Zo Phualva Thupuak - Volume 05, Issue 22

A Sung aa Om Thute:

A SANG ZAW MUN AH

CIDAMNA THU

Sikhum Zunkhum

KAAL SUNG NEWS

Gupna Bucing Crusade

Maranatha Phatna Labu

Dah Pihna

THEIH HUAI NONO

THU ZAKSAKNA

Pawl Lutna

ZSM / CDK

Youth Alive Camp

Laibu Hoih Pawlkhat

Lungdam Kohna

Church Address

"A SANG ZAW MUN AH"

 Tu hun aa Christian tampite in amau dinmunte ngaihsun in, pilna siamna leh laitan neilo kahih teh hisang a dinmun sangzaw kahto theih nading om kei, (ahk) kei bang numei khat a' ding in tua kan a panlak theih nading om kei, (ahk) singtang khuaneu papi khat a' ding in tua dinmun kan a hihtheih ding bangmah om kei, cihte tawh lungkim sawmin khantoh sawm nawnlo uh hi. Mi tampite in tu a dinmun sanga khantoh nading lampi theilo in a sep ngeingei mah uh sem in om uh hi. Pawlkhatte in ahih leh tulaitak a atuah uh taksa leh kha dinmunte ah lamet bei, thanem in om uh hi.

Ahih zongin sanggam aw, hih thu phawk in: tulai takin na si kei a, na nungta hi. A ihmu na hibek a, hong phong ding leh hong khanglosak ding na kisam hi. A nungta nate ciamtehna khat ah "A nungta nate khangto hi" (Living things grow) kici hi. Thu-um mite zong ih up sungteng ih khantoh ding kisam a, ih khantoh nawn kei leh a si (ahk) a sikuan ih hi ding hi.

  Khat vei lai in ukeng-no khat tuikhuk thuk mahmah sung-ah om a, tui pek zialzial in a lungkim mahmah hi. Ni khat ni ciangin, "Nuntakna pen kei ading in hikan bang om nawn ahiam, hih tuikhuk ah ka u ka nau teng tawh om in, ka duhduh kane a, ka utna mun tengah pai in hih sang anuam zaw bang om mawk diam" ci hi. Ahih hangin, nikhat  tuikhuk tungpan khuavak hong taang sesa mu in banghiam cih thei nuam ahih manin tuikhuk bang tungah a kahto kankan hi. A tung atun ciangin a et leh tua a omna tuikhuk sang' azah zakhat val banga zai zaw bual khat va mu hi. Damdam in tua bual lam ah va kin phei a, tua bual atun ciangin a pam lam a va et lai leh tuipi zai mahmah mu lai sawnsawn hi. Bual pan in tua tuipi lam zuan in va pai a, tuipi gei atun ciangin, "Aw tuma lai a ka omna tuikhuk pen hih tuipi tawh teh leng phelkhai gol khat sunga tui dim pan tui taak khat bang bek na hi mawk" ci hi.

Hih ukeng tangthu mah bangin ih Pasian in nang hong lamsang nopna dinmun ii alang lang lang(12.5%) zong atung nailo nahi hi. Pasian in dinmun sangzaw ah hong koih nuam a, na lungsim na-ngawn in na ngaihsut ngei nailo dinmun ciang nangwn hong tonpih thei hi cih um in. Gam laak beh ding tampi na nei lai a, na sik ngei nailoh gamthak ah Topan hong tonpih ding hi. Tu laitak na omna in mailam na dinmun ding tawh na teh ciang tui phelkhai gol dim sunga tui taak khat bang bek hi cih um in. Mihingte bek pen Pasian in ama' lim-le-mel sun a hong bawl ih hi a, piansak na dangte neih ngei loh talent, siamna leh vangliatna thupitak nei a hong bawl ihi hi.

Neurologist (khuak lam asin mi) te in mi mawkmawk khat in ama neih pilna leh siamna pen sawm ah khat (10%) zong zanglo hi ci hi. Sawm ah kua (90%) pen a muhkhiat nailoh leh zatnai loh in om hi cihna hi. Israelte zong Egypt gam pan in Canaan gam a paina uh lampi maan tawn le uh ni sawm kim bek sawt ding hi kici hi. Ahih hangin kum 40 bang a paikhit uh ciangin zong, Egypt gam sangin Canaan gam neh zaw tuanlo uh hi. Ahang in upna a kisap man uh ahi hi. Pasian in a piak sawm gam pen upna tawh mu banlo uh hi. Tu laitak a, amai ah a phutkhak uh haksatna bek mu in phunhat uh a, apai khitna gamte ah kileh kawikawi uh hi. Horeb mual kim ah kual pai kawikawi uh a ni 10 khawng a tun theih ding pen kum 40 hong sawt mawk hi. Tua bangin Horeb mual kim ah a ki vialvial lai un, Pasian in Moses hopih in "Hih mual kim ah sawt na om khin ta uh hi, kithawi in kalsuan khia un la, Amor te mualtung gam leh a kim a gamte va la un, note kong pia khin ta hi" ci hi (Thkna 1:6-8). Tua bang mah in eite zong ih Christian nuntakna pen singlamteh mah lungdampih in singlamteh kiim teng ah ih pai kawikawi hi. Tuni in ih Pasian in "Hih uplahna mual, ki lungkimsakna mual leh lungkim a tawlngak hithiat na mual ah sawt na om khin lua uh hi, ki thawi in kisuan khia un. Gamthak na luah ding uh kong geelsak khin zo hi", hong ci hi. Tuni in nithak, kumthak ahi hi. Hih nithak hong piak sungah Topa in DINMUN SANGZAW AH hong koih sawm hi. Tua sanga zah tampi in Topa'n hong zangh thei a, hong zang nuam hi. Tua na dinmun sang' ahoih zaw ah nang hong koih thei in hong koih nuam hi. Tua thu pen na up ding kisam a, na up kei leh cikmah hun in apiang kei ding hi.

Gualzawhna pen na Lungsim pan Kipan Masa

Kumli hal a kinei den Olympic games kimawlna a tai kidem mi khat in taikhat pen minute 4 sanga tawm zaw in ki tung zolo hi ci in misiamte in ngaihsun uh ahih manin, "Four minutes Theory" na ci uh hi.  Ahih hangin, Roger Banister in hih "Four Minutes Theory" pen sang zolo in, "taikhat pen minute li sang tawm zaw in atun theih lam ka lak ding hi" ci hi. Hong kisin toto in, tai khat pen minute li ma in hong tung ziau mawk hi. Roger in azawh khit ciangin mi 336 tak in minute 4 ma in hong tung theita uh hi. Banghang hiam? Tulai khangthakte nidang a mite sang ahat zawk man hi lo hi. Nidang a mite lungsim ah hi theilo cih lungsim ngaihsutna in na hencip hang bek hizaw hi. Pasian in eite hong piak pilna leh siamnate zangin dinmun sangzaw ah hong koih thei, zong hong koih sawm hi cih ih up masak ding kisam hi. Na lungsim in gualzawhna a ngah masak kisam hi.

Khat vei zan khuamial lak ah papi khat nawhsa takin inn lam zuan a ciah, tungbaih nuam lua lamdawt atawt leh tuikhuk alui thukpi khat mu kha lo a, sik khial in a kia hi. Zan thapai tua sung pan pai khiat ding hanciam napi diang khia zolo ahih manin, zing khuavak ding ngak in a kiu khat ah a tu hi. A sawt-lo in papi zukham khat zong tua tuikhuk lui sung mah ah hong kia hi. Amah zong tam veipi pai khiat sawm napi a paikhia zo pak kei hi. Tua laitak in a kiu a tu papi masapa in aw ngaihtak in a ot san leh, zukhampa lau lua in a tha neih zah tawh apua lam hong diang khia zo hi. Tamveipi a sawm azawh zawh loh pen a lauh luat man in hong diang khia zo mawk hi.

Hih thu pan in eite phawk loh siamna, hihtheihna leh thahatna tampite Pasian in hong pia khinkhian hi cih ki thei hi. Pasian in Ama minthan nading in, tuate zang in dinmun sangzaw ah hong koih nuam hi. Tua ahih manin hun beisa aa Satan hong buaisakna hang tawh haksakna leh thanemna tampi om mah leh mai lam ah Topa hong piak ding dinmun hoihte mu khol inla lungsim khauh takin pan la kik in. A taktak in Satan in na mailam a Pasian hong koih sak dinmun sangzaw pen mukhol ahih manin tu in lamet bei in hong koih nuam hizaw hi. Na hun beisa a minsiatna, haksatna leh zahkona na tuahte pen na mailam a Pasian hong piak ding thupha leh hamphatna na ngah nadingte susia khasak kei in. Pasian pawlpite zong Satan ii hong do-na ahang in mailam hun a Lungdamna thu tangko zo ding dinmun sangpen nei ahih lam thei ahih manin hong do leh hong buaisak ahi hi. Tua ahih manin Satan in nang pen "dotak" hongsakna hangin Pasian tungah lungdam ko zaw in. A sawt lo in nang a' ding zingkhua hong vak ding hi. Na nuntakna ah buaina khuazing a sah semsem leh zong gualzawhna khuavak nai semsem cih phawk in.

          Kongit ute naute aw, hih thute um in na san nak uh leh na nisim nuntakna ah mainawt a khantohna na mu ding uh hi. A hih zongin na phawk det ding thu khat in: tu laitak a na nasep (dinmun) in na mai lam a' ding hong ki tawikhai laitak hi a, Pasian in nang hong sittel hi cih phawk in. Tu laitak a na nasepte lungkim huai tak a na zawh nak leh mai lam hun ah na khantohna ding pen kuamah in hong khaktan zolo ding hi. Na makaite, na seppihte, na galte leh Satan nangawn in hong dal zolo ding hi. Tu a nasep muanhuai tak in na sep nakleh, a hun hong tun ciangin Topa in " Hong kah tota oleh" hong cih hun hong tung takpi ding hi. David zong a gancinna ah muanhuai lua mahmah in, a nasep a zawh zia Topa'n mu ahih manin, Israel kumpi dinmun ah Pasian in  zakhan to mawk hi. Tua bangmah in, Joseph zong  a nasep khempeuh ah muanhuai tak in asep manin, gamdangmi bek thamlo sal miginalo a ki ngaihsut dinmun pan in gam-uk (Prime Minister) ah tungto ziau hi. Tuni pen nang a dingin a lungdam huai ni hi. Hun beisa a na lungsim hong nasakte mangngilh in. A bul pan pan pha kik in. Lungkia kei in. Hih lungdam huai ni pha sungah Pasian in hong koih sawmna dinmun sangzaw lam ento ni. Ih nung lam a haksatnateng mangngilh in, ih mai lam a Pasian in hong makaih nading ah mitsuan in mainawt ciat ni. Topa'n mimal kim thupha hong pia ta hen. Amen.

? Pastor PL Thlenga, Translated by Daniel Shoute

 

 

 

Zo Phualva Thupuak : Volume 05, Issue 21

A Sung aa Om Thute:

KHRIS EITE' DIKNA

CIDAMNA THU

• Tui tawh Damtheihna
  

KAAL SUNG NEWS

• Gupna Bucing Crusade
  
• MARANATHA Phatna Labu
  
• Lungdam Pihna
  
• Dah Pihna
  

THU ZAKSAKNA

• Pawl Lutna
  
• ZSM / CDK
  
• Youth Alive Camp
  
• Laibu Hoih Pawlkhat
  
• Health Talk Om Ding
  
• Lungdam Kohna
  
• Church Address
  

"KHRIS EITE' DIKNA"

 Eite in ih mawhnate pulaak lehang, ih mawhnate hong mai saka, ih diklohna khempeuh pana hong siang sak dingin Amah muan huai-in thutang hi" (1 John 1:9).

Ih mawhnate pulaaka, Ama mai ah ih lungsim ih niam khiat ding Pasian in deih hi. Amah a muangte a nusia ngei lo ding Pa Pasian hi ci-a ih muan ding zong deih hi. Upna tawh kalsuan lo-in muhna tawh a kalsuan mi tampi ih om hi. Ih muh theih nate bek umin, Lai Siangtho sunga a manpha kamciamte ih um kei hi. Ama gen thute muang laha, Topa in hong cih takpi mah hiding hiam, hong khemna peuh ahi diam ci-a ih lung kaat sangin Pasian ih thusim loh zawkna omlo hi.

Ih mawhnate hangin Pasian in hong nusia lo hi. Khialhna bawlin A Kha dah sak kha mah ding hihang. Ahi zongin kisikin, kiniamkhiatna lungsim tawh Amah ih zuat leh Ama'n hong paisan lo ding hi. Ih hepkhiat ding kol-awknate om hi. Ih lungsimte maan lo-in, kiphatsakna, kiliatsakna, lungtomna leh phunhatnate ih nei hi. Tuate khempeuh in Pasian tawh hong kikhensak hi. Mawhnate ih pulaak kula, lungsim sungah hehpihna in na a thuk sepzawk kul hi. Thanema hat lo a kisate, Pasian' mi thahatte suak thei-a, Topa'a ding nasep thupi sem thei hi. Amaute in panmun sang ah na sem ding uha; ang sung ngaihsutna peuhmah nei lo ding uh hi.

Khris' sang ah pilna ih sin kul hi. Ama dikna longal in hehpihna thuciam sunga thuphate khat beek hong ngahsak thei lo hi. Tua thuphate ngah nuamin sauveipi ih hanciam zo-a, ahih hangin, tua thuphate ih ngah theihna dingin a pha ih bawl theih pawl khat om hi cih ngaihsutna nei gige ih hih manin, tua thupha te ih ngah kei hi. Jesu a nungta Honpa a hih lam um lo-in, ei bek ki-enin, ih khawdak nuam kei hi. Eima dikna leh siamnate tawh gupna a ngah dingin ih kingaihsun kei ding hi. Gupna ih ngahna dingin Khris' hehpihna bek mah ih lametna ahi hi. A kamsangpa tung tawnin Topa in, "Mi gi lote in a lampi uh nusia hen la, mi dik lote in a ngaihsutna uh kheel hen. Topa' lamah kihei uh hen. Topa in amaute a hehpih ding hi. Ih Pasian' lamah kihei uh hen. A mawhna uh a mai siang sak ding hi," ci-in kamciam hong pia hi (Isaiah 55:7). Ei' ngaihsutna muang lo-in, kamciam ih muang zaw ding hi. Pasian ih muan taktaka, mawh mai sak Honpa hi ci-a Jesu ih belh taktak leh ih deih theih huhna khempeuh ih ngah ding hi.

Ei leh ei a kihon thei bang keekin ei' tha ih muang hi. Ei leh ei kihon khia zo lo ih hih man mahin Jesu hong si hi zaw hi. Ama hang bekin lametna, mawh mai sakna leh midik suahna om hi. Honpa a nei lo bangin lau-in lung kiat ding hi lo hi. Tua laitak lian mahin eite'a ding Amah in na sema, ih cihmawhna mah tawh Amah zuana gupna ih ngahna dingin hong sam hi. Ih Lawm hoih pen pa ih bawl dan, mawh nei belte zong a hon khia thei pa leh Ama hong itna lian a hong lak den pa ih muanna a neu dan lamdang sak huai mahmah hi.

Ute naute aw, Ama hong hong hot khiat theihna na muan ma-un mawhna tawh kipelh masak kul hi cih ngaihsunin, na thusiamnate un Pasian' maipha hong ngah sak ding ci-in lamen na hi uh hiam? Tua bang lungsim na neih den uh leh, thahatna ngah lo-in a tawpna ah lungkia-a na om ding uh ka lau hi. Gamlak ah lang pang Israel mite a tu dingin Pasian in gul gu neite a khah ciangin, sumngo gul a khai kaang ding leh gul in a tuk liamte in a nuntakna ding un a en sak dingin Mose kisawl hi. Vantung in a vaihawm tua damna a phattuam pih lo mi tampi om hi. A kim a pam uah a si sa leh a si ding a dimin oma, Pasian' huhna a om kei leh a man ahih lam uh kithei hi napi-in, a husap dong uh a liamnate, a nat nate uh leh si ding a hihnate uh thumthum tautau-in, damna a ngah thei pah lian ding kimlai a mit kaang uh dawk sak lel uh hi.

"Moses in gamlak ah gul a khai bangin, Amah a um khempeuh kisia lo-a nuntak tawntungna a ngahna ding in Mihing Tapa kikhai kaang ding hi." Na mawhnate na kiphawk leh a thum a tau-in nitum kei in la, en in la hing in. Jesu bek mah ih Honpa hi. Damna a kitang sam mi awn tampi in Ama hehpihna nial ding uh a hih hangin Ama hehpihna a muang mi khat beek a sia dingin kinusia lo ding hi. Khris lo-a cimawh ih hih lam ih kitheih ciangin lung kiat ding hi lo hi. Kithat napi a hing kik Honpa ih beel ding hi. A cimawh, mawhna tawh cina-a a lung kia mi aw, en in la hing in. Jesu in hong kham zo hi. Amah a zuan khempeuh hon khia ding hi.

Jesu zuan in la tawldamna leh lungnopna ngah ta in. Tu mahmahin tua thupha na ngah ding hi. Na cihmawhna leh nang leh nang thupha na kipiak theih loh na Satan in hong gen hi. Hi mah hi; a cimawh takpi mah na hihi. Na mai ah Jesu laam to in: A hing kik Honpa ka nei hi. Amah ka muang hi. Lungkhamna hong thuak sak ngei lo ding hi. Ama min tawh ka zo hi. Amah ka dikna leh ka lungdamna lukhu hi,' ci in. Kuamah lamet bei kisa kei uh hen; bei lo hi. Mawhna tawh kidim a cimawh na hih lam na kimu kha ding hi. Tua san lian ah Honpa a kisam na hihi. Pulaak ding mawhna na neih leh ziakai kei in. Tua hunte kham zahin manpha hi. "Ih mawhna te ih pulaak leh, ih mawhnate hong mai saka, ih dik lohna khempeuh pana hong siang sak dingin Amah muan huai-in thutang hi," 1 John 1:9. Dikna a duh a deihte kivaak kham ding hi, ci-in Jesu in hong kham zo hi. A manpha Honpa hi! Hong sang dingin a khut hong zan khia-a, thupha hong pia dingin hong itna lungtang in hong ngak hi.

Kimkhatte in a hun ngakin, Ama thuphate a saan ma-un, kipuahpha a hihna uh Topa kisittel sak phot sawm uh hi. Ama thuphate tu mahmahin zong kingen thei hi. A zawngkhalna uh a huh dingin Khris's Kha a hi Ama hehpihna a ngah ding uh kisam hi. Tua lo-in Khristian zia leh tong nei zo lo ding uh hi. Ih hi bang lian-mawhna a dim a cimawh a guaksuakpi mahin Amah ih zuat ding Jesu in hong deih hi.               

Source: EGW, Pawlpi Thu Lamlak, chapter 4.

  

Khawkpi (6) azom : Pasian in Mannei Asakte Sittel

Pasian In Mannei A Sakte Sittel

            Topa Jesu in ih sungah a manpha mahmah khat mu-a, tua pen khangto sak nuam a hih manin, eite haksatna a thuak dinga a hong sam a hihi. Amah in ih sungah Ama min a than sak theihna ding bangmah mu kei leh eite hong hahin Amah nitum nuam lo ding hi. Lingkungte hahin ih mawk gim nuam kei hi. Khris in suang mawkmawkte a pum sung denna lo hi. A mannei sikte bek mah hal hi. 7T, laimai 214.

             Pasian' seh mite in panmun hong ngah ding uh hi. Amau' lungsim banga a ngaihsutnate uh leh a gamtatnate uh a sung a pua uh kisittela, a khialhna uh a kimuh theihna dingin amaute' ginat lohnate a hehpihna tawh Pasian in pholaak hi. Tua bangin amaute in a lungsim uh bawl pha-in a gamtatnate uh puah pha thei uh hi. Amaute in a hoihnate uh puah to thei-a a khialhnate uh a paih khiat theihna dingin a lungsim uh sittela a gamtatna uh a pholaak theihna ding mun ah Topa in mite koih hi. Ama nasemte in amau' lungsim setbupi uh a theih tel ding Pasian in deih hi. Tua banga amaute in sianthona a ngah theihna dingun Pasian in amaute' tungah haksatna meikuang a tun ding phal zel hi. "Ama hong pai ni kua in ngak thei ding hiam? Ama hong kilat ciangin kua ding ding hiam? Bang hang hiam cih leh Amah pummei tawh kibanga, vuttui tawh zong kibang hi. Amah pumzappa leh ngun halpa bangin tu dinga, amaute in dikna tawh antawi a piak theihna dingun, kham leh ngun bangin Levi' tate hahin a siangtho sak ding hi." Malakhi 3:2,3. 4T, laimai 85.

             Kal khat khit kal khat Pasian in a mite makaih hi. A lungsim sung uh a kilat khiat theihna dingin a tuamtuamin hih hi. Kimkhatte in thu khat ah a thuak zawh uh hangin a dang khat ah puuk uh hi. A banbanin, a kician zawsemin lungsim kisittel hi. Pasian' mi hi'ng a cite in a lungsim uh tua nasepna tawh kilehbulh a hih lam a theih uh leh, Topa' kam sung pana siat khiat ding a ut kei uh leh, tua lungsim pen a zawh zawhna ding uh nasep a nei uh a hihi. 1T, laimai 187.

             Pasian'na a sem dingin ih siam lohna ih kiphawk ciangin, Ama pilna tawh hong makaih dingin ih ki-ap leh Topa in ei tawh na hong sem thei hi. Ei' deihna angsung ih paih khiat leh Topa in ih kisapna khempeuh hong guan ding hi. 7T, laimai 213.

Source: Pawlpi Thu Lamlak

 

Zo Phualva Thupuak ~ Volume 05, Issue 20

A Sunga Om Thute:

TAI IN, NA THA NEIH ZAH IN TAI IN.

PHAWK DEN DING:

CIDAMNA THU

Nek-le-Dawn panin Cancer Natna Kingah thei

Cancer Natna Ngah Cilte' Ading

NA NUNGAK LAI-IN KIGING IN

KAAL SUNG NEWS

Revival Crusade

Maranatha Phatna labu

Lungdam Pihna

Dah Pihna

THU ZAKSAKNA

Pawl Lutna

ZSM / CDK

Youth Alive Camp

Laibu Hoih Pawlkhat

Lungdam Kohna

Church Address

"TAI IN, NA THA NEIH ZAH IN TAI IN" Phil. 3:12-21

           

Derek Redmond pen ama' hun lai in leitung ah mite thupimuh leh mi minthng mahmah khat ahi hi. Amah pen, England mi tai hat, England gam min tawh tai kidemna a tai ngei-pa ahi hi. 1985 kum in meter 400 tai kidemna ah British record a break pa ahi hi. Tua kum mah in Roger Black in a mah sang tai hatzaw a, ahih hangin lungkia lo a, ahanciamna hangin 1987 in taihatpen mun hong ngah kik hi. 1988 kum Seoul khuapi a Olympic meter 400 tai kidemna ah kihel sawm a, lamet lohpi in a kipat ma minutes 10 ah a siakmit kim teng a natna hangin a kihel thei kei hi. Kamsiatnna tawh a siakmit teng natna pen 4 vei siuseu ki at hi. Ahih hangin lungkia tuan lo in 1992 Spain khuapi Barcelona a Summer Olympic a neihna ah England gam ai tangin champion ngah nangin meter 400 tai kidemna ah hong tai sawm hi.

Derek Remond in a tai kidem pihte zo toto in semifinal hong kah ta hi. A khatna ngah dingin Semifinal ah tai kidem lai un, amah ahat pen himah leh atawp a tunma meter 250 kisap lai in, kamsiatna tawh a zadang thagui hong kitat in tai zolo in dam damin hong puk sukta hi. Medical teamte leh Security guardte hong tai in Remond pen a pualam ah zawn khiat sawm a, amah ut loin dam tak in hong ding to in, bai kawmsa mah in tai kidemna hong zom to veve hi.

A tai kidempihte in a tawpna tun san khin in a khatna, a nih na, a thumnate zong ki thei khin ta hi. Redmond in a khatna, a nihna, a thumna te ngah nawnlo cih thei mah leh a tawp dong tun sawm in khe bai liangliang mah in hong tai veve hi. Tua bang a bai liangliang a, atai lam amu mipi 65,000 te in a khatna, nihna, thumnate thudon nawn lo in Redmond bek mah thapia in "Redmond Tai in, na tha neihzah in tai in" ci in ding kawmsa in awng ziahziah in tha pia uh hi. Tua banga a ot ziah ziah laitak in papi khat tai kidemna tualpi sungah hong lut a, security te in phallo in a khawl sak sawm uh hangin, "Hua a taipa pen ka tapa hi" ci-in kuaman kham zo lo in a tapa kiang zuan in hong tai hi.

          Redmond pa in khebai liangliang atai a tapa kiang a tun ciangin, "Ka tapa aw, lungkia ken, ih nih in tai ni, hong huh ding hi'ng" ci in, a tapa khut pen a aliang ah batto in a, dam dam in a pata un hong taita uh hi. Redmond zong amah lainatna lianpi tawh a huhpa pen a pa ahih lam a theih ciangin, hong kap khia in, kap kawm sa mah in tai kidemna atawp atun dong hong tai uh hi. Tua ni a mipite ot ziahziah kan a thapiakna Olympic games om nai lo hi. A zingciang in tadensa a laimai masa pen ah Derek Redmond te pata, kikawi kawma a taina lim lianpi kisuang khia a, mite in a khatna, a nihna a thumnate sangin lungdampih zaw uh hi.

Kong it sanggamte aw, eite zong ih Khristian nuntakna lampi tai kidemna ah tamveipi liam thuak in gim in, ih bah hun om kha thei mah hi. Pawlkhatte ih lawmte'n hong liam sak in, pawl khatte ih naseppihte in hong liamsak thei hi. Khat veivei ciang ih zite, ih pasalte, ih tate na-ngawn in hong liam sak thei hi. Tua bangin tawl lua tha beilua mahmah in ih om thei hi. Ahih hangin Redmond bangin ih hat kei ta zongin hih Khristian tai kidemna ah khawl loin tai teitei ni. Vantung a om ih Pa in hong huh dinga, a khatna, nihnate ngah lo himah leng, atawp dong ih tai nak leh Topa in eite thaman letsong hong pia veve ding hi. 

Kong it u leh naute aw, eite tai kidemna ah ei guak bek ih tai kei hi. Vantung aa om, ih Pa in eite hong taipih hi. Haleluijah. Ih khitui luannate, ih thanemnate, mi hong liamsaknate hong mu ahih manin amah om khong thei lo hi. Eite tai kidemna tualpi ahi hih leitung ah eite hong huh dingin Amah hong lut in, Amah eite thaman letsong hong pia ding pa ngiat in hong taipih hi. Lungkia kei ni. Mawhna tawh kidim mahleng, eite mawhna hong maisak in eite ama tate dingin hong koih zo hi. A khatna, nihnate ngah lo ding himah taleng, atawp dong taite thaman pia dinga a kamciam ih Topa in eite tua thaman letsong hong pia ding hi. Atawp nading kung ih tun mateng tai ni. Topa'n minthanna tang tawntung in, lai sim mimal khempeuh thupha hong pia ta hen. Amen.

 ? Pastor PL Thlenga, Translated by Daniel Shoute.

 

2015 Kum leh United Nations Sustainable Development Tawh Kisai

Kum 2015 Leh United Nations Sustainable Development tawh Kisai Theihhuai  Thu

              United Nations in a beisa September 8 2000 ni kipan 2015 kikal kum 15 sung pen United Nations i kiginkholhna hun ci-in [United Nations Development Goal] mungtup hong koih uh hi.Hih UN ki ginkhilhna hun in, 2015 khit U. N. ki makaih zia ding United Nations Sustainable Development a ding a, kiginkholhna hun ahi hi.Tua leh hih zah a, ki ginkholh keei na dingin United Nations Sustainable Development in bang hi-a, bang mungtup leh ngimna nei hiam? cih i theih ding kisam hi.Tua leh Sustainable Development Goal in bang ngimna nei hiam cih kikum suk ni.

     Hih Sustain cih kammal tawh kisai Webster New World Dictionary in hih bangin gen hi.

    Sustain -  to keep in existance, to provide for the support of, to keep up, to undergo or suffer (an injury or loss) etc.

  Om sak , piangsak,a om theihna dingin tha pia ding, thapia panpih ding , lutsak,thuaksak , liamsak ,sumsak taansak cihna hi. 

  Tua ahihman in hih Sustainable Development in lutsak thuaksak ,liamsak nasak ,sumsak taansak theihna dingin ki ginkholhna cihna hikha dingin muanmawh huai hi. Banghang hiam cih leh  "Mi khat peuh in, Lucifer a biakna dingin kiciamna abawl kei leh Leitung Thak Thupiakna sungah luttheilo ding hi. Mi khatpeuh in Lucifer bia te tawh thukimna a bawl kei leh Hun Thak sungah luttheilo ding hi ci-in David Sprangler United Nations Planetary Initiative Director pa in na genngei khin hi. "No one will enter the New World Order... unless he or she will make a pledge to worship Lucifer. No one will enter the New Age unless he will take a Luciferian Initiation". Mangmuhna 13:16, 17 Tua ganhing in a lian a neu, a hau a zawng , sila leh sila lo,mi khempeuh a taklam khuttung ahihkei leh a khuttung uhah ciaptehna a neihna dingun thu apia hi.Tua ganhing min ahihkei leh a min tangin a ki zang ciaptehna a neilo peuhmah vanlei vanzuak theilo ding uh hici hi.Mangmuhna 13:15 Tua ganhing nihna in masa sapi lim dingin a kibawl lim ( sunday) a bialo khempeuh a thahtheihna dingin thu a pia hi ci hi.

Hih van lei van zuakna tawh kisai Buckminster Fuller in 2005 kumin hihbangin genngei hi."Dont give me any other job. Just let me be head of the World Food Authority, and I will have the whole world at my feet tomorrow. Kasep ding adang hong pia kei unla, leitung bup annek tuidawn tawh kisai , alianpen in hong koih leuh cin zingteh leitungbup ka khe mai-ah ka koih ding hi ci hi. Source; Is Antichrist in the world to day.p.13 . Hih lei theilo zuak' theihloh hun ciangin Buckminster gen mah bangin, van  annek tuidawn tawh hong pan masa nuamuh ahihman in leitungbup annek tuidawn tawh kisai Food and Agriculture Organization (FAO) phualpi pen Vatican,Italy ah na om gige hi.A taktak in cile hang ut le-uh tun zong a hihthei lua uh nahi hi.

"Lucifer works within each of us to bring us to wholeness, and as we move into a New Age…each of us in some way is brought to that point which I term the Luciferic Initiation, the particular doorway through which the individual must pass if he is to come fully into the presence of his light and wholenesss. Lucifer prepares man in all ways for the experience of Christhood… The light that reveals to us the presence of the Christ…comes from Lucifer. He is the light-giver, he is aptly named the Morning Star because it is his light that heralds for man the dawn of a great consciousness …He stands…as the Great Initiator, the one who hands the soul over to the Christ." 'Reimagination of the World' by Spangler and William Bloom.p. 9

Rom 13;11:14 ah Tuhun pen bang hun hita ahi hiam,ci-in theita nahih manun, note in khuaphawk in ihmutna panin na khan'lawh ding hun uh hita a, leitung haksatna panin eite hong ki hotkhiat ding hun in eite upmawhna sangin hong naizaw ta hi.Zan khuamial bei dekta a,sun khuavak hong tung dektak ta ahihman in khuavak sunga om mite bangin gamta ni.Gualnopna leh zu khamna, mawhna leh thangtatna, kitotna leh hazatnate tawh i hun beisak kei ni.Kidalna dingin, i Topa jesuh khrih hong piak galhiamte zang unla, na pumpi uh deihna bangin gamta nawn kei un ci hi.

  

      8th World Meeting of Families    

       A (8 veina)  Catholic Pawlpi i leitungbup khawmpi pen hong tung ding Sept 22-27 hun sungin Philadelphia,Pennsylvania ah ki bawl ding hi.Hih khawmpi pen Pope John Paul II in hong phuatkhiat hi in 1994 kumin Rome khuapi Italy ah ki bawl hi.A nihvei na Rio de Janeiro, Brazil ah October 4-5 1997 kum in ki bawl hi.A thumvei  October 4-5 2000 kum in Rome khuapi Italy ah ki bawl kik hi. A livei na January 25-26 2003 kum in Manila, Philippines ah ki bawl hi.A ngavei na pen July 1-9 2006 in Valencia, Italy ah ki bawl hi.A gukvei na January 13-18 2009 kum in Mexico City, Mexico ah ki bawl hi.A sagihvei na  May 30- June 2 sung Milan khuapi Italy ah ki bawl hi.Hong tung ding Sept 22-27 Khawmpi in U.S. gam sungah a masa pen ahih manin nakpitak in kigingkhol uh-a, U.S. kumpi in a sumtang tawh a huhlianloh hangin,biakna leh kipawlna ,company tuamtuam te in sum tang tawh panpih uh hi. Hih pawi sim dingin gam tuamtuam 150 panin pawlpi mi,l eitung mipil misiam tampite leh kumpi tuamtuamte pai ding uh hi. Hih Philadelphia khua pen The Constitution of United States hong ki gelh khiatna mun ahih banah, hih World Meeting of Families hong phuankhia pa Pope John Paul II 1979 kumin na hawh ngei hi. Satanic thusim kipawlnate lakah huzap anei mahmah khat ahi SKULL & BONE zong hih Pensylvania panin hong phuatkhiat uh ahi hi. Hih kipawlna ah president Bush te pata zong na kihel uh hi. Bek thamlo in American Bible Society in New York  khuapi ah (Head Quater) zumpi a neihzawh kum 200 bang sawtkhin hitamah leh tukum kipat lamin Pensylvania ah hong ki tuah uh hi. Hih Khawmpi tawh kisai Pensylvania Archbishop Chales Chaput i genna ah,"This place of Pennsylvania will be the beginning of another revolution. Not American revolution, the evolution of  Family Love and Family Life in  the 21st century.

United Nations Secretary General Ban Ki-moon leh U.S. kumpite sapna tawh ki zuiin hih khawmpi sim  dingin Pope Francis I zong pai ding hi ci-in March 19 ni-in Vatican Radio in hong puangkhia hi.Sept 23 ni White House hawh ding a, nung kum a Barack Obama tawh Vatican a, a thu kikupna uh zom ding uh hi ci-in Vatican Press secretary in gen hi.Sept 24 ni-in U.S.Congress ah thu gen ding hi.Sept 25 ni ciangin General Assembly of the United Nations ah thugen ding a, tua khit ciangin Philadelphia lam ma nawh ding hi.Source Zenit ,March 27 / 2015  

2015 kum in United Nations a dinkhiat zawh a kum 70 cinna kum ahihman in U.N. member gam khempeuh in Leitung khuahun siatna tawh kisai (climate change) , ki lemna,ci damna leh sustainable development tawh kisai-in kikupna leh khensatna om ding hi ci-in Secretary General Ban Ki-moon in 3/19/2015 in Vatican Radio ah gen hi.     

Sept 4 2014 (CNS) Kilemna tawh kisai ahihleh United Nations sangin Pope Francis in a thahat zaw, huzap a neizaw hi. Tulai gal kidona te a beisak zo dingin Pope Francis simloh a ki zahtak ding kuamah omlo hici-in Simon Peres in gen hi.

United Nations i New World Order pen 2001 kum January kha in kipan leh kilawm hi napi in Sept 8 2000 ni in hong kipan hi.Hih New World Order hong kipat zawh kumkhat leh nithum a cin ni Sept 11/2001 in New York World Trade Center hong kicim hi. Bek thamlo in 2015 kum pen United Nations hong dinkhiatzawh a kum 70 cinna [70th Birth Day] tawh hong kituak hi. Tua ahih manin  Sept 25th 2015 ni a New York khuapi a, kibawl ding U. N. General Assembly of the United Nations in United Nations Sustainable Development Goal in hih Sept 25 in kipan ding hi ci-in July 2/ 2015 ni-in Vatican Radio in hong tangko khia uh hi. Mangmuhna 13:11,12 Tua ciangin leisung panin a hong pusuak ganhing adang khat ka mu hi.Tua ganhing in tuu bangin kii nih nei a, a kampau zia pen gulpi tawh kibang hi. (U.S.A.)Tua ganhing masa aana khempeuh zang a, a liamma a damsa tua ganhing masa pen leitung leh atunga om khempeuh aana tawh a biasak hi ci hi. Hih Laisiangtho genkholhna pen tukum tukha in hong tangtung ding suak hi kum hi.

Tua ganhing in kii nih nei a, a kampau zia pen gulpi tawh ki bang hi ci hi.Tua leh Gulpi bang ci pau hiam en dih ni.Piancilna 3:4 Gulpi in numei kiangah ,na si kei ding uh hi.Banghaang hiam cih leh tua singgah na nekuh ciangin na mitte hong vakin,a sia leh a pha thei-in Pasian nabat ding lamtak uh Pasian in thei hi ci hi.Hoih tuak mahmah napii-in tua singgah hong nek uh ciangin natna, gimna leh sihna dong hon  hi. Hih gulpi kampau bangngei mahin leitung kilemna a om theihna ding , cidamna ding leh khuahun siate panin i suahtak theihna dingin leitung mihing khempeuhin khut kilen a, na semkhawm ding hi cih pen U.N. Sustainable Development Goal ahi hi. Na ut kei-a, thu naman kei leh bawlsiatna thuak ding cihna hi.

Mite in, "Kilemna om hi,bangmah patauh ding omlo hi acih laitakun, thakhatthu-in amaute tungah siatna tungvat ding hi. Nausuah natna bangin gimna thuak ding uh a, kuamah suakta lo ding uh hi.Ahi zongin note na hihuh leh khuamial gamtatnate gamta lo na hih manun guta bangin tua Ni hong tun ciangin lamdang na sa kei ding uh hi.Banghang hiam cih leh note in khuavak gamtatna nei in, sun khuavak mite nahi uh hi.Tua ahih ciangin midangte bangin eite mawk om hithiat loin khuaphawk in pilvang ni ..1 Thessalonian 5:3-6

     

    New  World Order [Leitung Thak Thupiak] Tawh Kisai Pope Francis in gen

Leitung beina ding tawh kisai Pope Francis kiangah a dot uh ciangin hihbangin gen hi. Hih leitung beina ding tawh kisai pen dotna omzel mah hi. Jesuh nungzuite nangawn in hih dotna na dongzel uh hi. Hih dotna in khanglui thudotna hi-a, Pawlpi nangawn in hih dotna pen dawng theilo a, Pawlpi makaite in hih leitung leh mihingte  beina ding hun theilo uh hi. HIh leitung pen mawh in susiakhin ahihman in hih leitung beimang ding hi. Ahi zongin, Pasian in leitung thak hong bawlkholhsak hi ci-in hong kamciam , hih leitung thak ah [ in this new world ] thuman ki lenkip in, thuman bangin ki kalsuan ding ahihman in leitung mihingte in tuiduh banga a lunggulh uh kilemna leh daihna te hih Pope Francis hangin hong om ding hi. Leitung beina icih in hih leitung kisia maimang ding cih hilo in thuman tawh a etlawm leh a deihhuai zaw a kikhel na hizaw hi. Hih Jerusalem thak ahihkei leh hih Paradise thak i tuntheihna dingin Pawlpi [catholic] in hong kikhel toto sak ahi hi ci hi.

Pope Francis thanksgiving mass for Canadian Saints in St.Peter's Basilica at the Vatican, Pope Francis said people had been spontaneously thinking about how the final passage will take place and what will happen to humanity and to the world that surrounds humans. He said these questions exist and, in fact, even the disciples of Jesus had the very same questions. He added these questions are ancient human questions. He said even the Church knows no answer to these questions. Church leaders do not know the time for the "consummation of the earth and of humanity." Yes, the Earth is already deformed by sin and this world shall pass away. However, God promised a new dwelling place and a new Earth is being prepared; in this new world, justice will abide and God shall answer and quenched humans' longing for peace With this, Pope Francis said, the end of the world is not actually a destruction of the world but rather a transformation to a new truthful and beautiful universe. "It is not an annihilation of the universe and all that surrounds us, rather it brings everything to its fullness of being, truth and beauty," the Pope told the pilgrims.The Church shall evolve towards this transformation, towards the "new Jerusalem," or "Paradise." He emphasised this transformation is more than a place but a state of being. "We will all find ourselves up there! All of us in heaven," - thinking this way strengthens our soul, he said.         Source;Vatican Radio October 12, 2014.

 

  Pa Pau Khaw Lian 
    NewAge Ministry
       918 896 7882

MARANATHA Phatna Labu Kilei Theita.

​Dear Zomi U leh Nau,

Malaysia KL pawlpi hanciamna tawh a kibawl MARANATHA Phatna Labu (AY Labu) pen September 18, 2015 ni, Vesper service hun ah thungetna tawh kithoh khia ta hi. Pastor PL Thlenga (special guest) leh Siate upate kigawm mi10 te in Topa tungah apna hong neihsak uh hi. A masa in Sia Mungtong (Church Pastor, KLAC) in labu bawlna thu leh MARANATHA ii khiatna te hong gen hi. Tua khit teh, Pr. PL Thlenga in lungdam pihna thugenna tomno hong nei hi. 

​Hih labu sung ahuam kim in en leng: AY late, khanlawhna late, phatna leh biakna late la tomno leh tuhun aa Pasian' sathau nilhte kigawm dawng 366 om hi. Tua khitteh naupangte late zong dawng 32 om aa, a nung lam ZBC (Tedim Labu, 2011) sung pan selected dawng 114 tonic sofa tawh kiguang lai hi. 

Gam sung gampua, leitung bup aa om Zomite in a deih zahzah vaikhak theih dingin a ki print zihziah ahi hi. Tulaitak promotion hun ahih manin bu khat teh RM 30 bek tawh kizuak hiphot hi. A sawt loin azah nih bang aman hong kahto kha mai ding hi. Tua ahih manin a lunggulh te in a manlang theithei in a nuai aa email leh phone tawh nong kizop nangun kong zawn uh hi:

Church Pastor

Phone: +6017- 3254 747

Email: zomiadventistmls@gmail.com

Hih labu atawi khut khempeuh, a zang mimal leh pawlpi khempeuh ih biak Pasian in thupha hong pia tahen! A husang peuhmah in Topa phat uh hen. Topa phat un. (Late 150:6)

Lungdamna lianpi tawh,

Sia Mungtong

Malaysia.

Fwd: {Z.A.C} Zo Phualva Thupuak - Volume 05, Issue 19

---------- Forwarded message ----------
From: Mung Tong <mungtong@zomi.net>
Date: 2015-09-12 20:15 GMT+07:00
Subject: {Z.A.C} Zo Phualva Thupuak - Volume 05, Issue 19
To: ZAC <zomi-adventist-com@googlegroups.com>
Cc: ZomiSDA <zomiSDA@yahoogroups.com>, zomiadventistmls <zomiadventistmls@googlegroups.com>, zothang hono <zothanghono@gmail.com>, Cin no <cinnoshalom@gmail.com>, Sian Pum <sianpum@gmail.com>

A Sung aa Om Thute:

HONG BAWLPHA KIK IN" (Jeremiah 31:3,4)

CIDAMNA THU

T-Trust In God

Nek-le-dawn panin Cancer Natna Kingah thei.

KAAL SUNG NEWS

Special Guest

Lungdam Pihna

Dahpihna

THU CUAMCUAM

THEIHHUAI PHONE ZAT DAN

CIMPHAWNG

THU ZAKSAKNA

Pawl Lutna

ZSM/CDK

Revival Crusade

Lungdam Kohna

Church Address

"HONG BAWLPHA KIK IN" JEREMIAH 31:3,4

           Kum 1999 kumtawp lam in Aizawl a Vanapa Hall ah crusade nei dingin nasia takin ka kithawi uh hi. Zogam sunga Adventist pastor-te leh Evangelist-te Republic Pastor quarter ah giak khawm in, a lunggulhte Bible Study pia in ka om uh hi. Zingsang khat Republic Pastor Quarter ka zinbuk phone hong ging in, nupi khat lungkham leh mangbang mahmah aw khat in aw-ling keuhkeuh kawm sa in "Pastor Thlenga a om hia?" ci-in hong dong a, "Om mah ing, tu a na hopih pen keimah Pastor Thlenga kahi hi" ci-in ka dawng hi. Tua nupi aw in, "Pastor aw, nong huhna kisam lua ing, zan sagih ka ihmu kei hi. Ka ihmut sawm ciang ihmu suak ding bangin ka om a, a si ding hileng ka kha nuntakna ding khamuanna nei zo lo kahih manin ka lau hi. Ni tam zong nungta in ki um nawn keng. Durtlang Agape Center a Gupkhiatna Camp na bawlte uh ka za a, nang tungtawn in Pasian in ka lunggimna leh ka haksatna khempeuh hong vengsak dingin ka lamen hi. Hehpihna tawh ka inn ah nong hawh thei diam?" ci-in hong thum hi. A awsuah panin zong a lungkhamna lian mahmah cih ki thei ahih manin, nial dingin ka ngaihsun ngam kei a, "Tua ahih leh hehpihna tawh mi khat peuh hong la dingin nong sawl thei diam?" ci-in ka dot leh "Ka naute hong sawl pah ning" hong ci hi. Ka zing-an nek khit uh ciangin Jeepsy khat ka kong mai ah hong na ngak a, ka lawmpa tawh tua nupite inn lam zuan in ka pai uh hi.

A inn uh ka tun phet un tua nupi in athu teng hong gen pah sawm a, ahih hangin hong gen ma in, "Inn khan-awng na neih leh tua sungah kikum ni" ka ci hi. Amah pen kumpi nasemte khat ii zi hi aa, inn-le-lo tawh nuamsa in kisap dang neih tuak hetlo hi. Ahih zongin amah'n a lauhuai lungtang natna nei a, a pumpi ci-le-sate ah sisan teng nawn lo in eng khin hi. A khut  ling keuhkeuh aa, hoihtak pau thei lo hi. Milian officer ahih mah bangun India gam zato mun tuamtuam ah a paipih uh hangin damna mu zolo hi. Tu in ahih leh lamet bei lungkia in bangmah zong a kibawl nawn kei uh hi.

Tua nupi kiang ah na haksatna teng bangmah iimlo in hong gen in, ka cih ciangin amah zong bangmah gen zolo in hong kapkhia gawp hi. Tawlkhat hong kah khit ciangin, "Pastor aw, kei pen migi lo mahmah kahi hi. Mi angkawmte sang zong ka mawh zaw a, tapa taimangpa sang' zong ka mawh zaw hi. Ahang in Pasian kiangah mawh nawn kei ning ci-in tamveipi ka kiciam khit ciang zong ka mawh kik veve a, tua man in Pasian in kei hong paisan khin in ka kithei hi. Tuma lam in ahih leh Pasian sungah ka lungdam thei mahmah in, tu a na gen banguh pumpi siangthonate, tep-le-muamte, leh nek leh dawn sianglote nangawn ka zang kei hi. Pasian in zong hong ompih in, la phuak siamna hong pia aa, tampi mah ka phuak khin hi. Ahih hangin, ka ut loh pen mawhna ah ka puk kha a, tua panin lungnopna ka nei zo nawn kei hi. Mi khempeuh in "migilo nu" hong ci dingin ka lungsim ah ka kikoih den a, ka maizum lua in koimah ka pai ngam kei hi. Kuamah tawh ka kikhawl kei a, innpua ka pai khiat lohna zong sawt khin ta hi. Ka innvengte na-ngawn in mihai bangin hong mu ta uh hi. Na theihsa mah bangin ka pasal pen kumpi nasem zalian khat ahih mah bangin a nasepna ah nungakte tawh ka muangmawh den hi. Hite hangin ka lungsim leh ka taksa zawmlawh mahmah in, zansagih ihmu lo hi'ng. Ihmu leng si suak dingin ka ki ngaihsun a, si leng tawntung nuntakna ngah ding khamuanna nei lo hi'ng. Tua ahih manin Pasian in hong maisak zo lai diam cih ka thei nuam hi. Pasian in ka mawhna hong maisak in ka nuntakna hong puahpha kik ahih leh hih leitung ah hih kan a ka lunggulh om lo hi. Hih ka pumpi bangbang apiang zongin ka lungkim ding hi" ci-in kap ngelhngelh kawm in hong gen hi.

          Tua bangin nupinu in a tangthu hong gente kei zong ka khitui mualtuang kawmsa in ka ngai a, "Topa aw, hih a hehpihhuai nupinu tunga na thugennop hong hilh in, na nasempa in kong ngak hi" ci-in lungsim thungetna ka nei hi. A sawtlo in Topa in a Thu Nungta ka lungsim sungah hong koih hi. Tua ka lungsim sunga Topa hong koih pen Jeremiah 31:3,4. Tua khit phet in nupinu kiangah, "Kongit ka sanggam nu aw, Topa kiang pan hong hopih na kammal in hih bang ahi hi. Pasian in 'it tawp lo in kong it a, kong bawlpha kik ding a, kong din thak kik ding hi'. Tuni in Topan hong damsak ding hi. Tu in na mawhnateng khat zong sit loin, Topa mai ah pulak inla, mawhmaina ngen in. Na lu tungah khut-nga in thu kong nget sak dinga na dam ding hi" ci-in upna tawh ka sawl hi. Tua bangin khitui luang ngelhngelh kawm in mawhmaina ngen aa, ken zong tua bang mah in a mawhnate maisak na ding in khitui luang kawm mah in thu ka ngetsak hi. Tua khit ciangin ka ciah san uh hi.

Zan in ka lup kawmsa in ka ngaihsun a, hih nupinu natna pen mawhna hang hi, hazatna in a nuntakna thanemsak lai hi. Tung lam pan Topa in huhna hong piak kei leh hih nupinu in a natna sihpih ding hi cih ka mukhia hi. Ka mitkha ah tua nupinu amel hehpihhuai, khut ling kelkel pen aluai den hi. Tua khit ciangin nupinu kiangah upna tawh ka gen mah bangin a kha nuntakna leh a taksa natnate Pasian in damsak hi. Tu in ahih leh natna bangmah gen ding thei nawn lo hi. A damna teci pang in lungnuam takin om ta aa, pawlpi ah numei makai in mapang hi. Pasian in minthanna tang tahen. Amen.

Kongit u leh naute aw, tu laitak nupinu bangin na nuntakna dangtak in Pasian ngai in na om hiam? A beisa hun in Pasian in zong hong ompih, a na zong hih theih zah in sem napi damdam in Pasian tawh ki gamla semsem in, tu in ahih leh Pasian tawh kigamla khin mahmah in na ki ngaihsun ngei hiam? Na innkuan buaina, na zi na pasalte hangin lungsim gim in na om hiam? Na tate hangin lunggim leh beidong in na om hiam? Ahih kei leh ka cisa damlohna hangin lamet na bei ngei hiam? Ahih keileh na sawm het loh mawhna ah puk kha in tua thu tawh Pasian mai ah kisuang in, Pasian in zong hong maisak zolo dingin na ki ngaihsun kha ngei hiam? Kha Siangtho in hong paisan khin in nang-le-nang zong ki um kha mai ding hiteh. Pasian in kuamah paisan masa ngeilo hi. Eite in ih paisan mateng in Amah in hong paisan ngeilo hi. Ih mawhna hang a, lungkham in kapkawm a ih thungetnate hong dawng dingin ih Pasian pen manlah den hi sanggam aw. Pasian in na khempeuh hih thei hi, Amah in hih theih loh nei lo hi kici hi. Ahih hangin, Sanggam aw Pasian hih theih loh khat hong hilh nuam ingh. Tua in, ih mawhnate kisik in Amai ah ih mawhna pulak in khitui luang kawm in ih thum ciang amah in eite ih mawh hong maisak lo theilo hi. Hih in ih Pasian hih theihloh khat ahi hi. Pasian in nang hong lehngat, taisan ngei lo hi. Banghang hiam cihleh, na mawhna sangin hong hehpihna lian zaw hi. Mawhna hangin lungkham in Pasian kiangah mawhna pulak in khitui luang kawm a mawhmaina ngente ih Pasian in ih mawhna hong maisak dingin omkhong theilo in nawhtak in eite itna tawh hong pom hi. Amen.

          Pasian thu ah ka deih mahmah leh khum ka sak mahmah in "Bangzah ta in gilo in kisia khin hi mah leng, Topa aw ka nuntakna a bulpan pan pha kik nuam ing" ci-in na nget leh ih Pasian in abul hong patpih in hong ompih hi cih thu ahi hi. Haleluijah. Ih Topa itna thupi mah si mataw. Kei mahmah zong ih Topa'n a bul pan apat phat a bawlphat ding hong phal lo hileh tu in ka mangthang tading hi. Ahih hangin ka thanem ciangin Topa kiangah "Topa aw, a bulpan hong kipan phasak in" ci-in thu ka ngen a Topa'n hong dawngin hong pansak pahpah hi. Amah ih Topa in kei a ding in abul hong pat phat sak, hong puahphat kik zelna hangin tu a dinmun atung thei ka hi hi. Kongit ute naute aw, angkawmte sangin zong mawhzaw kha mah niteh, ahih kei leh Tapa taimang sangin zong mawhzaw mah ni. Ahih hangin, tua na mawhna nengnote in Pasian hong itna leh hong hehpihna neucik zong liah zo lo hi. Ih Pasian in hong ngak den lai hi. Tu mahmah in hih thu na sim zawh khit ciangin Topan mai ah khukdin in thungen pah in. Tua nupi hehpihhuai mahmah a damsak Topa in nang hong lawng dinga, na kha leh taksa damna hong pia thei hi cih na thei ding hi. Pasian in ih mawhna hong maisak pen athu bek hi lo hi. Mi tampi in a kha uh tham loin a taksa uh zong dampih uh hi. Hih thu na sim khit ciang in thunget pih ding kisam a special tak a neih ding na lunggulh leh hong thei sak inla, na min tektek sam in thungetna kong neih sak ding hi. Ka FB min pen <PLThlenga Chhakchhuak> ahi hi. Topan hih thu a simte na vekpi un Thupah hong piak sak ta hen. Amen.        ? Pastor PL Thlenga, Translated by Daniel Shoute.

 

 

 

--
'' MIMAL KIKONA, KISELNA LEH APICING LO LAITE KIKHAKTAN HI ''
" ITNA LEH DIKNA TAWH THUMAN GENNI "
 

ZAC Tawh Mimal Kizop Nang : zomiadventist@gmail.com
ZAC Groups Ah Lai Na Khaknop Leh: zomi-adventist-com@googlegroups.com
ZAC Groups Laite Na Deih Nawnkei Leh Laikhak In: zomi-adventist-com+unsubscribe@googlegroups.com
ZAC Group Thukhunte: https://groups.google.com/forum/#!topic/zomi-adventist-com/Ukey4yzR9qc
ZAC Facebook1: https://www.facebook.com/groups/zomiadventist/
ZAC Facebook2: https://www.facebook.com/zadventist
AWR: http://www.awrmyanmar.org/
SSL: http://www.myanmaradventist.org/myum-report-2009/sabbath-school-lesson/
SSL_CiimNuai: http://www.ciimnuaiministry.info
SSL_PowerPoint: http://www.fustero.net/es/index_ci.aspx
---
You received this message because you are subscribed to the Google Groups "Zomi Adventist Communication" group.
To unsubscribe from this group and stop receiving emails from it, send an email to zomi-adventist-com+unsubscribe@googlegroups.com.
To post to this group, send email to zomi-adventist-com@googlegroups.com.
For more options, visit https://groups.google.com/d/optout.

KHAWKPI (6) azom : Daniel - Nuntak Siangtho Etteh Huai

Daniel - Nuntak Siangtho Etteh Huai

 

         Daniel' nuntakna in siantho sakna a ngah zia leh tong lim khat a hihi. Mi khempeuh, a diakdiakin khangnote'a dingin etteh huai a hihi. Pasian' deihna zuih cintenna in lungsim leh pumpi cidamna piang sak hi. Gamtat hoih leh pilna a sang theithei ngah theihna dingin, Pasian kiang pan pilna leh hatna zon ding kisama, zongsatna khempeuh zong kikhal a kul a hihi. SL, laimai 23.

         Daniel' gamtat kawk banna a om loh semsem ciangin, a galte in amah a muhdahna hong lian semsem hi. A gamtatna ah hi ta leh a nasepna ah hi ta leh a gensiatna ding uh mu zo lo uh a hih manin, amaute heh mahmah uh hi. "Amaute in, a Pasian' thukham tawh kisai-in amah kawk theihna ding ih muh kei ngal leh hih Daniel ih kawkna ding khat zong ih mu kei ding hi, a ci uh hi." Daniel 6:5.

         Hih thu ah Khristian khempeuh in ih theih ding thu hong kilak hi. Hazatna mittangte in ni khat khit ni khat Daniel sal uh hi. Muhdahna tawh vil gige uh hi. A hi zongin a kampauna ah hi ta leh a gamtatna ah hi ta leh khial hi cih theihna ding om thei mahmah lo hi. Hi napi amah in sianthona ngah zo ing, ci tuan se lo-in, a hoih zawsemin gamta-in, cihtakna leh kiapna tawh nungta hi.

         Kumpipa kiang pan thupiakna hong pai hi. A galte in amah suksiat ding a sawmna Daniel in thei hi. A hi zongin a gamtatna them khat zong kilamdang sak lo hi.  A ngei bangin a sep dingte sem hiathiat lelin, thunget hun ciangin a inn dei sungah tumin, Jerusalem lama a tawlette hong sa-in vantung Pasian kiangah thu ngen hi. Amah leh a Pasian' kikal ah leitung pavua khat zong lut zo lo ding a hihna a gamtatna tawh lau lo takin laka, kua' kiangah thu nget huai-a kua' kiangah nget huai lo cih zong gen hi. A citak mahmah mi hoih pa! tu lai mite'a dingin Khristian hanna leh cihtakna ah etteh tham cing takin na ding hi. Pasian a biakna hanga a thuak ding sihna a hih lam thei napi-in a lungsim khempeuh tawh Pasian' lam nga hi.

         "Tua ciangin kumpipa in thu pia-a, amaute in Daniel pai pihin humpi kua sungah a khia uh hi. Kumpipa pau-in Daniel' kiangah, A tawntunga na biak na Pasian in nang hong hon khia ding hi, ci hi." Taang 16.

         Zingsang tungin humpi kua ah kumpipa pai-in, "A nungta Pasian' nasem Daniel aw, a tawntunga na biak na Pasian in humpite' kiang panin nang hong hon khia thei hiam? ci hi. Taang 20. Kamsangpa' aw hong kiza-a, "Kumpipa aw, na khan sawt hen. Ka Pasian in a vantung mi hong pai saka, humpite' kam hum cip sak a hih manin, amaute in kei hong su lo uh hi. Amah in ka tungah mawhna hong muh loh mah bangin, kumpipa aw nang' tungah zong siatna ka bawl kei hi, ci hi.

         Tua ciangin kumpipa nuam mahmaha, humpi kua pan Daniel a la khia dingin amaute thu pia hi. Tua bangin humpi kua panin Daniel kila khia-a, ama tungah liamma khat zong a kimu kei hi. Bang hang hiam cih leh Daniel in a Pasian um hi." Taang 22,23. Tua bangin Pasian' nasempa kihon khia hi. A galte in ama siatna dinga a thang siah uh tu-in amau' siatna ding hong suak hi. Kumpipa' thupiakna tawh humpi kua ah amaute kikhia-a, sapite in amaute ne tum pah uh hi.

         Kum 70 salawkna hun bei kuan ta-a, Daniel in zong Jeremiah hilhkholhna thu lim ngaihsut mahmah hi.

         Daniel in Topa' mai ah ama cihtakna tangko lo hi. A siangtho a kician a hi dinga a kigen sangin Israel mite' mawhna tawh a kisim khawm khat bangin kiniam khiat zaw hi. Aksi taang kiaukiau sangin sun lai a vana nitang a phat zawk mah bangin, leitung miliante' pilna nasia zaw hi. Vantung in a paktak mahmah mi-pa' muk pana thungetnate ngaihsun dih in. Kiniam khiat didiaina leh lungsim kitam khama khitui luanna tawh amah leh a mite'a dingin thuum hi. Pasian' mai ah a kha lui khia-in, ama cihtaak lohna kipulaakin, Topa' liatna leh thupina gen khia hi.

         Daniel in thu a ngetnget lai takin, ama thungetnate kiza-in kisang a hihna a gen dingin vantung zumpi panin vantung mi Gabriel hong kum suk hi. Siamna leh theihna Daniel a pia ding, mai lama piang ding thute a lak dingin tua vantung mi hong kisawl a hihi. Tua banga thumaan thei tel nuama a hanciam lai takin, vantung in a sawl kamtaipa tawh Daniel kiho hi.

         A thuumna kisanga, Daniel in amah leh a mite' kitangsapna lian bel a hi thumaan khuavak a ngah bek tham lo-in, mai lama thupiang ding, leitung Tanpa hong pai kikna ding dong mu to lai hi. Lai Siangtho tel kan nuam lo-a, Lai Siangtho thumaan a kician zawa a theihna dinga thu a ngen cinten lo mite in sianthona ngah khin ung, a cih uh hangin sianthosakna taktak bang hiam cih a thei lopi uh a hihi.

         Pasian tawh Daniel kiho hi. Ama mai ah vantung kihong hi. Ama kiniam khiatna leh a hahzonna hangin pahtawina lianpipi amah a kipia a hihi. Lungsim taktak tawh Pasian' Kammal a um khempeuh in Ama deihna zong thei tel nuam mahmah ding uh hi. Thumaan phungpi Pasian a hihi. Amah in theih cian lohnate theih cianna pia-a, Ama hong lah thumaante a tel theihna dingin mihing' lungsim hon sak hi.

         Leitung Tapa in hong lah khiat thumaante, a kiseel sum banga thumaan a zong mite'a a ding a hihi. Daniel teek ta hi. Lawki zum a nopcite lakah khang khia khina, gam lianpi thute tawh a lungsim gik khin hi. Hi napi tuate khempeuh kiheisanin, Pasian' mai ah a kha niam khiatin, Sang Belpa' deihnate a theihna dingin hanciam hi. Ama ngetnate hangin hun nununga mite'a dingin vantung zumpi panin khawvak hong tang suk hi. Tua a hih ciangin vantung pana hong kipia suk thumaante ih theih tel theihna dingin deihna taktak tawh Pasian' huhna ih nget ding kilawm hi.

         Daniel pen Sang Belpa' nasem muan huai khat a hihi. A khan sungin a Topa'a ding nasep thupi mahmah vive sem hi. A lungsim kiniam khiatna leh Pasian' mai-a a thuumna hang bekin ama zia leh tong sianthona leh cihtaknate a kikhaikim pan a hihi. Daniel nuntakna in siantho sakna a ngah zia leh tong lim a hihi. SL, laimai 42-52.

Ref: Pawlpi Thu Lamlak, Zop Lai Ding.