Other tongue - Namdang pau - Kamtuam pau by Pu Tongseal

Thu masa

Kamtuam icih pen, LST lui hun sung na om khin tham hi. Baal pasian kiang thu a ngetciang un, a kitelo bialbual kamtuam pau zangh uh hi. Elizah in bel a kitel mahmah kam tawh a nungta Pasian kiang ah thu ngen hi. LST lui leh LST thaksung i etgai ciang in, kamsang maan te kuamah in, a kitelo kam tawh anungta Pasian kiang ah a thunget lam kiza ngeilo, igen ngeilo hi. Baal pasian kiang kamtuam pau tawh thunget dan a zat uh pen, Paul hun in, Christian te sung ah kimkhat in hong zangh tazen uh hi. Paul in a deih hetlo hang, Vito aana tawh khaktan lo hi. Tu hun Christian tampi te sandan ka zia zua hi. Tua pen, Gulpi deihna hi. Pasian deihna taktak kantel leng LST sung ah siangtak teltak in kigelh hi. OT hun tawh zong i etkak kul hi.

Kamtuam pau icih nam nih (or) nam thum in, telbaih ding kikhen thei

(1) Paul i, a deihlo kamtuam pau pen, kuamah i telo bialbual pau pen hi. "Kuamah i theihlo kam tul 10 ka pau sang in, mitel kamal 5 pau nuam zaw ing na ci hi."

(2) Paul i, a deih kamtuam pau (other language/tongue)- Paul hun lai in, minam tuamtuam te pau 16 - 17 kiim om khinta hi. Corrinto khua pen, tuipi nawl hi in, khualzin, gamvak sum zong te kikhop tuahna mun hi. Minam tuamtuam te un, biak inn hong luut ciang un, a mau pau tawh zong thugen nuam uh hi. Tua kamtuam pau te kham kei un, Paul in a ci hi zaw hi. Minam tuamtuam te amau pau biakinn sung ah a zat ding, kham lo ding. A hihang, a tampen mi 2 bang 3 bang in, gending, kam phen zang ding. Kam phen ding i neih kei leh dai khipkhep lel ding. Kua mah in teltuanlo ding ahihman in, kiman na om lo.

(3) Pentecost lai in, khasiangtho kibuak ciang, nungzui te thugen pen mi namdang ten amau pau ciat un za uh hi.

1 Corinthians 12:8-11 Kampau tuamtuam te, leh kamphen theina te Khasiangtho letsong 1 Corinthians 12:28-30 Kampau - khasiangtho letsong----- Greek pau in - Charisma-  sin tawm thei hi lo. Hong kipia tang hial.  A hihang, mimal khat in, khasiangtho letsong te avekpi in ngahgai thei lo. (1 Corinthians 12:11) Khasiangtho letsong ki hawm kim. Khat in, avekpi tampitak ngah meimai theilo. Thu um mi, mimal sim in letsong ngah kim, a hihang letsong khempeuh mi khat tung ah kipia gai theilo.      

Kamtuam pau icih leh a khiatna

Kam tuam pau icih  “glossolalia,” pen  Greek kamal nih te pan hong pai khia hi,glossa (language or tongue) and lalia (speech).  Tua ahih man in, Speaking in languages or tongues acihna hi lel hi. Glossa pen NT sung ah 50 vei bang om hi. Kampau a genna hi. .James 3:5 meikuang bang kamal Acts 2:3  my joyous speech /tongue.Acts 2:23 atawntung in leitung mi te kampau vive agen na hi. Mark 16:17 Kam thak (grk Kainos) apau ding uh hi. Amau aa ding in, a thak- ahihang tua kampau a zangh sa om khinta. Acts 2:4 Amau un paudang pau uh hi, Dr. Luke i a cih pen, grk. heteros kizang in, amau zatngei pau, inn/khua aa zat ahilo namdang pau a gen na hi lel hi. 

 Hi mite Galileans kampau te hi lo ahi uh hiam? Bang hang in, ei pau ciat in za i hi uh hiam (Acts 2:7,8), mimal khempeuh un amau pau ciat un za uh hi. (Acts 2:6) Language/dialekto/dialect-  Glossa (tongue), Dialektos (Language) tuate gel a kibang in, kizang kawikawi hi. Nungzui te i a kamtuam pau te uh pen, minam dang te theisa, zatsa kampau vive hi. Ahihang in, nungzui te nidang azat ngeilo, pau hi. Vers 9 - 11 na ah, minam kampau om sa ahilam ciantak in kigen hi. Nungzui/sawltaak te un, amau sin ngeilo kampau tawh thugen thei uh hi, tua pen na lamdang hi. Acts sung a, sawltaak te kamtuam pau i etciang, a kitel sinsen, a bialbual het lo Pasian piak a siangtho kamal tawh a pau te uh ih mu thei hi. 

Mangmuhna bu sung ah en cian ni (Revelation 5:9; 7:9; 10:11; 11:9; 13:7; 14:6; 17:15). I “tongue” a kicihna mun te pen, minam omsa te i kampau vive a gen nuam ahi zaw hi. Mark, Acts leh Revelation aa tongue - a gente pen Language / minam kampau te a gen ahi hi. OT sung ah, Samuel nu tapa deihlua aa athu ngetlai in, kap kawm in, kamal kitel melo in, phunsa aa thu a nget leh siampi pa in, zukham sa kha hi. Kapkawm ahihman bek in, a gingkhia lua lo in, amah bek zakhom ding in, a phun ahi hi. Kamtuam pau hilo hi. Paul in, other tongue tampi note sang kapau thei zaw hi a cih pen zong, ama hun, Corinthu kim le paam aa a om kampau nam 16 - 17 omsa te a genna a hi hi. Biak Inn sung ah kamtuam pau ding, kikham kei un a cih zong, tua leitung kampau omsa te, namdang pau te a genna hi. A hihang, tua namdang pau te tawh thu na gen ding uh le kamphen om hen a ci hi. A tampen 2 le 3 ciang bek in gen un, khat khit khat gen un la, kamphen zangh tektek un. Kamphen ding a om kei leh dai khipkhep aa tu lel un a ci hi. Mitelo kampau tul 10 ka pau sang in, mitel kampau malnga bek pau nuam zaw ing na ci hi. 

Sawltaak sung aa, other tongue a cih pen zong, leitung minam tuamtuam omsa te kampau hi. Nungzui te un, thu a gen uh ciang in, mi nautang te un, amau pau ciat un sang uh hi. Kampau icih pen, mite kikaal kizopnang (mi khat le khat kikal communication aa ding) a hi hi. Khiatna nei vive hi. Kamtuam pau pen, thu um lo te aa ding, kikhelna a pian nang a hi hi- Thu um mi te aa ding hi lo hi, Paul in na ci beh lai hi. Paul in, kei kapau ciang in, khiatna nei mel lo in pau leng, huih sung a bei mang ding hi lel aa, kuamah phat tuam na pia lo hi ci hi.  

Ahihang in, a poi na khat ah- 1 Corinthians chapters 12 pan 14 aa a gen te pen, Ecstatic Utterances a kici kuama theih ngeilo bialbual pau te hi. Leitung khua, leitung gam koi mah aa a kizatna mun om lo hi. Kuama theihlo unknown cih kamal pen  1Cor. 14:2, 4, 14, 19 leh 27 hi. Ahihangin, unknown cih kamal pen greek LST original script sung ah om lo, kizangh lo hi. LST kamphen te un, a nunglam ciang a behlap pong uh hi. Paul i LST a gelh lai, Khashiangtho humopna ah unknown /kuama theilo cih kamal kihel lo hi. 

Paul i gen pen, namdang pau a genna hi zaw hi. I pau kamal kuamah in hong telpih kei leh huih sung aa a lengmang mawkmawk hi lel hi ci hi. 1 Cor 14:9. 

I pau ciangin, teltak in kiho na lo ngal khiatna neilo hi. Greek pau in, laleo a cih pen, I speak - kei thugen ing cihn ahi. I pau ciangin, a khiatna neilo a ging nianua bek in kipau lo hi. A kitel melo in, mun ciak lialua gawpna tawh kipau lo hi. NT hunlai a kamtuam pau a cih te uh pen, leitungmi a om sa te i a pauciat un za aa ngai uh hi. Pentacost lai, Jerusalem aa kikhopna a pai khempeuh un a mau pau ciat un za in, ngai ciat uh hi. Tua pen na lamdang mahmah khat hi. Tua kamtuam pau tawh a kilehbulh kuama i theihlo pen, LST kamtuam pau tawh a ki lehbulh hi pah lian hi. NT hun sung, other tongue acih pen, pau a om sa te a gen na hi. Telo bialbual pau a gen hi lo zaw hi.  

Pasian pen, kha hi in, Pasian i biak ciang, Kha leh Thuman tawh bia ding, a cih mah bang in, i biakpiakna zong thuman a hih kul hi. John 4:24 

For God is Spirit, so those who worship him must worship in spirit and in truth."

zopbeh ding- ....

PURPOSE - DEIHNA BULPI BANG-

KAMTUAM PAU / NAM DANG PAU - SPEAKING IN TONGUE

Kamtuam pau i a deihna bulpi pen "COMMUNICATION" - mite tawh kizopna - ministry - Gospel kizel nang - thu umlo mi te .... aa ding hi. 

The main purpose of the "Tongue" Kamtuam pau- 

Gospel message kizelh sak nang, mi tawh kizop nang in, Pasian piak khiat ahi hi.  Paul in Kamtuam pen thu om lo te a ding "sign" hi, thu um te aa ding hi lohi.  . . . ” (1 Corinthians 14:22). "Sign"  (Lim) pen Greek pau in semeion hi. NT sung ah thu um lo te a ding gospel kizel sakna ta in kizangh hi. John 20:30, 31 Zeisu in a nungzui te muhna ah na lamdang tampi bawl hi. Zeisu a um nailo te up theih nang in sign a ki zangh.  Zesu min tawh nuntak theih nang..”  signs (miracles) icih na lamdang te pen, ngimna deihna om lo in kibawl ngeilo. Tua a ngimna pen kizopna nang- communication a ding-  

Namdang pau / Kam tuampau letsong ii deihna taktak pen “for a sign . . . to them that believe not.”  a umlo te a ding hi. Tua ahih ciang in, thu um mi te lak ah, tua kamtuam pau zat pen, khiatna nei lo hi. Tua ban ah, kampau a kitel siuseu mipi omna te ah tua kamtuam pau kisam lo hi. Thu umlo mi te om loh na ah, "sign"  kamtuam pau zat hang khiatna neilo hi. Pasian deihna purpose tawh ki lehbulh hi. Kamtuam pau - sign - letsong a kipia mi pa pen, Pasian in midang tawh kizopna - communication purpose in zat ding a deih bek a hi hi.  

 Corinthian pawlpi in, kamtuam pau pen, zangh khial ahihman in Paul in kamtuam pau ii a diehna taktak "its purpose" a hilh cian kik ahi hi.. Corinthu pawlpi pen, khalam ah picina nei nailo hi. Teltheihna ah, Naupang te bang hi lai uh teh, ulian bang hi ta un, na ci hi. (1 Cor 14:20) Greek kamal (teleios) khiatna pen upatna hi. A manlo kamtuam pau zatna in khaa lam ah upatlona lak hi. Amau zia le tong, a diklo lam Paul in a muh takciang (1 Cor 3:1) Zeisu sung ah nau ngek bang lai uh teh na ci hi. 

Corinthu mi te khalam a picin theihlo na uh pen, LST simlo uh hi. Hi pen Hebrew laikhak sung ah kimu thei hi. Sya za nasep ding uh hun ta kimlai, no pen Pasian deihna hilh hilh kul lai uh teh, tudong nawitui bek ne ne nuam lai na hi uh hiam, an tatak neek hun ta a, ci in Paul in na taai hi. Bawng nawi bek a dawn te un, thuman thutang diktana ding in kicinna nei nailo uh i. An taktak nete kumcing sa te hi. Upatna in sia le pha khensat theina hi.  (Hebrews 5:12-14).Peter in nau ngek te pen, nawitui (pasian kamal) neem tawh kivak kul phot (I Peter 2:2). LST sim lo te, lungbuai a, telkhial gawp ding uh hi.

LST kamal en kik leng 1 Corinthians 14:20. Paul in a mawhsak khit phet in, “Ute Naute aw, na ngaihsutna te uh naupang bang kei un,” thukham/LST in hi ci gen hi, “In the law it is written . . . ” (Vs. 21), hi lai mun ah, a mau thaneem na kawk hi, LST lui a simlo na uh khelkhia hi. Pasian kamal simding kinlo uh hi. Tua man in, khalam khanto na nei thei lo uh hi.  

Kamtuam pau / Namdang pau pau theina pen, Khasiangtho letsong hi. Ahihang in, letsong khat pepeuh pen kizang khial thei hi. A taktak in cileng, Corinthu pawlpi aa ding in, kamtuam pau pen, Khasiangtho letsong a ngah uh kici theilo ding hi. Ahang pen, Corinthu pawlpi pen khalam ah thanem mahmah uh hi. Thahat het lo uh hi. Leitung ninnoi na tawh kidim hi. (1 Cor 3:1-3) Mawhna lian penpen te bawl uh hi ( 1 Cor 5:1)

Tua man in, Paul in Corintu pawlpi te theih ngei, LST khat gen hi. Thukham/LST sung ah hi ci kigelh hi - Mite i pau le ham tawh, muuk tawh mihing te tung ah thu kagen ding aa, amau un hong ngai kei ding uh hi Pasian in ci hi. (1 Cor 12:21)

Paul in Isaiah prophecy gen kholhna te a gen a hi hi. Israel mi te in Pasian thu ngailo ding un, kamsang te thu mang lo ding uh. Pasian in genbeh lai, Israel te pau ahi lo, mi Namdang te pau tawh ... Israel te un Pasian thu za ding uh hi ci in gen khol lai hi. (Isaiah 28:12). Paul in, Isaiah prophecy genkholhna pen, Israelmi te tung ah tangtung kik ci in mu hi. Israel mite thu um lo mi te hong suak aa, "gift of tongues" kamtuam pau letsong a zaak uh, a ngai uh takciang, Isaiah genkholna kicin na, taangtun na hi. 

Kamal “this people”  Isaiah 28:11, acih zong, Israel mi te agen na hi. 

Corithu pawlpi ah kamtuam pau apau uh pen, LST a upman un a ngah hi lo in, LST simding awlmawhlo na pan, apiang, a ngah Kamtuam pau hi. Amau i kamtuam pau pen, kuamah i theihlo kamtuam pau hi. Baal pasian tawh kizopna un, azat paunam te hi. Elizah hun lai, ni Pasian biakna a kizang kamal te hi. Gospel kizelsak nang hi lo, pasian thu than sak nang hi lo. 

Kamtuam pau i deihna, ngiimna bulpi LST munthum sung ah kimu thei hi. 

Sawltak icih Acts 2 tongues-speaking Kamtuam pau pen,  missionary or evangelistic nasepna te ah kizangh in,  Isaiah 28:11  genkholhna tang tun na hi. Sawltak te'n sin tawmlo uh hi, practice kisam lo in,  Gospel thu hopkhiatna un zangh uh hi. Pasian in, pau i kitelo haksatna daalpi pen, namdang pau/kamtuam pau letsong tawh hong phiisian sak hi.Pentecost ni in, Jews mi teVan nuai gamdang, khua, mun ci teng,  tampi te pan kikaai khawm uh hi “Jews out of every nation under heaven” 

Kamtuam pau/ Namdang pau Sawtaak sung ah thumvei kigelh- 

  I. (Acts 2:5). Nungzui te'n Kamtuam/Namdang pau hong pau ziahziah ta uh, khasiangtho letsong tak tak pen hi (Acts 2:4), a za khempeuh in dotna, lamdang sakna hong nei ta “Mimal khempeuh un Amau pau ciat tawh za ta mawk ve ci uh?” (Acts 2:8). Akikhawm te pen,  “Jews” te vive hi Gam tuamtuam pan, pau tuamtuam zangh ta uh a, tuate hong kikhoptuahna ahi hi. Ahihang in, mimal khempeuh un, amau pau ciat un na za uh hi. Tua pen, Isaiah kamsang pa- genkholhna tangtun na hi.

 II. Acts 10:46 Anih vei na kamtuam pau kigen na hi. Hi lai mun ah zong, Gospel kizelh sakna ngiimna tawh kizangh hi. Cornelius leh a inn. Peter in, thugen ka kipat ciang, Khasiangtho amau te tung ah kibuak ci

Hi lai mun pen, Pentecost tawh kibatna  om ve ve hi, ahang pen Peter tawh  (Acts 11:15) Corneliau inn aa Kamtuam pau kipau pen, Jews mite aa ding in Sign (Lim) khat hi. Gospel gupkhiatna thu kizelh sak nang hi.. Gospel thu kigen khiatna, kizelhsakna in a kizangh hi. (Acts 10:44-46).

 

III. Acts 19:6 Hi lai mun ah, a thumvei na ... Sawltaak sung kigelh hi.Hi laisantak ah zong, missianary nasep, evangelistic nasep pen a deihna pi, a ngeelna pi hi. Paul Ephesus hong pai laitak in, John i nungzui 12 te tawh kimu hi. Paul in dong hi. Khasiangtho na sang khin hiam, na upkhit ciang? “Did you receive the Holy Ghost when (not since) you believed?” (Acts 19:2,  R.V.). Ephesus te in John thugen, Apollos tungtawn pan za in, Christians te kici uh hi. Upna gupkhiatna hong tun om na, upna gupkhiatna hong tu lo zong om hi. A nunung pen sin na tawh theihna, lungsim teina tawh upna Satan leh a nungzui te zongh i a neih upna pen hi. (James 2:19. cf. Mark 5:7). 

Tuni mahmah in zongh, Zeisu pen tangthu up in um, Pasian tapa hi ci in zong sang, a hihang gupkhiatna a ngah lo mi tampi om ding hi. Paul in, John nungzui te zong Ephesus ah amuh ciang, tua dan hi in um mawh hi.

Amau gupkhiatna ngah nailo ci in a theih ciang, amau Gupkhiatna ding Zeisu sung ah muan ding gen beh hi. Tua hun lai in, confussion tampi nei uh hi. Tua man in sign / Lim - khat kisam hi. Paul in, amau tung ah  khut a ngak ciang in, Khasiangtho kibuak uh hi. Kamtuam tawh hong pau uh hi.  (Acts 19:6). Hi lai mun ah zong, kamtuam pau a kizatna bulpi pen, Gospel a ding, mitawh kizopna, communication aa ding hi. Ministry aa ding hi. 

Namdang pau / Kamtuam pau icih LST sung a a ki record pen, hi a tung aa teng leh First Corinthians sung bek hi. LST kigelh beh na mun om nawnlo hi. Hih namdang pau, pau theihna letsong pen a tawntung a om hi lo hi. 

Hih namdang pau, sinlo aa pau theihna pen sawltak, nungzui te hun lai in om suak lai hi. Tua lai hun in, LST thak a kigelh saan lai tak a hi hi. Tu hun ciang in pen, a tam zaw theih mah bang in, LST pen, kam nam khempeuh phial in, ki let ta hi. Kam phen ding zong baih zaw ta hi, koi koi ah ki zong, ki ngah theita hi. Bang pau, bang pau ahi zong in, Gospel kizelh sakna ding in, communication lam - 

SATAN pen, LST pilna tawh Degree kipia ding hi leh - buaih / degree tampi a thuap a thuap in a ngah ding pa hi. Satan in thuman nei tuan lo. A hihang in, tua Ph.D, Th. D, Ms D. DD a thuap athuap in a ngah te pilna nei te mah, naakpi tak in zangh hi. Thuman pan a hei khia te, theologian te vive hi. Satan khutzat pi uh hi.  

Deihsakna tawh

Pu Tong Seal