Tangthu tom Nono 2 by Singpu

Luke 15:1-10 Tuu Mang Tangthu leh Sumngo mang taangthu

(Topa Zeisu’ nungzuihna thaman pen manpha mah mah hi. A hi zong in, Topa Pasian’ muhna ah mimal khatciat ih man pen manpha zaw lai hi. Topa in mimal kim in ong it hi, numei hita leh pasal hi leh a kibang in ong it hi. Topa in mimal khat ciat Topa’ lamah ih ki hei ding leh ih nuntak na ih ki piak ding sangin a deih zawk om nawnlo ding hi.)

(Biakna makai te’n Topa Zeisu a ki zuih pen na deih lo mawk uh hi. Tuahang bek bek in, Topa’ Zeisu in Taangthu nih na gen hi. Tua te pen bangzah tak in Topa’ muhna ah khamang thang te manpha hiam cih ong lak hi. A masa pen Tuu Mang Tangthu hi. )

(Topa Zeisu in hih dan in na dong hi-“Tuu 100 nei in, khat pen mansuah hi le cin, a zong ding in na pai diam? Tua na muh teh, na Tuu hon lak ah puak kik ding hi lo na hiam? Na lawm te zawn in, Ka Tuu mang mu kik ta ing ci-in ki ko ding hi lo na hi hiam? Na ci hi.)

(Tua mah bang in, Vantung ah khamangthang khat in, “Aw, kei khial ing ei” a cih laitak tawh a ki kim ding lungdamna pen,  kei pen mihoih hi ing, Topa’ huhna ki sam kei ing cih bang tawh aa tang ko ko Mihing 99 te’n pia zo nai lo hi…..)

(Khamangthang khat ong ki khel sim in, Vangtungah, Vantung mi te’ lungdam lasak na tawh ki dim hi.)

(A Taangthu gen a nih na pen, Nupi khat sumtang 10 nei in, khat mansuah hi. Tua pen ni tha pai a tha lawh tawh kikim zo ding hi. Topa Zeisu in dong leu leu aa, “Tua Nupi nu in, sum tang khat a mansuah pen a inn sung teng zong zong ding aa, munphiat tawh phiat in, lupna nuai en zel, pheek nuai en zel in a muh ma siah zong zong ding hi” cih na gen hi.)

(“A muh tak ciang in, a lawm teng zawn in, ong lung dam pih un, a tawpna ah mu tak tak ta ing! Cih bang dan tawh Ong ki ko ding hi.)

(“Tua mah bang lian in, khamangthang khat in Zeisu um ing, Ama’ huhna ki sam lua ing ong cih tak ciang, Vantung mi te nuam in lasa uh hi.”)

(Topa Zeisu thu gen a zak uh tak ciang (Biakna makai te, Siampi te) in lam dang sa lua in ki en hem ham zen uh hi. Tua leh, Vangtung gam ah mimawh te’ na ngawn ki phawl maw leh, a diak diak in, a sia pen pen te’ zong ee ki sang ding a hi ve maw!!!! Topa, ko te khial ung a cih nak uh leh, Topa in sangkik lua ding aa, Tha Hatna te pia in,  a nun tak na tha uh zong hat sak ding hi. Topa Zeisu in Topa’ VANTUNG GAM lam pi a lak lak na hi gi ge hi. Hih bang pen Topa ih it na leh midang te’ ih it na ih lak khiat theih na lam pi na hi zaw hi.

http://www.houseandhome.org/bible-story-of-the-lost-sheep