MISI TE OMNA

                                                       MISI TE OMDAN

 

     Misi pen "han" Hebru pau in "seol" acihna ah pai khin uhhi. Pasian nasem midik Job in ah,Nang in sihna ah nong tun'pih ding cih ka thei a, nuntakna anei mikhempeuh omnan'g a na koih inn ah pen,"(Job 17:13 manglai a kigelh bang akilet ) ci in ah,hih han pen misi te inn, kua mah utlohna mun ahihi.Mi hoih leh migilo te tung ah thu tawpna kibang ahihi (Thu hilhkikna 9:2). Late a gelh pa in zong "Ka khaa pen sihna seol ah nong nusia kei ding a, na mi siangtho pen na muatsak kei ding hi"(Late 16:10 mang lai pan lak) ci in na gen hi. Hih lai ah," Seol" cih pen Greek pau ah pen "Hades" na ci in"han" cihna mah ahihi.Hih teng a thu pen Peter in Zeisu Khrist han ah amuatloh ding hi cih genna ahih thu hong lakkik hi."Khrista thohkikna thu  genna hi in, misi khua ah nusiat om vetlo in, aluang zong muat vetlo hi,"(Sawltakte 2:27,31) cihi.

 

     "David zong van ah kilato lo hi," ci in  Peter in  Khaa Siangtho theihsakn angah in hong gen ahihi(Sawltakte 2:34). Ih pu ihpa upna nei micihtak tampi tak in "Upna lian mahmah hi , ci-in akitheih hangin piak dingin Pasian in aciam sa thute angah nai kei uhhi.Amau tawh  eite ih kikop ciang in amau te acingtak ahih thei phing na ding uh Pasian geel na ahihi(Hebru 11:39,40).

 

                                                       MISI TE HONG THONKIK DING UHHI.

     Misi te pen bangmah thei lo in muat khit mah tase leh ,bang ni ah hiam khat in a ihmut na han pan in hong tho kik ding uh hi cih ih Pasian thu in siangtak in hong hilh hi:Na misi te hong tho kik ding uh a,ka luang hawm te pen hong tho kik ding hi; lei vui a a om te aw, tho in  nuam in lasa un….lei in misi te pen hong lakhia ding hi(Isaiah 26:19 mang lai pan in kilet hi.)ci hi.

 

     Pasian hun hong ciam hong tung ma pen hong nunta lo phot ding uhhi cih hih LST mun pan in kithei thei hi."Ahih hang in mihing pen si a hong mai mangpah hi.Amah abeina tungta a koi ah omnawn ahi hiam?A hi zong in vanpi omlai teng, mi site tho to ngeilo ding a,a ihmutna pan in khanglo ngeilo, gamtang ngeilo ding hi(Job 14:10,12) cih te leh;"Ni tawp ni ciang in ka hin sak kik ding cihi(John 6:40,54) cih thu pan in Pasian hunciam ni tawpni atun'ma in misi te pen bangmah theilo in,han ah omlai phot uh cih kitel sitsethi.Han pen misi te omna khua ci in kigen hi.Tua lai a apai te in bangmah theitheihna nei nawnlo uhhi(Thuhilhsia 9:10).Hebru pau in "Seol" cih leh Greek Pau in "hades" cih pen Thuciam thak ah pen 11 vei kizang hi.ICorin.15:55 ah "Han" ci in kilet hi.Akhiatna dang khat ah pen dan piakna mun cih na in kizang thei hi.Tua han pen misi te in bang mah theilo in sihna ihmutna ah ihmu in, muat mang khin uhhi.Kua mah sih khit lianleh taksa omlo in van gam ah tung pah  om ngeingei lohi.

 

                                                         MISI TE THOHKIK DING HUN

     Hih thu ka hong genciang in lamdang sa kei un.Han sung ah aom misi khempeuh in ama aw za in,han sung panin ahong paikhiat ding hun hong tung ding hi.Agamtat hoih mite pen anungta tawntung dingin hong thokik ding uha,agamtat siate ahih leh mawhsak thukhenna athuak dingin hong thokik ding uhhi"(Jon 5:28,29).Hih thu ah pen , gamtat hoih te leh gamtat siate hong tho kik ding cih ih mu hi.Sawltak Paul in,misi thohkik ding ci in lam en in ka om man in,(Sawltak 23:6)."Amau te upna leh lam et bang in,Pasian in mipha te leh misia te akibang in sihna panin hing kiksak khawm ding hi ci in um in ka lam en hi ci in Saddusi thokik na om umlo te pen thukham leh kamsang te laibu  siksan in na dawng hi(Sawltak 24:15).Ahih hangin Midik te thohkik ding hun leh, athoh kik dan ding te, migilo te thohkik ding hun leh athohkik dan ding te pen kibang lo ding hi. LST pan in kan zel ni.

 

"Tua ciang in saihadial puan asilh vantung mi in,Na mite acing,a lian vantung mi Michael hong kilang ding hi.Tua ciang in leitung ah mihing apianzawh akipan ana sia penpen gimna hun hong tung ding hi.Tua hun ahong tun ciangin Pasian laibusung ah amin akigelh  mite khempeuh honkhia ding hi.Asisa mitampi te in nuntakna ngah kik ding uhhi.Pawl khat te in nunta tawntung ding uh a,pawl khat te in atawntung zumna leh minsiatna ngah ding uhhi.(Daniel 12:1,2;Mang.20:13).

 

Hih thute ah zong , midik te leh migilo te thohkik dan dingpen akibang loh zia ding kimu hi.Tua bekhi lo in, midik te migilo te hong thokik ding cih kimu sitset hi.Tua ahih man in thohkikna pen nam nih aom thu kithei ta in:"thohkikna masa" midik te thohkikna  leh "Thohkikna nunung" migilo te thohkikna ahihi………….Zop lai ding … thulu..THOHKIKNA NAMNIH.

Topa Khat Bek Ih Nei Hi....!

Thum=Pasian Khat: Pa, Ta, le Kha Siangtho

           Christian te thuhilhna khempeuh te lak ah Pasian upzia, ngaihsutzia, ih telzia te ki lamdang thei mahmah hi. Hihpen mihing lungsim-in ciangtanh nei i-hih manin Ciangtanh aneilo Pasian' thu akicingin ih tel thei kei hi.

            Hitakpi mah hi, thum gawm Pasian "Trinity" cih kammal Lai Siangtho sungah ki mulo takpi hi. Christian te-in Pasian khat bek om cih um a Pasian' thum ci-in ki um lo hi. Ahizongin Pasian khat bek ahih leh, koici bangin Trinity om ding hiam?

Trinity om ahih leh zong Pasian khat bek ci-in koi ci uptheih ding ih hi hiam? Lai Siangtho sung en in kikumh suk ni:

The Oneness of God: Pasian Khatbek hihna

           Lai Siangtho inPasian Khat bek om hi ci hi,"O Israel, ngai un! Topa in Pasian hi, Topa Khat bek om hi. ThuHilhkikna 6:4; 1Cor. 8:4-6). Hih Pasian khat cih kammal ih tel ding ki sam mahmah hi. 

           Pa, Tapa,le Kha Siangtho thu en suk pak ni: Pa Pasian ci-in Matt.27:46; 1Cor.8:6 te ah na gen hi. 

Tapa/khazih in Pasian hi. John 1:1;20:28;2Peter 1:1. Kha Siangtho zong Pasian hi. Acts 5:3,4; 2Cor. 3:17,18.

Hih te ih gen ciangin Godhead ihcih Pa, Ta, le Kha Siangtho ahi Pasian khat ahih na hong ki dawk hi. 

Pasian plural hi: Thuciam Lui

          To thum gawm Pasian cih kammal pen OT in teltak leh kician takin na gen lo hi. Ahizongin kihel kim cih ki thei hi.

"Ei ma lim, ei mah hongsun mi bawl ni..." Pian.!:26.  "En un mipa Eite khat tawh ki sun hi. Pian.3:22.  Moses mai ah sawlpaang kuang sung ah "Vantungmi" ki langh hi.Pai.3:2. Tua meikuang suangah Topa Pasian ahihna gen hi.Pai.3:15.Moses in :Kua na hiam" acih teh "I AM" "Kei mah Ka hihi Pai.3:14. Pasian in Israel te apai pih dingin Vantungmi sawl hi.Pai.23:20,21:Pai.5:15:Late 45:6-8.

            Isaiah 63:16 ah kote Pa na hihi. ci hi. PA ci-in na sam uh hi. Thuhilhkikna 32:6; Isaiah64:8. Tua ahih man in hongpiangsak Pasian ahi Pa khat bek ih nei hi. Malakhi 2:10.

Tapa thu agen na ah Hebia 1:8,9 "Ahizongin Tapa thu agen ciangin Pasian in, Pasian aw, na kumpi tokhom khang tawntungin kipdinga, thuman thutang tawh na gam sung na uk dinghi.... Nangma Pasian in nang mah hong teelin.." na ci hi. Hih kammal ah Pa leh Tapa gen khawm hi.

            Pasian Tapa tawh thu ensuk kik ni: "Banghang hiam cih leh eite adingin naungek khat hongsuaka, eite tungah tapa khat hong kipia hi. Amahpen eite hong ukpa hi dinga, ama min pen: Lamdang thulakpa, Vanglian Pasian, TawntungPa, Nopsakna Kumpi, kici ding hi. Isaiah 9:6. Tua Topa in eite mawhna ama tung ah suan hi.Isaiah 53:6,10. Tua Tapa pen Pa in nasempa khat in na zangh hi, aneu 11. Na sempa Tapa in agen na-ah: "Tua thu apian akipan in kei ka om hi, tu-in Topa Pasian in Keitungah avangliatna hong pia-a, Kei hong sawl hi. Isaiah42:1;48:16.  Thukhenpa leh mihing tapa hi-a tawntung kumpi gam amah ki pia hi. Sathau kinilhpa Messiah Daniel 9:25.  Puanpaak silh mipa hi Daniel 10:5,6.  Michael hi Daniel 10:13,21. Hih khempeuh in mihing tapa cih hong lak tel hi.

          Kha Siangtho zong atuam in gamtaangin na sem hi cih ki mu thei hi. Pian.1:2;6:3:Isaiah48:16.

Pasian Plural hi: Thuciam Thak

            Thuciam thak sungah Pa, Ta, le Kha Siangtho atuam tek in om hi.

Pa Pasian agen na pen mun tampi ah om hi. Atel nop mahmah ahih man in tawm en ni.

Jesu in agen na-ah: Ka Pa in kei hong sawl hi John 5:36,37.

Pa Pasian in Atapa khat neihsun apiak dongin leitung mite it hi, tua Tapa a um mi khempeuh ahon ding hi. John3:16,17. 

Tapa in a Pa thu mang hi. Matt.26:39-42. Topa Jesu in Pa pen Ka Pasian ci-in sam hi. Matt.27:46.  Jesu Christ pen Pasian' tapa hi.Luke 22:70. 

           Pa le Tapa in Kha Siangtho sawl thei cih Lai Siangtho ah ki mu thei hi. Sawltak 2:33. Tua Pa le Tapa in asawl uh Kha Siangtho pen Pasian ahihi. Sawltak.5:3,4.   Kha Siangtho Gamtangin nasem hi. John16:7-13;Sawltak13:2,4;16:6,7.

Mi pawl khat te in Pasian khat om cih upna nei-a, ahizongin Trinity or To thum gawm Pasian cih pen nial uh hi. Pa, Ta le Kha Siangtho te-in amau mun tek ah semkhia ciat uh hi. 

            Et theih pak ah: Jesu aki Tuiphum na ah, Vakhu bangin Kha Siangtho kumsuka, Pa in Tapa' thu pulaak hi. "Ka it, ka lung hongdam sak Ka Tapa..." Marka 1:11. 

            Trinitarian te ngaihsut dan ah: To thum te pen ki zaakim in omtawntung hi ci-in um uh hi. 

Ki zaakim cih sangin ki thuhual hi cih ki mu thei aa mihing te hotkhiatna nasepna ah mapangkhawm tek uh hi.Matt.28:19;2Cor.13:14;1Pet.1:2;Jude20,21.  Tuiphum na ah: ei zo lai te tawh ki banglo manglai ah: "The name of the Father and the son and the Holy Spirit" ci sese hi. Hih min (name) pen Plural hi lo aa singular hi. min khat bek genna hi-a min thum genna hi lo ahih man in To thum te ii min khat bek ahi Godhead Pasian Khat bek min ahihi. Tapa Jesu Christ in hong hehpih, Pa Pasian in hong it-in, Kha Siangtho in hong ki kholsak thei hi. 2Cor.13:14.  Pa Pasian in hongteel-a, Jesu' sisan tawh siangthona na ngah theih nadingin Kha Siangtho in hongbawl hi.1Pet.1:2. Ih tel dingin Siangtho tak in agamtangden na asemden Pa,Ta, le KhaSiangtho pen Thum hinapi in Godhead Pasian Khat ahi hi.

Sepdan le Kizop dan

           Banghang hiam cih leh Pa, Ta le KhaSiangtho pen thumgawm Pasian Khat ahihna amau sepna leh kizopna te ah ki mu thei hi.  Pa in Tapa sawl hi. John 3:16,17.  Tapa in asep ding akisawl bangin kician takin sem hi. John19:30.KhaSiangtho in Tapa' sepzia teng hong zom suak hi.John 14:26. Jesu hong suah ding kigen khol aa hongsuak in Jesu' Pa pen KhaSiangtho hi tuan lo in Pa Pasian ahi hi. Hih in pumkhat ahihna uh leh asepkhopna uh hong lak hizaw hi.

Thu Khakna

           Pa Pasian pen akimu thei lo le asi ngei lo Pasian ahi hi. 1Tim.1:17.

Tapa pen kimu thei ngei in zong si ngei aa, kivui in zong thokik zo-a nungta kik hi. 1Cor.15:3,4.

Amau te pen Piansakna Lei le Van, na khempeuh, ni, kha, aksi te le mihing mahmah aki piansak na-ah mapangkhawm uh hi. Paunak 8:22-31;Pian.1:3-31;2:1-3.Kolose 1:15-17;John 1:1-3,10,14.   KhaSiangtho tawh zong ki thuah khawm uh hi.Piancil 1:2.

           Pa, Ta, le KhaSiangtho ki thuahkhawm in ni 6 sung piansakna nasep te semkhawm uha, ni 7 ni in Tawlnga, Siangtho sakin Thupha pia hi. Hih ni 7 ni tawlngakhna in piansakna pen Pasian sep leh ei mihing mahmah hongpiangsak ahihna hong telcian sak ahihi. Ih phawk ding khat ah, Pa Pasian in Tapa Jesu zanghin nakhempeuh bawlin piangsaka ani 7 ni-in Tapa zong tawlnga hi. Hih thu a umlo te pen LaiSiangtho a umlo ahi hi.

           Tua ahih manin Jesu pen tangtawng pek panin Pa tawh a omsa hi-a Micah5:2; John 17:5. Mary sung pan in hong omphing pan hilo hi. Mihing lim le mel sun in hongpai hilo a, Ama' lim le mel suun in abawl mihing te ahonkhia dingin A Vantung vangliatna te nusia in hong kiniamkhiat hi zaw hi.

            Lai Siangtho pen Pasian' humop hi-a up ding le zuih dingin amuanhuai hi. Pasian um le muang ih hih takpi theih nadingin Pasian pen koi banghiam cih ih telna tawh upding tel dingciang tello umlo te hilo in Pasian' hihna bang atel thei le a um thei tek dingin Pasian ngimna ahi hi.

Stewardship Revival Meeting

Tu kum (2015) April kha ni (2-4) May myo (Pyinoolwin) ah Stewardship Revival Meeting nasia tak a neihding in kigel hi.
Kawlgam bup Mission khempeuh pan delegate (100) te kisam hi. Vekpi gawm (500) kipha ding hi. Delegate sazian na kihel loh hang napai nopleh pai theih hi.
Mission delegate te Meal Ticket (letmat) tawh an kipia ding a, delegate sazian kihel lo te in zong kiman tak a a neek theih na ding in huang sung ah an sai om ding hi. Sa kihel lo an neek khat (အ၀) Ks. 1000/- hi ding hi.
Sa a duhpeuh in a lei theih ding in zong ki zuak ding hi.
GC pan siapi (2) hongpai ding vanleng letmat lei khin uh a, hong tun hun ding zong hong zasak khin uh hi.
Division pan zong (2) hongpai ding uh hi.
Inn kuankuan in hongpai nuam te zong hong pai un. Hotel na tun nop leh Pr. Kham Mung tawh na ki thuza ta un.
Delegate te' tun nading pen mun thum kisap ding hi.
1. Lisu sang inn (300)
2. Karani pawlpi hall (100)
3. Eden hall (100)
Mun dang na tun nop napeuh ah tun theih hi. A hi zong in Mission huang sung pen tui haksa a hih man in mi tampi aa ding haksa ding hi.
Theih nop a om bang bang hong zasak kik ta un.
Lung dam.
Pr. Khual
Director

Fwd: {Z.A.C} Lungdam huai thu

Dear ZAC a kua ma peuh,

Lungdam huai mahmah hi.  Khai leh Piang te u nau in Khaikam biak inn thak hong lam uh hi.  Maan hong khahkhia ing.  Na en tek ta un.  Lungdam huai mahmah hi.

Kap

Thuman thutak kupna

Sianpum tung ah Tom dawna:

Hosea 2:11 pen WEEKLY Sabbath agena hilo hi. Pawipi Sabbath te agena hi cih pen, LST thak-ah kitel pha mahmah hi. Law of ordinances acih te sungah ki hel hi. (Matt 24:20) Gamlak ah nataai ding uh, phalbi leh Sabbath tawh a kituaklo nang, thu na ngen un, ci in, Zeisu in vaaikhak lai hi ven.  Zeisu sihkhit nung, AD 70 aa thupiang ding, Jerusalem biakinnpi kisuksiat hunding agen ahi hi.  Zeisu in a nuntak lai a Sabbath phiatlo. Zeisu sih khitciang zong a Sabbath phiatlo cih siangtak in lak hi. Hebrew laibu pan AD 66 kum kiim in a kigelh hi. Hebrews 4:4-11 ah zong Sabbath ni Pasian tawl ngah bang mah ei zong, ih tawlngah ding siangen mahmah lai hi. Tua izuih kei leh migilote thuakbang in, kithuak ding ci lai hi.

 

John 13:34 na gen pen, ki thukimna thak – cih ding hi zaw hi. Israelmi te un, Ciampeel zel uh ahihman un, ki thukimna thak Topa in piakik zel hi. THUKHAM THAK hi peuhmah lo. Kawlgal kap te leh tapung te Cese fire agreement bawldan hi lel hi. Kikaaplo ding ci, kikaap kik zel, kikaap lo ding ci kik zel. Thukham 5-10 kikaal agena hi. Ex. 20 :3-17 na en pha in. (Mihing kikaal ki itna ding thupiakna). Thukham pen, LST in ki itna thukham naci hi. Kamal khat tawh gending hi leng, ki itna hi ziau lel hi. Tua sung ah PASIAN ITNA PEN THUKHAM LIAN PEN kici hi. Tua Pasian itna thukham lak-ah SABBATH tanh thukham kihel. Pasian na iit takpi leh Pasian Sabbath siangtho sak ding.

 

John 14:15 Zeisu in agenlai in, thukham 1-10 agena ahi hi. Li na kiphiatlo.  James 2:10-11 Pasian in phiatlo, mite'n zong phiat theilo. Ahizong in, Daniel 7:25 ah .. Anti-Christ in phiatsawn ding ci in gen khol. Tua pen, Thukham 2 na leh 4 na a kiphiatsak sawm ding agena hi.  Pope leh Constantine makaihna tawh RC pawlpi leh a huzaap nuai aa om protestant pawlpi tampitak te'n a phiat sak sawm cih theih ahi hi.

 

Matt 15:8 Mark 7:7-9 Deihtak simpha ve. Pasian thukham phiat aa, mite bawltawm ngeina pen, thukham suaksak. Sabbath phiat aa, Mite bawltawm nipi ni ahi Sunday peu leitung mi khempeuh in zatsak sawm. Tua pen, Anti-Christ gamtatna a hi hi. RC pawlpi agensia hi peuhmah lo. Thuman thutak a kigen hi bek hi.

 

Romans 2:7-9 A sia bawl khempeuh sihna dan thuak ding. 1 John 3:4 Mawhna icih khempeuh thukham palsatna. A sia bawl icih ciang in, mawhna bawl hi in, thukham palsatna hi.  Pasian itna icih pen, Pasian thu manhna, Thukham zuihna hi.

 

(Gal 5:22-23) sungah "The fruit of the Spirit is love, joy, peace, patience, kindness, goodness, faithfulness, gentleness and self-control"  (LOVE -  akici sung ah SABBATH a kihel sa hi.) Pasian itna anei te un, a Sabbath tanhna tawh Pasian a itna, Van le Lei ni 6 sung a piangsak pa, Biakni ni 7 ni in Pasian bia in, nasepdang te pan tawlnga ding uh hi.

 

Atung aa, khasiangtho gah te lak-ah, Sabbath tanhna kihel khin lua hi. LOVE acihna ah kihel zo.  The Greastest Commandment. Bang hiam? Love the lord thy God, with all thy hearts, mind, soul, strength…. Matt 22:36-38 – Topa pen ih lungsim khempeuh, ih kha khempeuh, ih ngaihsutna khempeuh, ih thahaatna khempeuh tawh it ding acih lak-ah…. Thukham 1-4 kihel khinzo cih theih gige ding ahi hi.

 

(i)                Pasian dang neilo ding

(ii)              Milim bia lo ding

(iii)             Topa min zaangkhaai ngaihsut lo ding

(iv)             Sabbath siangtho sak ding  (love the lord thy God with all your hearts) 

 

Topa na Pasian na it takpi leh Topa Sabbath ni, siangtho sak ding hi teh.... cih ahi hi. Topa itna sungah kihel khin ta.

 

Daniel 7 sung limtak in sim pha in. LST in Anti – Christ acih, Sapi acih a dang peuhmah hi thei lo hi. Mawhsakna mawkmawk hi lo. Pawlpi gensiatna hi lo. Roman Catholic tawh Deniel leh Revelation prophecy sung a gen khempeuh ki tuak linlian gai zen hi.  Ahizong in, RC pawlpi mi te a sia cih na hi lo hi. Zeisu tuno tampite RC pawlpi sungah om lai hi. Tuate thuman amuh uh ciang, hong pai khia ding ahi hi. 

Khaamit a neite un, LST pen tel mahmah ding uh hi. Khaamit a neilo te un, tamvei pi a simsim uh hang telzolo ding uh hi. A hang pen, Thumaan lungulhna neilo phot phot uh hi. Mitaw sialkhau let cih dan khatin, a upna uh leencip pong uh hi. 

- Ka sial phatna hilo:  Leitung khempeuh ah SDA un Bible Prophecy te tel pen uh hi. Thei pen uh hi. Tua pen amau pilna hang hilo hi. Khasiangtho un,  a kamsang te tungah a laksa, a genkhiatsa te pen limtak in sim uh, en cian uh, ki hilh cian uh hi. Khat peuh ii mawk phuahna tawh Anti-Christ pen RC makaite hi a ci ziau hi deksuai lo hi.  

Tuni mahmah in, LST genkholhna te leh leitung Church History sung thupiangte enkaak ciat ciat in, tua hi leh Daniel leh Revelation ii genkhohna te RC pawlpi makaai te paizia, zia le tong, history, characteristic tawh kituak liinlian hi cih pen siangtak in na mu ding hi. Siatgeenopna hi lo hi. Thuman thutak gena a hi hi. 

---- Leitung ah Pasian min leh Biakna min tawh- Vatican zah in, thunei kua om ding ahi hiam? Amau zah in misiangtho te a that leitung ah kua om ding ahi hiam?  Anti-Christ in misiangtho te tampitak that khinta in, Mailam ah zong tampi that kik lai ding hi ci hi ven. 

----- Anti-Christ liam ding hi...... a hizong in a meima dam kik ding hi ci hi ven. 

----- Pope khat pa pen, 1798 in Napolean gal kaap mang pa in man hi. Thong sungah sii hi. 

----- Pope leh RC te power pen tawl khat sung hong kiam henhan hi. 

----- Ameima dam kik ding LST in acih mah bang in, Pope pen hong popular kik mahmah ta hi. 

----- Leitung kumpi te, biakna makaai te, mipi te un lamdang sa, paaktaa un nungzui henhan hi, leitung ah vaangnei pen pa hi. 

----- Philipine apai lai bang in, 60 million gami te un, Pope va dawn uh hi. Leitung kumpi khatzong tuazah kidawn nailo hi. 

 

1.      Anti-Christ makaai pi pen Rome pan hong piang khiading cih siangtak hong gen.

2.      A lutang pen Pasal hi ding.

3.      Leitung ah misiangtho te abawlsia, a that ngei hi ding.

4.      Pasian thukham khelsak ding, Pasian langdo na kam pau ding

5.      Pasian kineih ding

6.      "The Little Horn" a ki neu- (gam neu) Europe gam, gam 10 te lak-pan gam 3 kiphiatding aa tua pan hong meeng khia-

7.      Gam akigensa a dang te tawh kibang lo ding, hong tuam pian ding.

8.      A khutsung ah hun 3½ (1260 years) hun kipia ding

9.      Pasian tungah langdona kam pau ding

 

CHAPTER 7

(1) THE "LITTLE HORN" OR KINGDOM "CAME UP AMONG THEM" THE 10 HORNS WHICH WERE THE KINGDOMS OF WESTERN EUROPE (DANIEL 7:8). SO IT WOULD BE A LITTLE KINGDOM SOMEWHERE IN WESTERN EUROPE.

(2) IT WOULD HAVE A MAN AT ITS HEAD WHO COULD SPEAK FOR IT (DANIEL 7:8).

(3) IT WOULD PLUCK UP OR UP ROOT THREE KINGDOMS (DANIEL 7:8).

(4) IT WOULD BE "DIVERSE" OR DIFFERENT FROM THE OTHER 10 KINGDOMS (DANIEL 7:24).

(5) IT WOULD MAKE WAR WITH AND "WEAR OUT" OR PERSECUTE THE SAINTS (DANIEL 7:21,25).

(6) IT WOULD EMERGE FROM THE PAGAN ROMAN EMPIRE, THE FOURTH WORLD KINGDOM (DANIEL 7:7,8).

(7) GOD'S PEOPLE (THE SAINTS) WOULD "BE GIVEN INTO HIS HANDS" FOR "A TIME AND TIMES AND THE DIVIDING OF TIME" (DANIEL 7:25).

(8) IT WOULD "SPEAK GREAT WORDS AGAINST" OR BLASPHEME GOD (DANIEL 7:25). IN REVELATION 13:5, THE BIBLE SAYS THE SAME POWER SPEAKS "GREAT THINGS AND BLASPHEMIES."

(9) IT WOULD THINK TO CHANGE "TIMES AND LAWS." (DANIEL 7:25)

Ki itna thukham pen, thukham thak hi zenzen lo

Dear Sianpum, 

1. Thukham 1-10 pen ki iitna hi. (Matt 22:36-40) Pasian zong ki itna hi. 1 John 4:8. Khatzong ki phiat thei (lo) hi. 

2. Zeisu in thukham thak hong pia hizenzen lo. LST lui sung ah Deut. 6:4 simsuk lecin, a baan zomsuk lai. Ki itna thukham om khin lua. (Zeisu hun teh a thak hong piak hi pan pan lo. ), repetition, reminderk gen kikna, sawl kikna... refresh sak, thak suak-sak hi bek hi. Kawl kumpi te leh Tapung te cease fire agreement abawl zelzel dan hi lel hi.

NEW COVENANT = NEW AGREEMENT = KI THUKIMNA A THAK

(Covenant cih pen a tuamtuam in ki translate hi, mun khat khat te ah Thukham ci in kigelh mah hi, a deihna taktak pen- ki thukimna cihna hi lel hi) - Ki iitna thukham pen, Pasian piancil aa kipan, a neih khitsa hi. Thukham 10 zong ki iitna thukham ahi khinzo hi. Zeisu ii LST thaksung hongen teh hong pia pan hi zenzen lo hi. 

A telsiam ding in, Topa in thupha hong pia ta hen. 

3. Pasian itna pen, thukham a Lian Pen hi aa, tua sung ah Pasian Sabbath- Weekly Sabbath sianthosak ding, Nipi Ni in zat ding kigen hi. Sabbath pen a tawntung thukham 10 sung ah kihel hi.  

4. Pawlpi kham sabbath te a beisak ding, Hosea 2:11 ah kigen. Zeisu sih khit, tuateng bei. Ahihang weekly sabbath om suak lai. Matt 24:20.  Heb 4:4-11 

5. Weekly sabbath a kibawl hun, Adam leh Eve hun hi. Mihingte ading akibawl. Mark 2:27. Judah mite ading bek hi lo. Zeisu hun, nungzuite hun in zong, gentile Christians te un Sabbath ni Nipi Ni in zangh. Zeisu mahmah in Luke 4:16 ah Weekly Sabbath zangh.  

Pasian tate khempeuh aa ding hi. Minam tawh kisai lo hi. Thukham 10 zong Pasian tate khempeuh aa ding hi. 

Note: RC te thukham 10 leh LST Thukham 10 bang hang in, kibang lo ciit ciat aa leh guai. 

Pasian Khutmee teek teek tawh suang peek tung a kigelh, Thukham 10 pen, Pasian in Khel ngeilo. A tawntung thukham ding aa a bawl. 

Vantung Biakbuuk Siangtho pen mun ah Thukham 10 orgiginal om lai. 

Tua tawh Leitungmi, Vantungmi gilo khempeuh thu hong khen ding. 

RC- Thukham 10 ah,  Thukham nihna Milim biak theih khuan om sak- ta.... 

RC-  Thukham 4 na phiat, 10 na pen nih in khen.... Daniel 7:25 taangtuna hi...

Hih sang, a ki tel zaw ding om nawnlo. Khaamit nei te un tel mahmah ding uh hi. Khaamit hong ki hum sak leh bel, khan tawn in tel lo ding cih na hi. 

 

Deuteronomy 6:4-10

 4"Hear, O Israel! The LORD is our God, the LORD is one! 5"You shall love the LORD your God with all your heart and with all your soul and with all your might. 6"These words, which I am commanding you today, shall be on your heart.7"You shall teach them diligently to your sons and shall talk of them when you sit in your house and when you walk by the way and when you lie down and when you rise up. 8"You shall bind them as a sign on your hand and they shall be as frontals on your forehead. 9"You shall write them on the doorposts of your house and on your gates.

      10"Then it shall come about when the LORD your God brings you into the land which He swore to your fathers, Abraham, Isaac and Jacob, to give you, great and splendid cities which you did not build, 11and houses full of all good things which you did not fill, and hewn cisterns which you did not dig, vineyards and olive trees which you did not plant, and you eat and are satisfied, 12then watch yourself, that you do not forget the LORD who brought you from the land of Egypt, out of the house of slavery. 13"You shall fear only the LORD your God; and you shall worship Him and swear by His name. 14"You shall not follow other gods, any of the gods of the peoples who surround you, 15for the LORD your God in the midst of you is a jealous God; otherwise the anger of the LORD your God will be kindled against you, and He will wipe you off the face of the earth.

      16"You shall not put the LORD your God to the test, as you tested Him at Massah. 17"You should diligently keep the commandments of the LORD your God, and His testimonies and His statutes which He has commanded you. 18"You shall do what is right and good in the sight of the LORD, that it may be well with you and that you may go in and possess the good land which the LORD swore to give your fathers, 19by driving out all your enemies from before you, as the LORDhas spoken.

Pu Tong Seal

MIHING HONG KIBAWL DAN

MIHING HONG KI BAWLDAN

KHAA

MIHING TE NGAIHDAN

Taanglai ih pi leh ih pu te'n dawi abiak lai vua kipan in tuni ciang dong mah in,ih mihing lungsim ah, ih taksa ah muh theih hetlo ei mah tawh kibang, ih sih hang sih thei het lo khaa bang hiam aw khat om in ki um hi.Ih gam ah Khritian thu ahong lut khit ciang in zong , sing bul, suangbul biakna leh dawi biakna pen bei zuai lel hi.Ahih hang in khaa si theilo nei bang a kingaihsut na pen Pasian thu ih up khit nungsang ah zong hih upna pen kitai san thei nai lo hi.

Ih leh pu ih pi te  ii up dan ah pen ih sih ciang ih khaa pen si lo in,ih sih tak ciang pusuak in misi khua ah pai cihi.Tua misi khua pan a gil kial ciang in hong ciah cihi.Tua mah bang in misi khat peuh om ciang misi kha ii nek ding ci in sa sin sa lung  ahih kei leh an na koih uhhi.Tua bek hi lo  in misi a om ciang han kuangsung ah ama na kikoih sak hi.Hih bang a thu kihilhna pan in Khristian ih lut hang in hih bang dan a  updan pen mi tam zaw te in ki um to suak a,ih misi ngaih la te leh ih vangam ngaih la te in tua cih updan hong sulzuih in, la te ih phuah ciang nuamtak in ih sa zel hi.Na zaalna siam ang lai ah ,na lengna tung thangvan ah,tung thang van nuam ah tungta maw, kei hong ngai in kap kei un cih te a kipan kisa hi.

Hih la te pen dahna kahna atuak  (misi ) inn kuan te heh nepna ding in zang in ki sa ziahziah leh na hi gige hi.Tua pen mann mahmah leh ahih mah ding in ki um ahih lam kilang hi.Pastor te leh Pawlpi upa misi vui te khem peuh in zong tua bang dan mah in thu gen uhhi."Tuni pen van gam khuapi lut ni leh a van gam kongkhak hon ni hi in, tulai tak in van ah Pasian kiang ah nuam sa mahmah leh lungnuam mahmah in om ta ding hi; ei leitung ah omte hong hehpih zaw ding uhhi" ci in adah akap inn kuan te hehnem uh a,mihing te in khaa si theilo nei bang in hilh zel uhhi.

Hih bang dan upna leh kithu hilhna te in Pasian thu tawh kileh bulh bek hi lo in,nak pi tak in langdo mahmah hi cih pen Khristian te in ih thei ding hong kul mahmah hi.Zeisu in ei mah bang in si leh sa nei in hong pai a mihing te hong tatna te,Kalani a sihna te leh hong thoh kikna te, van ah akah toh na te leh,Siampi ahih nate, atat sa te la kik ding a lei ah hong pai kik ding thu te avek pi in kilehbulh cih thei hi.Tua ahih man in hih bang dan a upna leh kithu hilhna man taktak pen thei ding in, ei ma upna koih phot in hoihtak in sin zel ni maw.

LAI SIANGTHO GEN DAN.

Tua hih leh mihing ii khaa ih cih bang ahi ding hiam?

     Amasa a ih gen mah bang in,mihing in khaa aneih pen LST in hi bang dan in hong hilh hi.Mihing sung ah khaa om hi,na khempeuh ahih thei huih ahihi(Job 32:8)Manglai in,But it is the spirit in a man,the breath of Almighty, that gives him understanding(Job 32:8 KJV).Pasian in mihng sung ah nuntakna huih apiak pen mihing khaa na hi lel hi, tua huih pen nuntakna nei mi,luang hawm nei,taksa omlo in zong na khempeuh thei khin bangdan pen hilo hi.Nun takna huih pen gamsa te in zong na nei hi(Thu hilh kikna 3:19,20 sim in).LST sung ah mihing khaa gen na Hebrew pau in"Ruah" leh Greek pau in"Pneuma" acih uh pen 'Soul ahih kei leh Spirit'ci in kilet in  1,700 vei kim bang na om hi.Soul ahih kei leh Spirit cih pen ih LST ah pen khaa ci in kilet hi.Ahih hang in ih LST ah hih khaa v 1,700 vei alakna ahpen "Soul cih leh Spirit" cih pen taksa omlo a,amah bek a nunta thei leh si theilo,maimang theilo,tawntungna,sih theilo bang a genna khat vei mahmah zong omlo cih pen ih theician ding kisam hi.Tua lo ah mihing te in ataksa theihtheihna aneih simloh theihtheih na nei thei nadang a om zong na gen het lo hi.

Mang pau a"Soul" ci a pau pen thu ciam lui a Hebrew pau "Nehphesh" cih pan a aki let ahihi.Original Hebrew ah pen 745 vei om in,English LST ah 473 vei Soul ci in kilet a,120 vei pen nunna (lives or life)ci a akilet ahihi.Aki zatna kithu khat thei lo cih pen ih thei ding kisam ding hi.Sawltak 27:37 thu a,"tembaw a mi pen ka vek pi un mi 276 hi un" cih pen zong , khaa (Soul) 276 hi un cih na ahihi.Mi 276 cih tawh akibang ahihi.mang Lai siangtho K.J.V ah en in.Paunak 25:25 Adangtak mipa in tui vawt lim asak mah bang in gam-la a aom lawm te kiang pan thu zak nuam kisa hi  acih zong soul na ci in mihing zong ahihi.

" Soul" cih pen mun khat khat te ah "nunna" cih te pawl in na kilet zel hi.Late 103:2 ah  Aw ka nunna Topa phat in ci in soul na zang hi.(late 119:176;142:4 te en in).ISamuel 18:1. Jonathan in David apum pi zah a ait na pen Soul na zang hi.Lungsim zong soul na cihi.(John 3:20, Sawl 4:3).

SPIRIT:Tua mah bang in Spirit cih zong  akilet dan thu khat khin lo hi cih thei ding kisam hi.Job in ka nak ah Pasian hu a om lai teng,(Job 27:3)ci hi.Hih lai ah "Spirit" pen "nunna" cih in na zang hi.Job 15:13 te akipan in.Atam zaw ah pen Spirit pen (lungsim) cihna ahihi."Piak nopna lung sim anei khempeuh"(Pai khiatna 35:21, Gamlak vakna 14:24;Joshou 5:1;Late 78:8;Isai 57:15;Mikah 2:11).Hih mun te leh mun dang te ah Spirit pen lungsim cihna in na zang hi.

Huih cih in zong na kilet hi.Huih a nungna,(John3:8,Pian.8:1;Pai.10:13;Gam.11:31;2Samuel 22:11) leh mun dang te ah zong Spirit cih pen huih genna in nazang zel hi. Luke 8:55 ah numei no si thoh sak kik pen Spirit cih pen ii LST pawlkhat te ah khaa ci in na let hi.Tua pen nunna aneih thu hong gen hi.Hih lai ah "khaa" ci a azat pen  Mangmuhna 13:15 ah pen nunna(life) na kilet leh hi.Greek pau Pneuma cih hi in,ih LST te ah  huih ci a na kilet hi.Hih bang dan in mihing khaa gen na leh hong hilh dan ahihi.

Khaa cih gen na'ng in kam pau khat pen N'shahmah' ci in 24 vei kizang  a, hih zong akizat dan thukhat lo hi.Mangpau in "Breath"ci in 17 na kilet in tua pen huih cihna ahihi.(Pian 2:7;Thuhilh.20:161Kum 15:19;Job 27:3;late 150:6;Isai 6:22;Daneil 10:17 etc.).Spirit ci in nih vei kilet hi.(Job 26:4;Paunak 20:7) ah Soul ci in khat vek na kilet hi(Isaih 57:16).Ahih hang in mi pawl khat in LST sim uh a "khaa" cih thumal amuh ciang in alung sim ah mihing la hi lo khaa, khoih theih la hi lo si,bang hiam aw khat in ngaihsun hi.

Ahih hang Ih Pasian thu (LST) in, soul cih leh spirit cih leh khaa cih te pawl pen, si thei lo, tangthei lo,maimang thei lo bang in hong hilh ngeingei lo hi.

LST ah "si theilo"(immortal) kampau pen na khat bek ah na zang in, Pasian tawh kisai a genna leh hihna genna bek a zat ahihi. A mah bek Pasian hi a, akimu thei lo , si thei lo..(1Timothy 17)."Amah bek pen si theih loh na nei (immortal) ci in gen hi(1Timothy 6:16),ki cing lel hi.Mihing te in tua bang dan khaa kinei lo hi cih pen kitel mahmah hi.Mihing si thei, muat thei,maimang thei,(mortal man) ki hihi."Pasian mai ah a si mihing pen a cingtak mah hiam?(Job 4:17).Pual in mihing pen si thei ci in gen hi(Rom.2:23 en in).Tua ahih man in mihing khaa (soul) pen si thei hi.A mawh te si ding hi.( The soul that sin it shall die)(Eze.18:4,20).Pumpi leh kha anih a athat thei pa kihta zaw un(matt.10:28;Jacob 5:20 zong en in).

Khaa si theilo neih le hang ,Khrist hong tat zong kisam lo ding a,om zia nei hetlo ding hi.Si thei, maimang thei,gamsa bang lel ih hihi.Si thei ,maiming thei ih hih man in,si theih loh na pen hong  kisamta a,tua pen lungdamna thu in hong musak ta ahihi (1timothy 1:10).Tua tawngtung nuntakna pen, thu ciam in upna tawh kingah a,upna tawh ih kep den ding zong ahihi.Asawtlo in Pasian thuciam hong tun hun ciang kicing tak in hong kipia ding hi(1cor. 15:52-55,John 6:46,!Thesalonikia 4:16 en in).Zop lai ding.. thulu..Sih khit ciang a om dan .

Cin Ngaih Thang <tg.cinngaih@gmail.com>

Tui kiphum ziahziah

January 17-31 Kawlpi khuasung ah munguk ah Pasianthu tangkona kinei hi. TAUNGPHILA zatkuat ah Sia Thangnoe Speaker, THAZIN zatkuat ah Sia Kap Mang, CHANMYIAUNGSI zatkuat ah Pr Too Glad, TAHAN CENTRAL ah Pr Biakchhawna, TAWNGZALAT ah Sia Rem Mang leh PINLONE ah Pr Gin Do Pau te in thu gen uh a, kha 197 in Jesu sungah thaksuakna ngah uhhi. Lungdam mahmah hang. Khasungah nau ngek uh ahihman in thungetnah hongphawk hamtang un, ci in kongngen hi.

From Sia Thangnoe

City efffor & RB

Dear ZAC,

Topa minthanna dingin Kalay city effort leh RB pawi thu tawm hong zasak ning.

I thungetna te Topa'n hong dawngin Kalay city effort ah mi 197 tui kiphum hi.

RB pawi ah mi 28 U Kim Ngo ngakhuk ah tuiphumna na pia ung.

UMAS sang pan mi 26 in tuiphumna tawh a nuntaakna uh Topa ap thei uh
hi.  RB pawi a kikhop dan leh an neek dan man leh tuiphumna maan te
khahkhia ing in na etsak un maw.

Tutung RB pen SAC pawlpi  i kuang le bel ki behlap theihna piangsak
ahih man in RB committee upa te tungah lungdam mahmah hi ung.  Pawi
zet ding ki cing lo ci'n thu ka kup uh leh pawlpi mi ten kei bel khat,
kei bel khat ci in, pawlkhat ten kei a sin ci in a tawp teh khap 12
bel 13 na nei thei ung.

Pawi siim zong mi tamngei khol lo ahih teh ci'n mi 500 tang an ka
kigin uh leh sazian in mi 804 hi in atak in tua zang tam zaw ahih
manin buhtang ip 7 leibeh kul in, sing tan khat leibeh kul ahih manin
Innteek pawlpi in i mun i lei ah Topa mite sakhi luitui a lunggulh
bangin Pasian thu lunggulh uh ci'n nuam mahmah hi ung.

Maikum RB Topa'n a thukim leh Pinlone ah kibawl ding hi.  Thungetna ah
phawk tek ta un.

Thu zasak,
Kap

RB Pawi ( Singunau ) Photos Pawlkhat

Dear All,
A vei 17 na RB Pawi pen Singunau (UMAS) hall ah Feb 1st week in nuam tak in ki pan thei ta hi.  Zin pen guest book a hong ki pia pen 800 val in, hong pia lo zong tum peuh mah ki ci hi.  Photo pawl khat hong khah khia ing.

Happy Sabbath to you all.

-Tualmung

MIHING HONG KIBAWL DAN

MIHING HONG KIBAWL DAN

Nidanglai pek pan akipan tuni ciang dong mihing in kha aneih leh neih loh thu ah kinial na bei thei lo leh san dan kibang  lo tak in omden hi.Mi pawl khat te in," mihing te in kha kinei  in,ih sih leh ii kha pen vantung ah ahih kei leh misi khua ah pai cihi.Mi pawl khat te in ahih leh" ii  nuntakna hu simloh, kha adang nuntakna nei kinei lo in,ii nuntakna (huih) abei ciang kisi in, ih sih khit takciang kha adang koikoi ah pai thei ding in nuntakna neidang ei ma sung ah omlo hi" ci in um uhhi.

Koi mann zaw ding hiam cih theih nading in,a omlo lak pan mihing te a bawl pa Pasian lo buang leitung milak ah kua mah dot tak ding omlo hi.Ahong bawl Pasian in ahih leh mihing hong bawl pen thei tel mahmah ding cih pen uplah ding om lo hi." Aw Topa nang mah in kei nong entel a nong thei hi.Tua bang in kei nong theih na pen kei  ading in thuthuk lua mahmah ahih man in,kei theih tel zawh ding hilohi(late 139:1,6,13,16).Pasian mai ah kisel thei ding bang mah omlo hi.Eite khempeuh ih ding na ding pa mai ah piangsak na khempeuh kiliah ki im omlo in kimu sitset hi(Hebrew 4:13).
Mi hing in kha aneih leh neih lo cih pen mihing abawl Pasian in, mihing abawl dan thu LST pan in ih sin hong kul ta hi.LST gen bangbang pen, ih ngaih dan tawh aki lehbulh hang ,Pasian thu ahih man in mann zaw zel cih pen ih theih ding, ih up ngam ding hong kul ta hi.

PASIAN BAWL
Pasian in leilak pan in leivui tawh mihing bawla, anak sung ah nuntak na huih sangsuk hi.Tua mipen leitung nuntak na nei mi hong suak pah hi(Pian.2:7).Hih LST mun ih muh dan te Pasian in mihing pen leivui leh huih zang in hong bawl cih  nasiang gen sitset mahmah hi.Lei a leivui leh nuntakna huih sim loh bang mah kha adang abawl thu kimu lo hi.Lei a leivui leh nuntakna huih kingawn khawm pen mikhat,nuntakna nei mihing akibawl thei bek cih pen kitel sitset hi.Nuntakna huih kihel lo leivui bek pen bang mah hilo in,leivui a om kei aleh nuntakna huih zong nuntakna anei mihing na cing zo het lo hi.

NUNTAKNA NEI MI PEN
Leivui tawh kibawl taksa luang huam bek pen nuntakna nei mi(mi hing) hong cing zolo a, zong hong hi hetlo hi.Ahih hang in nuntakna huih in mihing luang hawm  sung ah hong lut tak cianghong nunta hi,taksa + nuntakna huih= nuntakna nei mihing hong hita hi.Hih lai ah nuntak nei cih kam pau ahong suakna pen, kam pau bul zawk ah pen "napheshayah" cih hi in,Piancil 1:20,21,24,30 te ah pen gamtang thei, nunna nei,nuntakna anei nate genna in kizang hi.

Hih lai thu ah pen Pasian in mihing ah nuntakna nei mihing thung lut hilo in, nuntak theihna huih thunglut zaw ahihi.Gnt in electic bulb amah bek in tang thei lo a,ahih hang meitha nasep theina in,asung a sihkhau zangneu te ah hong bat tak ciang hongtang hi zaw mai hi.Tua bang dan deuh mah in Adam luang hawm pen hong picing mah tase leh , ahih ding nate hong hih thei lo hi.Pasian in anak ah nuntakna huih hong mup tak ciang in,Adam pen nuntakna nei mi, na hih thei,tang thei, ngaih sutna nei in hong om zaw hi.Adam om ma in nuntakna nei milo in,mi pawl khat in  mihing luang hawm abawl ma in kha lam taksa nabawl masa zaw pek  ci uhhi.Ahih hang in mann lo hi.LST in " ahih zong in kha pumpi om masa lo in, mihing pumpi om masa zaw cihi.(Ikor.15:46).

Mipil te genna ah mihing taksa za zel ah 80 pen oxygen hi in,za zel ah 10 pen Hydogen akici leh Nitrogen tawm ahihi.Na agit zaw dang aom te pen mangpau in   Carbon, lead,  Calcuim,   Phosphorus, Potassium, sodium, sulphur,Magnesium,Iron cih te leh nadang dang te ahihi.Hih te pen gams ate lah ah zong na om in akibang kihi lel hi.Ahih leh gamsa te in mihing bang in nuntakna huih anei uh hiam.Tua te ih theih na ding in Piancil 7:15 en ni maw."nuntakna husang na anei khempeuh a nupa kop ciat in Noah tembaw sung ah apaipih uhhi.Piancil 7:22 ah A nak a nuntakna neihu nei peuh mah si hi.Hih santak ah gamsa te zong mihing mahbang in huih nei cih kitel sitset hi.

Tua hih man in ganhing te leh gansa te pen nuntakna anei na , nuntakna anei mihing (nepheshayah) cih ahihi.Mangmuhna 16:3 na ah tuipi sung a om nuntakna nei khempeuh agen na ah zong hih kammal pen bek mah na zang hi.Tua hih man in mihing leh gamsa te pen nuntakna anei atang thei, nuntakna anei te mah ahi uhhi.Noah hunlai a tui alet in zong tembaw sung a te simloh mihing ganhing tuipi sung ate zong anak a nuntakna kha huih omna khempeuh si khin ci in akibang in gen hi.(Pian.7:15,22).Tua ahih man in taksa leh nuntakna huih thu ah pen mihng leh gamsa te pen abawlna thu ah zong vanzat kibang lel cih Pasian thu in hong hilh na hi gige hi."atawp na ah cile hang mihing leh ganhng te in atuah ding uh kibang a, ganhing mah bang in mihing zong asi ahihi. Mihing leh ganhing aki bang in nuntakna hu nei a,mihing leh ganhing nuntakna  kiman na bangmah on lo ahih man ,mihng pen ganhing sang in ahoih zawkna bang mah omtuan lo hi.Anih tuak un mun khat ah tungkhawm ding uh a,leivui pan in apiang uh ahih mah bang inleivui mah suak kik ding uhhi(Thuhilhsia 3:19,20).Ih zomi pih te ngaihsut dan leh Pasian thupen hong kileh bulh zelzaw na hi gige hi.Tua bang in hih mah leh zong gam sate sang in thupi zawkna deuh kinei hi,tua pen kha nuntakna huih hilo in,nasep thei nate,gam sate tung ah uk ding in na hih theina leh ahoih lam theihtheih na,pilna hong kipia na hi in,tua pen kilamdang na leh thupit nan a hihi.Lungsim siang tho tak leh lungsim hoihna neihna ah pen,mihng pen gam sate sang in Pasian nasep ding kikoih hi.Pasian in gam sate khempeuh tung ah thuneih na pia ahihman inthupit naleh zahtakna nei deuh zaw hi.

Pasian thu in mihingte pen gamsa bang lel hih na hong theihsak lai in(Thu 3:18) ei mihing te leh Zomi pa lungsim ah theih siamna in banpha lo leh, ih sih khit ciang eite lak ah sithei hetlo bang hiam aw khat omsak upna kinei mai hi.Pasian thu pen kha thu ahih man leh kha lam pan bek in theithei na ahih man bek in,Pasian khasiangtho muhsak na neilo te leh si leh sa mihing lampan a ente ading in thei tel theihzong hihetlo hi.(IKor.2:24,15).Nop lai ding

Cin Ngaih Thang <tg.cinngaih@gmail.com>

glossolalia hilo (LST hilhcianna)

glossolalia : Icih a khiatna nei meelo mite bialbual pau- 

Romans 8:26New King James Version (NKJV)

26 Likewise the Spirit also helps in our weaknesses. For we do not know what we should pray for as we ought, but the Spirit Himself makes intercession for us[a] with groanings which cannot be uttered.

-------------------------------------------------------------------------------------------------------------------------

Tua mah bang in, Khaa in ei thaneemna te pan hong huh hi. Thu ih ngetciang in inget ding bang ingen thei kei hi, ahizong in Khaa in palai hong sepsak aa, hong thuumsak hong taausak hi.  Romans 8:26 

------------------------------------------------------------------------------------------------------------------------

Leitung mihing te un, gentheihna haksatna ithuakte inget ih thuum takciang in, ei kamal tawh kiciang lo mah hi ta leh a kicing zaw, a kitelzaw ding in, Khasiangtho in Topa Zeisu kiangah hong ngetsak cihna hi lel hi. Tua hong ngetsakna kamal pen ei mihingte zaak a kul hi lo in, KHA SIANGTHO  leh ZEISU  kikaal thu hi. Amau leh a maau a ki ho ziau hi zaw. Ei mihingte kam vang hong zang aa  a ki ho kik hi peuhmah lo.  

GLOSSOLALIA = khiatna neilo mihingte bialbual pau- icih te azangh hi peuhmah lo aa, KHASIANGTHO in ama pau tawh a kitel zaw ding in, ZEISU kiang na nagensawn cihna hi bek. 

Ei zaakna mah aa, genpah bialbual, biatbuat cih hi peuhmah lo. Amau kikaal va kigen hi lel. 

Deihsakna tawh 

Pu Tong Seal