Lei Dawhni by Nang Khine

Anlangh Lei kisia, tui in tai, kizangthei nawn mahmahlo, leikhau nangawn laihloh  phamawhta hi.Tui in ataihlai takin vamukha hileng bangzah takin lipkhap huai-in, dahin, khitui nulin, ......in, in, in...Love song phuah le sak i thuahte belpuan bangin nawlkhin photin  dahna, lungzuanla Mauzuang bangin Gungei Lotau tungpan Gawsem tumin guntui luansukna lam mitsuaninkhuadak kawmin mau mauin zuangzuang kawmkawmin Sad Songs tungsawlkha tang nuaiahhuihdam diik kawm, lenmui khua a mial dong Va bang maumau-in ka kiummawh hi. Dahpa banginka lei aw, ka lei aw, Simheisa-Zoheisa bangin ong paalkik aw, ih cihlai takin Anlangh Lei ongkidawh takpi hi. Anlangh khua-a, ka khan sungin ka muhngeiloh agin ka galzakngei bek ahi,Mawtaw nangawn tu in tua lei tungah van khoplua hakkol kitan dektak liangin Meiteigun kantaninAnlangh khua ong tungthei hi.

Lei dawhding ciangin sum le pai, khuakpilna le geel siamna, tha le ngal hatna, ki ngengngenglo-asepkhop diamdiam na, khua-ul luanna leh luangkham liang a thuakna tampi tawh sepna aom man a, Lei kidawhzo pan na hi hi. Dahpa khuangtum banga zan khat thu tawh Lei kikhungthei na hilohi.

Bang dingin Lei dawh kul sese hiam? Dotna dawnna ding tampi om ding hi.

Tu-in Lei kilam kikin kidawh bek thamlo Mawtaw nangawn pai thei hi. Bang hang? Lei tui in ongtaihsakin akisiat man hi. Kisia zenzen kei leh, hih bang Lei muanhuai kinei nailo kha ding hi.Anlangh mi khempeuh Lei ka neihkikzawh manun nuamin ka kipak uh a, Galkap kumpi nangawnin ong nuampihin letsong ( ) bang ong pia uh hi. (bawhlung,TV, Datkhau,.....)

Hihte pen si le sa tawh kisai, gunlei thu hi-a, Khalam thu tawh kisai Lei lam paisuk dih ni.

Judah mite Babylon ah Sal ong tan uh ngaihsun kikkik leng asia lua nahi zenzen lo hi. Bang hang?

Pasian tawh i kizop theihna ding Lei ahi Laisiangtho Ezra leh Nehemiah bu nih ih ngahlawh pah hi. Miriam in Zipporah melsia lai, samkil lai, ci vom lai,,ci-a a koko hangin Zipporah om kei lehMoses leh Moses laisiangtho bu gelhteng neilo kha ding hi hang. A hoihlo, a sia teng mah a hoihdinga a lemlem Khat om na hi hi. Tua in kua hiam cih leh tangtawng pek pana Kei man ong hihning ci-a, ong ki khamkham Zeisu Khazih ahi hi. Tuate khempeuh Ama' khutma vive ahi hi.

Onesimus...onesimus..ci-in, Innteekpa ong kiko buabua hi. Hawi! hiah om ingh, ong kicih lohciangin lamdang sa-in zontheih zonmawhna munteng ong zonzon hang mutuanlo hi. Innsungbemkawm khulhtawngteng zongin a muhloh teh a sum koihna en, sum teng zong om lo, hmm...khuisaa...khuttum zial...khapet...mukik peuhmah leng dopbawllo ding hing. Onesimus leh Philemon Israel gamah tenglo uh hi. Amau tenna Roman Empire ahih manin Sal sil taimang khat aki muhkik leh death sentence singlamteh tungah ..hihtuak lai hi.

Onesimus, silapa (slave boy) in suahtakna (freedom) a deih, a lunggulh na hi hi.

A topa' neihsa vangil adeihgawh pawlkhat la-in, sim taikhiat pih hi. Sun-in bilpi banginsawlkawmteng zuan kawikawi a, zan teh sahang bangin kuama theihloh theihtheih dingin nunglamhei cih omlo, mainawtin ong pai pai leh, Rome khuapi ong tung hi. Hih santakah kibusaleng katopa in ong muzo buang kenteh ci, hikha ding hi. Rome khuapi pawlpi tamna ah ong kibusa hi. 

Tua laitakin Assk ahi lo, Paul pen Rome khua ah under house arrest aa, a omlaitak ahi hi. Paulleh hih sila taimangpa ong kimukha se khelkhel uh hi. Paul in hih tangvalnopa Philemon inn ahmungeiveng aw' ci hikha ding hi. Kamnuam kamkhum tawh ong kiholim uh ahih manin, thulela, nakhempeuh khuttung lumlet ong bang hi. Zomi SDA te zong Paul tawh kimu leucin Christiansuakkha ding na hi uh maw? kidawm un. Onesimus zong Paul tawh ong kimuh teh Christian ongsuak pah hi. Bangdingin Philemon, a topa, pawlpi Upa kiangah a omlai pekin Christian suaklohiam? Ka lawmte khat in " I am a born Adventist" hing ci-in kisial dep hi.

New Christian cih in Mithak cihna hi. Onesimus pen sila, guta taimang, a bubu khat ahi hi. Abukna khuapi Rome panin tai tampi kigamla a topa kianga limlang sungah amai vaki-en ding himawk hi. A ut giugiau na om uh hiam? Ouch! aw' zen-aw' tua hun lai-in internet nei uhhenla, face book khawng pan lim le mel kimu, awging kiza in ki chat thei hile uh deihsakmai ingh.Kei dingin ka kituat teh ut ngaplo lua mahmah hing. Pasian' zia i et teh mawh kimai sakna dingdanpen khat le khat kimu ding, kithum ding, kikum khawm ding, kikah ding, khitui kiluan ding dannahih tuakzaw hi. Kitawngtawng, kiselsel, awtol tawh kiho gakgak denleng, ui nangawn in inn ongzuan nawnlo ding hi. Hehna, thangpaihna te i lungsim sungah ih koihkoih laiteng, i kam sungah gumuammuam tawh i kibanga, sawtvei muam tektek lehang, sawtveipi mah thuaklawh tektekding hi hang. Hih bang a gu i muammuam te gospel pailai, sivuai siimlai taka lawmngaihziau bangsak leng hoih ding hi.

  

Philemon pen Pasian' na asem, pawlpi makai, sila nei ahih teh mihau, a inn zong kikhopna dingakizang ahih teh inn golpi nei hipah hi. A sum apaai teng kiguk sakin lungkham sinkham thuak hi. Philemon laisiangtho bup alian aneu teng khempeuh (bangzah pha hiam) Paul in Philemontungah mawhmaisakna forgiveness a neihna dinga a thumna laikhak ahi hi. Awzol, kamkhum,kammal vive zangin lai na khak hi. Eh! aneu 8 na ah kamkhauh zang mah e. Na sim ve. Philemon pen pawlpi sungah ulian, makai, mihau, belhtakcing mimuanhuai khat hi den hi. A sum kiguksakhi. Paul in na maisak in ci-in laikhak hi. Philemon in maisak zo-in na um uh hiam?

Siate aw, Pasian in tuni-in khatlekhat nakhialhna te uh naki maisak un ci-in ong kun nawnlo hiam?Zeisu' kampaute mangngilh ta ihi hiam? Paul laikhak te envelope sungah simloh dingin koihciplaiding ihi hiam? Pasian in khatlekhat naki maisak un ong cilai veve hi. Mongneilo ITNA in bang ongci hiam? Bangbang nabawl khial khaphial zongun Kong It veve hi. Kong maisakzo veve hi, ong cihilo hiam? Maisak ding cih ciangin khialhna khempeuh munphiah tawh khawmkhawm