Tuesday, March 31, 2015

NA MAITAINA DVD Album Kithoh Tading






Malaysia pan music player nasia mahmah khat ahi, ZERO BAND te' hanciamna tawh kibawl NA MAITAINA DVD album asawt lo in amun mun pan hong kihawm khia tading hi. La leh music te quality nei in hoih thei mahmah hi. Lasiam Mary Lun ii sak dawng khat attached file ah na ngaih sak un. 

NA MAITAINA  

Laphuak: Muan Thang

Lasate: Kamsen, Mary Lun, Nutoih, Sawbua Mung, Joseph Tuang, Mungseuh, Muan Thang, TZ Khaipi.

Music: ZERO BAND

Studio: ZERO (Khualta)

 

Tha apia zo ciat dingin Topa'n THUPHA hong pia tahen!

Lungdam,
Mtg


Zomi SDA khangno nih Pilsina gualzawh pulaakna




Kong it laisim mimal,

Hanciamna leh cihtakna te nu le pa leh sanggam te in sum le paai, lungsim thapiakna leh tungetna tawh a phungvuh na zuii in Topa' panpih thupha tawh Tahan Tamintaik aa teng Pa Nang Za Kam leh Nu Vung Lawh Niang te tapa Taang Khen Kap Za Muan in Master of Arts in Education major in Administration and Supervision (CUM LAUDE) Leh Mualbem khua aa teng Pa Dam Khen Hang leh Nu Man Ngoih Cing te tanu Lia Ning Lun Cing in Master of Arts in Education major in English tawh Philippines sung ah Accreditation sangpen Level 4 a ngah ISO 9001:2008 Certified sangpi ahi Adventist University of the Philippines (AUP) pan a 131 vei University lukhunelkai piakna ah lungkim huai takin March 29, 2015 Sunday ni in  lukhuneelkaai khukna hong nei thei uh ahih manin lungdam thu kong pulaak hi. Topa in a mailam geelna te uh Ama deihna tawh ki tuak iin gualzawhna tawh na makaih den ta hen.


Lia Cingpeek, Sianu Mawii, Sia T.L.Mung, Tg. Muanpi

​AIIAS leh AUP pan kawlgammi a pai thei teng tawh


Lungdam thupuak,

Kham Khan Khai
Adventist University of the Philippines



Zo Phualva Thupuak - Volume 05, Issue 07


A Sung aa Om Thute:

JESUH CHRIST PAWLPI
MEIGONGNU' ITNA
KAAL SUNG NASEPTE
  • Sabbath Thupuak
  • Dorcas Program
  • Adventist Youth
  • Special Thungetsakna
  • Bible Study & Home-visit
  • Cina Vehna
  • Cheras Homecell
  • Hang Tuah Homecell
  • Sunway Homecell
  • Subang Homecell
  • Health Seminar
  • Thungetna Khawk
THU ZAKSAKNA
  • Pawl Lutna
  • ZSM / CDK
  • Laibu Hoih Pawlkhat
  • Homecell Zaksakna
  • Lungdam Kohna
  • Church Address

JESUH CHRIST PAWLPI

 N

itumna lam mite kipawl khop sangin kha kia om thei zaw uh hi. Kipawl khawm aa sepna in mi khat ii sep sangin muibun zaw hi. Kidemnate ah, khat kia-te gual lel baih zaw aa, mi sawm nih sawm thum kipawlnate ahih leh kip in, kitam kham pak lo hi. Tua hi'n Christian pawlpi ih cih zong mimal khat tek tawh a kilamto ahih hangin mi atam kipawlna mah nahi hi. Jesu  Christ a umteng leh a nungzuiteng kipawl khopna nahi hi.

 

I. Pawlpi Akhiatna leh Hong pianzia

1). Messiah Pawlpi: Jesuh in pawlpi na phut aa, tua sunga mite Ama' mite ahi hi (Matt 16:18; John 10:16). Tuiphumna tawh pawlpi ah thu-um mite ki behlap hi (Sawl. 2:41). Ei kia bek thu-um mi cih bang Laisiangtho in hong hilh lo hi (Heb. 10:25). Pawlpi ih cih in thu-um mite innkuan khat in om khopna ahi hi (1 Tim. 5:1-2; James 2:15). Avom akaang kideidan omlo in thu-um khempeuh in Pasian' innkuan ahi uh hi (Eph. 3:11-13; Gal. 3:28).

2). Pawlpi Kilamzia: Zia-le-tong leh buaina a kibang lo leitung pawlpi na om hi (1 Thess. 1:1, 6-7; Rev. 3:14-17). Leitung vantung mun citeng ahuam pawlpi zong na om hi (Eph. 1:20-23; 3:10). Jesu Christ in pawlpi lutang leh innkiu suangpi hi aa, Amah mah tawh sawltak-te leh kamsangte in bulkip tungah hong lamto hi (Col. 1:18; Eph. 2:20). Thu-um mi khempeuh siampi namte suak hi (1 Peter 2:9; Mang. 1:5-6). Makaite zong na om hi (Eph. 4:11-12). Pawlpi kipumkhat theihna thupi mahmah hi (1 Cor. 12:12-13).

3). Pawlpi Lim-le-meel: Thuciam Thak (NT) in pawlpi hong lahna lim tampi na zang hi. Tuate tawm en suk ni: Christ pumpi (1 Cor. 12:12-26), Biakinnpi leh tenna inn (Eph. 2:21-22), Ci leh khuavak (Matt. 5:13-16), inn-khuam (1 Tim. 3:15), Christ ii mo (2 Cor 11:2).


II. Khangthu Sungah Pawlpi

         1). Pawlpi' Buainate: Paul in pawlpi buainate hong gen khin zo hi (Sawl. 20:28-30). A sung lam buaina leh haksatnate in: Itna omlo (Mang. 2:4), a maan lo thuhilhsia /thuhilhnate (Mang. 2:6, 14-15, 20-24), kha lam sihna (Mang. 3:1), lum mil-mial (Mang. 3:15,16), ei-le-ei kikhemna (Mang. 3:17). A pua lam buainate in, kosiatna (Mang. 2:9), thuaksiatna leh bawlsiatna (Mang. 2:9-10; 13:7, 16-17), sihna leh upna hanga bawlsiatna (Mang. 2:10; 6:9; 13:15).

           2). Pawlpi Sungah Lampialna: Thuhilhna maan lote hong ki om ciangin tua in hong lam pial sak hi. Christ pawlpi in pawlpi tampitak hong suak khia ta hi. Mangmuhna thubu sungah bawlsiatna hanga gam sungah ataai pawlpi mann hong lak hi (Rev 12). Hun kipia (Mang. 12:6, 12; 13:5) pen in kum zabi 18 bei kuan, 19 kipat dong hong ban to hi.

           3). Hun Nunung ah Abei Bang: Hih hun a beina (AD 1798) khit  ciangin a citak abei bang pawlpi hong piang ding hi. Hih abei bang pawlpi ii zia-le-tongte in: Pasian' thupiakte zui ding (Mang. 12:17; 14:12), Jesu tecipanna len ding (Mang. 12:17; 19:10), thuak zo ding leh upna nei ding (Mang. 13:10; 14:12). Tua ban-ah

1) Amaute'n Pasian leh Jesu' neihsate ahi uh hi (Mang. 14:1,3-4).

2) Amau tawh biakna maan lo cih omlo hi (Mang. 14:4).

3) Amaute in Tuuno nungzui uh hi (Mang. 14:4).

4) Amaute citak uh aa, kawk baanglo uh hi (Mang. 14:5).

5). Amaute in leitung bup ah vantung mi thum thupuak taangko uh hi (Mang. 14:6-12). Mite, lampialna pan hong kileh kik in Christ ii abei bang pawlpi tawh hong kizop kik nangun sam uh hi (Mang. 18:4).

 

III. Pawlpi' Vaipuak

Pawlpi mimalte in pawlpi a' ding leh midangte phattuam nading aa zat ding kha silpiak tuamtuam ngah uh hi (1 Cor. 12:7-11). Hih pawlpi vaipuak tawh kisai nampi thum in kikhen hi:

1. Pasian' nasepna: biakpiakna, Jesuh nungzuihna, thungetna etc. (Mang. 5:8; 14:3-4, 7)

2. Thu-umte kiangah nasepna: khoina kepna, kipawl khop-na, panpihna, etc. (John 13:34; Sawl. 4:34-35; Eph. 4:12-16).

3. Leitung ah sepkhiatna: Lungdamna thu taangkona, mi tawh kithuah khopna (Matt 25:31-40; 28:18-20; Sawl. 1:8).

 

IV. Pawlpi leh Kei.

Eite in pawlpi hiang hiding, biakinn pai ding, pawlpi nasepna ah kihel dingin hong kisam hi. Tua bangin ih zuih leh, thupha lianpi ih saang dinga, midangte a' dingin zong thupha ih suak ding hi.               ? Ekkehardt Mueller

 

 

 

 

 

 

 

 

 

 

 

 

 

 

 

 

 



DOTNA LEH DAWNGNA TE



DOTNA LEH DAWNGNA

Tu'n pen thawhkikna hilo ahi hiam?Lai Siangtho en leng,"Ih mawhna hangin kha thutawh kisai in misi ihih laitak in Khrist tawh eite hong nunta sakhi.Pasian hehpihna hang in hotkhiatna ih ngah thei ih hihi.Khrist Zeisu tawh eite kipawlna hang in ahong thokhawmsak hi (Ephet 2:5,6).Tua ahih man in tu'n pen thawhkikna pen himai lo maw?Hi kan a thawhkikna dang omthei lai ding hiam?

Dawngna: Om lai e maw; hi lai thu ah pen Khrist tawh eite hong tho khawmsak acih pen adeih na taktak ah pen tulai pau takin "piangthakna" ih cih pen hi zaw hi.Adam pan kipan a thukham palsatna leh Pasian langpang mawhnei mi gilo, misi bangmah lo hih ding laitak in,Ata pa Zeisu Khrist sihna hang in man piak lo a midik hihna pen hi lel hi.Ei te sepzawhna hang hilo in ama ngimnasa bang leh adikna hang in Pasian in eite hong honkhia in ama mi ding in hongsam hi. Pasian in leitung apian mapek in Khrist Zeisu tungtawn in tua dikna hong pia hi(2Tim.1:9).

"Tua tawntung a nunna pen azuaa theiloPasian in leitung pian ma in hong kamciam hi(Tita 1:2;1 Peter 1:20).Tua eite sihna tang ding pen leitung pianma a akithat Tuu no hang in, hong ki nunta sak kik hi.Leitung piancil a akithat ahih na dan pen thuciam in a hihi.Tua pen ahun tak inah kimu in hong om in,Singlam te ma a mite leh singlamteh khit a mite khempeuh pen kalani a sihna leh thawhkikna hang bek in hotkhiat leh hong ki nunta sak khawm ahih hun te pen akikal kigamla mahmah hang in, upna hang in singlamteh ma a mi te khempeuh zong pen, tua Khrist sihna hang in upna in ki si a, athawhkikna zong upna in kithokik ahihi.

Tua pen Khrist tawh eite hong kitho khawm sak leh hong ki nunta sakkik ahih na pen zong ahihi.Hih Topa Zeisu sihna leh thawhkikna um a, ih kizawpna tak pen bel ,Zeisu in Nikodem kiang ah,"piangthakna" ci in na gen hi.Hih piangthakna pen taksa thawhkikna ih ngah theih na ding in pawimawh masa bel ahihi.Hih piangthakna upna nuntak lehna pen taksa thawhkikna bek hi mai lo in,Khrist pen athu in leitung piancil in kithat in om a,a taktak a kithat mahbang in,tu hun pen upna tawh thawhkikna ih ngah hun ahihi.A hih hang in asawtlo in tulaitak a upna tawh hong ki tho khawm sak te pen ataktak in ih taksa mahmah tawh si thei nawnlo ding leh muat thei nawnlo ding in,Pasian in athak in hong thosak kik ding hi.Phillipi 3:21 ah Paul in a gina lo ei ma pumpi pen amah a bang in minthang pumpi tawh hong kheksak ding hi cihi.John in zong Amah bang in ih om ding ci in gen hi.(1John 3:2).

Dot:Na thu genna ah pen sih lian leh taksa paalo in kua mah peuh van gam ah tung pah omlo hi ,na cihi.Mi haupa leh Lazaras te thu ah Mi haupa pen van gam ah asih lian leh atung pah thu kigenhilo hia mate?

Dawngna:
Tua hi leh,Luka 16:19 thu en le hang, Zeisu in mihau te leh mi zang te tawh kisai thu-ah gentehna thu agen na kimu hi.Luka 15 akipan in gentehna thutuamtuam na gen zel hi.Hauhna bek pen hotkhiatna ngah na ahiloh zia te,sum le paai thu te, sum zongna nasep leh Pasian nasep aki thuah khawp theihloh thu te na hilh khawl hi.Ahihhang in Pharise te , sum le paai ngaina mahmah te in na nuihsan maimai lel uh ahih man in, Zeisu gentehna thu zong paubaangna na ngah zel ahih thu kithei mahmah hi.Sum le paai thupi ngaihsut mahmah te in anuihsan na uh thu aneu14-na ah kimu hi.

Hih gentehna in atup bel hi ding a akilang pen in,tua bang hun lai in mi hau te in mi zawng te na mudah mahmah uh leh zawngna pen Pasian samsiatna hang a zawng uh,gupkhiatna zong ngah ding kilawm lo ahih thu Pharise te in na ngaihsun uhhi.Mi phamkimlo te zong nu leh pa hang ahi zong in,amau hang ahih zong in, khialna te hang in phamkimlo a piang leh Pasian dan piakna hi ci inna ngaihsun mawk uhhi.Mi khat asuah tu'n akipan mittaw pa zong "Sia pa aw,mittaw sa apiaang pen kua ii mawhna hang hiam,ama mawhna maw anu apa mawhna? ci in na dong uhhi(John 9:2).

Tua bangmahin mihua te leh minei zaw deuh te pen Pasian thupha sang uha,Pasian deihsak deuh leh hotkhiatna ngah ding in ngaihsun zaw deuh uha,ki phasak mahmah uhhi.Tua bang lungsim amann loh zia leh hauhsakna hanga van gam paina ahih loh zia mi zawng te in zong Zeisu upna aneih nak uh leh hotkhiatna ngah ding ahih zia te,mi hau te a hizong in, Khrist upna mann taka neih kei leh hell khuksung ah pai lel ding uh hi cih aki theihsiam theihna ding un, Zeisu in hih gentehna na zang hi zaw hi.Hih gentehna in sih lian leh van gam ah hiam hell sung ah hiam, tung cih gen sawmna hilo hi.Gentehna thu hilo in, telnop ding a agen hizaw e, ci in ngaihsun leng, a mann thei tam maw, kancian dih ni maw.?

Van gam leh hell khuk te pen omkhawm hi ding hiam?.Tua ahih kei leh midik hotkhiatna ngah ding si khinsa te pen Abraham angsung ah omding ahi mah ding hiam?Ahih kei leh Pasian angsung ah maw?.Ahih kei leh tua mi hau pa pen Abraham tapa hi ding hiam cihte.Khutme ah tui diah in kanmei sa mahmah te pen votsak theih ding hiam cihte;tua leh van gam a mite leh, hell khuk a mite pen kihawh in kipau pih thei hi ding hiam?Hell khuk sung a mite leh van gam a mite pen kipha thei zuaizuai ding cihna ahi diam?Tua ahih kei leh van gam ah pen Lazaras bek maw leh atung ding?Hell khuk sung ah pen mi hau pa pen bek maw leh omding?Mi dang kua mah a om ding lam la gen lo pi ee.Tua bang in ihkan tak ciang apiangthei ding na hilo in, gentehna thu agen ahih lam kitel mahmah hi.

Banghang in Abraham pen midikte akem ding leh hotkhiatna ngah te ahumcip ding bang in Zeisu in gentehna in na zang khelkhel hiam ih cih leh pen,Juda te in Abraham pen na ngaisang mahmah uhhi.Zeisu sangin zong na ngai sang zaw uhhi."Ih pupi Abraham sang in thupi zaw na hi hiam?" na ci uhhi.Tua ahih man in thugenna a zuihtheih na ding un atheihtel theina ding lam in gentehna zangin akiang vuah thugen hi zaw hi.Gentehna thu te limlim pen kawt mun deuh nei leh thuhilhna ding ngiinna hi zel hi.A thuhilhna takpen thei tel zolo in, gentehna ah buai pen baih mahmah na hi zel hi.Hih inn pen susia le uh cin, ni 3 sung in ka lam kik ding hi acih pen zong tel siam lo uha, nak heh mahmah lel uhhi.Ahih hang in,"ka si ding a ni 3 khit ciang in ka thokik ding hi" acih na hi lel hi.Tua mah bang in mi haupa leh Lazaras thu pen ataktak hilo in, gentehna thu agen liauliau na ahihi. A gen nopna na taktak ah pen Juda te leh gential te kikal kimuhdahna omna tawh kisai thu hang ahihi.Hih lai ah mi zawng Lazaras pen Gential mite etsakna hi a, mi hau pa pen Juda te etsakna ahihi.Juda te in Gential te pen kihhuai sa in mudah mahmah uha,vantung ah zong tungtaak ding in lam enlo uhhi. Amau bek Pasian ii te minam,Juda te bek pen hotkhiatna ngah ding bek in kingaihsun uhhi.Ahih hang in Gential te zong Zeisu a up nak uh leh hotkhiatna angah thei cih leh , amau Juda te zong Zeisu a up kei uh leh hell gam ah om ding uhhi cih akitheih theihna ding a Zeisu ii gentehna liauliau ahihi.

Dotna:Zeisu tawh akibang a Singlamteh tung ah akikhai khawm mi khat kiang ah Zeisu in "Tuni in Paradais ah kei tawh na omkhawm ding hi," na ci hi, tua ni in ah van gam ah tung cihna hi mai lo maw?

Dawngna: Awle,hih thu pen kigen zel mahhi, amasa in Paradais ii omzia ih thei kul ding hi.Paradais cih pen Laisiangtho sung ah pen kitam muh khawl lohi. 1 vei 2 vei bek ki genna hi in, tua te pen en ding hihang!.Luka 23:43 ah pen Zeisu in, singlamteh a akikhaipih khat pa kiang ah pen Paradais ah om ding in thu na hilh hi.2Corin. 12:4 na ah Paul in Paradais pen van tung dawl 3 na cihi(Manglai leh Kawl lai te ah en in kician zaw hi).Mangmuhna 2:7 na ah Paradais pen nuntakna singkung omna ahih thu kimu hi.Mangmuhna 22:1,2 na ah pen Pasian khawpi hi cih kimu hi.Laisiangtho sung ah Piancil 2:8,15 a,Eden acih pen Paradais hi cih kimu hi.Ezekiel 31:8 ah zong kimu hi.Hih te pen enleng Paradais genna pen van gam agenna bekbek ahilam kitheithei hi.Paradais cih pen Persian kampan in hong pai hi a,a omzia taktak pen mun nuam mahmah; gam ahizong huan ahizong in mun nuam theithei ding a akibawl hi mai hi.Tua mun nuam thei bel ii atawpna pen van gam ahihi.Tua ahih man in Zeisu in zong van gam genna in na zang hi lel in kimu hi.

Tua hi leh Zeisu tawh Singlamteh tung a akikhai khawm mi gilo pa in Khrist pen bangni ah hiam hong paikik ding cih pen na thei gige hi.Tua bang hun tua bang ni ah amah pen amanggilh loh na ding in Zeisu kiang ah na gen hi."Zeisu kiang Na gam na tung hun ah hong manggilh kei in" ahih kei leh (Na kumpi gam Na phuh hun ah ong manggilh kei in)cihna ahihi.Mang Laisiangtho ah en in:KJV"And said unto Jesus,Lord,remember me when thou comest into thy Kingdom" cih ahihi.

Zeisu kiang ah,"Aman takpi in ken kong ci in ah: Tu ni in paradais ah kei tawh na om khawm ding hi (Luka 23:43) ci hi.Hi lai ah pen Zeisu in tu ni in, A ma kiang ah om ding in aci hi lo in,Tua migilo pa lungsim takpi tawh akikhelna hang leh Zeisu upna aneih na aliat mahmah na hang in Zeisu in,a hong pai kik hun ciang paradais ah om ngengei ding hi cih thu, tua ni inah na hilh hi zaw hi.

Tua ban ah tua ni leh tua bang hun lian in Zeisu ii mawhmaisak na ngah hi cih na ahihi.Hih pen ih thei dending in kisam mahmah ding hi.Laisiangtho sung a akigelh kammal te pen tuma a Laisiangtho khetmasak lai inah kizawm niai nuai in, athu omzia theithei nadingin atuama simna(punctuation) Comma te,fullstop te, colon te, semi colon te na om ngeilo hi. Tua ahih man in ih Laisiangtho let te in, athu omzia leh kammal te pen amann thei pen ding a athei dan in leh sim baih na ding te in, ih lai sim ih deih te muh baihna ding in, hih punctuation –mark te pen anunglam ciang in hong koih kik uh ahihi. A vekpi in amann kim ding pen a mungtup uh hi na pi,theiloh man hi hetlo in hih khialh man leh muh khialh man a aom pak ahihi.Tua ahih man in hih thu zong (Comma) koih na pen amann loh man in athu ii mungtup leh athu gen omzia kilamdang mahmah thei hi.Gentehna in,"A mann taktak in ken kong ci in ah,(comma)tu ni in paradais ah kei tawh ii om khawm ding hi," cih hi lo in,"A mann taktk in ken kong ci in ah tuni in,(Comma) Paradais ah kei tawh ii om khawm ding hi," cih hileh pen;Laisiangtho mun dangdang te tawh kitual khin ding hi."ci in ah" a cihna ah pen comma (,) koih lo in,tu ni in,(in) cih na ah comma(,) pen koih hi leh pen hih thu ah kua mah kinial a buai hong kul hetlo ding hi.

Tuamah bang in, Luka 23:43 thu zong comma koih na mann lohna hangin agen nopna kilam dang mahmah theihi.Tua ni mah mah in mi gilo pa in Zeisu kiang ah paradais ah na ommah hiam cih te zong thei ding kisam ding hi.Lai Siangtho gen na ah pen Nipi ni pen, nitum khat pan nitum khat hi, cih hih Lai Siangtho munte ah kimu thei hi:Pian.1:5;Siam.23:32;Marka 1:32;"Nipi ni (Sabbath) hong nai mahmah ta hi," aih kei leh ni tum dekta hi (Luka 23:54 NKJV).Tua ni pen Kigin ni hi a,ni thupi diak ahih man in tua ni in Singlamteh tung ah aluangte omlai ding deihlo uh ahih ciangin Jeresalem khua a Jew uliante,Pilat kiang ah va pai-in akhe te uh kuantan in aluang te alakkhiatna ding un agen uhhi.Zeisu singlamteh tung ah akikhai ni in mi gilo nih te zong si nai lo ahih na kimu hi. Akhe guh te kuaihtan sak uha,Singlamteh tung pan in lakkhiat ahih khit cinag atai sim thei ding lau na hang ahihi.Ahi zong in Zeisu khe kuantan ding in hong kithawi uh ciang in amah na sikhitna thei uh ahih man in akhe akuantan sak nawn kei uhhi (John 19:31-33).Mi gilo nih te pen si khit uh hi leh, akhe guh te ki kuaihtan sak kul lo ding cih pen up mawh huai mahmah hi.Tua ahih man in si khit lian ciang van gam tung theih pah zong hi mah leh, mi gilo pa pen tua ni in sih nai lo cih Lai Siangtho in siangtak in hong gen ahih lam ih thei thei hi.Tua ahih man in tua ni in Paradais ah tung lo hi cih kitel sitset hi.

Tua bek thamloh in Zeisu mahmah zong; tua ni mahmah in paradais ah na om tuan hetlo cih leh, ani 3 ni in han pan in na thokik pan cihbek kithei hi.Ni 3 sung han ah aom sungin zong koi mah ah Zeisu na pai hetlo hi.Athawhkik lai in Mary Magdalini kiang ah na kilang masa pen hi.Mary kiang ah,"Mary kei hong lenlen nawn kei in.ka pa kiang ah kei pai to nailo hing ci in" na hilh hi (John.20:17).Tua ahih man in,Zeisu mahmah in zong, ni 3 sung dong Paradais ah na pai lo ahih man in tua mi gilo pa zong;akikhai ni in Paradais ah na pai tuan lo ahih na kitel mahmah hi.A thawhkikni ah ahih leh bel,"pa kiang ah ka pai ding hi ci in" na gen bekhi(John 20:17).A thawhkikna hong makaih ding pa atung mama in na tun' san ding cih pen kilawm ding ahihiam?

Tua ahihman in, hih lai a thupen bel,tua ni inah vantung ah tung zuai ding cihna hilo in, vantung ah atungding thu,tua ni in Zeisu in na hilh khawl hi zaw hi.Hih bang dan in gentehna te zangin aki tel theih na dingin gen ding hihang.A minthang mahmah Kumpi pa khat in kum tawp December 30 ni ah mi zawng te ading in an nek na pawi bawl ding hi, tua mun ah pen a mi sapte bek in an nethei ding uhhi.Tua khit ciang in May kha ah A minthang mahmah Kumpipa kiang ah mi khat in "Kumpipa aw na annek pawi hun ah hong manggilh kei in maw" ci in ngen hi.Kumpipa in zong " Ken amamn taktak in kong ci in ah tu in in,ka bawl annek na pawi ah na kihel ding hi," ci in na hilh a, kum tawp hong tung nailo pi in tu ni in an ne ding in pai ding na hi hiam?Kumpipa in kum tawp na lam a annek pawi ah na nek ding hi a cih thu; tua ni a ahilh cih thu nang theisiam lo ding na hi hiam?Tua a mah tawh kibang in(Luka 23:43) thu pen zong na hi in,tuni a om pah ding hilo in, hun tawpna ah minthan na tawh hong pai ciang in, akiang ah Paradais (vantung )ah pen om ding hi cih thu,tu ni in ah Zeisu in ahilh na hi lelhi.

Pulaakna:Mihring:Siam ANihdan & Thih Hnu Awndan Tur cih laihawm pen Mihing:Akibawl dan & Sih khinciang a omdan ding ci in Zopau tawh aki tuakthei pen ding a akilet khia ahihi….Zop lai ding..dotna leh Dawngna te.

'DOTNA LEH DAWNGNA         Tu'n pen thawhkikna hilo ahi hiam?Lai Siangtho  en leng,



Kamsang Khat Tungah Khuavak Hong Tun Dan



Israel mite hun khat vei lai-in, Topa in mite tawh a kithuzak theihna dingin 

kamsangte zang hi.  Amah in, "Note lakah kamsang khat om leh, Keimah Topa ama kiangah hong kilakin, ama mang sungah thu kong gen ding hi." Num 12:6 ah na ci ngei hi.


Khawkpi nunung pen sungah kidona lian tangthu na sim ciangin, pumpi om zia lamdangpi tawh kithuah hi cih na mu ding hi.  Khat peuh in, bang hangin mangmuh-na hih bang om zia tawh kithuah se hiam, ciin zong dong nuam khasop 

ding hi.  Tua bel, a tel tak-in gen leng, mite in hih mangmuhna pen Pasian 

kiang pan hi takpi hi ci-a a muan theihna ding uh a tel muh pah lel ding uh 

deihna a hihi.  Mrs. White in a mangmuh ciangin ama om zia gen beh thithe khol lo hi;  a hih hangin khat vei a gen na ah, "Hih thute hun bei kuana mite upna hun ding thupiak hi-a, eite in Spirit of Prophecy ih muan theihna ding a hihi"

 ci hi.


Mrs. White nasepna hong khankhan ciangin Lai Siangtho sunga "Amaute' gahin na theithei ding hi," a cih thu tawh sittel theih hong suak hi.  Gah tawh sittel theihna dingin hun tam zek lak kula, Topa in tua mangmuhna in mite upna huh a hihna teci a dawk sak kul hi.


A hih hangin mangmuhna khempeuh mihon omna lak hi khin khol lo-a, a pum pi pian zia lamdang tawh zong hi kim lo hi.  Pasian in kamsangte tunga a 

kilahna pen 'mangmuhna bek hi khin khol lo-in,' 'mang sunga thugen pihna' 

zong hi thei hi, ci-in gen hi.  Tua pen hilhkholhna mang Daniel gen bang pawl 

a hihi.


'Babylon kumpi Belshazzar a kum khatna kumin, Daniel in lupna tungah mangmat mangmuhna khat mn a, a mangmatna gelh khia-in thu pawl khat gen hi.' 

Dan. 7:1.


Daniel in ama tunga kilah dan a tuamtuam gena, "zana ka mangmuhna-a ka muh"peuh ci thei hi.  Mrs. White tunga mangmuhna a kipiak ciangin zong, a lungsim a tawlngak lai tak zan hun khawng hi thei bul hi.  tua bang te pen, 'zana ka mangmuhna ah na pawl khat tel takin hong kilaka' ci thei hi.  Tua a hih kei leh, Pasian in kamsangte tungah hilhkholhna a mang sung u ah gen mun mahmah hi.  Hilhkholhna mang leh zan mangmuhna cih leh, mang nautangte tawh kisaiin dot-na om kha ding hi.  Tua te tawh kisai-in, Mrs. White in 1868 kuma 

a gelhna ah:


"Mangmatna a tampi in ih nuntakna tangpi zui lel hi-a, Pasian' Kha tawh kisai 

lo hi.  Tham lo-in mangmuhna zuau a om theih mah bangin, mangmat zuau 

zong om thei hi.  Tua te pen Satan' muap zong hi thei hi.  Topa piak mangmatte a hih leh Lai Siangtho tawh kiteh kak thei pah ding hi.  Tua bang mangmatte pen, a mihing om zia bang tawh kisai thu hi-a, bang thu hang hi ding hiam 

cih tawh kikhen tel thei pah ding hi."


Khat vei, Mrs. White nuntak sung, a nunnng lam hi ta, a tapa Pastor W.C. White in a nu kiangah, 'Zan a kei kianga hong kilak thu' na cih zel mawk, ko zong lah mang tampi mah man thei veve lel unga, tua ka mang pen Pasian kiang pan hong pai hi ci-in bang ci theih thei tuan se na hi hiam?  ci-in dong hi.


A nu' dawn kikna ah, "Bang hang hiam cih leh, suna ka mangmuh cianga thu hong puak vantung mi pen mah ka kiangah dinga thu hong puak, hi" ci hi.  Tua vantung sawltakte pen 'vantung mi' cih peuh, 'Kei hong makaihpa' cih peuh, 'Thu hong puakpa' cih peuh in gen thei hi.


Kamsangte' lungsim ah, zana mangmuhna a hih hang-in, buaina om lo-in, tua 

thu tawh kizoma Pasian kiang pana hong pai thu hi, cih pen khen tel thei uh hi.


A hun dang te leuleu ah, Mrs. White in thu a nget lai tak, thu a gen lai tak, lai a gelh lai tak cih khawngin mangmuhna kipia thei zel hi.  Tua banga amah a na om zia sa te in mangmuhna pen bang mah nawngkai sak lo hi.  Mipi maia thugen lai tak leh thunget lai tak khawng a hih leh bel, tawm vei daai phot sam hi.  Khat vei hih bangin gelh hi: 'Nakpi-a thu ka nget lai takin, ka kiim ka paam vai teng 

ka mangngilha, inn dei sung khempeuh hong taang kimin, General Conference 

bang ding kikhop-na lian khata thu kigen ka za hi,' ci hi.


Mrs. White khan sung a nasep kum 70 bang sau vei sungah, mangmuhna kipia a sau pen in, nai li sung bang sau-a, a tom pen te bel, tomno khat sung bek ahi hi.  A tamvei pen in, nai lang sung bang hi thei bul hi.  A hih hangin a hun sawtna pen a ngeina cih om lo hi.  Paul gelh mah bangin, "Pasian in a hunhun in mun tuamtuam ah, kamsangte zangin ih pate tungah thu na gen hi," Heb 1:1.


Khuavak in kamsangte tuama, tua a mangmuh lai taktak un bel gelh nai lo uh hi. A nasep pen uh, set nasep bang hi lo hi.  Hun hoih a ngah kik ciang cih loh buang Topa in thakhatin tua thu gen khia pah sak lo hi.  Vantung mi in zong khut tawh a gelh dingin kaai pah lo hi.  Tua a va muh thu in amah zo phota, ama muhna bang mipite' theih dingin hong gen khia kik phing uh hi zaw hi.


Bang ci bangin kamsang khat peuh' lungsim khuavak in va tuam thei-a, mipite 

hilh sawn theihna ding thu ngah thei hi ding hiam, ci-in ih dong nuam kha ding 

hi.  A taktakin ci leng, mangmuhna dan in thukham nei tuam lo hi.  Tua ci om leh mang mu thei bek hi, cih om zia tuam pian kip khat peuh a nei hi tuan lo hi.  Thu tuamtuam te ah kamsangte in a lungsim uha a mang mawh te na om hi.  Eite in zong ih nuntak sungin thu khat peuh ih mangngilh thop theih loh a belh tentan a om theih mah bangin, kamsangte in zong mite tunga a hong puak sawn ding te, amau' zakna pana a ciamteh diak thute uh eite mai-ah teci pangin hong puak 

sawn uh na hi zaw hi.


Ih nusiat sa khawkpi sungah, kidona lian tangthu a muhna ih genna sungah hun pai sa thute bang ci muh hiam cih hong genna ih dawk sak zo hi.  A hun dang khat leuleu ah, a mangmuh cianga a khuavak muh dan hong gena, "Leitung lam hong en sak leuleu-a mai lam peka thupiang ding te zong hong musak hi.  

Tua tham lo-in hun bei sa-a thupiang khia khin sa te zong hong mu sak hi,' ci hi.


Hih a genna tawh Ellen G. White in tua a piang nate a mit mahmahin mu hi, cih kithei hi.  A mangmuhna ah tua nate dawk kika, a lungsim ah kip lut mah mah hi.  A hun dang te pawl khat ah bel, a mangmuhna vaite lakah amahmah a kihel thute peuh hi-a, a ngaihsut thu, a muh, a zak, a man-nop thute hi-a, a tataka 

piang hi lo napi, a lungsim a lawng, a mangngilh theih loh thute na hi zel hi.  A mangmuhna masa pen vai bang zong, laimai 34-37 sunga te, tua bangmah ahihi.


Khat veivei ta leuleu, Mrs. White mangmuhna pen, mihonpi kikhopna peuh, inn sung peuh, sang-zato cih bang te sung peuh, a gamla pipi-a a va omin kiseh hi.  

Tua mangmuhna tawh va oma a kisehna munte ah, a tataka kikhop a na neihna munte uh hi zelin, kua in bang thu gen, bang thu kikhen sat, tua pa in bang thu gen cih te a mi malmal pau leh vai kihawm teng gen khiat sak thei sisek zel hi.  Khat vei Mrs. White a mangmuhna ah, ih zatote khat ah kipai piha, a dei tuamtuam te ah a tataka va lut bangin a muna om zia maan pen va theih pih sisek hi.  Tua thu tawh kisai a gelhna ah: 'Kihona gina lo, hai huai mi nuihsatna, khiatna nei lo-a mot nuihnate in bil sung na sak mahmah hi... Pasian' vantung mite a mai-zum sak, kihazatna, ki-enna kammalte leh thusia gengennate ka mu-a, ka dip 

kua zo phial hi," ci hi.


Tua bang zato dang a pahtaak huai zaw khat hong kilak hi.  A inn dei panin thungetna aw hong pu suak a za hi.  Bang zah takin na lawp pih hiam?  A vil vantung mi in a department tuamtuam te inn dei sung te et piha, a vakna munte gilhin ciamteh hih tuak hi.


Lim lahna tawh Mrs. White tungah khuavak kipia zel hi.  Tua bang lim lahna tawh a kilakte khat a tel takin lai gual li dimin gelha, tua a kisiatna manawha a muhna mun makaipa khat tunga a khakna ah: "Hun dang khata kong muhna ah, nang pen general na hi-a, laan khai sa-in sakol tung khatah na tuang hi. Mi khat 

hong pai-in tua na khuta na tawi laan pen a tunga 'Pasian thupiakte leh Jesu 

upna' ci-a kigelh pen hong sut khia-in lei lakah tuan cil hi.  Na kiimah mite in 

hong kiim-uum uha, leitung tawh hong zom uh hi," ci hi.


Ngimna kibanglo thu tuamtuam nih a hong kiphel khap ciangin Mrs. White tunga hong kilak zong om zel hi.  A tel lahna ah, tua ngimna (policy) pen zui leng, ngimna dang khat susia ding hi, cih te a hihi.  Tua tel hilhnate lakah, America gam nitumna lama om Loma Linda Food Factory (an bungte bawlna setzung) phuhna ding thu ah a kitel pen khat a hihi.  A makaipa leh a pawl te in zatopi kiang nai ah tua inn lam ding sawm uh hi.  Tua ngimna pen a kisem toto ding hi ta hun laitakin, tai za tampi gamla-a om Mrs. White in a inn sungah mangmuhna nih 

vei na nei hi.  A masa pen ah:  "An tampi kibawlna inn lianpi khat hong kilak hi. Tua innpi kiimah inn neu zaw te zong om hi.  Ka din lai takin, awging ngaih 

mahmah kinial kawmkawma na kisem ka za hi.  A nasemte lakah kilemna om lo-in, buainna hong tung hi.


Tua ciangin manager pa lungkhamin a nasemte tawh kilemna ding ngaihsun uha om a mu hi.  Tua ciangin cinate in zong tua kinialnate zaza uha, "hih an bungte bawlna setzung pen zato kiang nai lua mun ah kikip sak mawk ding hiam? di-a a paute za hi."  Tua ciangin khat hong kilangin a genna ah: "Hih vaihawmna pen sep ding hi ta a hih ciangin, tua bang vaihawmnate ah etteh kak ding etsan suak ding hi." ci hi.


Tua ciangin hong kikhela, an bung setzung pen, zato pan a gamla zaw meileng lam kiangah hong om mu hi.  Hih lai ah bel, nasepnate Pasian' deih bangin kilemna leh kiniamkhiatna te kizang hi.  Mangmuhna hun khit nai tawm kha sung mahin, Mrs. White in Loma Linda-a nasemte kiangah, an bung setzung pen, tu-a a kikoihna muna kikoih ding a hihna lai khak pah hi.  A ngimna masa uh zato gei kizom toto lai hi leh, tua bang sum bawlna phual ding tua  mun pen a sawt lo-a kicimawh mahmah ding na hi gige hi.


Tua bangin Topa' kamsangnu in a sun a zan ci lo-in, mangmuhna tawh 

thupuakna a nam tuamtuamin ngah thei hi.  Tua banga lungsim sung khuavak-sakna tawh kamsangte a thuhilhna leh zaksakna te mite tungah genin, gelh uh  hi.Tua bang hihna ah Mrs. White pen Kha Siangtho in lam laka, a hih hangin 

setbu uk bang in uk lo hi.  A thu hong gelh sawn ciangin bang kammalte tawh 

gelh ding cih pen a ma teel tawm kammalte tawh gelh hi.  A nasep a kipat tung 

lai-in pawlpi thu zak sakna ah hih bangin gelh hi: "Pasian' Kha Siangtho 

makaihna tawh nasem ka hih tei hangin, hong pia vantungmi' kammal ka uum 

tuamte lo buang ka muhnate tel genna dingin kammal keima teel tawm a hi zaw hi,' ci hi.


Source: Pawlpi Thu Lamlak

ZOP LAI DING



Sunday, March 29, 2015

Welcome to Stewardship Revival Meeting.

Dear It leh Zahtak Pawlpi mi khempeuh,

Kawlgam bup Stewardship Revival Meeting ding a hun hong nai mahmah ta a, GC pan hong pai ding siapi te gel (Pr.Erika Puni leh Pr.Mario Nino) te zong US pan hong dingkhia ta ding uh hi. March 31 sun nai (1:20) in Mandalay International vanleng kuan hong tung ding cih ki za hi.
SSD pan siapi te (Pr.Happy Sibilang leh Pr.Johnny Lubis) te zong tua ni mah sun (11:30) in hong tung ding uh hi.
Kawlgam mun tuamtuam pan hongpai ding delegate khempeuh zong hong kithawi ta un. Pyinoolwin pan na ngakngak ing.
Nongpai uh ciang in na zin tun na ding mun vuah direct in hong tung pahpah ta un.
1.AYM-delegate te (Karani-Church hall) hi ding hi.
2.CMM, SEM, UMM -delegate te (Lisu College boarder) ah hi ding hi.
3.YAD-delegate te (Eden Motel hall) ah hi ding hi.
-Tho tam a hih man in thopuan hong keng hamtang ta un.
-Khua a damlua a hihloh hang in zanlam vot thei ahih man in zanpuan lum zong hong keng ta un.
-Lup na ding phekbek kiphah a hih man in delhphah puan khat zong kisam kha ding hi.
-Zingsang leh nitak lam khua dam hiau hiau a hih man in puan tungsilh lum a papian zong kisam kha ding hi.
-An neek dan ding pen pawidang banglo ding a meal ticket tawh ki ne ding a hih man in registration bawlloh pha mawh ding hi. Registration fee pen Ks.2,000/- hi ding hi.
-Pakan, sikkeu ih kenkul ding hi. A pua lo te' aa ding in steal pakan (buhkuang,mehkuang,sikkeu) kopkhat Ks.1,000/- tawh kilei thei ding in hong kikoihsak ding hi.
-Mission in delegate a hong telloh hang, lawp natawh hongpai te zong tintan kah thei ding uh hi.
-Mission delegate a hilo Meal ticket a deih peuhpeuh in an neekkhat Ks.1,000/- tawh ni (2-4) thum sung zing an nitak an (6) vei ai ding in Ks.6.000/- leh admission fee Ks.2.000/-piak kul ding hi.
-Delegate te' zintun na ah a tungnuam ten zan khat Ks.500/- piaktheih hi.
-April 1,2015 sun (12)pan registration kibawl ding hi.
-Worship (5) vei om ding a Mission khat in hunkhat ta makaih ding uh a, a mau makaih hunsungin a mau mission sung Tithe tampia mi (10) ta pahtawi na pia ding uh hi.
-Telloh dot nop a om leh stewardship director Pr.Khual phone nambat (09-43081125) tawh kidong thei hi.


Itna leh zahtakna lianpi tawh

Khambawi

Wednesday, March 25, 2015

Kamsang Khat Tungah Khuavak Hong Tun Dan

Israel mite hun khat vei lai-in, Topa in mite tawh a kithuzak theihna dingin 

kamsangte zang hi.  Amah in, "Note lakah kamsang khat om leh, Keimah Topa ama kiangah hong kilakin, ama mang sungah thu kong gen ding hi." Num 12:6 ah na ci ngei hi.


Khawkpi nunung pen sungah kidona lian tangthu na sim ciangin, pumpi om zia lamdangpi tawh kithuah hi cih na mu ding hi.  Khat peuh in, bang hangin mangmuh-na hih bang om zia tawh kithuah se hiam, ciin zong dong nuam khasop 

ding hi.  Tua bel, a tel tak-in gen leng, mite in hih mangmuhna pen Pasian 

kiang pan hi takpi hi ci-a a muan theihna ding uh a tel muh pah lel ding uh 

deihna a hihi.  Mrs. White in a mangmuh ciangin ama om zia gen beh thithe khol lo hi;  a hih hangin khat vei a gen na ah, "Hih thute hun bei kuana mite upna hun ding thupiak hi-a, eite in Spirit of Prophecy ih muan theihna ding a hihi"

 ci hi.


Mrs. White nasepna hong khankhan ciangin Lai Siangtho sunga "Amaute' gahin na theithei ding hi," a cih thu tawh sittel theih hong suak hi.  Gah tawh sittel theihna dingin hun tam zek lak kula, Topa in tua mangmuhna in mite upna huh a hihna teci a dawk sak kul hi.


A hih hangin mangmuhna khempeuh mihon omna lak hi khin khol lo-a, a pum pi pian zia lamdang tawh zong hi kim lo hi.  Pasian in kamsangte tunga a 

kilahna pen 'mangmuhna bek hi khin khol lo-in,' 'mang sunga thugen pihna' 

zong hi thei hi, ci-in gen hi.  Tua pen hilhkholhna mang Daniel gen bang pawl 

a hihi.


'Babylon kumpi Belshazzar a kum khatna kumin, Daniel in lupna tungah mangmat mangmuhna khat mn a, a mangmatna gelh khia-in thu pawl khat gen hi.' 

Dan. 7:1.


Daniel in ama tunga kilah dan a tuamtuam gena, "zana ka mangmuhna-a ka muh"peuh ci thei hi.  Mrs. White tunga mangmuhna a kipiak ciangin zong, a lungsim a tawlngak lai tak zan hun khawng hi thei bul hi.  tua bang te pen, 'zana ka mangmuhna ah na pawl khat tel takin hong kilaka' ci thei hi.  Tua a hih kei leh, Pasian in kamsangte tungah hilhkholhna a mang sung u ah gen mun mahmah hi.  Hilhkholhna mang leh zan mangmuhna cih leh, mang nautangte tawh kisaiin dot-na om kha ding hi.  Tua te tawh kisai-in, Mrs. White in 1868 kuma 

a gelhna ah:


"Mangmatna a tampi in ih nuntakna tangpi zui lel hi-a, Pasian' Kha tawh kisai 

lo hi.  Tham lo-in mangmuhna zuau a om theih mah bangin, mangmat zuau 

zong om thei hi.  Tua te pen Satan' muap zong hi thei hi.  Topa piak mangmatte a hih leh Lai Siangtho tawh kiteh kak thei pah ding hi.  Tua bang mangmatte pen, a mihing om zia bang tawh kisai thu hi-a, bang thu hang hi ding hiam 

cih tawh kikhen tel thei pah ding hi."


Khat vei, Mrs. White nuntak sung, a nunnng lam hi ta, a tapa Pastor W.C. White in a nu kiangah, 'Zan a kei kianga hong kilak thu' na cih zel mawk, ko zong lah mang tampi mah man thei veve lel unga, tua ka mang pen Pasian kiang pan hong pai hi ci-in bang ci theih thei tuan se na hi hiam?  ci-in dong hi.


A nu' dawn kikna ah, "Bang hang hiam cih leh, suna ka mangmuh cianga thu hong puak vantung mi pen mah ka kiangah dinga thu hong puak, hi" ci hi.  Tua vantung sawltakte pen 'vantung mi' cih peuh, 'Kei hong makaihpa' cih peuh, 'Thu hong puakpa' cih peuh in gen thei hi.


Kamsangte' lungsim ah, zana mangmuhna a hih hang-in, buaina om lo-in, tua 

thu tawh kizoma Pasian kiang pana hong pai thu hi, cih pen khen tel thei uh hi.


A hun dang te leuleu ah, Mrs. White in thu a nget lai tak, thu a gen lai tak, lai a gelh lai tak cih khawngin mangmuhna kipia thei zel hi.  Tua banga amah a na om zia sa te in mangmuhna pen bang mah nawngkai sak lo hi.  Mipi maia thugen lai tak leh thunget lai tak khawng a hih leh bel, tawm vei daai phot sam hi.  Khat vei hih bangin gelh hi: 'Nakpi-a thu ka nget lai takin, ka kiim ka paam vai teng 

ka mangngilha, inn dei sung khempeuh hong taang kimin, General Conference 

bang ding kikhop-na lian khata thu kigen ka za hi,' ci hi.


Mrs. White khan sung a nasep kum 70 bang sau vei sungah, mangmuhna kipia a sau pen in, nai li sung bang sau-a, a tom pen te bel, tomno khat sung bek ahi hi.  A tamvei pen in, nai lang sung bang hi thei bul hi.  A hih hangin a hun sawtna pen a ngeina cih om lo hi.  Paul gelh mah bangin, "Pasian in a hunhun in mun tuamtuam ah, kamsangte zangin ih pate tungah thu na gen hi," Heb 1:1.


Khuavak in kamsangte tuama, tua a mangmuh lai taktak un bel gelh nai lo uh hi. A nasep pen uh, set nasep bang hi lo hi.  Hun hoih a ngah kik ciang cih loh buang Topa in thakhatin tua thu gen khia pah sak lo hi.  Vantung mi in zong khut tawh a gelh dingin kaai pah lo hi.  Tua a va muh thu in amah zo phota, ama muhna bang mipite' theih dingin hong gen khia kik phing uh hi zaw hi.


Bang ci bangin kamsang khat peuh' lungsim khuavak in va tuam thei-a, mipite 

hilh sawn theihna ding thu ngah thei hi ding hiam, ci-in ih dong nuam kha ding 

hi.  A taktakin ci leng, mangmuhna dan in thukham nei tuam lo hi.  Tua ci om leh mang mu thei bek hi, cih om zia tuam pian kip khat peuh a nei hi tuan lo hi.  Thu tuamtuam te ah kamsangte in a lungsim uha a mang mawh te na om hi.  Eite in zong ih nuntak sungin thu khat peuh ih mangngilh thop theih loh a belh tentan a om theih mah bangin, kamsangte in zong mite tunga a hong puak sawn ding te, amau' zakna pana a ciamteh diak thute uh eite mai-ah teci pangin hong puak 

sawn uh na hi zaw hi.


Ih nusiat sa khawkpi sungah, kidona lian tangthu a muhna ih genna sungah hun pai sa thute bang ci muh hiam cih hong genna ih dawk sak zo hi.  A hun dang khat leuleu ah, a mangmuh cianga a khuavak muh dan hong gena, "Leitung lam hong en sak leuleu-a mai lam peka thupiang ding te zong hong musak hi.  

Tua tham lo-in hun bei sa-a thupiang khia khin sa te zong hong mu sak hi,' ci hi.


Hih a genna tawh Ellen G. White in tua a piang nate a mit mahmahin mu hi, cih kithei hi.  A mangmuhna ah tua nate dawk kika, a lungsim ah kip lut mah mah hi.  A hun dang te pawl khat ah bel, a mangmuhna vaite lakah amahmah a kihel thute peuh hi-a, a ngaihsut thu, a muh, a zak, a man-nop thute hi-a, a tataka 

piang hi lo napi, a lungsim a lawng, a mangngilh theih loh thute na hi zel hi.  A mangmuhna masa pen vai bang zong, laimai 34-37 sunga te, tua bangmah ahihi.


Khat veivei ta leuleu, Mrs. White mangmuhna pen, mihonpi kikhopna peuh, inn sung peuh, sang-zato cih bang te sung peuh, a gamla pipi-a a va omin kiseh hi.  

Tua mangmuhna tawh va oma a kisehna munte ah, a tataka kikhop a na neihna munte uh hi zelin, kua in bang thu gen, bang thu kikhen sat, tua pa in bang thu gen cih te a mi malmal pau leh vai kihawm teng gen khiat sak thei sisek zel hi.  Khat vei Mrs. White a mangmuhna ah, ih zatote khat ah kipai piha, a dei tuamtuam te ah a tataka va lut bangin a muna om zia maan pen va theih pih sisek hi.  Tua thu tawh kisai a gelhna ah: 'Kihona gina lo, hai huai mi nuihsatna, khiatna nei lo-a mot nuihnate in bil sung na sak mahmah hi... Pasian' vantung mite a mai-zum sak, kihazatna, ki-enna kammalte leh thusia gengennate ka mu-a, ka dip 

kua zo phial hi," ci hi.


Tua bang zato dang a pahtaak huai zaw khat hong kilak hi.  A inn dei panin thungetna aw hong pu suak a za hi.  Bang zah takin na lawp pih hiam?  A vil vantung mi in a department tuamtuam te inn dei sung te et piha, a vakna munte gilhin ciamteh hih tuak hi.


Lim lahna tawh Mrs. White tungah khuavak kipia zel hi.  Tua bang lim lahna tawh a kilakte khat a tel takin lai gual li dimin gelha, tua a kisiatna manawha a muhna mun makaipa khat tunga a khakna ah: "Hun dang khata kong muhna ah, nang pen general na hi-a, laan khai sa-in sakol tung khatah na tuang hi. Mi khat 

hong pai-in tua na khuta na tawi laan pen a tunga 'Pasian thupiakte leh Jesu 

upna' ci-a kigelh pen hong sut khia-in lei lakah tuan cil hi.  Na kiimah mite in 

hong kiim-uum uha, leitung tawh hong zom uh hi," ci hi.


Ngimna kibanglo thu tuamtuam nih a hong kiphel khap ciangin Mrs. White tunga hong kilak zong om zel hi.  A tel lahna ah, tua ngimna (policy) pen zui leng, ngimna dang khat susia ding hi, cih te a hihi.  Tua tel hilhnate lakah, America gam nitumna lama om Loma Linda Food Factory (an bungte bawlna setzung) phuhna ding thu ah a kitel pen khat a hihi.  A makaipa leh a pawl te in zatopi kiang nai ah tua inn lam ding sawm uh hi.  Tua ngimna pen a kisem toto ding hi ta hun laitakin, tai za tampi gamla-a om Mrs. White in a inn sungah mangmuhna nih 

vei na nei hi.  A masa pen ah:  "An tampi kibawlna inn lianpi khat hong kilak hi. Tua innpi kiimah inn neu zaw te zong om hi.  Ka din lai takin, awging ngaih 

mahmah kinial kawmkawma na kisem ka za hi.  A nasemte lakah kilemna om lo-in, buainna hong tung hi.


Tua ciangin manager pa lungkhamin a nasemte tawh kilemna ding ngaihsun uha om a mu hi.  Tua ciangin cinate in zong tua kinialnate zaza uha, "hih an bungte bawlna setzung pen zato kiang nai lua mun ah kikip sak mawk ding hiam? di-a a paute za hi."  Tua ciangin khat hong kilangin a genna ah: "Hih vaihawmna pen sep ding hi ta a hih ciangin, tua bang vaihawmnate ah etteh kak ding etsan suak ding hi." ci hi.


Tua ciangin hong kikhela, an bung setzung pen, zato pan a gamla zaw meileng lam kiangah hong om mu hi.  Hih lai ah bel, nasepnate Pasian' deih bangin kilemna leh kiniamkhiatna te kizang hi.  Mangmuhna hun khit nai tawm kha sung mahin, Mrs. White in Loma Linda-a nasemte kiangah, an bung setzung pen, tu-a a kikoihna muna kikoih ding a hihna lai khak pah hi.  A ngimna masa uh zato gei kizom toto lai hi leh, tua bang sum bawlna phual ding tua  mun pen a sawt lo-a kicimawh mahmah ding na hi gige hi.


Tua bangin Topa' kamsangnu in a sun a zan ci lo-in, mangmuhna tawh 

thupuakna a nam tuamtuamin ngah thei hi.  Tua banga lungsim sung khuavak-sakna tawh kamsangte a thuhilhna leh zaksakna te mite tungah genin, gelh uh  hi.Tua bang hihna ah Mrs. White pen Kha Siangtho in lam laka, a hih hangin 

setbu uk bang in uk lo hi.  A thu hong gelh sawn ciangin bang kammalte tawh 

gelh ding cih pen a ma teel tawm kammalte tawh gelh hi.  A nasep a kipat tung 

lai-in pawlpi thu zak sakna ah hih bangin gelh hi: "Pasian' Kha Siangtho 

makaihna tawh nasem ka hih tei hangin, hong pia vantungmi' kammal ka uum 

tuamte lo buang ka muhnate tel genna dingin kammal keima teel tawm a hi zaw hi,' ci hi.


Source: Pawlpi Thu Lamlak

ZOP LAI DING