tawh ma pang in GC Makai Pi dong in Topa in hong zang hi.
3. Pastor Gregory Whiset (CEAR Director)
A mah in "United Prayer" tawh kisai in tin tan hong pia hi. Hi thunget dan pen GC leh Division khawng ah kizang mah mah ta ahih hang in, ei Zomi te leh Kawlgam mi te in ki sek thei nai lo hi.
Thunget dan pen ACTS or ACST hi.
1. A is ADORATION : Topa phatna.
2. C is CONFESSION: Mawhna Pulak nam thum na.
3. S is SUPPLICATION: Nget na
4. T is Thanksgiving: Lungdamkoh na.
Group khat ah ma kai khat om ding mi 10 bang ih phak leh mi khat in tawm tangen ding in, Makai pa in A pan C, C pan S, S pan T a khel ding ciang in makai ding. Khawk khat man ciang in La tom no khat sa leng hoih hi. Mi khat in sawt pi pi thu ih nget ciang in, ki cim tak thei aa, sentence khat nih ta bang ih nget ciang in ki cim tak lo hi. A ki kal ah la tom no sak na, Laisiangtho sim nate zong ki nei thei hi.
Hi teng pen a thei nuam a om leh ci-in a tom in kong hawp sawn na hi. Mai lam ah hun ka ngah leh a kicing zaw leh quotation te tawh hong gelh lai ning. Topa in lai sim mi mal te tungah ah cidam na, lung nop na leh zawh na thupha hong pia ta hen. Kha lam pian thak na hong ngah sak ta hen. Amen.
Hong it, hong phawk,
Sia Pau No @ Pastor Kelly P. Lyan
SAPNA . . . SAPNA . . . SAPNA.
Christ sungah sanggam u-le-nau akua mapeuh,
Topa'n geelnate hong tangtun' pih leh February 7-14, 2015 sung KLAC biakinn ah Pasian' thumann taangkona kinei ding ahih manin nang ngiat hong kihel aa tha nong piak nangin itna tawh kong sam uh hi.
Ani: February 7-14, 2015
(February 7 & 14 - Sabbath sun hiding aa, February 8-13 Nitak 8pm- 10pm sung hiding hi).
Amun: KL Adventist Church - Zomi Service
No. 8-3A, Jalan Sungai Besi 57100
Kuala Lumpur, Malaysia
Special Guest:
1). Pr Suan Sawm Sang - AWR speaker ... (Main Speaker)
2). Sm Lamno . . . (Health Message)
Hih hun ah kimu khawm in Topa' sungah tha la khawm ciat ni maw. Topa'n mimal khat ciat THUPHA hong pia hen!
KUMTHAK THUPHA !!!
Any Info:
1. Sia Mungtong (phone:017-3265 747)
2. Sia Lianpi (phone: 012-248 6637)
KL Adventist Church
Kuala Lumpur, Malaysia
TOPA hoih hi, ciam unla mu dih un; amah beel mi thupha ngah ahi hi. (Psalms 34:8, ZIV)
Cc:
Saya Noel Cinh
Elder Lianpi
Elder Kampi
Elder Pa Mung
ZomiAdventistCom update
Dear Member te,
ZAC sung a i lai suah sak te endik nawn lo in, i Zomi Adventist Com blogspot ah ten pahpah hang. Ten ding a deih lo i om khak leh, zomiadventist@gmail.com pan nong zah sak ding uh kong ko hi.
Na hawh nop leh:
Zahtakna tawh
ZAC Moderator
Monday, January 26, 2015
MEDICAL MINISTRY & OUT-REACH (January 18, 2015)
January 18, 2015 Sunday ni 9:30am - 2pm sung ZAM Hall ah, Peninsular Malaysia Mission (PEM) Health Director Dr. Jane Yap makaihna tawh Penang Adventist Hospital panin Doctor khat leh Dentist khat, adang health volunteer te kigawm mi9 hong pai uh aa, gambeel mite cidamna lam kivelna hong nei uh hi. Ha tawh kisai ahi zong, pumpi kivelna ah a kibawl limlim mimal 105 bang kipha hi. Zatui leh counselling a free iin hong pia uh hi. KL Adventist pawlpi leh ZAM pan palaite'n a kisam bangin hong huh uh hi. A paiteng sunan (aksa & buhsih) hong vak lailai uh hi. Kivelna khempeuh sumpiak kullo in a khonkhong (FREE) in hong bawlsak uh hi. Hibang aa itna leh veina tawh gam beel mite hong huh, hong panpihte tungah Topa'n azah tampi a THUPHA hong piak sak tahen!
Thupuak: Sia Mungtong
KL Adventist Church
Kuala Lumpur, Malaysia
SDA i cih kuate hiam? Bang um uh hiam?
Mangkam
https://www.youtube.com/watch?v=1PI5cq-ThVo
SDA IH CIH KUATE HIAM?
Dotna: Seventh-day Adventist bang hiam? Bang um uh hiam?
Dawna:
Adventist i cih ciangin, kumkikna lamen-a angakte cihna hi. Kum 1800 laite in mite in
Zeisu hong kum maa in kum 1000 kimang masa dinga, hun ahoih lamlam ah kimasuan
ding hi, cih um uh hi. Hih upna amanlohna alak dingin Pasianin Adventistte Mangmuhna
14 sunga Vantungmi thumte' thupuak (taangkona) tawh lak sak hi. Adventistte in Zeisu
nihvei kumkikna lamen-a ngakin Puahphatna ataangkote ahi hi.
Seventh-day Adventist Christiante (SDA) in Khazih sungah piangthak in, Lai Siangtho gelh
apomte hi-a, hehpihna tawh gupna asangte zong ahi uh hi. Zeisu ii singkhuam tunga
asihna bekin gupna hong pia thei hi, cih um uh hi. SDAte in gupna in Pasian hong
piakkhong hi-a, thalawh thu hilo hi, cih um uh hi (Eph 2:8-10). Tua ahih manin Sabbath
tanna in thukhaam thagum zuihna hilo, Zeisu in eite singkhuam tungah ahong gupkhiat
ciangin, eite mawhna panin suahtakna hong pia hizaw, mawhna sungah hong gum hilo
hi[Matt 1:21]. ZEISU in Sabbath manphasak-a, asih ciang nangawnin Sabbath ni in
hansungah tawlnga hi.
Amaan Topa' Ni!
ZEISU in ni sagih Sabbath (Sani ni) ni ii Topa hi (Mang 1:10; Mark 2:28). Judahte Sabbath
singkhuam tungah kilaih khin zongin nipikal Sabbath in Thukhaam 10 ah kihel ahih manin
atawntungin kip hi. Banghanghiam cih leh Isaiah 66:22,23 ah Pasian mahmah in:
"Kabawl ding vanthak leh leithak ah mikhempeuh hong paiding uh-a, Sabbath khat panin
Sabbath khat ah Kei hong bia ding uh hi, ci hi." Sabbath tanna kitatsat ngeilo ding hi.
Eden panin Eden thak ah kizom laiding hi (Piancil 2:1-3). Thukhaam in suang tungah hilo,
satak lungtang tungah kigelh hi (Heb 8; 2 Kaw 3:3).
Seventh-day Adventistte in ZEISU in vantung biakbuuk sungah Siampi lian sem hi, cih
khauhtakin um uh hi. Leitunga aom Moses biakbuuk in ataktak ii lim hibek-a, ataktak in
vantung ah om hi. Tua sungah Pasian' Hehpihna tokhom sungah thukhaam 10 oma, tua
thukhaam 10 sungah Sabbath thukhaam zong om hi. Eite khempeuhin Siampi taktak ahi
Zeisu i nei hi. Tua vantung biakbuuk siangtho akituatcil ding zong Daniel 8:13 leh
Mangmuhna 11:2 ah kigen khol hi.
"Tua ciangin misiangtho khatin adang misiangtho khat kiangah agen aw kaza hi, 'Nisim
biakpiakna, paihthangna mawhna, leh biakbuuk siangtho tuatcil ding vai mangmuhna in
bangtan sawt ding hiam?" (Daniel 8:13).
Lai Siangtho sunga kha 42 in kum 1260 ahihna Lai Siangtho akin ngaihsutte in sangsiam
uh hi. Tua hun pen Zawma Khristian Pawlpi aliat lai in Pasian biakinn siangtho sungah
atupa' siampiza asuah hun uh ahi hi (2 Thess 2). Amau leh amau "Siangtho Pa" kici tawm
uha, ka khialthei kei uh, cilai uh hi. Tua hun pen "paihthangna mawhna hun hi-a, AD 538
panin kum 1798 (Napoleon in sidektak liamna apiak na tawh) in hong tangtung ta hi.
A taktakin Zawma Khristian makaipa in Pasian tawh kikimna latawmin hunte leh
thukhaamte kheltheihna kanei hi, ci lai uh hi.
Daniel 8:14 sunga, kum 2300 genkholhna [nipikal 70 or kum 490 ] in kum 1844 AD ah
tangtunga ZEISU in van biakbuuk asiansuahna ah tangtung hi. Kum 1844, khit ciangin,
biakbuuk lei-ah Zawma Khristian Pawlpi in hongtuancil uh hi. Tuahangin Zeisu' ii vantung
siampiza tangko kul hi.
Ataktakin kum 1844 masiah khempeuh Khristianbup in biakbuuk thu akithei kilkello na hi
hi. Tuiphum William Miller in biakbuuk siansuah dingpen leitung siansuahna hinteh, Zeisu
hong kumna hidinga, mei tawh hong hahsiang ding hi, ci in na um hi. Kum 1800 pawlin
Protestant khempeuhin Zawma Khristian Pawlpi langpan nawnlo in lutkik zaw uh hi.
Protestantte mahmahin Puahphatna hong nialkik uh hi. Tuate lak panin Seventh-day
Adventist bekin Daniel leh Mangmuhna bulphuh in Protestant panmun lenkip lai uh hi.
Kum 2300 pen nipikal 70 tawh kipanton hi (Daniel 9:24-27). Tua in Messiah Zeisu hong
paiding zong genkhol hi. Adang Khristiante in biakinn siahsuahna pen leitung ding mahin
sangin 1844 ciangin 2300 kum bei-a, leitung panin mawhneite Zeisu in ahong kumkikna
tawh haltum ding hi, cih hong suak sak uh hi.
Daniel 7 sunga Kii-neu pen Protestantte in "Papa" ding mahin sang uha, tua in Pasian
biakbuuk pen lei-ah kaikhia ding hi, cih um uh hi. Aneu 11." Vanmite makaipa mai
nangawnah kilian sakin, nisim biakpiakna paimangin biakbuuk omna zong pampaih ding
hi. 12 Nungzui zong kipia in mawhna tawh nisim biakpiakna langpan dinga, thuman zong
leiah thalkhiat ding hi. Athu zekdinga, pung ding hi. 13.Tua ciangin misiangtho khat in
adang misiangtho kiangah agenna aw kaza a, nisim biakpiakna mangmuhna leh mawhna
tawh pampaihna, biakbuuk leh misiangthote kituatcilna bang tan sawt ding hiam" ci hi.
14. Amah in kei hong gen in-ah, ni 2300 khit ciangin biakbuuk kisiansuah ding hi, hong ci
hi." Daniel 8:11-14.
Ni 2300 pen ani in atangtung ding hileh leitung tangthu-ah ciaptehna om kha lo hi.
Ahizongin Protestantte in ni khat pen kum khat (Ezek 4:6) acihna tungtawnin ni 2300 pen
kum 2300 in kilet hi. Tua kum 2300 leh nipikal 70 (490 kum) akipat hun kibang hi. Kum
490 sungah, Zeisu in tuiphumna tawh sathau nilhna ngah hi. Hih genkholhna pen Daniel
7:25 ah hun 3 leh alang zong hunkhat ciangin 360 in Judahte in khia uha, kum 1260 hong
suak hi. Tua hun pen "Papa" te zalenlai hun AD 538 pan 1798 A.D (1260 kum) tawh
kituak to lian hi.
Tuni Seventh Day Adventistte bekin Protestant pan-a angah uh ni khat ciangin kum khat
thukhun akinei lai suak hi. Pawl khatin tua sang nuam nawnlo uh ahihmanin "laksimna"
(cultic) , hunkhenna (dispensation), leh Pentecostal kamtuampau leh Roman Catholicte
Puahphat langpanna (Counter-Reformation) sung panin genkholhna khempeuh apiang
khin ahihkei leh mailam thu cihte ah hong lumlet uh hi.
"Amah in Sangpenpa langpanna kam lianpipi gendinga, Sangpenpa' misiangthote vatmai
in, hun leh thukhaamte khek sawm dinga, amaa khut sungah hunkhat, hunnih, leh
hunlang kipia ding hi" Daniel 7:25.
Protestantte in Kii-neu in Papa hi, ci in sang hile uh, banghangin Seventh Day Adventist
Pawlpi' dinmunte sang nuamlo uh hiding hiam? Hih Lai Siangtho mun in tua vaangliatna
in Pasian' thukhaam a2na paai in, a4na Sabbath (Sani) ni pen Sunday ah laih sawm hi, ci
hi.
Kum 1844 a Zeisu' kumkikna lamen-a angakte Zahlatpina pen Mangmuhna 10:9-11 kigen
hi. Vantungmi in Daniel genkholhna bu nedingin sawl-a, akam-ah akhum hangin agil ah
kha hi, ci hi. Zeisu hong kumkik nading thu taangkona in akhum hangin ahong kumloh
ciangin "lai-ah na" hi. Vantungmi in 'genkhol kik in,' ci in sawl lai hi.
"Tua vantungmi kiangah kapai-a, amahin kei ahong gen in-ah, tua Laibu neu kei hong pia
in. La inla ne in; na gil ah kha ding hi. Na kam-ah khuaizu bangin khum ding hi. 10
Vantungmi khut panin tua laibu la in, kanek leh, ka kam ah khuaizu bangin akhum hangin,
ka gil ah a kha hi. 11 Amahin kei kiangah, Mihonte', gamte', pautuamtuamte' leh kumpite'
mai-ah na genkhol lai ding hi, hong ci hi" Mang 10:9-11.
"Biakbuuk" in Adventist masate adingin thuthak kongvang ahi hi. Amuh uh Papa [Kii-neu] in
vantunga Zeisu' siampilian nasepna gu in, selcip uha, amau bawltawm siampiza tawh
asuan khia uh hi. Tua in Zeisu' siampiza nasep leilakah athalkhiatna uh ahi hi.
Adventist masate in Protestantte lakah kum 1800 lai-in "Protestant" langpanna
apiankhiatna mu uh hi. Tua Protestant langpanna ah hunkhenna (sehna) in Pasian
thukhaam 10 leh Moses ii siampi thukhaamte singkhuam tungah kikhai sak hi. Tua hunin
Adventistte in Vantungmi thumte' thupuak (taangkona) (Mang 14) ahi biakna pawlpi
tuamtuamte khalam ah apulhna (buaina) ataangkote in kimu uh hi.
Seventh-day Adventistte in akum tampi sung Khristian dangte tawh akibangin Sunday
nimah Sabbath in natang uh hi. Alam-etna uhin azahlat sak khit ciangin (Mang 10),
vantung biakbuuk khuamuhna in thukhen hun telmuh sak-a [Mang 11:1, 2, 18, 19], tua
thukhenna ah thukhaam 10 kibulphuh ahihlam telmuh uh hi [Thuhilh 12:13,14; James
2:10-12] . Adventist masate 1844 panin hong ding khia uha, Ni Sagihtang Kumkikna
lamen-a angak Pawlpi (Seventh-day Adventists) 1863 kum ciangin kiminvawh zo pan uh
hi.
Tua hun-a kipanin, Seventh-day Adventist Pawlpi in Mangmuhna 12:17 sunga akilang
asiangtho pawlpi bangin "Acianlai (abeibaang) Pawlpi" in kiseh uh hi. "Gulpi in numei
tungah hehmahmah-a, numei suan acianlai suan leh khakte, Pasian' thukhaamte kem
uha, Zeisu Khazih ii teci panna aneite tungah galphuang hi" (Mang 12:17).
Gulpi in eite tawh bangci in galphuang hiam? "Acianlai" (abeibaang) cihpen tam ngeilo
ding hi. Zawma Khristian Pawlpi atukkhit zawh "Acianlaite tawm paisuak ding hi.
Protestantte in zong eite panin kituamseh uha, amaute in "CULT" hongci in, eite
thuhilhnate panin akihepkhiat nadingin midangte hanthawn uh hi. KHAZIH ii Seventh-day
Sabbath atangte pen Judah biakna zuite, ci lai uh hi. Zeisu in mikhempeuh ading hilo,
Judahmite ading hi, cih dongin kalsuan khial uh hi [Mark 2:28].
Khristian mimal khempeuh ii lam-etna in Zeisu kumkikna ahi hi. Ahong kumkik ciangin
kumpite Kumpi, topate Topa in maang ding hi [Titus 2:13]. Tua in "Kumkikna" hi-a, tua
panin Kumkik angakte (ADVENTISTS) suak uh hi. ZEISU in Ni sagih ni Sabbath ii Topa
zong ahi hi [Matt 12:8]. Hihhangin SEVENTH-DAY ADVENTIST te pen adangdangte tawh
kibanglo in Zeisu ah kitualkhiat uh hi:
1) Zeisu Khazih in eite Topa leh mawhna panin hong Honpa hi [Mang 14:6-12]. Mawhna
sungah hong honkhia lo hi (Matt 1:21).
2.) Zeisu Khazih in eite Siampilianpa hi, vantung Biakbuuk ah eite adingin palaina sem hi.
3.) Zeisu Khazih leh biakpiak nading ni siangtho ni.
4.) Zeisu Khazih leh hong kumkikna: minthanna leh vaangliatna tawh Kumpi in maang
ding hi.
5.) Zeisu Khazih leh Hunbeina ading genkholhna acinna.
Pawlpite pen amaute' upna (creed) tawh ding tek uh hi. SDAte in Creed neilo uh hi. A
upna uhpen 28 Upna Bulpi tawh lak uh hi ( <http://www.esk-sdachurch.
com/believe.htm>).
Mitampi takte in Lungdamnathu tumdang aneidiak dingin hong mawhzon uh hi. Lai
Siangtho thak ah, "Mikhat peuhin hih kagen uh banah lungdamnathu dang aneih leh,
samsiatna ngah hen," ci hi. Thukhaam 10 kemin, thukhaam 4na, Sabbath tanna hangin
lungdamnathu dang anei ahong kici ahihleh hong kimawhsak khial hizaw hi.
Seventh-day Adventistte in Vantungmi thumte' thupuak (taangkona) (Mang 14:6-12;
"THREE ANGELS MESSAGES") thupuakin nei phadiak uh hi. Thukhen hun in hih atawntung
lungdamnathu (aneu 6) kitangko hi. Seventh-day Adventistte in Millerite' khanlawhna
lakpanin "Acianlaite" hi uha, "First Day Adventists " zong kici hi.
Tuiphum Pawlpi' license angah William Miller in, kum 1800 hun kipat laite in Pasian a
uplohna panin kikhel in Lai Siangtho sim-in hunbeikuan (hun nunung) genkholhnate na
taangko hi. Tua genkholhnate lakah Daniel sunga ni 2300 vai (Dan 8:14) mukhia hi. Miller
in ni 2300 leh nipi kal 70 (490 kum) genkholhnate kipankhawm ahihlam mukhia hi.
Nipikal 70 sungah Zeisu in Messiah (Daniel 9:24-27) ahihlam leh ni 2300 in AD 1844 ah
bei hi, cih gen hi. (2300 DAYS, see http://www.come2Zeisu.info/2300days.htm.)
Genkholhna ni asim ciangin khial hetlo takin Zeisu hong kumkik ding, lei biakbuuk
ahahsiang ding, cih mu hi. Biakbuuk siansuahding pen vantunga hizaw, cih thu bekah
hong khial hi. Nisehna te maan khin hi [Mang 11:1,2]. Leitung biakbuuk zong kum khat
khatvei na kihahsiang mah hi. Tua ni pen Siansuahni, Yom Kippur, thukhen ni, ci in
Lasiangtho Lui ah kiciamteh hi. Hih lei-a biakbuuk pen ahoihzaw, vangtunga biakbuuk ii
lim hi, ci hi. Hih Siansuahni pen ni 10 antan thunget tawh kivaidawn hi. Lungsim sittelna,
pulaak loh mawhna kanei kha hiam, cih kisittel hun ahi hi. Tua ni ahong tun ciangin
Siampilianpa in mawhna biakpiakna apiakkhit ciangin gansi hong paipih-a, "Siangthobel
Mun" Pasian Tokhom maiah Thukhaam leh hehpihna Singkuang tungah, hong theh hi.
[Mang 11:18, 19; Heb 9:7, 8]. Hihin Vantung biakbuuk-a KHAZIH Siangthobel munah
atawpna thukhenna anei dingin alutna lim ahi hi. Hihpen Vantungmi thumte' thupuak
(taangkona) (Mang 14) ah kilang hi. Tua hi-a, 1844 in vantungah leimi thukhenna kipan
hi, cih hong kilang sak hi.
Vantungmi thumte in zong Thukhaam 10 sunga Sabbath mah pulaak uh hi (Mang 14:7;
Paikh 20:8-12). Lai Siangtho thak sunga kipawlkhop biakpiakna pen [Matt 24:20; Mark
2:27, 28; Mang 1:10] Zawma Pawlpi lampialna in hong kheel-a, Sabbath biakpiak ni pen
Sunday ni tawh kakheng uh hi, ci in pulaak uh hi (Thomas Aquinas, Summa theologica,
II,q.122,a4 ad 4).
Protestant Puahphate in Catholic (RC) te in lawki tangbiakna leh Greek thusuutte
kiangpan atom uh gaamte pom zaw uh ahihmanin tuiphum dan amaan taktak, biakpiak ni
maan taktak, leh asi theilo kha upna khialte nanial lo uh hi.. Gentehna in, Sunday tanna
akipatkhiatna taktak natheih nopleh website ah zong khia in. Vantungmi thumte in bang
taangko lai uh hiam?
"BABYLON kia zo' tua khuapi, banghanghiam cihleh ama hehna zualzanna leenggahtui
tawh gam khempeuh khamsak khin zo hi." [Mang 14:8]. Tang Babylon in khuapi leh
leitungbup kumpigam khat ahi hi. Zawmah zong tuamah bang ah hi hi. Babylon kumpi,
Nebuchadnezzar in thuneihna ngiat tawh Dura zangkuam ah amaa bawltawm milim mite
bia sak hi. Zawma Pawlpi in zong thukhaam 10 a2na ahi milim bia ken, cih hemkhia in,
biakna sungah milim biakna hong lutpih hi, leitungbup thatang biaksak hi.
Pasian in biakna maantaktak anei Protestant Puahphate neizom hi. Gentehna in
Waldenseste, Lutherte, William Millerte hun cih hunte ah bawlsiatna tawh sittelna athuak
uh hangin puahphatna nalenkip uh hi. Ahizongin, Vantungmi khat thupuak akitaangko
laitak kum 1844 pawlin, Protestant upna in "Alangpanna" uh khahsuahin Zawma Pawlpi
lam pawm uh hi. Babylon in buaina cihna hi. Tu hun khalam puukna [Babel] ahi
kamtuampauna zong among tungnailo hi. Mikhempeuhin thumaan abit in za nailo uh hi.
Apuukkhin America ah aom Protestantte in Khazih ii ni sagih Sabbath thukhaam
langpanna in Zawma Pawlpi tawh kipawlin gambup Sunday Law hong bawl ding uh hi.
Sunday ni in van leei theilo, zuak theilo thukhaam ahong bawl uh ciangin, Sapi ciamtehna
hong ngah ding uha, apuukna uh hong picing ta ding hi.
Hih thusia aphuangte tungah Pasian in samsiatna lianpi genkhol hi: "Mi khat peuhin Sapi
leh ama milim abiak leh, ama ciamtehna ataltang tung ahihkeileh akhut tungah angah
dinga, Pasian' hehna leenggahtui, hehpihna kihello, dawn dinga, kaat leh meikuang tawh
vantungmi siangthote mai leh Tuuno maiah haltumna athuak ding hi, ci hi" (Mang
14:9,10).
Sapi nuambat 666 pen Mangmuhna 13 sungah om-a, kii-10 anei Sapi (Mang 13:11) leh
kii-2 anei Sapi in amaanlo biakna hong biasak ding hi.
Hih in Seventh Day Adventistte atawntunga a-upna hi-a, tua Sapi nihna in apuuk America
Protestantte lim hi-a, amaanlo biakna ii Sunday zawhthawhna tawh tangsak ding hi.
Abeisa hun-a, Zawma Khrisitan biakna in, akigensa mah bangin, biakpiakni khelna in Sapi
"ciamtehna" hi-a, biakna lam thuneihna ahi hi. Biakna thuneihna i cih hangin leitung
nainganzi hong zang ding hi. Biakna zualzangna apian nadingin nainganzi mah nazang
khin zo hi (Mang 17;. James 4:4).
Seventh Day Adventistte in agensa mah bangun Pasian thukhaam 10 in suahtakna
thukhaam hi-a, [James 1:25; 2:12] Khazih Piangsakpa Pasian mahmah in Sinai
mualtungah ahong piak suk ahi hi. Abraham in nazui-a (Piancil 26:5), lungdamnathu zong
amaa tungah kitaangko hi (Gal 3:8). Tua thukhaam 10 tawh mikhempeuh thu kikhen ding
hi, cih len uh hi.
Satan leh apawlte in Pasian' thukhaam galdo uh hi (Mang 12:17). Ahihhangin thukhaam
pen upna tawh i kip sak zaw hi (Romans 3:31).
Kum 1844 Zahlatnalianpi pen Mangmuhna 10 leh Daniel 8:14 ah kimu thei hi. Mangmuhna
11 ah upna tawh vantung biakbuuk sungah Zeisu tawh alutkhawmte pen kituuk teh hi.
"Kituuk teh" acih ciangin thukhenna namkhat hi-a, Zeisu bangin thukhaam tawh kituakin
siangtho leh siangtholo tehna ahi hi.
Papa te alal laitak-in Khazih ii vantung palai nasepna kum 1260 (kha 42) sung tuncil uh hi
(Mang 11:2). Mangmuhna 12:14 ah hunkhat, hunnih leh hunlang naci hi. Tua pen kum
1260 (AD 538 panin 1798) sung Zawma Khristian Pawlpi lalhun ahi hi.
Protestant Puahphate in kipumkhat takin tua Zawma Khristian Pawlpi in langpang-Khazih
hi, na ci uh hi (2 Thess 2; Daniel 7:25)). Tuni ciangin, Protestantte in apau uh dawk kik uh
hi.
Adventistte in Lai Siangtho pen upna leh zuihna tuuktehna in zang uh hi. Luther leh
adangte in upna bek sanglap uha, zuihna hemkhia uh hi. Adventistte pen Lai Siangtho
banah kamsanna (Spirit of prophecy) neite ci in kimawhsak hi (Mang 12:17;19:10). Lai
Siangtho telkheh nadingin kua pawlpi in laibu adang laigelh aneilo kua om hiam? Zawma
Pawlpi bangin Daniel leh Mangmuhna ahilhcian nading un "Pretorism" leh "Futurism" cih
bunih nei uha, Adventistte langdo nadingin Protestantte zuak uh hi.
Jesuit siampite in Daniel 9:24-27 sunga kal 70 ah kum 2000+ behlap uh hi. Tuatawh
Puahphate langpan uha, Protestantte' "langpang-Khazih" cih mawhsakna tawh akipelh
nadingun thubeisa hi ci in, Zawma kumpi khankhiatmaa Antiochus Epiphanes tungah suan
uh hi. Seventh-day Adventistte' Daniel leh Mangmuhna tawh kitumkak mahmah hi.
Biakbuuk siansuah ding pen Jerusalem biakinn dingin abulh laitakun Adventistte in
vantung biakbuuk-a, Zeisu thukhenna ah bulh uh hi. Tua thukhenna ah thukhaam 10
kizang ding hi, cih kitaangko lai hi.
Mangmuhna 14:6-12 sungah tawntung lungdamnathu in thukhaam 10 leh Sabbath
thukhaam tawh kithuhual hi. Ahizongin upna tawi sangin zuihna a-enneute adingin
Vantungmi thumte' thupuak (taangkona) pen lungdamna hilo, samsiatna khat hong suak
hi. Kam bek tawh Topa Topa ci in, gamtat hoih lam ding ngaihsut in zong neilo uh hi.
Upna maan taktak aneite in asung uh-ah hehpihna ii nasepna hangin zuihna hong
piangding, cih endik lo uh hi (Eph.2:8-10).
Seventh Day Adventistte in biakna pawlpi taktak hilo in CULT hi, cin kimawhsak lai hi.
ZEISU in "KEI hong bawlsia uh ahihleh note zong hong bawlsia ding uh hi," ci hi. Mite in
Zeisu in Beelzebub (dawi) min tawh dawite hawl khia hi, ci in mawhsak uh hi. Satan in
Thukhaam 10 leh Zeisu' teci panna aneite langpan hi, ci hi (Mang 12:17). Zeisu' teci
panna in kamsanna hi (Mang 19:17).
CULT lamah thukansiam Dr. Barnhouse leh Walter Martin in alaibu gelh uh 'The Kingdom
of Cults' sungah Sevent-day Adventist Pawlpi phualpi ah pai ngiatin, alai-gelhte uh
(abeisa leh tuhun-a te) asim khit dikdek ciangin agenna ah, "Adventistte pen CULT I cih
pen kikhial mahmah hi. Khristian biakna sungah pawlpi khat in sanding hi," ci uh hi.
Adventistte in, amau leh amau pen Protestantte puahkikna azomte' gaam aluahte in
kingaihsun uha, Pawlpi himah hi, cih kipsakna zong gelh akul hilo hi, ci lai hi.
Kum 1800 laite in apuuk Khristiante in a-upna luite uh paai in, amau leh amau CULT hi
ung, acih pen Pasian' vantungmi thupuak (Mang 13 leh 14) ii genna tawh kituakin
Babylon suak taktak uh hi. Lai Siangtho tawh aki thuhuallo upnate phuang uha,
"Laksimna" akici Huhkhenna ii phelkhat, Isaiah 8:19 in adeihloh "kamtuampauna" akici
kuama theihpihloh, aom ngeilo kampaute, leh singkhuam tungah thukhaam 10 kikhaita
(beita) cih, leh Thukhaam limlim azak-a azadah (antinomianism) lampialna hong nei uh
hi.
Pawlpi dangdang khempeuhte in Sunday ni pen Sabbath zahmahin tang ngei uh hi. Kum
1800 khit ciangin a Sunday Sabbath uh sumbawl paaibawl, gualnop zualzan nadingin
hong engzat uh hi. Sani ni Sabbath kitheikhin bek thamlo in, Sabbath tandan ding tu-in
kitheita ahihmanin Pasianin Sunday Sabbath tanna sang nawnlo hi. Tua in tangtawng
zongsatna lui ahi hi.
Seventh Day Adventistte in Mangmuhna 14 tawh kituakin huntawpna thukhen hun in
Zeisu Khazih ii Sabbath i tanding taangko uh hi (Matte 12:8 ; Mang 14:6, 7). Tua in 1844
kum pen ni 2300 abei hun, thukhen akipat hun hita-a, tua thukhenna (biakinn
siansuahna) ah Thukhaam 10 kibulphuh ding ahihleh Sabbath tankul hi, cih akilakna ahi
hi (Daniel 8:13, 14; Mang 11:18, 19). [Calvinism in Adventism en in
<http://www.come2Zeisu.com. au/Calvinism-and-Adventism.htm.
Babylon apuukna pen kum 1000 tampi lai, Pawlpibul panin hong kipan hi. Tua Pawlpibul
in suan leh khak nei hi (Mang 17). Babylon in buaina cihna hi. Mawhbawlna aki-itna ah
buaina om den hi. Tuhun ciangin, hehpihna ci in thukhaam deihlo biakna hong laang hi.
Khangthak Babylon in upna kician neilo, siangthona cihzong veilo hi. Tuhun ciangin,
mawhmaisakna angahte bek misiangtho hi, kici leuleu hi. Tuabang buainate panin Pasian
in apusuak dingin hongsam hi.
Ka nu in Pawlpibul ah hong ciahkik in ci in hong zol hi. Ken amah kadawn kikna ah,
Zawma Pawlpi pen abulpen hilo hi. Seventh-Day Adventist Pawlpi in kum 1863 panin
ahongding khia ahih pat hangin Mangmuhna 12:17; 14:6-12 ah "Acianlai Pawlpi" na ci hi.
"Acianlaite in Pasian' thukhaam 10 te kem beklo in Lai Siangtho tawh kituakin a4na
Sabbath zong Topa ni ci in tang uh hi. Nungzuite tawh kibangin Sani ni Sabbath tang uh
hi. Mawhna alut maapekin Adam leh Evuate in Sabbath natang khin uh hi. Mawhna
sungah apuuk uhciangin Honpa hong paiding na lamen uha, Sabbath tanzong nakhiam
tuanlo uh hi. Tua tungtangah Zawma Pawlpi in abulpen pawlpi hilo hi. Pasian' thukhaam
a2na paai-a, a 4na alaihte, milim biakna akipante, Pasian' pawlpi kici thei mah ding hiam,
kaci hi. Ka nu in Khazih theimanlo leh saangmanloin hong sihsan hi.
CULT=Mi khatpeuh nungzui in biakna zuihna, gentehna in, Laipian biakna.
Translated: Dal Khan Mang, Ph. D.
Adventist upna pen kum 1800 hunlai-a, Kumkikna khanlawhna leh Millerite akici William
Miller ii khanlawhna pan-a ahong khangkhia pawlpi ahi hi. "Ni 2300 ciangin, biakbuuk
kisiansuah ding hi" (Dan 8:14) in Adventistte mualsuang khat ahi hi.
https://www.youtube.com/watch?v=1PI5cq-ThVo
SDA IH CIH KUATE HIAM?
Dotna: Seventh-day Adventist bang hiam? Bang um uh hiam?
Dawna:
Adventist i cih ciangin, kumkikna lamen-a angakte cihna hi. Kum 1800 laite in mite in
Zeisu hong kum maa in kum 1000 kimang masa dinga, hun ahoih lamlam ah kimasuan
ding hi, cih um uh hi. Hih upna amanlohna alak dingin Pasianin Adventistte Mangmuhna
14 sunga Vantungmi thumte' thupuak (taangkona) tawh lak sak hi. Adventistte in Zeisu
nihvei kumkikna lamen-a ngakin Puahphatna ataangkote ahi hi.
Seventh-day Adventist Christiante (SDA) in Khazih sungah piangthak in, Lai Siangtho gelh
apomte hi-a, hehpihna tawh gupna asangte zong ahi uh hi. Zeisu ii singkhuam tunga
asihna bekin gupna hong pia thei hi, cih um uh hi. SDAte in gupna in Pasian hong
piakkhong hi-a, thalawh thu hilo hi, cih um uh hi (Eph 2:8-10). Tua ahih manin Sabbath
tanna in thukhaam thagum zuihna hilo, Zeisu in eite singkhuam tungah ahong gupkhiat
ciangin, eite mawhna panin suahtakna hong pia hizaw, mawhna sungah hong gum hilo
hi[Matt 1:21]. ZEISU in Sabbath manphasak-a, asih ciang nangawnin Sabbath ni in
hansungah tawlnga hi.
Amaan Topa' Ni!
ZEISU in ni sagih Sabbath (Sani ni) ni ii Topa hi (Mang 1:10; Mark 2:28). Judahte Sabbath
singkhuam tungah kilaih khin zongin nipikal Sabbath in Thukhaam 10 ah kihel ahih manin
atawntungin kip hi. Banghanghiam cih leh Isaiah 66:22,23 ah Pasian mahmah in:
"Kabawl ding vanthak leh leithak ah mikhempeuh hong paiding uh-a, Sabbath khat panin
Sabbath khat ah Kei hong bia ding uh hi, ci hi." Sabbath tanna kitatsat ngeilo ding hi.
Eden panin Eden thak ah kizom laiding hi (Piancil 2:1-3). Thukhaam in suang tungah hilo,
satak lungtang tungah kigelh hi (Heb 8; 2 Kaw 3:3).
Seventh-day Adventistte in ZEISU in vantung biakbuuk sungah Siampi lian sem hi, cih
khauhtakin um uh hi. Leitunga aom Moses biakbuuk in ataktak ii lim hibek-a, ataktak in
vantung ah om hi. Tua sungah Pasian' Hehpihna tokhom sungah thukhaam 10 oma, tua
thukhaam 10 sungah Sabbath thukhaam zong om hi. Eite khempeuhin Siampi taktak ahi
Zeisu i nei hi. Tua vantung biakbuuk siangtho akituatcil ding zong Daniel 8:13 leh
Mangmuhna 11:2 ah kigen khol hi.
"Tua ciangin misiangtho khatin adang misiangtho khat kiangah agen aw kaza hi, 'Nisim
biakpiakna, paihthangna mawhna, leh biakbuuk siangtho tuatcil ding vai mangmuhna in
bangtan sawt ding hiam?" (Daniel 8:13).
Lai Siangtho sunga kha 42 in kum 1260 ahihna Lai Siangtho akin ngaihsutte in sangsiam
uh hi. Tua hun pen Zawma Khristian Pawlpi aliat lai in Pasian biakinn siangtho sungah
atupa' siampiza asuah hun uh ahi hi (2 Thess 2). Amau leh amau "Siangtho Pa" kici tawm
uha, ka khialthei kei uh, cilai uh hi. Tua hun pen "paihthangna mawhna hun hi-a, AD 538
panin kum 1798 (Napoleon in sidektak liamna apiak na tawh) in hong tangtung ta hi.
A taktakin Zawma Khristian makaipa in Pasian tawh kikimna latawmin hunte leh
thukhaamte kheltheihna kanei hi, ci lai uh hi.
Daniel 8:14 sunga, kum 2300 genkholhna [nipikal 70 or kum 490 ] in kum 1844 AD ah
tangtunga ZEISU in van biakbuuk asiansuahna ah tangtung hi. Kum 1844, khit ciangin,
biakbuuk lei-ah Zawma Khristian Pawlpi in hongtuancil uh hi. Tuahangin Zeisu' ii vantung
siampiza tangko kul hi.
Ataktakin kum 1844 masiah khempeuh Khristianbup in biakbuuk thu akithei kilkello na hi
hi. Tuiphum William Miller in biakbuuk siansuah dingpen leitung siansuahna hinteh, Zeisu
hong kumna hidinga, mei tawh hong hahsiang ding hi, ci in na um hi. Kum 1800 pawlin
Protestant khempeuhin Zawma Khristian Pawlpi langpan nawnlo in lutkik zaw uh hi.
Protestantte mahmahin Puahphatna hong nialkik uh hi. Tuate lak panin Seventh-day
Adventist bekin Daniel leh Mangmuhna bulphuh in Protestant panmun lenkip lai uh hi.
Kum 2300 pen nipikal 70 tawh kipanton hi (Daniel 9:24-27). Tua in Messiah Zeisu hong
paiding zong genkhol hi. Adang Khristiante in biakinn siahsuahna pen leitung ding mahin
sangin 1844 ciangin 2300 kum bei-a, leitung panin mawhneite Zeisu in ahong kumkikna
tawh haltum ding hi, cih hong suak sak uh hi.
Daniel 7 sunga Kii-neu pen Protestantte in "Papa" ding mahin sang uha, tua in Pasian
biakbuuk pen lei-ah kaikhia ding hi, cih um uh hi. Aneu 11." Vanmite makaipa mai
nangawnah kilian sakin, nisim biakpiakna paimangin biakbuuk omna zong pampaih ding
hi. 12 Nungzui zong kipia in mawhna tawh nisim biakpiakna langpan dinga, thuman zong
leiah thalkhiat ding hi. Athu zekdinga, pung ding hi. 13.Tua ciangin misiangtho khat in
adang misiangtho kiangah agenna aw kaza a, nisim biakpiakna mangmuhna leh mawhna
tawh pampaihna, biakbuuk leh misiangthote kituatcilna bang tan sawt ding hiam" ci hi.
14. Amah in kei hong gen in-ah, ni 2300 khit ciangin biakbuuk kisiansuah ding hi, hong ci
hi." Daniel 8:11-14.
Ni 2300 pen ani in atangtung ding hileh leitung tangthu-ah ciaptehna om kha lo hi.
Ahizongin Protestantte in ni khat pen kum khat (Ezek 4:6) acihna tungtawnin ni 2300 pen
kum 2300 in kilet hi. Tua kum 2300 leh nipikal 70 (490 kum) akipat hun kibang hi. Kum
490 sungah, Zeisu in tuiphumna tawh sathau nilhna ngah hi. Hih genkholhna pen Daniel
7:25 ah hun 3 leh alang zong hunkhat ciangin 360 in Judahte in khia uha, kum 1260 hong
suak hi. Tua hun pen "Papa" te zalenlai hun AD 538 pan 1798 A.D (1260 kum) tawh
kituak to lian hi.
Tuni Seventh Day Adventistte bekin Protestant pan-a angah uh ni khat ciangin kum khat
thukhun akinei lai suak hi. Pawl khatin tua sang nuam nawnlo uh ahihmanin "laksimna"
(cultic) , hunkhenna (dispensation), leh Pentecostal kamtuampau leh Roman Catholicte
Puahphat langpanna (Counter-Reformation) sung panin genkholhna khempeuh apiang
khin ahihkei leh mailam thu cihte ah hong lumlet uh hi.
"Amah in Sangpenpa langpanna kam lianpipi gendinga, Sangpenpa' misiangthote vatmai
in, hun leh thukhaamte khek sawm dinga, amaa khut sungah hunkhat, hunnih, leh
hunlang kipia ding hi" Daniel 7:25.
Protestantte in Kii-neu in Papa hi, ci in sang hile uh, banghangin Seventh Day Adventist
Pawlpi' dinmunte sang nuamlo uh hiding hiam? Hih Lai Siangtho mun in tua vaangliatna
in Pasian' thukhaam a2na paai in, a4na Sabbath (Sani) ni pen Sunday ah laih sawm hi, ci
hi.
Kum 1844 a Zeisu' kumkikna lamen-a angakte Zahlatpina pen Mangmuhna 10:9-11 kigen
hi. Vantungmi in Daniel genkholhna bu nedingin sawl-a, akam-ah akhum hangin agil ah
kha hi, ci hi. Zeisu hong kumkik nading thu taangkona in akhum hangin ahong kumloh
ciangin "lai-ah na" hi. Vantungmi in 'genkhol kik in,' ci in sawl lai hi.
"Tua vantungmi kiangah kapai-a, amahin kei ahong gen in-ah, tua Laibu neu kei hong pia
in. La inla ne in; na gil ah kha ding hi. Na kam-ah khuaizu bangin khum ding hi. 10
Vantungmi khut panin tua laibu la in, kanek leh, ka kam ah khuaizu bangin akhum hangin,
ka gil ah a kha hi. 11 Amahin kei kiangah, Mihonte', gamte', pautuamtuamte' leh kumpite'
mai-ah na genkhol lai ding hi, hong ci hi" Mang 10:9-11.
"Biakbuuk" in Adventist masate adingin thuthak kongvang ahi hi. Amuh uh Papa [Kii-neu] in
vantunga Zeisu' siampilian nasepna gu in, selcip uha, amau bawltawm siampiza tawh
asuan khia uh hi. Tua in Zeisu' siampiza nasep leilakah athalkhiatna uh ahi hi.
Adventist masate in Protestantte lakah kum 1800 lai-in "Protestant" langpanna
apiankhiatna mu uh hi. Tua Protestant langpanna ah hunkhenna (sehna) in Pasian
thukhaam 10 leh Moses ii siampi thukhaamte singkhuam tungah kikhai sak hi. Tua hunin
Adventistte in Vantungmi thumte' thupuak (taangkona) (Mang 14) ahi biakna pawlpi
tuamtuamte khalam ah apulhna (buaina) ataangkote in kimu uh hi.
Seventh-day Adventistte in akum tampi sung Khristian dangte tawh akibangin Sunday
nimah Sabbath in natang uh hi. Alam-etna uhin azahlat sak khit ciangin (Mang 10),
vantung biakbuuk khuamuhna in thukhen hun telmuh sak-a [Mang 11:1, 2, 18, 19], tua
thukhenna ah thukhaam 10 kibulphuh ahihlam telmuh uh hi [Thuhilh 12:13,14; James
2:10-12] . Adventist masate 1844 panin hong ding khia uha, Ni Sagihtang Kumkikna
lamen-a angak Pawlpi (Seventh-day Adventists) 1863 kum ciangin kiminvawh zo pan uh
hi.
Tua hun-a kipanin, Seventh-day Adventist Pawlpi in Mangmuhna 12:17 sunga akilang
asiangtho pawlpi bangin "Acianlai (abeibaang) Pawlpi" in kiseh uh hi. "Gulpi in numei
tungah hehmahmah-a, numei suan acianlai suan leh khakte, Pasian' thukhaamte kem
uha, Zeisu Khazih ii teci panna aneite tungah galphuang hi" (Mang 12:17).
Gulpi in eite tawh bangci in galphuang hiam? "Acianlai" (abeibaang) cihpen tam ngeilo
ding hi. Zawma Khristian Pawlpi atukkhit zawh "Acianlaite tawm paisuak ding hi.
Protestantte in zong eite panin kituamseh uha, amaute in "CULT" hongci in, eite
thuhilhnate panin akihepkhiat nadingin midangte hanthawn uh hi. KHAZIH ii Seventh-day
Sabbath atangte pen Judah biakna zuite, ci lai uh hi. Zeisu in mikhempeuh ading hilo,
Judahmite ading hi, cih dongin kalsuan khial uh hi [Mark 2:28].
Khristian mimal khempeuh ii lam-etna in Zeisu kumkikna ahi hi. Ahong kumkik ciangin
kumpite Kumpi, topate Topa in maang ding hi [Titus 2:13]. Tua in "Kumkikna" hi-a, tua
panin Kumkik angakte (ADVENTISTS) suak uh hi. ZEISU in Ni sagih ni Sabbath ii Topa
zong ahi hi [Matt 12:8]. Hihhangin SEVENTH-DAY ADVENTIST te pen adangdangte tawh
kibanglo in Zeisu ah kitualkhiat uh hi:
1) Zeisu Khazih in eite Topa leh mawhna panin hong Honpa hi [Mang 14:6-12]. Mawhna
sungah hong honkhia lo hi (Matt 1:21).
2.) Zeisu Khazih in eite Siampilianpa hi, vantung Biakbuuk ah eite adingin palaina sem hi.
3.) Zeisu Khazih leh biakpiak nading ni siangtho ni.
4.) Zeisu Khazih leh hong kumkikna: minthanna leh vaangliatna tawh Kumpi in maang
ding hi.
5.) Zeisu Khazih leh Hunbeina ading genkholhna acinna.
Pawlpite pen amaute' upna (creed) tawh ding tek uh hi. SDAte in Creed neilo uh hi. A
upna uhpen 28 Upna Bulpi tawh lak uh hi ( <http://www.esk-sdachurch.
com/believe.htm>).
Mitampi takte in Lungdamnathu tumdang aneidiak dingin hong mawhzon uh hi. Lai
Siangtho thak ah, "Mikhat peuhin hih kagen uh banah lungdamnathu dang aneih leh,
samsiatna ngah hen," ci hi. Thukhaam 10 kemin, thukhaam 4na, Sabbath tanna hangin
lungdamnathu dang anei ahong kici ahihleh hong kimawhsak khial hizaw hi.
Seventh-day Adventistte in Vantungmi thumte' thupuak (taangkona) (Mang 14:6-12;
"THREE ANGELS MESSAGES") thupuakin nei phadiak uh hi. Thukhen hun in hih atawntung
lungdamnathu (aneu 6) kitangko hi. Seventh-day Adventistte in Millerite' khanlawhna
lakpanin "Acianlaite" hi uha, "First Day Adventists " zong kici hi.
Tuiphum Pawlpi' license angah William Miller in, kum 1800 hun kipat laite in Pasian a
uplohna panin kikhel in Lai Siangtho sim-in hunbeikuan (hun nunung) genkholhnate na
taangko hi. Tua genkholhnate lakah Daniel sunga ni 2300 vai (Dan 8:14) mukhia hi. Miller
in ni 2300 leh nipi kal 70 (490 kum) genkholhnate kipankhawm ahihlam mukhia hi.
Nipikal 70 sungah Zeisu in Messiah (Daniel 9:24-27) ahihlam leh ni 2300 in AD 1844 ah
bei hi, cih gen hi. (2300 DAYS, see http://www.come2Zeisu.info/2300days.htm.)
Genkholhna ni asim ciangin khial hetlo takin Zeisu hong kumkik ding, lei biakbuuk
ahahsiang ding, cih mu hi. Biakbuuk siansuahding pen vantunga hizaw, cih thu bekah
hong khial hi. Nisehna te maan khin hi [Mang 11:1,2]. Leitung biakbuuk zong kum khat
khatvei na kihahsiang mah hi. Tua ni pen Siansuahni, Yom Kippur, thukhen ni, ci in
Lasiangtho Lui ah kiciamteh hi. Hih lei-a biakbuuk pen ahoihzaw, vangtunga biakbuuk ii
lim hi, ci hi. Hih Siansuahni pen ni 10 antan thunget tawh kivaidawn hi. Lungsim sittelna,
pulaak loh mawhna kanei kha hiam, cih kisittel hun ahi hi. Tua ni ahong tun ciangin
Siampilianpa in mawhna biakpiakna apiakkhit ciangin gansi hong paipih-a, "Siangthobel
Mun" Pasian Tokhom maiah Thukhaam leh hehpihna Singkuang tungah, hong theh hi.
[Mang 11:18, 19; Heb 9:7, 8]. Hihin Vantung biakbuuk-a KHAZIH Siangthobel munah
atawpna thukhenna anei dingin alutna lim ahi hi. Hihpen Vantungmi thumte' thupuak
(taangkona) (Mang 14) ah kilang hi. Tua hi-a, 1844 in vantungah leimi thukhenna kipan
hi, cih hong kilang sak hi.
Vantungmi thumte in zong Thukhaam 10 sunga Sabbath mah pulaak uh hi (Mang 14:7;
Paikh 20:8-12). Lai Siangtho thak sunga kipawlkhop biakpiakna pen [Matt 24:20; Mark
2:27, 28; Mang 1:10] Zawma Pawlpi lampialna in hong kheel-a, Sabbath biakpiak ni pen
Sunday ni tawh kakheng uh hi, ci in pulaak uh hi (Thomas Aquinas, Summa theologica,
II,q.122,a4 ad 4).
Protestant Puahphate in Catholic (RC) te in lawki tangbiakna leh Greek thusuutte
kiangpan atom uh gaamte pom zaw uh ahihmanin tuiphum dan amaan taktak, biakpiak ni
maan taktak, leh asi theilo kha upna khialte nanial lo uh hi.. Gentehna in, Sunday tanna
akipatkhiatna taktak natheih nopleh website ah zong khia in. Vantungmi thumte in bang
taangko lai uh hiam?
"BABYLON kia zo' tua khuapi, banghanghiam cihleh ama hehna zualzanna leenggahtui
tawh gam khempeuh khamsak khin zo hi." [Mang 14:8]. Tang Babylon in khuapi leh
leitungbup kumpigam khat ahi hi. Zawmah zong tuamah bang ah hi hi. Babylon kumpi,
Nebuchadnezzar in thuneihna ngiat tawh Dura zangkuam ah amaa bawltawm milim mite
bia sak hi. Zawma Pawlpi in zong thukhaam 10 a2na ahi milim bia ken, cih hemkhia in,
biakna sungah milim biakna hong lutpih hi, leitungbup thatang biaksak hi.
Pasian in biakna maantaktak anei Protestant Puahphate neizom hi. Gentehna in
Waldenseste, Lutherte, William Millerte hun cih hunte ah bawlsiatna tawh sittelna athuak
uh hangin puahphatna nalenkip uh hi. Ahizongin, Vantungmi khat thupuak akitaangko
laitak kum 1844 pawlin, Protestant upna in "Alangpanna" uh khahsuahin Zawma Pawlpi
lam pawm uh hi. Babylon in buaina cihna hi. Tu hun khalam puukna [Babel] ahi
kamtuampauna zong among tungnailo hi. Mikhempeuhin thumaan abit in za nailo uh hi.
Apuukkhin America ah aom Protestantte in Khazih ii ni sagih Sabbath thukhaam
langpanna in Zawma Pawlpi tawh kipawlin gambup Sunday Law hong bawl ding uh hi.
Sunday ni in van leei theilo, zuak theilo thukhaam ahong bawl uh ciangin, Sapi ciamtehna
hong ngah ding uha, apuukna uh hong picing ta ding hi.
Hih thusia aphuangte tungah Pasian in samsiatna lianpi genkhol hi: "Mi khat peuhin Sapi
leh ama milim abiak leh, ama ciamtehna ataltang tung ahihkeileh akhut tungah angah
dinga, Pasian' hehna leenggahtui, hehpihna kihello, dawn dinga, kaat leh meikuang tawh
vantungmi siangthote mai leh Tuuno maiah haltumna athuak ding hi, ci hi" (Mang
14:9,10).
Sapi nuambat 666 pen Mangmuhna 13 sungah om-a, kii-10 anei Sapi (Mang 13:11) leh
kii-2 anei Sapi in amaanlo biakna hong biasak ding hi.
Hih in Seventh Day Adventistte atawntunga a-upna hi-a, tua Sapi nihna in apuuk America
Protestantte lim hi-a, amaanlo biakna ii Sunday zawhthawhna tawh tangsak ding hi.
Abeisa hun-a, Zawma Khrisitan biakna in, akigensa mah bangin, biakpiakni khelna in Sapi
"ciamtehna" hi-a, biakna lam thuneihna ahi hi. Biakna thuneihna i cih hangin leitung
nainganzi hong zang ding hi. Biakna zualzangna apian nadingin nainganzi mah nazang
khin zo hi (Mang 17;. James 4:4).
Seventh Day Adventistte in agensa mah bangun Pasian thukhaam 10 in suahtakna
thukhaam hi-a, [James 1:25; 2:12] Khazih Piangsakpa Pasian mahmah in Sinai
mualtungah ahong piak suk ahi hi. Abraham in nazui-a (Piancil 26:5), lungdamnathu zong
amaa tungah kitaangko hi (Gal 3:8). Tua thukhaam 10 tawh mikhempeuh thu kikhen ding
hi, cih len uh hi.
Satan leh apawlte in Pasian' thukhaam galdo uh hi (Mang 12:17). Ahihhangin thukhaam
pen upna tawh i kip sak zaw hi (Romans 3:31).
Kum 1844 Zahlatnalianpi pen Mangmuhna 10 leh Daniel 8:14 ah kimu thei hi. Mangmuhna
11 ah upna tawh vantung biakbuuk sungah Zeisu tawh alutkhawmte pen kituuk teh hi.
"Kituuk teh" acih ciangin thukhenna namkhat hi-a, Zeisu bangin thukhaam tawh kituakin
siangtho leh siangtholo tehna ahi hi.
Papa te alal laitak-in Khazih ii vantung palai nasepna kum 1260 (kha 42) sung tuncil uh hi
(Mang 11:2). Mangmuhna 12:14 ah hunkhat, hunnih leh hunlang naci hi. Tua pen kum
1260 (AD 538 panin 1798) sung Zawma Khristian Pawlpi lalhun ahi hi.
Protestant Puahphate in kipumkhat takin tua Zawma Khristian Pawlpi in langpang-Khazih
hi, na ci uh hi (2 Thess 2; Daniel 7:25)). Tuni ciangin, Protestantte in apau uh dawk kik uh
hi.
Adventistte in Lai Siangtho pen upna leh zuihna tuuktehna in zang uh hi. Luther leh
adangte in upna bek sanglap uha, zuihna hemkhia uh hi. Adventistte pen Lai Siangtho
banah kamsanna (Spirit of prophecy) neite ci in kimawhsak hi (Mang 12:17;19:10). Lai
Siangtho telkheh nadingin kua pawlpi in laibu adang laigelh aneilo kua om hiam? Zawma
Pawlpi bangin Daniel leh Mangmuhna ahilhcian nading un "Pretorism" leh "Futurism" cih
bunih nei uha, Adventistte langdo nadingin Protestantte zuak uh hi.
Jesuit siampite in Daniel 9:24-27 sunga kal 70 ah kum 2000+ behlap uh hi. Tuatawh
Puahphate langpan uha, Protestantte' "langpang-Khazih" cih mawhsakna tawh akipelh
nadingun thubeisa hi ci in, Zawma kumpi khankhiatmaa Antiochus Epiphanes tungah suan
uh hi. Seventh-day Adventistte' Daniel leh Mangmuhna tawh kitumkak mahmah hi.
Biakbuuk siansuah ding pen Jerusalem biakinn dingin abulh laitakun Adventistte in
vantung biakbuuk-a, Zeisu thukhenna ah bulh uh hi. Tua thukhenna ah thukhaam 10
kizang ding hi, cih kitaangko lai hi.
Mangmuhna 14:6-12 sungah tawntung lungdamnathu in thukhaam 10 leh Sabbath
thukhaam tawh kithuhual hi. Ahizongin upna tawi sangin zuihna a-enneute adingin
Vantungmi thumte' thupuak (taangkona) pen lungdamna hilo, samsiatna khat hong suak
hi. Kam bek tawh Topa Topa ci in, gamtat hoih lam ding ngaihsut in zong neilo uh hi.
Upna maan taktak aneite in asung uh-ah hehpihna ii nasepna hangin zuihna hong
piangding, cih endik lo uh hi (Eph.2:8-10).
Seventh Day Adventistte in biakna pawlpi taktak hilo in CULT hi, cin kimawhsak lai hi.
ZEISU in "KEI hong bawlsia uh ahihleh note zong hong bawlsia ding uh hi," ci hi. Mite in
Zeisu in Beelzebub (dawi) min tawh dawite hawl khia hi, ci in mawhsak uh hi. Satan in
Thukhaam 10 leh Zeisu' teci panna aneite langpan hi, ci hi (Mang 12:17). Zeisu' teci
panna in kamsanna hi (Mang 19:17).
CULT lamah thukansiam Dr. Barnhouse leh Walter Martin in alaibu gelh uh 'The Kingdom
of Cults' sungah Sevent-day Adventist Pawlpi phualpi ah pai ngiatin, alai-gelhte uh
(abeisa leh tuhun-a te) asim khit dikdek ciangin agenna ah, "Adventistte pen CULT I cih
pen kikhial mahmah hi. Khristian biakna sungah pawlpi khat in sanding hi," ci uh hi.
Adventistte in, amau leh amau pen Protestantte puahkikna azomte' gaam aluahte in
kingaihsun uha, Pawlpi himah hi, cih kipsakna zong gelh akul hilo hi, ci lai hi.
Kum 1800 laite in apuuk Khristiante in a-upna luite uh paai in, amau leh amau CULT hi
ung, acih pen Pasian' vantungmi thupuak (Mang 13 leh 14) ii genna tawh kituakin
Babylon suak taktak uh hi. Lai Siangtho tawh aki thuhuallo upnate phuang uha,
"Laksimna" akici Huhkhenna ii phelkhat, Isaiah 8:19 in adeihloh "kamtuampauna" akici
kuama theihpihloh, aom ngeilo kampaute, leh singkhuam tungah thukhaam 10 kikhaita
(beita) cih, leh Thukhaam limlim azak-a azadah (antinomianism) lampialna hong nei uh
hi.
Pawlpi dangdang khempeuhte in Sunday ni pen Sabbath zahmahin tang ngei uh hi. Kum
1800 khit ciangin a Sunday Sabbath uh sumbawl paaibawl, gualnop zualzan nadingin
hong engzat uh hi. Sani ni Sabbath kitheikhin bek thamlo in, Sabbath tandan ding tu-in
kitheita ahihmanin Pasianin Sunday Sabbath tanna sang nawnlo hi. Tua in tangtawng
zongsatna lui ahi hi.
Seventh Day Adventistte in Mangmuhna 14 tawh kituakin huntawpna thukhen hun in
Zeisu Khazih ii Sabbath i tanding taangko uh hi (Matte 12:8 ; Mang 14:6, 7). Tua in 1844
kum pen ni 2300 abei hun, thukhen akipat hun hita-a, tua thukhenna (biakinn
siansuahna) ah Thukhaam 10 kibulphuh ding ahihleh Sabbath tankul hi, cih akilakna ahi
hi (Daniel 8:13, 14; Mang 11:18, 19). [Calvinism in Adventism en in
<http://www.come2Zeisu.com. au/Calvinism-and-Adventism.htm.
Babylon apuukna pen kum 1000 tampi lai, Pawlpibul panin hong kipan hi. Tua Pawlpibul
in suan leh khak nei hi (Mang 17). Babylon in buaina cihna hi. Mawhbawlna aki-itna ah
buaina om den hi. Tuhun ciangin, hehpihna ci in thukhaam deihlo biakna hong laang hi.
Khangthak Babylon in upna kician neilo, siangthona cihzong veilo hi. Tuhun ciangin,
mawhmaisakna angahte bek misiangtho hi, kici leuleu hi. Tuabang buainate panin Pasian
in apusuak dingin hongsam hi.
Ka nu in Pawlpibul ah hong ciahkik in ci in hong zol hi. Ken amah kadawn kikna ah,
Zawma Pawlpi pen abulpen hilo hi. Seventh-Day Adventist Pawlpi in kum 1863 panin
ahongding khia ahih pat hangin Mangmuhna 12:17; 14:6-12 ah "Acianlai Pawlpi" na ci hi.
"Acianlaite in Pasian' thukhaam 10 te kem beklo in Lai Siangtho tawh kituakin a4na
Sabbath zong Topa ni ci in tang uh hi. Nungzuite tawh kibangin Sani ni Sabbath tang uh
hi. Mawhna alut maapekin Adam leh Evuate in Sabbath natang khin uh hi. Mawhna
sungah apuuk uhciangin Honpa hong paiding na lamen uha, Sabbath tanzong nakhiam
tuanlo uh hi. Tua tungtangah Zawma Pawlpi in abulpen pawlpi hilo hi. Pasian' thukhaam
a2na paai-a, a 4na alaihte, milim biakna akipante, Pasian' pawlpi kici thei mah ding hiam,
kaci hi. Ka nu in Khazih theimanlo leh saangmanloin hong sihsan hi.
CULT=Mi khatpeuh nungzui in biakna zuihna, gentehna in, Laipian biakna.
Translated: Dal Khan Mang, Ph. D.
Adventist upna pen kum 1800 hunlai-a, Kumkikna khanlawhna leh Millerite akici William
Miller ii khanlawhna pan-a ahong khangkhia pawlpi ahi hi. "Ni 2300 ciangin, biakbuuk
kisiansuah ding hi" (Dan 8:14) in Adventistte mualsuang khat ahi hi.
Lei Lum sang inn thak vai Pa Tuan Dal tawh holimna
Lei Lum Sang Inn Thak Thu Kiholimna (https://vimeo.com/117608219)
Kong it u leh naau a kua maciat:
Lei Lum sang peen tan 4 sang hi aa sang inn lam a kizawh khit phet iin sang kahna iin a kizangh pah ahi hi. Kei mahmah zongh Lei Lum tuiphum biakinn peen sang inn aa a kizatna pan ziingsang sang kipat, ki gualh khit, ciang aa sang naupang khempeuh ka khe uh tawh Lei Lum sang inn thak zuan aa ki gual diudeu sa aa ka pai ni uh, Monday, May 20, 1963, ka mitkha ah phawk tawntung ingh.
Hih sang innpi a luui luat ciang iin Lei Lum sang ading a deihsak, Lei Lum hausa upate leh sang makai te in 2002, 2009 leh 2012 kum iin thum vei vilvel huhna a nget uh hang iin huhna a ngah vet lo uh vai khua hausa pa Pa Suan Lian Mang in November 13, 2013 ni aa a hong gelh lai pan iin ih mu khin zo hi.
A tuung a pat aa ih neih Lei Lum sang huang a golna peen 4.157 acre hinapi, Lei Lum naailung huang vai hang iin khua sung mi pawl khat te ii neihsa leitang kumpi in a suh ciang iin Lei Lum sang huang lampi dung, bual tung teng, ah inn mun hawm sak ahihmanin ih sang huang tampi hong toi tuam hi. Tua ban ah tu laai tak aa sang siapinu in sanghuang kiu, sang paitohna lampi bul ah ama inn lam ahihmanin ih sang huang a hong neu semsem, toi semsem hi. Mai lam hun ah Lei Lum ah sang siapi dang, sang sia dang te in hong tungtung laai ding ahihmanun sia te khempeuh in sang huang sung ah inn hong lam ciat le uh ih sang huang a sawt lo iin bei ziau ding ahihmanin mailam ah khua sung hausa upa te vakhu bang iin migi iin guul bang iin na pil kei leh tu aa ih neih laai sun ih sang huang teng nangawn lalthaang thei kha ding cih lauhuai sa ingh.
2014 September leh October kha sung iin Kawlgam ka va ciah uh ciang iin Lei Lum khua sang iin thak en iin October 1, 2014 ni iin ka va pai uh aa khua sung upa muanhuai Pa Tuan Khan Dal in hong makaih iin ih Lei Lum sangthak thu ka kikum uh hi. Ka kihona uh a tomno, minutes 18:42 sung bek a sawt khat hong khah khia ingh. Hih link pan na en un. https://vimeo.com/117608219 Ka kiho bangbang un kong khah khiat hi aa edit bawl man vet lo hi'ng. Sang huang sung ah vok kikhawi see mawk ahihmanin video sung ah vok music ngaih mahmah zongh hong kihel ding aa gam lum lua peuhmah ahihmanin hong telsiam un cih hong thuum masa ingh.
Theihhuai thu pawl khat a tombunkim iin hong gual sung ingh.
1. Khua sung hausa, upa te leh sang makai te in sang lam nading sum kum pi ah a nget nget uh hang un huhna ngah zo mahmah lo iin cimawh iin om uh hi. Tua ciang iin Japan gam kumpi huhna om ding cih khawng lamen uh hi napi tua zongh ngah tuan lo uh hi. Beidong (cimawh) iin a om laai tak un gamdang a tung Zomi te kiang ah huhna ngen lengg ih gam khantoh nading hong huh nuam om ding hi cih lametna khat bek nei ta uh aa huh ngetna lai zongh hong khak kawi2 uh hi.
2. Lamet loh laai tak iin kumpi pan iin hih Lei Lum sanginn lam thak nading sum hong kia vat hi. Hih huhna sum peen khua sung makai te nget man aa kingah hi lo hi. Sangsia makai te nget man aa kingah zongh hi lo hi.
3. Lei Lum ah kum nih sung khawng bek sangsia a hong sem, tu laai tak aa Zogam bup makai te lak aa a kihel Chin State Minister Sia Nang Mung in hong deihsak luat man aa ama thu aa a hong phuut sak ciang aa a kingah kha zenzen sanginn lam nading sum hi ci uh hi. Hih Lei Lum sang inn thak a kilam theih nading iin kumpi pan huhna sum Ks. 180,00,000 (Teing 180) kingah aa tua bulphuh aa hih Lei Lum sang inn thak a kilam ahi hi. A nektum sak lam hi lo iin ih gam ih lei ading aa kumpi huhna sum hong nget sak Sia Nang Mung tung ah Zomi pi te leh a diakdiak iin Lei Lum khua mi khempeuh te ki lungdam mahmah hi. Lei Lum sang pan tan 4 dong pilna a sin ngei, kei mah Mungno Gualnam ngiat in Sia Nang Mung tung ah lungdam mahmah ungh cih hong pulaak ingh. Sia Nang Mung bang iin ih gam ading phattuamna a pia nuam leh a pia zo, Zomi paallaai tampi hong khang ta hen.
4. Lei Lum sangsiapi Ning Khaw Man leh Lei Lum hausapa Suan Lian Mang te ii makaihna khut nuai ah hih sang inn thak a kilam hi aa kizo ta iin sangkahna iin kizangh ta hi.
5. Pa Tuan Dal tawh kiholimna pan ka zak thu ah innlam company (contractor) te in Lei Lum sang inn peen teing Ks. 150 tawh lam nung ci aa a ngen company om hinapi sang lam makai te in semsak nuam lo hi iin amau leh amau iin cial tawm, zeek tawm uh hi cih gen hi. Contractor te a piak theih lohna uh paulap peen midang khat kiang pan ka zakna ah hih sang inn lam nading sum kum pi in a piak peen sang thak lam nading hi lo aa sang puah thak nading bek ahihmanin contractor te ki lamsak thei lo hi cih thu hi. A pua lam aa business contractor te sep khuan pia lo ahihmanin sang siapinu in contractor sem cih na ahi hi. Hih paulap peen a ki paulap takpi ahih zenzen leh santheih paulap cingtaak hi lo hi cih peen ka muhna hi.
6. Khua sung upa makai pawl khat te in sang inn luui phiat lo iin kipuah beh leh a deih uh hinapi ki thukim kim lo ahihmanun Lei Lum sang inn luui zongh a kizuak hi aa teing 10 bangzah hiam khat khawng ding uh hi cih ki ummawh hi.
7. Lei Lum sang vai ah sum luut tawh kisai iin Lei Lum sang inn lam nading iin kumpi hong piak sum teing Ks. 180 ci uh hi.
8. Tua ban ah sang inn luui zuak man peen teing 10?? bang zah hiam khat hi laai ding hi.
9. Tua ban ah Lei Lum khua leh Zogam a it Europe lam Norway gam aa om Zomi te in Lei Lum sang makai te kiang ah teing Ks. 30 bang khak hi ci iin Pa Nang Sian Thang in hong gen hi. (Teing bang zah lian cih peen Norway pan Na Cin in tel theih ding hi.)
10. Kyat teing 220??? vaal bei iin Lei Lum sang inn thak a zo khin ihih mawk sam hang iin Grade 5 te in classroom nei zo nai lo uh aa sia inn luui neu khiukheu, a zum huai buukno khat zangh laai mawk uh hi. A hong kigen bang lian ahih leh innlam contractor te in tu aa bang lian inn teing Ks. 150 iin hong lam sak henla, kumpi hong piak a omlaai teing Ks. 30, Norway lam pan aa teing Ks. 30 leh sang inn luui zuakna sum kyat teing 10?? Bangzah hiam teng tawh grade 5 te ading iin inndei khat leh a kisam a dang inndei zongh ki lam zo laai mai lo ding hiam cih peen ka zakna tungtawn iin ka lungsim sung ah dotna hong phuul den hi.
11. USA gam sung aa a om Lei Lum khua ading a deihsak Lei Lum tuailaai te in a kidon uh sum lak pan tu ni ciangciang Kyat teing 352.58 (Ks. 3,525,800.00) kikhak khin aa Lei Lum khua sung lam mei bawlna leh Lei Lum han lampi puahna iin a kizat ban ah Leitawhtanh han lampi puah nading iin zongh a kisamh bang iin kizangh laai ding hi.
12. Pa Tuan Dal kiang ah sang inn thak lamna iin sum bang zah bei hiam cih ka dot leh hausa upa te leh khua mi te in bang zah bei hiam cih thei kei ungh a cih mawk ciang iin lamdang ka sa mahmah hi. Sang inn lam makai te pil lua uh maw, Lei Lum khua sung hausa upa te thukhual lua uh maw, hai lua uh aa khua sung aa thupiiang zongh vaan zo lo uh maw? Na sang inn lamna uh teing bang zah bei hong ki ci leh hausapa akipan a kua ma tek in thei lian kei mawk ingh ci mialmual tek ding maw? Bang hang aa 2014 kum aa a kilam sang inn thak ah sum bang zah bei cih ki thei lo, sazian sit khuan om lo, report om lo, cih peen mi mal ciat in na lungsim sung ciat vuah limtak iin ngaihsun un.
Banghang ahizongh'n tu aa ciang sang thak khat a ngah zo lemlem suak ihihmanin Lei Lum hausa upa te, khua sung nu leh pa te khempeuh leh sang siapinu tung ah lungdamna ih pulaak hi. Tua ban ah Lei Lum khua ading a hong deihsak aa kumpi sung pan huhna hong nget sak Zogam Minister Sia Nang Mung, leitung tuamcip aa a om Lei Lum vontawi khempeuh leh a hong panpih khempeuh tung ah lungdamna ih pulaak hi. Zogam sung aa Lei Lum khua a khantoh theih nading iin mailam ah a kisam a om te ah a kua matek maapang khawm diamdiam liailiai laai ni. Ih gam ih khua ih tuui, a ne tum a dawn kang te hi lo iin a puah a vaan zo te hong suak sak ciat zaw ta hen. Genkhialh a om leh hong maaisak un. A kua matek ading iin thupha dim kumthak 2015 hong hi ta hen. Happy New Year 2015!
Thupuak,
Mungno Gualnam (Gin Sian Mung)
Riverside, California, USA
Phone (Cell) 951-403-8319
Phone (Office) 951-509-2370
Phone (Office) 951-509-2370
Sian leh Mung te kiiang pan Moopawi vai lungdamkohna
Kong it Zomi laizom a kua mapeuh:
Ka moopawi uh ah tha leh ngal, sum leh paai, neih leh lam, te tawh hong huh hong panpih, Zomi laizom a kua mapeuh tung ah lungdam kong koh pah ding hi napi manlahna a tuamtuam hang iin tu ni iin lungdamkohna lai hong gelh khia zo pan kahihmanin ka kicinlahna nong theih siam ding uh hong thuum masa ingh. A kim iin lungdamna thu pulaak ning ci lengh sau lua ding ahihmanin a tom thei peen iin hong gelh ingh.
Sunday, November 23, 2014: Ih Zo ngeina bang iin November 23 ni iin Kawlpi aa Pu Awn Za Pau te inn ah moo khakna pawi khat ki bawl hi. Tua hi aa
- Hih moo khakna ah maa hong pang beh leh phung, sungh leh pu, u leh naau, a khual a tual, a kua mapeuh tung ah lungdam hong ko ingh.
- Leipi Tuiphum pawlpi makaipi sia te leh pawlpi mi khangno te' dikna leh thusiamna hang iin nek leh dawn te a hun aa a ki ne zo, moo khakna thugenna te a limci mahmah iin a kizo thei suak ahihmanin pawlpi siapi Rev. Sian Za Mung akipan hong uap sia te, pawlpi mi te leh tha leh ngal tawh hong gimpih Sian ii lawm leh gual te tung ah lungdam thu pulaak ingh.
- Hih mookhakna phual pan Tahan ah moo tawh ciah toh nading aa motor hong vaihawm sak Kawlpi aa om ka sanggam, ka naau, Khan Za Nang te nupa tung ah lungdam thu pulaak ingh.
Monday, November 24, 2014: Tahan aa om ka u numei neihsunh, U Vung Khan Lian in ama' inn peen innpi iin hong zangh sak iin beh leh phung, u leh naau, a khual a tuaal pan aa teng tawh moopawi no khat mah a na bawlna ah nek leh dawn ding leh vanh leh sum te tawh hong pha hong uap khempeuh te tung ah lungdam hong ko ingh. Lungdam koh ding tampi a om lak ah a diakdiak iin:
- Pasian thu leh la te ah kei tang aa ka muan mahmah, vai khempeuh hong vaansak, ka lawm, ka siapa, Pr. Van Lal Chhawna, Tahan Circle Leader tung ah lungdamna lianpi pulaak ingh.
- Tua ciang iin November 22 pan 24, ni 3 bit sinsen, a sun leh a zan ci lo iin video leh lim hong lak sak aa ihmu man lo liang aa video leh lim copy tampi a hun lap aa hong bawlsak, a khawnkhong aa hong huh ngiat Sia Suan Tuang tung ah zongh ka lungdamna lianpi pulaak ingh.
Friday, January 2, 2015: Riverside, California, cidam iin moopawi neuno khat mah ka na bawl kikna uh ah gamla pipi pan hong it lawm leh gual te'n hong uap iin hong pai uh ahihmanun amau te khempeuh tung ah zongh lungdamna lianpi pulaak ingh. Tulsa pan aa a hi thei sun beh leh phung te leh US gam sung aa a teeng ka sanggam ka pianpih laizom teng khempeuh khat zongh peelhem lo iin hong pai ban uh ah a hi thei liai khempeuh a innkuan bup un hong pai tek uh ahihmanun amau teng tung ah zongh lungdamna lianpi pulaak ingh.
Ko hang aa na beina uh sum leh tha tampi te hang iin na innkuan na mimal ciat tung uh ah ih biak Topa Pasian in a zah tampi thupha hong pia beh ta hen. A kua maciat a ding iin tu aa ih zatzat kum thak 2015 peen thupha tawh a kidim kum thak hong hi ta hen.
Lungdam hong ko, na sanggam uh,
Mungno (Gin Sian Mung Gualnam)
Riverside, California
Phone (Cell) 951-403-8319
Phone (Office) 951-509-2370
Riverside, California
Phone (Cell) 951-403-8319
Phone (Office) 951-509-2370
SPICER ALUMNAE ZOMITE TUNGAH HUHNA NGETNA
Dear Spicer Alumnae Zomi Teng,
Hong tung ding 28th January,2015 ah Spicer Centennial Jubilee pawi khaamna om ding hi. Hih Jubilee pawi ah Football Tournament om aa, Seminar in kidemsak hi. Pasian huhna tawh hong tung ding Wed, 28th , 2015 Semi-Final (Meghalaya Vs Myanmar) Match om ding ahihi. Myanmar Seminar in abeisa kum 7, kum 8 sung tang Final kilut zo ngeilo hi. Tu kum pen Myanmar Seminar in Final tun zawhna ding tha ka san laitak uhhi. Hih Myanmar Seminar pan Players akitel teng in Jersey leh Refreshment ding sum kisam ka hih man un, nong pan pih zawh zahzah uh tawh Spicer Alumnae in tha nong piak nang un huhna kong ngen uh hi.
Thursday,29th January,2015 pen Final Ni ding hi.
Khazih Sungah,
Myanmar Seminar Football Players
Posted By Kap Do Thang(President)
Contact: Ph:+919762033403
By,K.D.Thang(TangPua)
'' KA KISUANTAK NA KHAT KA LUNGSIM SUNGAH OM DEN AA, TUA IN, " HUH DING A KI TANGSAMTE KA HUH ZAWH LOHNA AHIHI" -BY KAP DO THANG
Siampi Za Piakna
24, Jan 2015 (Sabbath ni) nitak 6:30, Zangkong Central Biakinnpi YCC ah Ordination Ceremony ah a nuai a Sia sawm te Pasian mai leh mite mai ah Siampi za, khutngak za ki pia hi.
GC Pan Ministerial Secretary Pastor Jerry Page leh azi Jenet Page, SSD pan in Pastor Sinaga te in Myanmar Union ah Intercessory Prayer Conference tentan piakna January 22-24 dong ong neihpih in atawpni sabbath nitak in nopcitak in hih bang thupha, thunamtui ahi, siampiza piakna ah ma kaih uh hi.
Thupha khat pan thupha khat ah ong makaih i biak Topa in Minthan na vangliatna in ong tan sak ta hen.
Siampi Za a ngah i Sia te' min teng:
Nang Do Dal, (MYUM)
Claudius Brown (AYM)
Moe Win (AYM)
Nyunt Win (AYM)
Aung Win Swe, (CMM)
Wai Htoo, (SEM)
Saw Po Khu, (SEM)
Kap Lian Thang (UMM)
Lalrawngbawla, ( UMM)
Thang Kang Lo (UMM)
Khambawi
Nang Do Dal, (MYUM)
Claudius Brown (AYM)
Moe Win (AYM)
Nyunt Win (AYM)
Aung Win Swe, (CMM)
Wai Htoo, (SEM)
Saw Po Khu, (SEM)
Kap Lian Thang (UMM)
Lalrawngbawla, ( UMM)
Thang Kang Lo (UMM)
Subscribe to:
Posts (Atom)